2 ɛTimɔti 1:16 - ɛWee ne ìTsɛm iHywas

¹⁶ Te ɛTaanggbey ya sit ninaa ne ijwee ɛNisipharus sa ne ɛwɛng. Ɛbhɛ kɛ i phyighis me cɛcɛɛy, sɔng ɛ kɛ ne ta kyii phok ncwa ne inyang ngge ne nzo nɛ wo nang.

2 ɛTimɔti 1:16 ပူးပေါင်းရင်းမြစ်များ

ɛMacu 25:17

ɛLɛy ne ɛhaa ne kɛ nang ɛbhɛ ninom ifaa na ne ɛ ma mɔn ɛlɛy, ne ɛ ma sɛ nihak ninom ifaa ne ɛdaa ɛco yɛ.

ɛMacu 5:7

Ninaa ɛwɛng ngaa nggyɛy nɛ nibhɛ bok irway ne san iyɔm ba, daa ɛli ne ɛTaanggbey sɛ ma san iyɔm nibhɛ.

ɛTomɛ 21:33

Ɛndiinday ya ne yɛɛs ɛ wum ɛBulus segha, ɛ yɛk ngɛ rop ɛbhɛ ne inyang ihywɛɛ ihywaa. Nɛ ji phom ɛBulus segha ɛ yaak ɛbhɛ. “I bok kɛ ɛhay? Kyee ne ɛ kɛ mɔn no?”

ɛTomɛ 28:20

iPhɛ phɛ kɛ ne te nggɛ tɔk te naa yaang nyini wu, te ne n da boote ne nyinɛn daa ne ibol ne ɛnyi de nɛ niSɛrɛla na kɛ yɛk ne irway da nibhɛ hyep po, ibol ɛKiriti de. Daa ne ibol ɛbhɛ de ne kɛ rop me ne nyang ngɛdee wo.”

1 iKɔrɔntos 16:18

Nibhɛ kɛ nang me irway ihwala gbik ne nyinɛn no, ihywee ninyi yɛdee nggyɛ wo, iphɛ jam mɛ sɛɛ nang nibhɛ ne ndiinday.

iFisus 6:20

ɛTomɛ ne iBol iYɛnɛng ngɛghaa wo ɛbhɛ kɛ te nzo me ɛhaa ne nzi bol daa ne ncwincway ɛTaanggbey da, gbik ɛli ne n jung so ne nyang ngge. Bol ɛn ne ɛTaanggbey ya daa mee te yaa ne sɛ nzi sanga ibol ɛbhɛ de, ne n sanga ne irway nviit, ɛli ne iphɛ kɛ jam mɛ.

2 ɛTimɔti 1:12

ɛKɔn nɛghaa wo ɛbhɛ kɛ te nzi sɔ nggbang ngga ne nzi sɔ wo. Gbik ne iphɛ ɛlɛy, sɔng ne n bok ncwa yɛ nang, daa ɛli ne nzi yɛɛ ɛhaa ne nggɛ nang ne itin nɛ ne ɛbhɛ, nzi ne yɛɛ ncɛncɛng aa yɛɛ ne hyep ɛkɔn na ne ɛ kɛ tek me nɛ ne iwɔ wo ɛTuk ɛDaray ya phyii tuu.

2 ɛTimɔti 1:17

Kaa sɛ ɛli ne ɛ kɛ yɛɛs ne iRooma de, ne ɛ tak iyɔm ɛ phɛl ɛlɔ nge ɛ sɛ me.

2 ɛTimɔti 1:18

Te ɛDaray yɛk ngɛ ɛNisipharus sa sɛ isan iyɔm ɛTuk ɛDaray ya. iGyɛ wo ˆɛ yɛɛ ihywee ne phyik ga ne ɛ kɛ phyik me ne iFisus de.

2 ɛTimɔti 1:8

iPhɛ ɛlɛy, sɔng ne ˆɛ phok ncwa ne tɔng ibol ɛDaray ɛYɛso njwɛɛn de ne ncwa nge ne nzo ne inyang ngge ɛlɔ ɛDaray ɛYɛso gha nang. Yang byinki ito ne mee ndɔ ne nggbang ɛlɔ ne sanga ibol iyɛnɛng ngge, te ɛTaanggbey ya nang njwii ihwet tɛ.

2 ɛTimɔti 4:19

Kyili me ɛPirisila ye, ne ɛKyila gbik nɛ ninaa ne ijwee ɛNisipharus sa.

ɛFilimɔn 1:20

iPhɛ ɛlɛy ɛgwaa nge ɛFilimɔn, nzi roro ne igyɛ, mɔn me iyɛnɛng ngɛdee wo ndɔ ɛDaray. Te ˆɛ nang me irway ihwala daa ɛli ne nzo ɛgwaa mo ndɔ ɛKiriti gha.

ɛFilimɔn 1:7

Ɛgwaa, ishwin mo da kɛ nang me irway ihwala gbom, Ifɛ ne ta te me itsɔngɔl gɛgɛy. Daa ɛli ne ɛ hanas ninyi ɛTaanggbey ya ne ihwet.

iBirani 10:34

Ɛ kaa san ɛn iyɔm ninyi nibhɛ so ne nyang. Kaa ne phɔrɔt nikɔn mon ne ihwet, ne ɛ sim ɛn ɛlɛy ne irway ihwala, daa ɛli ne ɛ yɛɛ ɛ bok ɛn nikɔn niyɛnɛng nɛ nibhɛ kɛ jam gbom nibhɛ so ninaa ne inat.

iBirani 6:10

ɛTaanggbey ya ku so icik, sɔng aa te ne ɛtomɛ mon na bab nang. Sɔng aa ne te ne ishwim mon da ne ɛ kɛ tɔɔrek ɛn ɛbhɛ wo ndɔ iphyik ga ne ɛ kɛ phyik ɛn ninyi ɛbhɛ na, ɛ ma tɔɔ phyighis ɛn nibhɛ wo nang.