2 iTasɔlɔnika 3:1 - ɛWee ne ìTsɛm iHywas

¹ ɛTsim mɛ gbik nigwaa en, bol ne ɛTaanggbey daa mos, te ibol ɛDaray de sɛ iphɛ shwalat gbom i ta nang iphɛ ne ndiinday te ɛli ne iphɛ kaa so ndɔ mon no.

2 iTasɔlɔnika 3:1 ပူးပေါင်းရင်းမြစ်များ

ɛMacu 9:38

Roo ɛn ɛDaray yegha ne ɛbhɛ ɛ so ɛhaa ne ihwap pa te ɛ tom nɛ ninaa ne pha yɛ ndɔ ɛhay ya.”

ɛLuka 10:2

Ne ɛ ta yaak nibhɛ, ɛHay ne ire gha ne iphɛ kɛ bel lo so gbom, ninaa ɛtomɛ yɛ ne so ncɛt. iPhɛ ɛlɛy, ne ˆɛ roo ɛn ne ɛhaa ne ihwap pa te ɛ tom ninaa ɛtomɛ na ndɔ ɛhay ɛbhɛ gha.

ɛTomɛ 12:24

iBol ɛTaanggbey de ne re ɛnu ɛyisɛ iphɛ shwalat.

ɛTomɛ 19:20

Ne lenɛ ɛlɛ wo, ibol ɛDaray de ne shwalat gbarang iphɛ hante ne ihwet.

ɛTomɛ 6:7

iBol ɛTaanggbey de ne shwalat. Ninaa ne roos sa ne hantey yɛ gbom ndɔ ne iYɛrushɛlɛm be. Nibo ɛTaanggbey ya gbom ne ma say ibol ne ìnang ne itin de.

iRooma 15:30

Nigwaa ɛn, nzi roro nɛ nyinɛn ndɔ ne irywɛɛk ɛDaray njwɛɛn ɛYɛso ɛKiriti ne ishwim ba ne iKabyik ge naas so, phyik ɛn mɛɛn ne bol ne ɛTaanggbey ndɔ ɛtomɛ yɛghaa wo ne nzi kyangas me nɛ wo.

1 iKɔrɔntos 16:9

Daa ɛli ne kɛ phaal me nkpiinɛ nitomɛ na gbom ndɔ ne iFisus de, ninaa ne iphup ne ma jung sonɛ gbom.

2 iKɔrɔntos 1:11

Phyik ɛn njwii ne boote ne ɛTaanggbey. Yaa ne lenɛ ɛlɛ wo ninyi na gbom yaa ne tɔɔrek ɛTaanggbey ye irway ihwala daa ne ito mos, lenɛ ne ɛwɛng nga ne kɛ nang njwii daa ɛli ne ɛTaanggbey ya kɛ say ɛroo gha nɛ ninyi na gbom kɛ roro njwii nɛ wo.

2 iKɔrɔntos 13:11

ɛTsim mɛ nigwaa nge, te n tek nyini ncaang. See ɛn ito te ɛ tɔk ɛn ihyɔrɔ, phok ɛn ibol de ne nggɛ roo nyini wu te ɛ roos ɛn no, te icwas mon teye ijwaan nɛ, shɛɛ ɛn ne irway ne laal. ɛLɛ wo ne ɛTaanggbey ya ne ɛbhɛ ɛ so ɛTaanggbey ne ishwim ba ne irway ne laal da yaa shɛɛ ne nyinɛn.

iKɔlɔsi 4:3

Ma bol ɛn ne ɛTaanggbey ya ɛlɔ mos ne mang, te ɛTaanggbey ya phaal njwi ɛnu ne izuk ne tɔng ibol ɛbhɛ de, te njwi tɔng ibol igying ɛbhɛ de daa ɛKiriti gha. iBol igying ngɛdee wo iphɛ iphɛ kɛ te nzo ne nyang ge.

1 iTasɔlɔnika 1:5

Daa ɛli ne sɔng njwi kaa yɛɛs nyini ne ibol iyɛnɛng ngge ne ɛnu zɔng nang, iphɛ kaa bok ihwet, iphɛ bok iKabyik ɛTaanggbey, iphɛ ne so hyɔrɔ ne itin. Ɛ yɛɛ ɛn ihywee ne ishwɛɛ da ne njwi kaa shɛɛ ndɔ mon no, ishwɛɛ yɛ kaa so te njwi phyik nyini.

1 iTasɔlɔnika 1:8

iBol ɛDaray de kɛ ne le ɛlɔ mon na iphɛ shwalat nilɔ na gbarang, sɔng iphɛ kɛ ne kyinak ne iMakyidɔniya de ne iKaya de zɔng nang. Gbik ɛlɔ gha ne njwi kɛ bok ngɛ njwi ne phok i darat ngka ne ìnang ne itin mon de ne ɛTaanggbey ya. iPhɛ ɛlɛy sɔng njwi ne ta bok ihak ibol ne njwi yaa ta yɔngɔ dɔng nang.

1 iTasɔlɔnika 2:1

Nyinɛn nigwaa en no ˆɛ yɛɛ ɛn, sɔng iyɛɛs mos da ɛlɔ mon na kɛ te buu nang.

1 iTasɔlɔnika 2:13

ɛKɔn nɛghaa wo ɛbhɛ kɛ te njwi ne tɔɔsel ɛTaanggbey yegha irway ihwala da cɛcɛɛy yo. Daa ɛli ne nten de ne njwi kaa nang nyini ibol ɛTaanggbey de, sɔng ˆɛ kaa ne say ɛn iphɛ te ibol ɛten ɛsii nang, ˆɛ kaa yang say ɛn iphɛ, iphɛ soye ibol ɛTaanggbey ne iphɛ mɔn ɛtomɛ ndɔ mon. Nyinɛn no ne ˆɛ kɛ nang ɛn ne itin nɛ wo.

1 iTasɔlɔnika 4:1

ɛTsim mɛ gbik nigwaa en, njwii roro ne nyinɛn, njwii ta bol ne nyinɛn ndɔ ne ɛYɛso irywɛɛk ɛDaray njwii bo wu te ɛ shɛɛ ɛn ihywee ne ishwɛɛ da ne ifɛ nang ɛTaanggbey ye irway ihwala ɛli ne ˆɛ kɛ mɛmɛ ɛn nɛ ɛlɔ mos sa. ɛTsak ɛlɛy ne ˆɛ shɛɛ ɛn ɛlyilyɛghaa wo. Njwii ne roro ne nyinɛn wu te ˆɛ hante ɛn nɛ gbom.

1 iTasɔlɔnika 5:17

Bol ɛn ne ɛTaanggbey cɛcɛɛy.

1 iTasɔlɔnika 5:25

Nigwaa en, bol ɛn ne ɛTaanggbey daa ne ito mos.

2 ɛTimɔti 2:9

Daa ɛli ne nzi tɔng iBol iYɛnɛng ngge, nzi ne sɔ nggbang gbom, kɛ phyii rop me te ɛnyi ɛbebhe. Gbik ne iphɛ ɛlɛy, sɔng yaa ne yɛɛ ne rop ibol ɛTaanggbey de nang.