2 ɛTimɔti 1:18 - ɛWee ne ìTsɛm iHywas

¹⁸ Te ɛDaray yɛk ngɛ ɛNisipharus sa sɛ isan iyɔm ɛTuk ɛDaray ya. iGyɛ wo ˆɛ yɛɛ ihywee ne phyik ga ne ɛ kɛ phyik me ne iFisus de.

2 ɛTimɔti 1:18 ပူးပေါင်းရင်းမြစ်များ

ɛLuka 1:72

te ɛ tɔɔl isan iyɔm ɛbhɛ daa nikyɛɛ-nikyɛɛ njwɛɛn, ɛ ta taate ne ibol ne rop ìtsɛm ɛbhɛ ne kɛ tul kang.

ɛLuka 1:78

ɛTaanggbey njwɛɛn na so ɛhaa ne san iyɔm, ne ɛ ta bok ɛbɔk. Ɛ sɛ́ ne yɛk ngɛ iwɛwɛy ne phɔt ɛzay de le ne irywa iphɛ tol njwɛɛn.

ɛLuka 8:3

ne ɛYowana ɛkuk ɛCusa ne ɛ kaa so ɛndiinday ninaa ne mɔn ɛtomɛ ndɔ ne ijwee ɛgɔm ɛHyiridus, ne ɛSuzana, nɛ ɛbyin nikuk ka maa; nibhɛ kaa tang iryat nibhɛ, nibhɛ mɛɛ niYɛso yegha.

ɛTomɛ 18:19

Nibhɛ ne bhɛ tuu iFisus, ɛBulus sa ne tek ɛKyila yegha ne ɛPirisila gha ɛnggyɛ wo, ɛ ji bhɛ lel ndɔ ne ijwee ne itɔɔy yo ɛ bol nibhɛ ne i wɛɛ ibol lɛ nɛ niYahodawa na.

ɛTomɛ 18:21

Ne sɛ ɛBulus sa yaa bo nikɔn, ne ɛ yaak nibhɛ, “Nzɛ ta bhɛ kyii n yɛɛs ɛlɔ mon na wu ɛTaanggbey kɛ sim me nɛ, ne ɛ ji tek iFisus de ɛ hyel ndɔ ne ɛgyirigyi inɛn.”

ɛTomɛ 19:1

Nten de ne ɛPolos sa kɛ so ne iKɔrɔntos de ɛBulus sa ne roos ɛnkiinɛ ɛ leesel ndɔ nigarang nga gbik ɛbhɛ hɔn iFisus. ɛNggyɛ wo ne ɛbhɛ sɛ nidɛng ninaa ne roos sa.

1 iKɔrɔntos 1:8

ɛYɛso gha ya ne boos nyini gɛgɛy ndɔ ne ìnang ne itin de ɛli ne hame sɛ́ sɛ nyini ne ɛkɔn ne rip ɛtuk ka ne ɛDaray njwɛɛn ɛYɛso ɛKiriti gha sɛ bhɛ kyii wo.

1 iKɔrɔntos 16:8

Naa phyɔngɔle ne iFisus de phyii re iDira ne iPɛntakos.

1 iKɔrɔntos 3:13

sɛ ne seng ihywee ɛtomɛ de ne ɛrɔngɔ kɛ mɔn ɛtuk ɛDaray ya. Daa ɛli ne ɛtuk kɛghaa nggyɛ wo, sɛ bo igboo i tɛɛsek ne ɛtomɛ ɛrɔngɔ, igboo wo ifɛ sɛ ne te i seng ihywee ɛkɔn de ne ɛrɔngɔ kɛ lɔl lɛ.

2 iKɔrɔntos 9:1

Sɔng iphɛ ji ta so nggbinggbing n da haa nyini bol ne ìnang ngɛdaa wo ne yaa phyik ninyi ɛTaanggbey ya nɛ nɛ nibhɛ so ne iYɛrushɛlɛm be nang.

iFisus 2:4

Gbik ne iphɛ ɛlɛy, ɛTaanggbey ya ne soye ɛhaa ne san iyɔm gbom, ishwim ɛbhɛ da daa njwɛɛn no ne so gbogbom.

1 iTasɔlɔnika 2:19

iKyee iphɛ ne so ɛkɔn ne sit irwisɛ mos, ne irway ihwala mos, ne ɛkɔn ne ito ne igbɔm mos, ne ɛkɔn ne hal ɛgyɛy mos ɛnu ɛyisɛ ɛDaray njwɛɛn ɛYɛso gha ɛtuk ne yɛɛs ɛbhɛ gha kang ne nyinɛn noo?

1 ɛTimɔti 1:3

Nzi sim te ˆɛ sɛ shɛɛ ne iFisus de, ɛli ne ngga mɔng ngɛ nten de ne naa phɛ ne iMakyidɔniya de. Nidɛng ninyi na so ne iFisus de nɛ nibhɛ i mɛmɛ ninyi na ne ivol ne irywɛɛk, nzi ne sim te ɛ sɛ yɛk nibhɛ nɛ nibhɛ kɔɔnge.

2 ɛTimɔti 1:12

ɛKɔn nɛghaa wo ɛbhɛ kɛ te nzi sɔ nggbang ngga ne nzi sɔ wo. Gbik ne iphɛ ɛlɛy, sɔng ne n bok ncwa yɛ nang, daa ɛli ne nzi yɛɛ ɛhaa ne nggɛ nang ne itin nɛ ne ɛbhɛ, nzi ne yɛɛ ncɛncɛng aa yɛɛ ne hyep ɛkɔn na ne ɛ kɛ tek me nɛ ne iwɔ wo ɛTuk ɛDaray ya phyii tuu.

2 ɛTimɔti 1:16

Te ɛTaanggbey ya sit ninaa ne ijwee ɛNisipharus sa ne ɛwɛng. Ɛbhɛ kɛ i phyighis me cɛcɛɛy, sɔng ɛ kɛ ne ta kyii phok ncwa ne inyang ngge ne nzo nɛ wo nang.

2 ɛTimɔti 1:17

Kaa sɛ ɛli ne ɛ kɛ yɛɛs ne iRooma de, ne ɛ tak iyɔm ɛ phɛl ɛlɔ nge ɛ sɛ me.

2 ɛTimɔti 4:12

Nggɛ tom ɛTikyikus se ne iFisus.

2 ɛTimɔti 4:8

ɛLyilyɛghaa wo, kɛ ne tek me ɛkɔn ne ito ne igbɔm ne ihywel cik ne ɛbhɛ ɛ so ilong nge. ɛDaray ya ne soye ɛhaa ne bol ɛshara ne ɛcik ka sɛ nang me ɛkɔn ne ito yɛghaa nggyɛ wo ɛTuk ɛDaray ya. Sɔng nɛ some zɔng nang, gbik nɛ ninyi na nɛ nibhɛ hyep nibhɛ has irway tɛ nibhɛ yaang ɛli ne ɛDaray yaa tɔɔl le wo.

iBirani 6:10

ɛTaanggbey ya ku so icik, sɔng aa te ne ɛtomɛ mon na bab nang. Sɔng aa ne te ne ishwim mon da ne ɛ kɛ tɔɔrek ɛn ɛbhɛ wo ndɔ iphyik ga ne ɛ kɛ phyik ɛn ninyi ɛbhɛ na, ɛ ma tɔɔ phyighis ɛn nibhɛ wo nang.

1 ɛBiturus 1:10

Daa ne ibol ne iphɔrɔt tɛdee wo, ninabawa na nɛ nibhɛ kaa tɔng ibol lɛ wo kaa bo nten nibhɛ phɛl iphɛ tɛ nibhɛ seng ibol ne izɛɛng ngɛdee wo ne ɛTaanggbey ya sɛ nang nyini wo.

Nikɔn ne kɛ Phaal 2:1

“Haa ɛmalɛka ne idira ninaa ne roos ne iFisus nɛ te ɛ yaak nibhɛ,” “iBol lɛdee bɛ ne iphɛ lɛ ɛlɔ ɛnyi gha ne ɛ bok niyuyɔrɔ ɛniitaa na ne iwɔ ne irwye ɛbhɛ wo, ɛnyi gha ne ɛɛ hyel ndɔ ɛceree ne ncwɛng ne izinariya ɛniitaa da ne i tes ne ifitila da shak ko.