2 iTasɔlɔnika 2:17 - ɛWee ne ìTsɛm iHywas

¹⁷ te nyini itsɔngɔl gɛgɛy, ɛ nang nyini ihwet ne mɔn nikɔn niyɛnɛng gbik ne bol ivol iywɛnɛng.

2 iTasɔlɔnika 2:17 ပူးပေါင်းရင်းမြစ်များ

iRooma 1:11

Nzi ku has irway te nzɛɛ yaang nyini te n te nyini ɛ sɛ ɛn nidɛng Niwɛng nga ne iKabyik ɛTaanggbey ya i nang, te iphɛ te nyini itsɔngɔl gɛgɛy.

iRooma 15:13

Te ɛTaanggbey ya ne ɛ so ɛhaa ne te ɛnyi gha ɛ sit irwisɛ da, yɛk nyini ne irway ihwala hyɔrɔ, ne irway ne laal ndɔ nang ne itin de ne ɛ kɛ nang ɛn nɛ ne ɛbhɛ wo, te iKabyik ɛTaanggbey de te nyini ɛ raras ɛn ndɔ ne sit irwisɛ mon da.

iRooma 16:25

Te ne nang ɛTaanggbey yegha ne ndiinday cɛcɛɛy. Aa yɛɛ ne te nyini ɛ kyinak ɛn gɛgɛy ndɔ ne ìnang ne itin mon de lenɛ ne iBol iYɛnɛng ɛYɛso ɛKiriti de ne nzi sanga wo. iShay de kɛ ne hɔn maa ne kaa rɛɛ iBol iYɛnɛng ngɛdee wo,

1 iKɔrɔntos 1:8

ɛYɛso gha ya ne boos nyini gɛgɛy ndɔ ne ìnang ne itin de ɛli ne hame sɛ́ sɛ nyini ne ɛkɔn ne rip ɛtuk ka ne ɛDaray njwɛɛn ɛYɛso ɛKiriti gha sɛ bhɛ kyii wo.

2 iKɔrɔntos 1:21

ɛTaanggbey ya ɛbhɛ kɛ te njwit to ne nyinɛn no kɛ kyinak gɛgɛy ndɔ ɛKiriti gha. Ɛbhɛ kɛ ne ta kasa njwɛɛn ndɔ ɛtomɛ yɛghaa wo.

iKɔlɔsi 2:7

ˆƐ see ɛn iling ˆɛ lɔl ɛn nyini ndɔ ɛbhɛ te ìnang ne itin mon de yɛk ihwet ɛli ne njwi kɛ ku mɛmɛ nyini nɛ wo, irway ihwala mon da yɛɛnɛ njɛnjɛt ɛbyin nɛ loghɛt.

1 iTasɔlɔnika 3:13

Te ɛDaray ya yɛk ngɛ irway mon hante ne ihwet, te tul nyini kang, wɛlɛng ɛkɔn ne tok ɛnu ɛyisɛ ɛTaanggbey ya ne ɛbhɛ ɛ so ɛTaa gha, ɛtuk ka ne ɛDaray njwɛɛn ɛYɛso gha sɛ bhɛ kyii nɛ ninyi ɛbhɛ na.

1 iTasɔlɔnika 3:2

Njwi ne ji tom ɛTimɔti ye ne ɛ so ɛgwaa mos ne ɛtaay ɛtomɛ mos ndɔ ne sanga ibol ɛKiriti de ɛlɔ mon na. Njwi kɛ tom ɛbhɛ te ɛ yɛɛs te ɛ te nyini itsɔngɔl gɛgɛy, ɛ hante nyini ne ihwet ndɔ ne ìnang ne itin mon de.

2 iTasɔlɔnika 2:16

Te ɛDaray ɛYɛso ɛKiriti njwɛɛn na ne ito ɛbhɛ gbik ne ɛTaanggbey ya ne ɛ soye ɛKyɛɛ njwɛɛn na, ne ɛ kɛ sim njwɛɛn no, ɛ wɔrɔp njwɛɛn no, ɛ ta nang njwɛɛn iyɛk ne irway iywɛnɛng ngga, lenɛ ne izɛɛng ɛbhɛ de,

2 iTasɔlɔnika 3:3

ɛDaray ne so sɛ kyinak daa ne ibol ɛbhɛ. Aa nang nyini ihwet, ɛ ta kyɛngɛse nyini ɛlɔ ɛShɛtan na, ɛBebhe gha.

iBirani 13:9

Sɔng ˆɛ tek ɛn imɛmɛ ifas, ihywee-ihywee kpuru ihywɛɛ mon de nang. iPhɛ kɛ jam mɛ ˆɛ hante ɛn irway mon ne ihwet ne izɛɛng ɛTaanggbey, sɔng daa ne roos ikpii ne re ire nang. Sɔng ninyi na nɛ nibhɛ roos ikpii yɛdaa nggyɛ wo i sɛ iphyik nang.

1 ɛBiturus 5:10

Yaa ne sɛ ɛ kɛ sɔke ɛn ne nggbang ngga ndɔ nten ncɛt nang, ɛTaanggbey ne ɛ so ɛhaa ne izɛɛng nga gbik ko, ne ɛ kɛ yel-le nyini wo te ɛ sɛ ɛn ihop ndɔ ne ndiinday ne inat ɛbhɛ de lenɛ ne ɛYɛso ɛKiriti gha, sɛ ne te nyini niphas sɛ, ɛ lɔl nyini, ɛ te nyini hyɔrɔ, ɛ ji hante nyini ne ihwet. Ɛbhɛ wo ne ito ɛbhɛ ɛ sɛ mɔn ɛlɛy wo.

1 ɛYohana 3:18

Nyinɛn ninɔn nge ne nzi sim, sɔng njwɛɛn tɔɔrek ishwim ba daa ne igbɛrɛ ɛnu nang, te njwɛɛn yang tɔɔrek ifɛ daa ɛtomɛ ne njwɛɛn i mɔn nɛ ne itin nɛ.

ɛYahuza 1:24

Te ne dɛp ɛTaanggbey yegha ne ɛbhɛ ɛ bok ihwet ne aa phyik njwɛɛn ɛlɔ ne njwɛɛn yaa yung ho wo, ɛ yɛɛs ne njwɛɛn ɛlɔ ɛbhɛ gha, wɛlɛng ɛkɔn ne tok ka, ɛnu ɛyisɛ ne ito-ndiinday ɛbhɛ de ne irway ihwala da gbom mo.