2 iTasɔlɔnika 3:8 - ɛWee ne ìTsɛm iHywas

⁸ Sɔng njwi kaa ne re ire ɛnyi tang njwi tal ɛbhɛ nang. Njwi kaa yang i mɔn ɛtomɛ gha ne igbey ne ɛtuk gbik, njwii kyangase ne ɛtomɛ gha, njwii tabha ne ilong, ɛlɔ ne njwi yaa yung nang ɛdɛ mon irighitik.

2 iTasɔlɔnika 3:8 ပူးပေါင်းရင်းမြစ်များ

ɛMacu 6:11

Nang njwii ɛkɔn ne re izenge ne ɛhaa ne re cɛcɛɛy.

ɛTomɛ 18:3

ɛBulus sa kaa bhɛ tek nikɔn na ɛlɔ nibhɛ gha, daa ɛli ne ɛtomɛ nibhɛ kaa ɛdaan nɛ. Nibhɛ kaa so ninaa ne ryɔng ihuhu ne lɔl ifo. Nibhɛ ne mɔn ɛtomɛ gha ɛte.

ɛTomɛ 20:34

Nyinɛn no ɛ yɛɛ ɛn ne ibɔ nge yɛdee bɛ nggɛ re ne ito nge gbik nɛ nitaay ɛtomɛ nge na.

1 iKɔrɔntos 4:12

Njwi kyangase ne ɛtomɛ gha ne ibɔ mos. I sɛ kɛ toke njwii, njwi ne sit nibhɛ ne ɛwɛng. Ne sɛ i baasek njwii nggbang, njwi ne rop iku.

1 iKɔrɔntos 9:4

Hang iphɛ ma sang so kancɛng i nang njwii ire de ne inɛn ne sɔ da naa?

2 iKɔrɔntos 11:27

Nggɛ kyangas me ne ɛtomɛ, nggɛ tabha ilong, nggɛ shɛɛ tang nwa, nggɛ shɛɛ kpyak, nggɛ shɛɛ tang sɔ inɛn. Nggɛ wɔs ire, nggɛ shɛɛ ne ntsentseng, nggɛ shɛɛ tang ɛtura ne ibek.

2 iKɔrɔntos 11:9

Nten de ne nggaa so ɛlɔ mon na, sɔng nggaa phyilɛl nyini nten de nzi tɔk ijam nang. Nigwaa nɛ nibhɛ le ne iMakyidɔniya nibhɛ kaa yɛɛs nibhɛ nang me ɛkɔn na ne aa hɔn me. Sɔng nggaa sim naa phyilɛl nyini nang, naa ne ma ku i mɔn ɛlɛy!

iFisus 4:28

ɛNyi gha ne ɛɛ hyel ɛyi, te ɛ kɔɔng ihyel ɛyi da te ne ɛ yaa mɔn ɛtomɛ ne ibɔ ɛbhɛ ɛli ne aa re ilong ɛbhɛ, te ɛ phyii sɛ ɛkɔn ɛli ne aa phyik ninyi nihala nɛ.

1 iTasɔlɔnika 2:9

Nigwaa en, ɛtsak, nyinɛn no ˆɛ yɛɛ ɛn nggbang ngga ne ɛbung nga ne njwi kɛ sɔ wo. Njwi kɛ mɔn ɛtomɛ gha ne ɛtuk ne igbey gbik daa ɛli ne njwi yaa yung nang nyini irighitik nten de ne njwii sanga iBol iYɛnɛng ngge ne iphɛ le ɛlɔ ɛTaanggbey ya.

1 iTasɔlɔnika 4:11

Kyanke ɛn nyini nɛ te ihywɛɛ mon kyii ɛlɔ ɛdaan, te ˆɛ wɛɛ ɛn ɛtomɛ gha ne ɛ so ɛyisɛ mon na, tɛ ɛrɔngɔ mɔn ɛtomɛ ne ibɔ ɛbhɛ ɛli ne njwi kɛ ku tɔng nyini wo.

2 iTasɔlɔnika 3:12

iHywee nyini yɛdee nggyɛ wo, njwii nep nibhɛ, njwii sin nibhɛ itoro ndɔ ne irywɛɛk ɛDaray ɛYɛso ɛKiriti, njwi bo wu tɛ nibhɛ kyinak ne ihywɛɛ nibhɛ ɛlɔ ɛdaan, nibhɛ mɔn ɛtomɛ ne aa re nɛ nibhɛ.