2 iTasɔlɔnika 2:9 - ɛWee ne ìTsɛm iHywas

⁹ Sɛ seng ɛsang-phok ka daa ɛtomɛ ne ihwet ɛShɛtan. Ɛ sɛ mɔn nikɔn ne kparat, ne ikyarakyut gbik nɛ nikɔn nɛ nibhɛ so ishoo yɛ ihywee-ihywee.

2 iTasɔlɔnika 2:9 ပူးပေါင်းရင်းမြစ်များ

ɛMacu 12:22

Kaa ne yɛɛs ɛYɛso yegha ne ɛdɛ ɛnyi gha ne ikabyik ibebhe so ndɔ ɛbhɛ ne iphɛ kɛ te ɛnyi gha ɛ yɛk iwil, ɛ ta te nkpɔy. ɛYɛso gha ne te ɛnyi gha ɛken, ɛnyi gha ne yaa wɛɛ, ɛ ta yaa bol.

ɛMacu 24:24

Daa ɛli nɛ nikiriti ne irywɛɛk ka nɛ ninabawa ne irywɛɛk ka sɛ wuusi, nibhɛ tɔɔsel nyu ne igbaang nikɔn ne kparat tɛ nibhɛ luk ninyi na ne ɛTaanggbey ya kɛ ku kasa wo, wu nibhɛ yaa yɛɛ nɛ.

ɛMacu 4:10

ɛYɛso gha ne kyii nɛ ɛ yaak ɛbhɛ, “Cwi gɔɔ ɛbɛ wo ɛShɛtan nɔɔy! Kɛ ku haa ndɔ ne ɛWee ne iBol ɛTaanggbey yo bo, ‘Re ɛDaray ɛTaanggbey mo gha ntsong, ɛbhɛ zɔng ne aa re ɛbhɛ ntsong ngga.’ ”

ɛMarakus 13:22

niKiriti ne irywɛɛk, nɛ ninabawa ne irywɛɛk sɛ ne wuusi gbom. Nibhɛ sɛ ne tɔɔrek nyu nikɔn ne kparat ta gbom tɛ nibhɛ luk ninyi na. Sɛ ne sɛ nibhɛ kɛ sɛ ikɛk, nibhɛ sɛ ne hɔ ihywɛɛ ninyi de ne ɛTaanggbey ya kɛ ku kasa wo.

ɛLuka 11:25

Wu iphɛ kɛ ne tuu iphɛ sɛ ijwee wo ywɛywɛy kɛ ryɔng.

ɛYohana 4:48

ɛYɛso gha ne yaak ɛbhɛ, “Sɛ yɔng ɛ kɛ sang yaang ɛn nyu nikɔn ne kparat ta, sɔng ɛ sɛ ne nang ɛn ne itin nɛ nang.”

ɛYohana 8:41

Ɛɛ mɔn ɛn nikɔn na ne ɛkyɛɛ mon na kɛ mɔn.” Nibhɛ ne kyii nɛ nibhɛ yɔngɔ, “Sɔng njwi so itso ne irywen nang, ɛTaanggbey ne ito ɛbhɛ, ɛbhɛ so ɛKyɛɛ mos sa zɔng, njwi ne so ninɔn ntin ɛbhɛ.”

ɛYohana 8:44

Ɛ so ɛn ninaa ɛkyɛɛ mon ɛShɛtan, ɛɛ sim ɛn te ɛ sɛɛ roos ɛn ɛkɔn na ne ɛkyɛɛ mon na sim. Ne le ne itsa yɛ ɛ kaa ku so ɛhaa ne phobho ninyi ne ɛ sang bok itin nɛ, daa ɛli ne hame itin de so ndɔ ɛbhɛ. I sɛ ɛ kɛ hyɛ irywɛɛk ga, kaa so ɛɛ ku bol ɛkɔn na ne ɛbhɛ yɛ ɛ ku so, daa ɛli ne ɛ ku so ɛhaa ne irywɛɛk ka, ne ɛ ta so ɛkyɛɛ ninaa ne irywɛɛk ka.

ɛTomɛ 13:10

Ne ɛ yaak ɛbhɛ, “Ɛ soyɛ ɛngɔn ɛShɛtan! Ɛ bok iphup nɛ nikɔn nicik gbik! Ɛ bok intsɛntsɛng igywebhe ne irywɛɛk. Aa ne kɔɔng ngɛ tang tɔ bees nkpiinɛ icik ɛDaray daa?

2 iKɔrɔntos 11:14

Sɔng iphɛ ne so ɛkɔn ne kparat nang, daa ɛli ne ɛShɛtan na ma mɔɔng ɛ hyereey te ɛmalɛka ɛwɛwɛy.

2 iKɔrɔntos 11:3

Ne n bok ɛnik wu irway mon yaa yung hyereey, ɛ tek ɛn ishwim iywɛnɛng mon da ne ɛ sim ɛn ɛKiriti yegha. Aa yung hyere nyini ɛli ne ɛWaawu gha kaa hyereey yo nten de ne izɔ de kaa luk ɛbhɛ ne ntsɛntsɛng igywebhe ne ihywɛ de.

2 iKɔrɔntos 4:4

ɛShɛtan na ne i re ɛbhɛ ntsong ngaa, ne ɛbhɛ ɛ so ɛTaanggbey ne izam mɛghaa wo ne ɛ phebhe wo kɛ cwaal ninaa nɛ nibhɛ kɛ sang nang ne itin nɛ wo irway, tɛ nibhɛ sang yaang iwɛwɛy ne ito-ndiinday ne iBol iYɛnɛng ɛKiriti de ne ɛbhɛ soye izazurum ɛTaanggbey de.

iFisus 2:2

Nten nɛdee nggyɛ wo ˆɛ kaa ne i roos ɛn icwas ɛzay yɛdaa wo nɛ, ˆɛ roos ɛn ɛShɛtan ne ne ɛ re igbɔm daa ikpabyik ɛzay ne i sang yaang. Ɛbhɛ ɛ soye ikabyik kɛdee nggyɛ wo ne iphɛ mɔn ɛtomɛ gha ndɔ ne irway nisang-phok.

2 ɛTimɔti 3:8

Te ɛli nɛ ne ɛYanes ne ɛYamberes kaa yɛk iphup be ne ɛMuusaa gha, ɛlɛy nɛ ninyi yɛnaa nggyɛ wo ne bok iphup be ne itin de. Nibhɛ soye ninyi nɛ nibhɛ bok nggyuk, ìnang ne itin nibhɛ da so buu.

ɛYakub 3:15

Sɔng ihywee ne ntsɛntsɛng ngɛdee wo so ihywee ne izee ne ihywɛ le daa ne irywa nang, ihywɛ yang so izee ɛzay. Sɔng ihywɛ ne ta so izee ne ikabyik nang, ihywɛ so izee niphoo.

Nikɔn ne kɛ Phaal 12:17

ɛGbaang ne izɔ wo ne te njenjek ne ɛkuk ka, ne ɛ ji phɛ ɛ yaa bhɛ ta itsom ne ɛbyin ne ihywee ɛkuk ge, nɛ ninaa nɛ nibhɛ roos ikpii ɛTaanggbey da nɛ ninaa nɛ nibhɛ kɛ kyinak gɛy ndɔ ne ishɛɛda de nɛ nibhɛ kɛ nang ne ibol ɛYɛso de.

Nikɔn ne kɛ Phaal 12:9

Ne top ɛgbaang ne izɔ igywebhe de ndɔ ne ivel. iZɔ ne ile yɛdee nggyɛ wo ne i yeres ihywɛ ɛPhoo gha, ne ɛShɛtan na. Ɛbhɛ ɛɛ luk ninyi ɛzay ya gbik. Kaa top ɛbhɛ nɛ nimalɛka ɛbhɛ na ndɔ ɛzay ya.

Nikɔn ne kɛ Phaal 18:23

Sɔng tang yaang ɛwɛwɛy ne ifitila nang. Sɔng tang phok izɔlɔs ne ɛyiyaam ne yɛl, ne izɔlɔs ɛyɛl lɛ ndɔ mo dɔng nang. Daa ɛli nɛ ninaa ne iza mo na, nibhɛ bhɛ kaa so ninaa ne igbɔm ɛzay ya. iGbagha ɛzay yo kaa te buruburu ne ikyarakyut mo de.

Nikɔn ne kɛ Phaal 19:20

Ne wum inyam be ne ɛnɛbi ne rywɛɛk ka ne ɛ kɛ mɔn nikɔn ne kparat ta daa ne irywɛɛk ne inyam be. Ne nyu nikɔn ne kparat tɛnaa nggyɛ wo ne ɛnɛbi ne rywɛɛk kɛghaa nggyɛ wo kɛ luk ninyi na nɛ nibhɛ kɛ say ɛlamba ne inyam igywebhe gha nibhɛ re izazurum ne ihywɛ de ntsong ngaa. Ne wum inyam igywebhe de ne ɛnɛbi ne irywɛɛk ka i cwaak nibhɛ niken nɛ ndɔ ɛling ne igboo ne ifɛ re ne isɔlifa.

Nikɔn ne kɛ Phaal 20:10

Ne wum ɛShɛtan negha ne ɛ kɛ luk nibhɛ wo i cwaak ɛbhɛ ndɔ ne ɛling ne igboo ne isɔlifa wo ɛlɔ gha ne kɛ ku cwaak inyam igywebhe de gbik ne ɛnɛbi ne irywɛɛk ka nɛwo. Sɛ́ ne baasek nibhɛ nggbang ne igbey ne ɛtuk, ishay-ishay.

Nikɔn ne kɛ Phaal 9:11

iHywɛ kaa bok ɛgɔm ne ɛ re igbɔm daa ne ihywɛ, ɛbhɛ kaa ne soye ɛmalɛka ne ibong kyukyum be. Kaa ne i yeres ɛbhɛ “ɛBadɔn” ne ilem ne iHyiburu, ne yeres ɛbhɛ “ɛPɔliyɔn” ne ilem iGirik, kaabi ɛHaa ne Bees.