2 ɛTimɔti 1:12 - ɛWee ne ìTsɛm iHywas

¹² ɛKɔn nɛghaa wo ɛbhɛ kɛ te nzi sɔ nggbang ngga ne nzi sɔ wo. Gbik ne iphɛ ɛlɛy, sɔng ne n bok ncwa yɛ nang, daa ɛli ne nzi yɛɛ ɛhaa ne nggɛ nang ne itin nɛ ne ɛbhɛ, nzi ne yɛɛ ncɛncɛng aa yɛɛ ne hyep ɛkɔn na ne ɛ kɛ tek me nɛ ne iwɔ wo ɛTuk ɛDaray ya phyii tuu.

2 ɛTimɔti 1:12 ပူးပေါင်းရင်းမြစ်များ

ɛMacu 12:21

iGbagha wo gbik sɛ ne yɛk irway daa irywɛɛk ɛbhɛ.”

ɛMacu 24:36

“Sɔng ɛnyi i yɛɛ ɛtuk kɛ ne nten nɛ nang, sɔng nimalɛka ɛdaa ne irywa nang, sɔng ɛNgɔn na ma yung yɛɛ nang, ɛkyɛɛ gha zɔng ɛbhɛ yɛɛ ɛtuk kɛ.

ɛMacu 7:22

ɛTuk ɛshara gha, ninyi gbom sɛ ne yɔngɔ, ‘ɛDaray, ɛDaray!’ nJwi kaa bo irywɛɛk mo wo njwi tɔng ninyi ibol ɛTaanggbey de, ndɔ ne irywɛɛk mo wo, njwi kaa ne ta tuul niphoo gbom, njwi ta mɔn nikɔn ne kparat gbom.

ɛLuka 10:12

Nzi ne tɔng nyini itin nɛ, sɛ ne sɛ̀ ɛTuk ɛShara gha nang, ɛTaanggbey ya sɛ ne bo ɛbɔk nɛ ninaa ne iSɔdɔm, ɛ phyin ninaa ɛgarang ngɛnaa nggyɛ wo.”

ɛLuka 23:46

ɛYɛso gha ne yel-le ne ɛgbaang ne izɔlɔs, ɛ yɔngɔ, “ɛTaa, nggɛ tek iken nge de ndɔ ne iwɔ mo.” Kɛ ne sɛ ɛ kɛ boote ɛlɛ wo nang, ifɔng ɛbhɛ da ne ji wuru.

ɛYohana 17:15

Sɔng ɛroo nge gha i bo wu te ɛ tul nibhɛ ndɔ ɛzay ya nang, nzi bo wu te ɛ kyɛngɛse nibhɛ ɛlɔ ɛbebhe gha.

ɛYohana 6:44

Sɔng ɛnyi yaa yɛɛ ne yɛɛs ɛlɔ nge gha ne hame ɛKyɛɛ nge gha ne ɛ kɛ tom me wo ɛbhɛ kɛ hɔwɔ ɛbhɛ nang. Mee nzɛ ne yiisik ɛbhɛ ɛtuk ne taal ɛzay ya.

ɛTomɛ 13:46

ɛBulus sa ne ɛBanabas sa ne boote ne irway nviit nibhɛ yɔngɔ, “iPhɛ kɛ so ngbingbing njwi tsa tɔng nyini niYahodawa na ibol ɛTaanggbey de. Ɛ ne mbaray ɛn nyini iphɛ. iPhɛ kɛ ne tɔɔrek, sɔng ɛ kɛ ma yung hɔn ɛn sɛɛ nang nyini iken ne inat de nang. Njwi yaa ne tek nyini njwi phɛ ɛlɔ ninyi na ne hame nibhɛ so niYahodawa.

ɛTomɛ 13:50

niYahodawa na ne shɔk nidɛng ndɔ nikuk ka nɛ nibhɛ so ninaa ne roos ikpii niYahodawa na, ne i naas nibhɛ ne ndiinday gbik nɛ nidɛng nindiinday ɛgarang ngɛ. Nibhɛ ne yaa baasek ɛBulus segha gha ne ɛBanabas sa nggbang, nibhɛ roos nibhɛ ɛgarang nibhɛ gha.

ɛTomɛ 21:13

ɛBulus sa ne kyii nɛ ne ɛ yaak njwii, “iKyee iphɛ kɛ te ɛ san ɛn ɛ bees ɛn mɛɛn irway daa? Nzi tɔng nyini nggɛ ku yɛk ne irway yɛ, sɔng ma yung yɔng wu irop ne yaa bhɛ rop me ne iYɛrushɛlɛm be zɔng nang, te ma yung yɔng yaa bhɛ phoo me daa ne ibol ne nang irywɛɛk ɛDaray ɛYɛso wo ne ndiinday.”

ɛTomɛ 7:59

Kɛ ne sɛ nibhɛ phengɛ ɛSitivin ne gha, ne ɛ roo ɛ yɔngɔ, “ɛDaray ɛYɛso, say iken nge.”

ɛTomɛ 9:16

Na tɔɔrek ɛbhɛ nggbang ngga ne iphɛ so ngbingbing ɛ sɔ mpɛ ɛlɔ me wo.”

iRooma 1:16

Sɔng n bok ncwa ne iBol iYɛnɛng ngge nang, daa ɛli ne iphɛ so ihwet ɛTaanggbey ne iphɛ phɔt gbik ɛnyi gha ne ɛ kɛ nang ne itin nɛ: i tsa nɛ niYahodawa ne ji kungus nɛ ninyi na ne hame nibhɛ so ɛn niYahodawa.

iRooma 9:33

Te ɛli ne kɛ ku haa i bo, “Yaang ɛn, nggɛ see ikɛɛ ndɔ ne iSihiyɔɔna, ikɛɛ ne phɛ yɛɛs ne ikyibhɛ. ɛPhang ngo yaa ne te ninyi gbom nibhɛ hoghɛse. Gbik ɛhiha ɛnyi, ne ɛ kɛ ne nang ne itin nɛ ne ɛbhɛ sɔng aa ne sɔ ncwa nang.”

1 iKɔrɔntos 1:8

ɛYɛso gha ya ne boos nyini gɛgɛy ndɔ ne ìnang ne itin de ɛli ne hame sɛ́ sɛ nyini ne ɛkɔn ne rip ɛtuk ka ne ɛDaray njwɛɛn ɛYɛso ɛKiriti gha sɛ bhɛ kyii wo.

1 iKɔrɔntos 3:13

sɛ ne seng ihywee ɛtomɛ de ne ɛrɔngɔ kɛ mɔn ɛtuk ɛDaray ya. Daa ɛli ne ɛtuk kɛghaa nggyɛ wo, sɛ bo igboo i tɛɛsek ne ɛtomɛ ɛrɔngɔ, igboo wo ifɛ sɛ ne te i seng ihywee ɛkɔn de ne ɛrɔngɔ kɛ lɔl lɛ.

iFilibi 1:20

Nggɛ yɛk ne irway nzi has irway ɛlɔ ne naa yung bak ito nge ncwa ndɔ ɛtomɛ ɛKiriti gha, te n yang bol tang ɛnik. Te gbik ɛkɔn na ne naa mɔn no te ɛKiriti gha sɛ ndiinday ndɔ ne ishwɛɛ nge ɛlyilyɛghaa wo, ɛli ne iphɛ ku so wo. Hang nzo ɛken yɔɔ, hang nggɛ ku yɔɔ.

iFilibi 3:10

Nzi sim te nzɛ seng ɛKiriti yegha yɛnɛng gbik ne ihwet da ne ifɛ kɛ yiisik ɛbhɛ ne ikpuu da. Nzi sim te nzɛ sɔ ihywee ne nggbang ngga ne ɛ kɛ sɔ wo, ne ihywee ne iku de ne ɛ kɛ ku wo.

iFilibi 3:21

Ɛbhɛ ɛ bok ihwet ne kyii nɛ nikɔn na gbik ndɔ ne igbɔm ɛbhɛ. Sɛ ne lenɛ ne ihwet ɛbhɛ yɛdaa nggyɛ wo, ɛ hyere ibek ne taasek njwɛɛn nɛdee wo iphɛ teye idee ne ito-ndiinday te idee ɛbhɛ.

iFilibi 3:8

Nggɛ bo nikɔn na gbik te isusɔng lenɛ ne nggɛ seng ɛDaray nge ɛYɛso ɛKiriti yegha. iSeng ngga ne nggɛ seng ɛKiriti yegha phyin nikɔn na gbik. Kɛ lenɛ ne ɛbhɛ nggɛ ne wɔs nikɔn na gbik, nggɛ bo nibhɛ te isusɔng te nzɛ iryat ɛKiriti de,

1 iTasɔlɔnika 2:16

Nibhɛ ring njwi ne tɔng ninyi na ne hame nibhɛ soye niYahodawa na ibol iyɛnɛng ngge, ɛlɔ nɛ nibhɛ aa ma yung sɛ iphɔrɔt da. Ɛlɛ wo nɛ nibhɛ ne hanas ne shwaasek ɛgyuuru ne ɛfɔt nibhɛ gha hyɔrɔ. iPhɛ dee njenjek ɛTaanggbey de kɛ ne tɔm daa nibhɛ.

1 iTasɔlɔnika 5:4

Nigwaa en, sɔng ne ˆɛ so ɛn ɛlɛ wo nang. Sɔng ɛ so ɛn ndɔ gbyik ne ɛtuk kɛghaa nggyɛ wo sɛ ma sɛ nyini dirik te ɛhaa ɛyi gha nang.

1 ɛTimɔti 6:20

ɛTimɔti, wɛɛ ɛkɔn na ne kɛ tek kɛ nɛ ne iwɔ wo yɛnɛng. Hosop pɛ ne ivol ɛbuu da ne ifɛ sang bok ɛnik ɛTaanggbey yo gbik ne ishamas ne iwamang ngge gbik nɛ ninaa nɛ nibhɛ bok iphup ne igyɛ wo nibhɛ ji yɔng wu iphɛ so ishweng ngga, kaabi irywɛɛk ga.

2 ɛTimɔti 1:14

Boos imɛmɛ ne itin nɛdaa wo ne kɛ tek kɛ nɛ ne iwɔ wo yɛnɛng. Boos iphɛ lenɛ ne iphyik ne iKabyik ɛTaanggbey de ne iphɛ i shɛɛ ndɔ mos so.

2 ɛTimɔti 1:16

Te ɛTaanggbey ya sit ninaa ne ijwee ɛNisipharus sa ne ɛwɛng. Ɛbhɛ kɛ i phyighis me cɛcɛɛy, sɔng ɛ kɛ ne ta kyii phok ncwa ne inyang ngge ne nzo nɛ wo nang.

2 ɛTimɔti 1:18

Te ɛDaray yɛk ngɛ ɛNisipharus sa sɛ isan iyɔm ɛTuk ɛDaray ya. iGyɛ wo ˆɛ yɛɛ ihywee ne phyik ga ne ɛ kɛ phyik me ne iFisus de.

2 ɛTimɔti 1:8

iPhɛ ɛlɛy, sɔng ne ˆɛ phok ncwa ne tɔng ibol ɛDaray ɛYɛso njwɛɛn de ne ncwa nge ne nzo ne inyang ngge ɛlɔ ɛDaray ɛYɛso gha nang. Yang byinki ito ne mee ndɔ ne nggbang ɛlɔ ne sanga ibol iyɛnɛng ngge, te ɛTaanggbey ya nang njwii ihwet tɛ.

2 ɛTimɔti 2:9

Daa ɛli ne nzi tɔng iBol iYɛnɛng ngge, nzi ne sɔ nggbang gbom, kɛ phyii rop me te ɛnyi ɛbebhe. Gbik ne iphɛ ɛlɛy, sɔng yaa ne yɛɛ ne rop ibol ɛTaanggbey de nang.

2 ɛTimɔti 4:8

ɛLyilyɛghaa wo, kɛ ne tek me ɛkɔn ne ito ne igbɔm ne ihywel cik ne ɛbhɛ ɛ so ilong nge. ɛDaray ya ne soye ɛhaa ne bol ɛshara ne ɛcik ka sɛ nang me ɛkɔn ne ito yɛghaa nggyɛ wo ɛTuk ɛDaray ya. Sɔng nɛ some zɔng nang, gbik nɛ ninyi na nɛ nibhɛ hyep nibhɛ has irway tɛ nibhɛ yaang ɛli ne ɛDaray yaa tɔɔl le wo.

ɛTitus 3:8

iBol lɛdee wo so sɛ kyinak nɛ. Nzi ne sim te ɛ sɛ tiil ninyi na nikɔn nɛnaa wo gbik. Tɛ ninyi na nɛ nibhɛ kɛ nang ne itin nɛ ne ɛTaanggbey ya ne nang ihwet nibhɛ gbik ɛlɔ ne mɔn nikɔn niyɛnɛng. Nikɔn nɛnaa wo kɛ jam gbom, nibhɛ ne bok iphyik daa ninyi na gbik.

iBirani 12:2

Nɛ njwɛɛn sit irwisɛ daa ɛYɛso gha ne ɛbhɛ ɛ kɛ phaal ɛnkiinɛ ne ìnang ne itin de, ɛ ta so ɛhaa ne te ìnang ne itin njwɛɛn de te hyɔrɔ wo. Kaa lenɛ ne irway ihwala da ne ifɛ hyep ɛbhɛ wo, ne ɛ rop iku daa ne ihon ne gangat to, sɔng ne ɛ bo ncwa yɛ te mpɛ ɛkɔn nang. Ɛ kɛ ne ji bhɛ soos ne iwɔ ne irwye ɛcuruu ne igbɔm ɛTaanggbey ya.

iBirani 2:18

Daa ɛli ne ɛYɛso gha kaa sɔ nggbang ngga ndɔ ne tɛrɛk ga, aa ne yɛɛ ne phyik ninyi na ne i tɛɛsek nibhɛ wo.

iBirani 7:25

iPhɛ ɛlɛy, aa ne yɛɛ ne phɔt ninyi na wɛlɛng ɛgak. Ninyi na nɛ nibhɛ kɛ yɛɛs ɛlɔ ɛTaanggbey ya lenɛ ne ɛbhɛ wo, daa ɛli ne ɛ ku so ɛken, ɛɛ bol ne ɛTaanggbey ya ɛlɔ nibhɛ cɛcɛɛy.

1 ɛBiturus 1:5

iSha mon nɛdee lɛ, nyinɛn no ne ɛTaanggbey ya i hyep nyini daa ne ihwet ɛbhɛ lenɛ ne ìnang ne itin mon de. iCwas ɛbhɛ da i bo te ɛ sɛ ɛn iphɔrɔt da ne sɛ phaal ɛtuk ne taal ɛzay ya.

1 ɛBiturus 4:16

Wu ɛɛ sɔ ɛn nggbang ngga daa ɛli ne ɛ so ɛn ninaa ne roos ɛKiriti yegha, sɔng ne ɛ phok ɛn ncwa nang, yang nang ɛn ɛTaanggbey ye ne ndiinday daa ɛli ne ɛ bok ɛn irywɛɛk ɛKiriti wo.

1 ɛBiturus 4:19

iPhɛ ɛlɛy, ninyi na nɛ nibhɛ ne sɔ nggbang ngga daa ɛli nɛ nibhɛ mɔn ɛkɔn na ne ɛ so icwas ɛTaanggbey da, tɛ nibhɛ ne see ito ne mɔn ɛkɔn ɛyɛnɛng, nibhɛ tek irway nibhɛ ndɔ ne iwɔ ɛTaanggbey yo ne ɛbhɛ kɛ ryɔng nibhɛ, ɛ so sɛɛ kyinak daa ne ibol ɛbhɛ.

ɛYahuza 1:24

Te ne dɛp ɛTaanggbey yegha ne ɛbhɛ ɛ bok ihwet ne aa phyik njwɛɛn ɛlɔ ne njwɛɛn yaa yung ho wo, ɛ yɛɛs ne njwɛɛn ɛlɔ ɛbhɛ gha, wɛlɛng ɛkɔn ne tok ka, ɛnu ɛyisɛ ne ito-ndiinday ɛbhɛ de ne irway ihwala da gbom mo.