2 iTasɔlɔnika 3:14 - ɛWee ne ìTsɛm iHywas

¹⁴ Wu ɛdɛ ɛnyi gha kɛ mbaray tang roos ibol de ne njwi kɛ haa nyini nɛ ndɔ ne ɛwee yɛwoo wo, ne ˆɛ wɛɛ ɛn ɛbhɛ yɛnɛng. Sɔng ˆɛ byinki ɛn ito ne ɛbhɛ nang te ɛ sɔ ncwa.

2 iTasɔlɔnika 3:14 ပူးပေါင်းရင်းမြစ်များ

ɛTitus 3:10

ɛNyi gha ne ɛ sim te aa yɛɛs ne ihosop bhe da, te ɛbhɛ ne idaan, tɛ nɛ ɛ hante ɛbhɛ nɛ. ɛTsim mɛ ɛlɛy, tel lɛ ɛbhɛ.

1 iKɔrɔntos 5:11

Nzi ne haa nyini nɛ nzi bok nyini, sɔng ɛ byinki ɛn ito ne ɛgwaa gha ne ɛ so ɛhaa ne roos sa, ɛ kyi ta i ra nzangas de, ɛ bok idɔphiri de, ɛ re igunkyi de ntsong ngga, ɛ towos ninyi na, ɛ tes ziizii nɛ nikɔn ne sɔ na, ɛ hyel ɛyi gha nang. Sɔng ɛ sim ɛn ɛ ma yung re ɛn ire ne ihywee ninyi yɛdee nggyɛ wo nang.

2 iTasɔlɔnika 3:6

Nigwaa en njwii bol ne nyinɛn ndɔ irywɛɛk ɛDaray njwɛɛn ɛYɛso ɛKiriti wu te ɛ shɛɛ ɛn kyaam ne gbik ɛhiha ɛgwaa ne ɛ bok itek ge ɛ ta sang shɛɛ ihywee ne imɛmɛ da ne ˆɛ kɛ say ɛn ɛlɔ mos sa.

1 iTasɔlɔnika 4:8

iPhɛ ɛlɛy gbik ɛnyi gha ne ɛ kɛ ne mbaray ibol lɛdee wo, sɔng ɛten ɛsii ne ɛ kɛ ne mbaray nang. Ɛ kɛ mbaray ɛTaanggbey ye ne ɛbhɛ ɛ naas nyini iKabyik iKang Ɛbhɛ de.

ɛFilimɔn 1:21

Nzi yɛɛ ncɛncɛng ˆaa roos ibol lɛdee wo, iphɛ phɛ kɛ te nggɛ haa ɛwee yɛwoo wo nzi yɛɛ ˆaa ma yung mɔn ˆɛ phyin ɛkɔn na ne nggɛ boote wo.

2 iKɔrɔntos 10:6

ɛTsim mɛ njwi kɛ seng ɛ kɛ tɔɔrek ɛn wu ɛ so ɛn ninaa ne roos ibol ɛKiriti de, njwi kɛ ne ji ryɔng en njwi yaa bak gbik ɛnyi gha ne ɛ kɛ sang roos ibol ɛKiriti de nggbang.

2 iKɔrɔntos 2:9

Nggaa haa nyini ɛwee yɛwoo wo, te n phɔwɔ nyini te n yaang, hang aa sim ɛn ɛ roos ɛn iyɔngɔ nge da ndɔ nikɔn na gbik yɔɔ.

1 iKɔrɔntos 5:9

Nggaa haa nyini nɛ ndɔ ne ɛwee ɛyisɛ nge wo, nzi bok nyini hang ɛ byingis ɛn ito mon nɛ ninaa ne nzangas sa.

iRooma 16:17

Nigwaa ɛn, nzi bok nyini te ɛ wɛɛ ɛn nyini yɛnɛng ɛlɔ ninyi na nɛ nibhɛ te nyini ɛ hosop ɛn nyini wo, nibhɛ yɛɛset ne imɛmɛ ifas ne ifɛ soye nikɔn kyibhɛ nɛ nibhɛ labhe nɛ nikɔn na ne kɛ ku mɛmɛ nyini nɛ wo. Shɛɛ ɛn kyakyak nɛ nibhɛ!

ɛMacu 18:17

Wu ɛ kɛ ne ta bhɛ mbaray tang phok nibhɛ, ne ɛ cwi ne ɛbhɛ ɛlɔ ne idira ninaa ne roos, wu ɛ kɛ ne ji ta bhɛ mbaray tang phok idira ninaa ne roos sa, ne ɛ bo ɛn ɛbhɛ te ɛ kɛ teye ɛhaa ɛzay ne ɛhaa ne ɛfɔt.”

iBirani 13:17

Roos ɛn ibol nindiinday mon de, te ˆɛ mɔn ɛn ɛkɔn na nibhɛ bok nyini tɛ mɔn ɛn, daa ɛli nɛ nibhɛ bhɛ wɛɛ ishwɛɛ mon, nibhɛ sɛ ne bhɛ mɔng ɛTaanggbey ye ɛtomɛ gha nɛ nibhɛ kɛ mɔn. Wu ˆɛ kɛ roos ɛn ibol nibhɛ de, nibhɛ yaa ne mɔn ɛtomɛ gha ne irway ihwala, sɔng ne irway ishwii nang, daa ɛli ne sɔng ɛtomɛ ne irway ishwii gha yaa phyik nyini nang.

iFilibi 2:12

iPhɛ ɛlɛy, nyinɛn no ne nzi sim mo, ɛli ne ɛ ku roos ɛn ibol nge de ne i sɛ nzo nɛ nyinɛn no, nzi ne roro nɛ nyinɛn ɛlyilyɛghaa wo ne n sang sonɛ nɛ nyinɛn no, hante ɛn ne roos sɛ. Mɔn ɛn ɛtomɛ ne irway mon gbik ɛli ne iphɔrɔt mon da yaa tɔɔl le kpas. Mɔn ɛn ndɔ ne kparat ne ɛnik ɛTaanggbey.

2 iKɔrɔntos 7:15

iShwim ba ne ɛTitus sa i sim nyini wo i hanas se nɛ gbom, i sɛ ɛ kɛ taate ɛli ne ɛ kaa sim ɛ roos ɛn ibol ɛbhɛ de, ɛli ne ɛ kaa say ɛn ɛbhɛ ndɔ ndiinday de ne ɛnik ko.

1 iKɔrɔntos 4:14

Sɔng nggɛ haa nyini nɛ te n bak nyini ncwa nang, nzi yang kpɛng nyini daa ɛli ne ɛ so ɛn nyini ninɔn nge ninaa ne nzi sim.

iKɔlɔsi 4:16

Yaa sɛ kɛ tɔng nyini ɛwee yɛwoo wo, tɛ ne ˆɛ tom ɛn idira ninaa ne roos ne iLɔdakiya na nɛ nibhɛ ma bhɛ tɔng. Nyinɛn no ne mang ne ˆɛ ma tɔng ɛn ɛwee ne iLawudɔkya wo ne mang.

ɛTitus 2:8

Mɔn ɛtomɛ ne ivol iywɛnɛng ne yaa sang sɛ yɛ ne ɛkɔn ne tok. Tɛ ninaa ne iphup mo na sɔ ncwa, ɛli ne hame nibhɛ yaa sɛ ɛkɔn ɛkpɛɛ nɛ nibhɛ yaa bol da ne ito njwɛɛn de.

2 ɛYohana 1:10

Wu ɛdɛ ɛnyi gha kɛ ne yɛɛs ɛ mɛmɛ nyini ne idɛ imɛmɛ da kang ne imɛmɛ yɛdaa wo, sɔng ne ˆɛ say ɛn ɛbhɛ nang, sɔng ˆɛ ma yung kyili ɛn ɛbhɛ nang.