2 iTasɔlɔnika 3:4 - ɛWee ne ìTsɛm iHywas

⁴ Njwi kɛ tek irway mos tɔrɔk ndɔ ɛDaray ɛYɛso gha ne ˆɛ mɔn ɛn nikɔn na ne njwi kɛ tɔng nyini wo, ˆaa ne re ɛn ɛnu ɛyisɛ ne mon ɛn ɛlɛy.

2 iTasɔlɔnika 3:4 ပူးပေါင်းရင်းမြစ်များ

1 iTasɔlɔnika 4:10

ɛTsak, nyinɛn ninaa ne ivel ne iMakyidɔniya na gbik, ɛrɔngɔ i sim ɛrɔngɔ. Gbik ne iphɛ ɛlɛy nigwaa en, njwii ne bok nyini te ˆɛ hante ɛn nɛ gbom.

iFilibi 1:6

Nzi ne yɛɛ ncɛncɛng ɛhaa ne ɛ kɛ tsa ɛtomɛ ɛyɛnɛng ngɛ gha wo ndɔ mon no, aa ne re ɛnu ɛyisɛ ɛ taal ɛtuk ka ne ɛYɛso ɛKiriti gha sɛ bhɛ kyii wo.

ɛFilimɔn 1:21

Nzi yɛɛ ncɛncɛng ˆaa roos ibol lɛdee wo, iphɛ phɛ kɛ te nggɛ haa ɛwee yɛwoo wo nzi yɛɛ ˆaa ma yung mɔn ˆɛ phyin ɛkɔn na ne nggɛ boote wo.

iFilibi 2:12

iPhɛ ɛlɛy, nyinɛn no ne nzi sim mo, ɛli ne ɛ ku roos ɛn ibol nge de ne i sɛ nzo nɛ nyinɛn no, nzi ne roro nɛ nyinɛn ɛlyilyɛghaa wo ne n sang sonɛ nɛ nyinɛn no, hante ɛn ne roos sɛ. Mɔn ɛn ɛtomɛ ne irway mon gbik ɛli ne iphɔrɔt mon da yaa tɔɔl le kpas. Mɔn ɛn ndɔ ne kparat ne ɛnik ɛTaanggbey.

2 iKɔrɔntos 2:3

ɛKɔn na ne ɛ kɛ te nggaa haa nyini ɛwee yɛwoo nggyɛ wo nang daa ɛli ne sɔng nggaa sim ninyi na nɛ nibhɛ sɛɛ nang me irway ihwala da nibhɛ kyii bees me irway nang. Daa ɛli ne nzi yɛɛ wu n bok irway ihwala da, gbik mon aa ne ma bok ɛn irway ihwala ne mang.

2 iTasɔlɔnika 3:12

iHywee nyini yɛdee nggyɛ wo, njwii nep nibhɛ, njwii sin nibhɛ itoro ndɔ ne irywɛɛk ɛDaray ɛYɛso ɛKiriti, njwi bo wu tɛ nibhɛ kyinak ne ihywɛɛ nibhɛ ɛlɔ ɛdaan, nibhɛ mɔn ɛtomɛ ne aa re nɛ nibhɛ.

2 iTasɔlɔnika 3:6

Nigwaa en njwii bol ne nyinɛn ndɔ irywɛɛk ɛDaray njwɛɛn ɛYɛso ɛKiriti wu te ɛ shɛɛ ɛn kyaam ne gbik ɛhiha ɛgwaa ne ɛ bok itek ge ɛ ta sang shɛɛ ihywee ne imɛmɛ da ne ˆɛ kɛ say ɛn ɛlɔ mos sa.

ɛMacu 28:20

Te ɛ mɛmɛ ɛn nibhɛ nɛ, tɛ nibhɛ hyep nikɔn na gbik ne nzi bok nyini ɛlɛy yo. Ne n so ne nyinɛn cɛcɛɛy ɛzay ya phyii taal le.”

iGalatiya 5:10

Nggɛ nang ne irway nge gbik daa ɛDaray, sɔng aa roos ɛn ibol ɛhak ɛnyi kang ne ideeng ngge nang. Gbik ɛnyi gha ne ɛ ne suruk nyini wo, ɛTaanggbey ya sɛ ne bak ɛbhɛ nggbang, sɔng ɛ sɛ sap ihywee ɛnyi de ne ɛ so nang.

2 iKɔrɔntos 8:22

Njwi kɛ ne tom ɛdɛ ɛgwaa gha nɛ niTitus se na; ɛhaa ne njwi kɛ tɛrɛk ɛbhɛ ndɔ nikɔn na gbom, njwii ne yɛɛ ɛ bok irway ne iphyik. ɛLyilyɛghaa wo, daa ɛli ne ɛ kɛ wɔl nyini, ɛ ne sim te aa phyik gbom.

2 iKɔrɔntos 2:9

Nggaa haa nyini ɛwee yɛwoo wo, te n phɔwɔ nyini te n yaang, hang aa sim ɛn ɛ roos ɛn iyɔngɔ nge da ndɔ nikɔn na gbik yɔɔ.

1 iKɔrɔntos 14:37

Wu ɛdɛng i ne wɛɛ te ɛ so ɛnɛbi, hang ɛ wɛɛ te ɛ bok izɛɛng ne ikabyik yɔɔ, te ne ɛ seng wu ɛkɔn nɛghaa wo ne nzi haa nyini nɛ wo, ɛDaray ɛbhɛ ɛ kɛ yɛk me nɛ.

1 iKɔrɔntos 7:19

iHyɛ itee de, ne sang hyɛ itee de, sɔng iphɛ phɛ soye ɛkɔn nang, iroos ikpii ɛTaanggbey da iphɛ phɛ shɛs.

iRooma 15:18

Sɔng naa ne boote ne irway nviit daa ɛdɛ ɛkɔn na kang ne ɛkɔn na ne ɛhaa ne ɛKiriti gha kɛ mɔn lenɛ ne mee wo nang. Ɛ kɛ te ninyi na ne hame nibhɛ so niYahodawa na yaa roos ibol ɛTaanggbey de lenɛ ne ivol nge gbik ne ɛtomɛ nge,

iRooma 15:14

Nigwaa ɛn, me ne ito nge nzi yɛɛ ɛli ne ɛ kɛ jam ɛn gbom, ɛ bok ɛn ishweng ngga gbik ɛli ne aa yɛɛ ne mɛmɛ ɛn nigwaa mon nɛ.

iRooma 2:7

Nidɛng ne sonɛ nɛ nibhɛ kɛ see ito nibhɛ mɔn iyɛnɛng cɛcɛɛy, nibhɛ tɔk ndiinday ne igbom gbik ne iken ne iphɛ sang taal le. Nibhɛ ne ɛTaanggbey ya sɛ ne nang nibhɛ iken ne inat.