2 ɛTimɔti 1:14 - ɛWee ne ìTsɛm iHywas

¹⁴ Boos imɛmɛ ne itin nɛdaa wo ne kɛ tek kɛ nɛ ne iwɔ wo yɛnɛng. Boos iphɛ lenɛ ne iphyik ne iKabyik ɛTaanggbey de ne iphɛ i shɛɛ ndɔ mos so.

2 ɛTimɔti 1:14 ပူးပေါင်းရင်းမြစ်များ

ɛLuka 16:11

Wu ˆɛ so ɛn ɛli ne sɛ́ sang tek nyini ne iryat ɛzay yɛdee wo ne iwɔ mon no, ɛhay ɛbhɛ sɛ ne bhɛ tek nyini ˆɛ dad ɛn iryat ɛdaa ne irywa dee?

ɛYohana 14:17

ɛHaa ne iPhyik ka ɛbhɛ so iKabyik ntin de ne aa phaal itin de. Sɔng ɛzay ya yaa ne yɛɛ ne say ɛbhɛ nang, daa ɛli ne sɔng ɛ yaang ɛbhɛ ɛ ta yɛɛ ɛbhɛ nang. Nyinɛn no nang ˆɛ yɛɛ ɛn ɛbhɛ, daa ɛli ne ɛ kɛ shɛɛ ndɔ mon no, aa ne ku i shɛɛ nɛ nyinɛn.

iRooma 3:2

ɛTsak, nikɔn na sonɛ gbom ne ɛnyi niYahodawa gha phyin nɛ wo! niYahodawa na ne ɛTaanggbey ya kɛ tsa ɛ tek nibhɛ ne ibol ɛbhɛ de ndɔ ne iwɔ nibhɛ.

iRooma 8:11

Wu iKabyik ɛTaanggbey de, ne iphɛ kaa yiisik ɛYɛso yegha tsik ne ikpuu da, i shɛɛ ndɔ ne irway mon da, ɛnyi gha ne ɛ kaa yiisik ɛKiriti yegha tsik ne ikpuu da sɛ ne ma nang ibek mon de ne iphɛ soye idee ne iku de iken de, lenɛ ne iKabyik ɛbhɛ de ne iphɛ shɛɛ ndɔ ne irway mon da.

iRooma 8:13

Wu ˆɛ kɛ ne shɛɛ ɛn ɛli ne icwas ne irway ɛten ɛsii da i sim mo ˆaa ne kus ɛn. Wu ˆɛ kɛ ne yang phoo ɛn icwas nikɔn na nɛ nibhɛ te nyini ˆɛ mɔn ɛn ɛfɔt to lenɛ ne ihwet ne iKabyik ga ˆaa ne shɛɛ ɛn niken.

iRooma 8:9

Nyinɛn no wu ikabyik ɛTaanggbey de ne shɛɛ ndɔ mon, sɔng icwas ne irway ɛten ɛsii da ifɛ ne hyel ne nyinɛn nang, iKabyik ɛTaanggbey iphɛ hyel ne nyinɛn. Gbik ɛnyi gha ne ɛ sang bok iKabyik ɛKiriti de, sɔng ne ɛ soye ɛhaa ɛKiriti gha nang.

1 iKɔrɔntos 3:16

Ɛ doo ɛn ɛli ne nyinɛn no ne ito mon de ɛ so ɛn ideng ɛTaanggbey de ne iKabyik ɛTaanggbey de i shɛɛ ndɔ mon no naa?

1 iKɔrɔntos 6:19

Ɛ doo ɛn te ibek mon de so ideng ne iKabyik ɛTaanggbey de ne iphɛ shɛɛ ndɔ mon no, ne iphɛ le ɛlɔ ɛTaanggbey ya naa? Sɔng nyinɛn ne ɛ bok ɛn ito mon nang ɛTaanggbey ɛbhɛ bok nyini.

1 iKɔrɔntos 9:17

Te sɛ yɔng nzi mɔn ɛtomɛ nge gha daa ne kasa nge, sɛ ne mɔn me iyɛnɛng. Daa ɛli ne naa ne sang yɛɛ ne kasa wo nang, nzi ne mɔn ɛtomɛ gha ne ɛTaanggbey kɛ tek me nɛ ndɔ ne iwɔ nge.

2 iKɔrɔntos 5:16

iPhɛ ɛlɛy sɔng njwɛɛn yaa ne tɔ wɛɛ ninyi na daa ne icwas ɛten ɛsii nang. ɛTsak, ne ile de njwɛɛn kaa i wɛɛ ɛKiriti yegha ɛlɛy sɔng ne ta tɔɔ wɛɛ ɛbhɛ ɛlɛy ɛlyilyɛghaa wo dɔng nang.

iGalatiya 2:7

Nibhɛ kɛ yang kyi seng wu ɛTaanggbey ya ɛbhɛ kɛ nang me ɛtomɛ ne tɔng ninyi na ne hame nibhɛ soye niYahodawa na ibol iyɛnɛng ngge, ɛli ne ɛ kɛ ma nang ɛBiturus segha wu te ɛ tɔng niYahodawa na nɛ wo.

iFisus 2:22

Kɛ ne ta lenɛ ne ìtsɛm be ne ˆɛ bok ɛn ne ɛKiriti gha, ne lɔl nyini nɛ ɛbyin ninyi na ˆɛ te ɛn nyini ijwee ne ɛTaanggbey i shɛɛ nɛ lenɛ ne iKabyik ɛbhɛ.

iFisus 5:18

Sɔng ˆɛ te ɛn ziizii ne sɔ inɛn ɛnap ba, ne iphɛ hɔ ninyi na iphɛ phɛ nɛ ne ihyop igywebhe ne ibek ge ne iphɛ sang ncwa da nang. Yang te ɛn hyɔrɔ ne iKabyik.

iKɔlɔsi 4:11

ɛYɛsuwa gha ne i ta bok ɛbhɛ ɛYɔsitus sa i ma kyiisi nyini. Ninyi itwat tɛnaa wo nibhɛ bhɛ soye niYahodawa zɔng ndɔ ninaa nɛ nibhɛ mɔn ɛtomɛ ne igbɔm ɛTaanggbey ya ne mee wo. Nibhɛ kɛ laasek me irway gbom.

1 iTasɔlɔnika 5:19

Sɔng ˆɛ yɛbhɛk ɛn ɛtomɛ ne iKabyik ɛTaanggbey ya nang.

1 ɛTimɔti 1:11

iMɛmɛ ne itin nɛdaa wo so daa ne ibol iyɛnɛng ne iphɛ shɛs idee ɛTaanggbey ne ɛ so ɛhaa ɛwɛng. iBol iyɛnɛng ngge ne kɛ nang me te n sanga wo.

1 ɛTimɔti 6:20

ɛTimɔti, wɛɛ ɛkɔn na ne kɛ tek kɛ nɛ ne iwɔ wo yɛnɛng. Hosop pɛ ne ivol ɛbuu da ne ifɛ sang bok ɛnik ɛTaanggbey yo gbik ne ishamas ne iwamang ngge gbik nɛ ninaa nɛ nibhɛ bok iphup ne igyɛ wo nibhɛ ji yɔng wu iphɛ so ishweng ngga, kaabi irywɛɛk ga.

2 ɛTimɔti 1:12

ɛKɔn nɛghaa wo ɛbhɛ kɛ te nzi sɔ nggbang ngga ne nzi sɔ wo. Gbik ne iphɛ ɛlɛy, sɔng ne n bok ncwa yɛ nang, daa ɛli ne nzi yɛɛ ɛhaa ne nggɛ nang ne itin nɛ ne ɛbhɛ, nzi ne yɛɛ ncɛncɛng aa yɛɛ ne hyep ɛkɔn na ne ɛ kɛ tek me nɛ ne iwɔ wo ɛTuk ɛDaray ya phyii tuu.

2 ɛTimɔti 2:2

Gbik nɛ nikɔn na ne ˆɛ kɛ phok nzi bol ɛnu ɛyisɛ nishɛɛda ne gbom ma, te ˆɛ nang nikɔn nɛnaa wo ndɔ ne iwɔ ninaa nɛ nibhɛ so sɛ kyinak daa ne ibol nibhɛ de tɛ nibhɛ ma bhɛ mɛmɛ nidɛng ngɛ ne mang.

1 ɛBiturus 1:22

ɛLyilyɛghaa wo ne kɛ ne te nyini wɛwɛy ndɔ ne ɛfɔt mon no daa ɛli ne ɛ roos ɛn itin de, ɛ ta i sim ɛn nigwaa mon na ne ishwim ne itin da. iPhɛ ɛlɛy, ne ɛ sim ɛn nigwaa mon ndɔ ɛkyukyum ne irway.