2 ɛTimɔti 1:10 - ɛWee ne ìTsɛm iHywas

¹⁰ ɛLyilyɛghaa wo, kɛ ne ji phaal iphɛ lenɛ ne yɛɛs ɛHaa ne Phɔt njwɛɛn, ɛYɛso ɛKiriti. Ɛbhɛ kɛ ba iku de, kɛ ne ta lenɛ ne sanga ibol iyɛnɛng ngge ne phaal njwɛɛn ishwɛɛ ne iken ne iphɛ i sang ku wɛsɛrɛk.

2 ɛTimɔti 1:10 ပူးပေါင်းရင်းမြစ်များ

ɛLuka 11:36

iPhɛ ɛlɛy, wu ibek mo de gbik ne bok iwɛwɛy de, tang ɛdɛ ɛlyilyɔ yɛ kyii so ndɔ gbyik ka, iphɛ aa ne i tol gbik te ɛli ne igboo ne ikum ne ifɛ tol ndɔ nggyɛ.”

ɛLuka 13:7

Ne ɛ yaak ɛhaa ne wɛɛ ɛbhɛ ihwap ba, ‘iZenge wo kɛ te ishay itat ne hame nzi sɛ ɛhon nɛghaa wo ne ikpam ba. Tɛmɛ ɛbhɛ! Yaa mɔn ɛlii i tek ɛbhɛ, ɛ kyɛngɛ ihwap baa?’ ”

ɛLuka 2:11

iZenge wo ndɔ ɛgarang ɛgɔm ɛDoda gha, kɛ yɛk nyini ɛhaa ne phɔt ɛzay. Ɛbhɛ soye ɛDaray ɛKiriti gha.

ɛYohana 1:9

iWɛwɛy ne itin de ne iphɛ tol ninyi na gbik ko ne yaaso ndɔ ɛzay ya.

ɛYohana 14:6

ɛYɛso gha ne kyii nɛ ɛ yaak ɛbhɛ, “Mee nzo ɛnkiinɛ wo ne itin de gbik ne iken de. Sɔng ɛnyi yaa phɛ ɛlɔ ɛKyɛɛ gha tang roos ɛlɔ nge gha nang.

ɛYohana 20:31

Kɛ ne haa ninaa wo te ɛ nang ɛn ne itin wu ɛYɛso gha ɛbhɛ soye ɛKiriti gha, ɛNgɔn ɛTaanggbey ya. Te ne ji lenɛ ne itin de ne ɛ kɛ nang ɛn ne ɛbhɛ wo, ɛ sɛ ɛn iken ndɔ ne irywɛɛk ɛbhɛ wo.

ɛYohana 4:42

nibhɛ ne yaak ɛkuk ka, Sɔng njwi kɛ nang ne itin nɛ wo daa ɛkɔn na ne ɛ kɛ mɔng njwii wo nang, njwi kɛ nang ne itin nɛ daa ɛli njwit ne ito mos, njwi kɛ phok ɛbhɛ, njwi kɛ ne ji seng ɛtsak ɛbhɛ ɛ soye ɛHaa ne Phɔt ɛZay ya.

ɛYohana 5:40

Gbik ne iphɛ ɛlɛy, sɔng ɛ kɛ ne sim ɛn ɛ yɛɛs ɛn ɛlɔ nge gha ɛ say ɛn iken inat de nang.

ɛTomɛ 13:23

“Ndɔ ne ihywee ɛDoda de ne ɛTaanggbey ya kɛ ne yɛɛs niSɛrɛla na ne ɛhaa ne phɔt ta, ɛYɛso gha, ɛli ne ɛ kaa ku sim-mɛ wo.

ɛTomɛ 5:31

ɛTaanggbey ya ne nang ɛbhɛ ne nindiinday, ɛ tek ɛbhɛ ne iwɔ ne irwye ɛbhɛ, ɛ teye ɛndiinday ne ɛhaa ne phɔt, te ne lenɛ ɛlɛy niSɛrɛla na san ɛbɔk i hana nibhɛ ne ɛfɔt nibhɛ wo.

iRooma 16:26

ɛlyilyɛghaa wo nang, kɛ ne ji phaal iphɛ, iphɛ kɛ te wɛsɛrɛk lenɛ ne ibol de nɛ ninabawa na kaa ku i haa. Kɛ ne lenɛ ne ibol ɛTaanggbey ne inat de ne ɛ kɛ yɛk ngɛ ne phaal igbagha wo nɛ gbik tɛ nibhɛ nang ne itin nɛ nibhɛ ta roos.

iRooma 2:7

Nidɛng ne sonɛ nɛ nibhɛ kɛ see ito nibhɛ mɔn iyɛnɛng cɛcɛɛy, nibhɛ tɔk ndiinday ne igbom gbik ne iken ne iphɛ sang taal le. Nibhɛ ne ɛTaanggbey ya sɛ ne nang nibhɛ iken ne inat.

iRooma 3:31

ìNang ne itin de yaa te njwɛɛn ji hana ɛshara ghaa? Kwa! Njwɛɛn i yang shwaasek ɛshara gha.

iRooma 6:6

Njwɛɛn i yɛɛ kɛ gangat irway ne ile njwɛɛn da ne ɛYɛso gha daa ne ihon no te phoo ihwet ne ɛfɔt da ne ɛbhɛ so ndɔ ne ibek njwɛɛn de. Kɛ mɔn ɛlɛ wo te njwɛɛn sang tɔye nikpuru ne ɛfɔt ta.

1 iKɔrɔntos 15:26

ɛHaa ne iphup ɛtsim ma ne sɛ ji taal roos so ne so iku.

1 iKɔrɔntos 4:5

iPhɛ ɛlɛy sɔng ne ɛ hyɛ ɛn ɛshara gha nten nɛ tɔ wo nang, hyep ɛn te ɛDaray ya kyi bhɛ kyii nyɛɛn. Ɛbhɛ sɛ phaal nikɔn na nɛ ninyi na kɛ rɛɛ ndɔ gbyik ka, ɛ ta te i seng icwas ne irway ninyi na. Nten nɛdee nggyɛ wo ɛrɔngɔ sɛ ne ji say idɛp ɛTaanggbey da cɛcɛɛy ne ɛtomɛ ɛbhɛ.

2 iKɔrɔntos 5:4

I sɛ njwɛɛn so ndɔ ne ipho yɛdee wo, ibek ɛzay de, njwɛɛn i ne re irway, ne bok irway irighitik. Sɔng i bo njwɛɛn i sim te sɛ hosop njwɛɛn ne ibek ɛzay yɛdee wo nang, kwa, njwɛɛn i yang sim te sɛ yɛk njwɛɛn ne ihywee ne ibek ɛdaa ne irywa de, te ɛkɔn ne iken na wɔl ɛkɔn ne ku gha i sunu njwɛɛn.

iGalatiya 5:4

Nyinɛn no ne ɛ sim ɛn te sɛɛ say nyini wu ɛ so ɛn cik ko ɛnu ɛyisɛ ɛTaanggbey ya lenɛ ne roos ɛShara gha, ɛ kɛ ne ku balat ɛn ndɔ ɛKiriti gha, ɛ kɛ tek ɛn izɛɛng ɛTaanggbey de.

iFisus 1:18

Nzi ne ta bol ne ɛTaanggbey ya wu te irwisɛ ne irway mon phaal le te ˆɛ seng ɛn ìyɛk ne irway yɛdaa wo ne ɛ kɛ yel-le nyini nɛ wo, ˆɛ ta seng ɛn iryat de ne ihywɛ so gbom ndɔ isha de ne ɛ kɛ sim ninyi ɛbhɛ na nɛ wo.

iFisus 1:9

ɛTaanggbey ya kɛ yɛk ngɛ njwɛɛn seng ɛduk ne icwas ɛbhɛ daa ɛkɔn na ne aa mɔn, ɛhaa ne ɛ kɛ ryɔng ɛ shwaak lenɛ ne ɛKiriti gha.

2 iTasɔlɔnika 2:8

Nɛ nten nɛ ne ji phaal ɛsang-phok kɛghaa wo, ɛDaray ɛYɛso gha sɛ ne phoo ɛbhɛ ne ifɔng ɛnu ɛbhɛ. ɛDaray ya ne ta bees ɛsang-phok ka ne iwɛwɛy ne ito-ndiinday ɛbhɛ de ɛtuk ne yɛɛs ɛbhɛ gha.

2 ɛTimɔti 1:1

ɛWee yɛwoo wo le ɛlɔ ɛBulus, ɛngɔn ne tom ɛYɛso ɛKiriti lenɛ ne icwas ɛTaanggbey. Kɛ tom me te n tɔng ninyi ibol ne iken ne ɛYɛso ɛKiriti kɛ sim-mɛ ndɔ ne ìtsɛm ne ɛbhɛ.

2 ɛTimɔti 1:8

iPhɛ ɛlɛy, sɔng ne ˆɛ phok ncwa ne tɔng ibol ɛDaray ɛYɛso njwɛɛn de ne ncwa nge ne nzo ne inyang ngge ɛlɔ ɛDaray ɛYɛso gha nang. Yang byinki ito ne mee ndɔ ne nggbang ɛlɔ ne sanga ibol iyɛnɛng ngge, te ɛTaanggbey ya nang njwii ihwet tɛ.

2 ɛTimɔti 4:1

Nzi bol ne igyɛ ɛnu ɛyisɛ ɛTaanggbey ne ɛYɛso ɛKiriti ne ɛbhɛ sɛ bol ninaa ne iken nɛ ninaa ne ikpuu ɛshara, daa ɛli ne sɛ ɛbhɛ kyii ɛ re igbɔm ɛbhɛ da.

2 ɛTimɔti 4:8

ɛLyilyɛghaa wo, kɛ ne tek me ɛkɔn ne ito ne igbɔm ne ihywel cik ne ɛbhɛ ɛ so ilong nge. ɛDaray ya ne soye ɛhaa ne bol ɛshara ne ɛcik ka sɛ nang me ɛkɔn ne ito yɛghaa nggyɛ wo ɛTuk ɛDaray ya. Sɔng nɛ some zɔng nang, gbik nɛ ninyi na nɛ nibhɛ hyep nibhɛ has irway tɛ nibhɛ yaang ɛli ne ɛDaray yaa tɔɔl le wo.

ɛTitus 2:11

Daa ɛli ne ɛTaanggbey ya kɛ tɔɔrek izɛɛng ɛbhɛ de tɛ ninyi na gbik sɛ iphɔrɔt.

ɛTitus 2:13

Njwɛɛn i shɛɛ ɛlɛ wo i hyep ɛtuk ɛwɛng nga ne njwɛɛn kɛ yɛk ne irway da. Nten de ne ito-ndiinday ɛTaanggbey ne nindiinday ɛHaa ne Phɔt njwɛɛn ɛYɛso ɛKiriti gha sɛ tɔɔl le wo.

ɛTitus 3:4

Kaa ne sɛ izɛɛng ngge gbik ne ishwim ɛTaanggbey da ne ɛ soye ɛHaa ne Phɔt njwɛɛn na kɛ tɔɔl le,

iBirani 10:32

Taate ɛn nɛ ɛli ne iphɛ kaa te ne nyinɛn ne ira ɛtsim ba, nten de ne ɛ kaa tsa ɛ say ɛn iwɛwɛy de, ɛ sɔ ɛn nggbang ngga ɛ kyinak ɛn ne irway nviit da.

2 ɛBiturus 1:1

ɛWee yɛwoo wo le ɛlɔ ɛSimɔn ɛBiturus ne ɛbhɛ ɛ so ɛkpuru ne ɛngɔn ne tom ɛYɛso ɛKiriti. Ɛbhɛ phɛɛs ɛlɔ ninyi ne kɛ lenɛ ne icik ɛTaanggbey ne ɛhaa ne phɔt njwɛɛn ɛYɛso ɛKiriti nibhɛ say ìnang ne itin ne iphɛ shɛs ne yɛnɛng te idee mos.

2 ɛBiturus 1:11

Yaa ne lenɛ ɛlɛ wo ne say nyini ne ibɔ iphaa ndɔ ne igbɔm ne inat ɛDaray njwɛɛn ɛYɛso ɛKiriti ɛhaa ne phɔt njwɛɛn.

2 ɛBiturus 1:3

ɛTaanggbey ya ndɔ ne ihwet ne ndiinday ɛbhɛ de kɛ nang njwɛɛn nikɔn na gbik nɛ nibhɛ yaa hɔn njwɛɛn te njwɛɛn yɛɛ ne shɛɛ ihywee ne ishwɛɛ da ne ifɛ so ivaa ninyi ɛTaanggbey da. Nikɔn nɛnaa wo ne so ninaa njwɛɛn gbik lenɛ ne ishweng njwɛɛn ne njwɛɛn kɛ seng ɛKiriti yegha gbom. Ɛ kɛ yel-le njwɛɛn te njwɛɛn shɛɛ ne ɛbhɛ njwɛɛn sɛ ihop ndɔ ne ndiinday ɛbhɛ.

2 ɛBiturus 2:20

Yung yaang ɛbɛ, ninyi na kɛ sɛ iphɔrɔt ndɔ ibebhe ne ɛzay yɛdee wo, lenɛ nɛ nibhɛ kɛ seng ɛDaray njwɛɛn ɛYɛso ɛKiriti ye ne ɛbhɛ ɛ so ɛhaa ne phɔt njwɛɛn. Wu nibhɛ kɛ ne kyi ta kyii nibhɛ lel ndɔ ne ibebhe yɛdee nggyɛ wo, nibhɛ teye nikpuru ne iphɛ, ɛtsak ishwɛɛ ɛtsim ninyi yɛnaa nggyɛ wo yaa ne phyin ivaa ɛyisɛ da ne ibebhe.

2 ɛBiturus 3:18

Yang raras ɛn ndɔ ne izɛɛng gbik ne ishweng ɛDaray njwɛɛn ɛYɛso ɛKiriti, ɛhaa ne phɔt njwɛɛn. Te ne nang ɛbhɛ ne ndiinday ne inat! Ɛɛy.

2 ɛBiturus 3:2

Nzi sim te ɛ sɛ taate ɛn ne ivol da nɛ ninabawa ne ile ɛTaanggbey ya kaa tɔng nyini wo gbik ne ikpii ɛDaray da ne ɛ so ɛHaa ne Phɔt ta kaa bol ɛnu ninɔn ne tom ma ne ɛ kaa tom nyini nɛ wo.

1 ɛYohana 1:2

iKen nɛdee wo kaa ne phaal le njwi ne yaang. Njwi i ne naas ishɛɛda ne iphɛ njwi i ta tɔng nyini wu iphɛ iphɛ soye iKen ne inat, idee ne iphɛ kaa ku sonɛ ɛTaa gha ne ile de, iphɛ ne kɛ ne tɔɔl njwii wo.

1 ɛYohana 4:14

Njwi kaa ne yaang njwi ne tɔng ninyi wu ɛTaanggbey ya kɛ tom ɛNgɔn ɛbhɛ te ɛ teye ɛHaa ne Phɔt ɛzay ya.

Nikɔn ne kɛ Phaal 18:1

ɛTsim mɛ ɛlɛy, ne n da yaang ɛdɛ ɛmalɛka gha ɛ le daa ne irywa ɛ yaaso. Ɛ bok igbɔm gbom. iTo-ndiinday ɛmalɛka de ne tolte ɛzay ya gbik.

Nikɔn ne kɛ Phaal 2:7

‘Gbik ɛnyi gha ne ɛ bok itoro, te ne ɛ tenes ɛkɔn na ne iKabyik ge i tɔng idira ninaa ne roos de. Gbik ɛnyi gha ne ɛ kɛ ne re ɛwɛng daa ne itsom mɛdee wo, nzɛ ne nang ɛbhɛ ɛnkiinɛ ne ɛ re ikpam ɛHon ne Nang iKen de ne ɛ so ndɔ ne ihwap ɛTaanggbey da.’ ”

Nikɔn ne kɛ Phaal 20:14

Ne ji cwaak iku de gbik ne ɛlɔ ne ikpom ma ndɔ ɛling ne igboo wo. ɛLing ne igboo gha bhɛ ne soye iku ne ifaa de.

Nikɔn ne kɛ Phaal 22:14

“Ninaa ɛwɛng ngaa nggyɛy nɛ nibhɛ kɛ kuus itsura nibhɛ, sɛ ne nang nibhɛ ɛnkiinɛ ne re iKpam ɛHon ne iKen da, nibhɛ ta roos ninu ne iduk nibhɛ lel ndɔ ɛgarang nga.

Nikɔn ne kɛ Phaal 22:17

iKabyik ge gbik ne ɛYɛl lo i bo, “Yɛɛs.” Gbik ɛnyi gha ne ɛ kɛ phok ibol lɛdee wo, te ne ɛ ma yɔngɔ; “Yɛɛs.” Gbik ɛnyi gha ne irway ɛbhɛ i has te ne ɛ yɛɛs. Gbik ɛnyi gha ne ɛ sim tɛ ne ɛ yɛɛs ɛ say inɛn ne iken da buu.