2 iTasɔlɔnika 2:16 - ɛWee ne ìTsɛm iHywas

¹⁶ Te ɛDaray ɛYɛso ɛKiriti njwɛɛn na ne ito ɛbhɛ gbik ne ɛTaanggbey ya ne ɛ soye ɛKyɛɛ njwɛɛn na, ne ɛ kɛ sim njwɛɛn no, ɛ wɔrɔp njwɛɛn no, ɛ ta nang njwɛɛn iyɛk ne irway iywɛnɛng ngga, lenɛ ne izɛɛng ɛbhɛ de,

2 iTasɔlɔnika 2:16 ပူးပေါင်းရင်းမြစ်များ

ɛLuka 16:25

“ɛBaraying nga ne kyii nɛ ɛ yaak ɛbhɛ, ‘ɛNyɛn,’ Taate nɛ ɛli ne ɛ kɛ so ndɔ ɛzay ya, ɛ kaa ku phok iyɛnɛng mo de, ɛLaazaru gha ne sɔ nggbang. ɛLyilyɛghaa wo nang, ɛLaazaru gha ne ma ji phok iyɛnɛng ngge ɛ ma ji sɔ nggbang.

ɛYohana 13:1

ɛTuk kɛ kaa ne mak ɛdaan ne yaa tsa iDira ne Tes iDee de Tsak ko. ɛYɛso gha ne i yɛɛ wu nten nɛ kɛ tuu ne aa tek ɛzay yɛghaa wo ɛ kyii ɛlɔ ɛKyɛɛ gha. Ɛ kaa ne ku i sim ninyi ɛbhɛ na nɛ nibhɛ kaa so ne ɛbhɛ ndɔ ɛzay ya, ne ɛ kaa tɔɔrek nibhɛ ishwim bhɛ hɔn ɛgak kɛ.

ɛYohana 15:13

iShwim ba ne ifɛ shɛɛ so ne ɛnyi yaa tɔɔrek nitaay ya ifɛ so ɛlɛ; te ɛ nang iken ɛbhɛ ɛlɔ nibhɛ.

ɛYohana 15:9

“Ɛli ne ɛkyɛɛ gha kɛ sim me wo, ɛlɛy ne nggɛ ne sim nyini. Ne ɛ shɛɛ ɛn ndɔ ishwim nge da.

ɛYohana 16:22

Ɛlɛy ne iphɛ so ne nyinɛn no: ɛlyilyɛghaa wo iphɛ so nten ne irway ishwii mon da, nzɛ ne ta yaang nyini dɔng ɛ sɛ ne yɛk ɛn irway ihwala, sɔng ɛnyi sɛ ne phɔt irway ihwala mon da nang.

ɛYohana 3:16

“Daa ɛli ne ɛTaanggbey ya kɛ sim ɛzay ya gbom mo nang, ɛ kɛ ne nang ɛNgɔn ɛDaan ɛbhɛ te gbik ɛnyi gha ne ɛ kɛ nang ne itin nɛ ne ɛbhɛ wo nang, sɔng aa ne ku nang, aa yang sɛ iken ne inat.

ɛYohana 4:14

Gbik ne iphɛ ɛlɛy, ɛhaa ne ɛ kɛ ne sɔ inɛn da ne naa nang ngo, sɔng aa ne tang phok irway ne has ba nang. iNɛn da ne naa nang ɛbhɛ wo yaa te te ɛncincɛk ndɔ ɛbhɛ wo, mpɛ ne ji naas iken ne inat.”

ɛTomɛ 15:11

Njwɛɛn kɛ ne nang ne itin nɛ wu sɛ phɔt njwɛɛn lenɛ ne izɛɛng ɛDaray ɛYɛso de, ɛlɛy ne sɛ ne ma mɔn ninyi na ne hame nibhɛ so niYahodawa na.

ɛTomɛ 18:27

Ne sɛ ɛPolos sa sim te aa phɛ ne iKaya, ninaa ne roos sa ne te ɛbhɛ itsɔngɔl gɛy, nibhɛ ne ji haa ɛbhɛ ɛwee wu tɛ ninaa ne roos ne iKaya na say ɛbhɛ ne ibɔ iphaa. Ne sɛ ɛ kɛ bhɛ tuu iKaya de, ne ɛ teye ɛkɔn ne iphyik ɛlɔ ninyi na nɛ nibhɛ kɛ nang ne itin nɛ lenɛ ne izɛɛng ɛTaanggbey de,

iRooma 1:7

Nyinɛn no ne ɛ so ɛn iRooma de ne ɛTaanggbey ya i sim nyini ɛ kɛ ta yel-le nyini te ɛ shɛɛ ɛn kang, Te izɛɛng ne irway ne laal ɛTaanggbey ne ɛ so ɛkyɛɛ njwɛɛn gbik ne ɛDaray ɛYɛso ɛKiriti shɛɛ ne nyinɛn.

iRooma 4:16

iPhɛ ɛlɛy, ìtsɛm mɛdee wo kɛ kyinak daa ìnang ne itin nɛ, te iphɛ ne kyinak daa ne izɛɛng ɛTaanggbey, te ne ta sang to irway wu icwaang ɛBaraying ngo gbik sɛ say ìtsɛm be. Sɔng iphɛ so daa ninaa ne roos iMɛmɛ ɛMuusaa zɔng nang, iphɛ ma so daa ninaa nibhɛ kɛ nang ne ihywee ne itin ɛBaraying ngge, ne ɛ so ɛkyɛɛ njwɛɛn na gbik ko.

iRooma 4:4

iJam be ne kɛ tal ɛnyi gha ne ɛ kɛ mɔn ɛtomɛ gha, sɔng kɛ nang ɛbhɛ buu nang, ilong ɛbhɛ.

iRooma 5:8

ɛTaanggbey ya kɛ yang tɔɔrek ishwim ɛbhɛ daa njwɛɛn daa ɛli ne njwɛɛn kɛ tɔ ninaa ne ɛfɔt, ɛKiriti gha ne ku ɛlɔ njwɛɛn!

iFisus 5:2

Shɛɛ ishwɛɛ ne ishwim ɛli ne ɛKiriti gha kɛ sim njwɛɛn no, ɛ phyii nang ito ɛbhɛ de ɛlɔ njwɛɛn na te ɛkɔn ne hap itsanga gha ne ɛ bok ɛnkyinkyɔp ɛyɛnɛng nga ne kɛ hap ɛTaanggbey yegha ne itsanga de.

iFisus 5:25

Nyinɛn niras so sim ɛn nikuk mon na ɛli ne ɛKiriti gha kɛ sim idira ninaa ne roos de ɛ phyii nang ito ɛbhɛ de ɛlɔ nibhɛ wo.

iKɔlɔsi 1:23

iPhɛ so nggbinggbing ˆɛ re ɛn ɛnu ɛyisɛ ndɔ ne ìnang ne itin mon de te ˆɛ kyinak ɛn nting daa ne itin nɛdee wo. Sɔng ɛ sim ɛn i sungki nyini, ˆɛ hana ɛn iyɛk ne irway yɛdaa wo ne ˆɛ kaa sɛ ɛn nten de ne ˆɛ kaa phok ɛn ibol iyɛnɛng ngɛdee wo nang. iBol iyɛnɛng ngɛdee wo ne kɛ sanga ndɔ nikɔn na ne kɛ ryɔng ngo, ne mee ɛBulus sa nggɛ te me ɛhaa ɛtomɛ yɛwo.

iKɔlɔsi 1:5

Daa ɛli ne ìnang ne itin mon de so daa nikɔn na ne ɛ kɛ yɛk ɛn ne irway ne kɛ tek nyini nɛ daa ne irywa. Ɛ kaa tsa ɛ phok ɛn ibol nikɔn nɛdee wo ndɔ ne ibol ne itin de ne iphɛ so ibol iyɛnɛng ngge.

1 iTasɔlɔnika 1:3

Njwii tas ne nyinɛn ɛnu ɛyisɛ ɛTaanggbey ya ne ɛ so ɛTaa gha. Njwii tas ne ɛtomɛ gha ne ìnang ne itin mon da i tɔɔsel lo, ne ɛtomɛ gha ne ɛ mɔn ɛn lenɛ ne ishwim mon da, gbik ne rop iku mon de ne ɛ bok ɛn lenɛ ne sit ne irwisɛ da daa ɛDaray njwɛɛn ɛYɛso ɛKiriti gha.

1 iTasɔlɔnika 3:11

Te ɛTaanggbey ya ne ɛbhɛ ɛ so ɛTaa gha ne ito ɛbhɛ, ne ɛDaray njwɛɛn ɛYɛso gha phaal njwii ɛnkiinɛ ne yɛɛs ɛlɔ mon na.

2 iTasɔlɔnika 2:13

iPhɛ so nggbinggbing njwi tɔɔrek ɛTaanggbey ye irway ihwala daa mon nigwaa en ne ɛDaray ya i sim mo. Daa ɛli ne ɛTaanggbey ya kaa ku kasa nyini te ɛ te ɛn nyini ninaa ɛyisɛ yɛ ne kɛ phɔt. Ɛ kɛ mɔn ɛlɛ wo lenɛ ne ɛtomɛ ne iKabyik ge ne iphɛ kɛ tul nyini kang gbik ne ìnang ne itin mon ndɔ ne itin de.

ɛTitus 1:2

lenɛ ne iyɛk ne irway daa ne ibol ne iken ne inat de. ɛTaanggbey ya ne hame ɛ wul irywɛɛk ga kaa ku sim-mɛ ne iken nɛdee wo ɛli ne kɛ tang tum ɛzay ya.

ɛTitus 2:13

Njwɛɛn i shɛɛ ɛlɛ wo i hyep ɛtuk ɛwɛng nga ne njwɛɛn kɛ yɛk ne irway da. Nten de ne ito-ndiinday ɛTaanggbey ne nindiinday ɛHaa ne Phɔt njwɛɛn ɛYɛso ɛKiriti gha sɛ tɔɔl le wo.

iBirani 7:19

Sɔng iMɛmɛ ɛMuusaa da kaa hɔn ifɛ sɛ te ɛnyi ɛ te hyɔrɔ nang. ɛLyilyɛghaa wo kɛ ne ji yɛɛs ne ɛkɔn ne ɛ phyin ne njwɛɛn yaa sit irwisɛ da ɛbhɛ te i lenɛ ne ɛbhɛ njwɛɛn yɛɛs cɛcɛk ne ɛTaanggbey ya.

1 ɛYohana 3:16

ɛLɛ ne njwɛɛn i seng ɛli ne ishwim ba so: ɛYɛso gha kɛ nang iken ɛbhɛ ɛlɔ njwɛɛn. iPhɛ ne so nggbinggbing njwɛɛn ma nang iken njwɛɛn de ɛlɔ nigwaa njwɛɛn na.

Nikɔn ne kɛ Phaal 1:5

Ne izɛɛng ne irway ne laal ne ifɛ le ɛlɔ ɛYɛso ɛKiriti ne ɛbhɛ soye ɛshɛɛda ne sɛ kyinak daa ne ibol ɛbhɛ. Ne ɛ soye ɛngɔn ɛkɔɔn ndɔ ninaa ne yiisitsik ne ikpuu da. Ne ɛbhɛ ɛ soye ɛgɔm nigɔm ɛzay ya. Te nang ɛbhɛ ne ndiinday ne ɛbhɛ ɛ sim njwɛɛn, ɛ kɛ sɔnɔ njwɛɛn ndɔ ne ɛfɔt njwɛɛn no lenɛ nɛ neyi ɛbhɛ ne ɛ kɛ lok.

Nikɔn ne kɛ Phaal 22:5

Sɔng ɛtuk sɛ ta sonɛ dɔng nang. Sɔng nibhɛ sɛ ne ta tɔk ɛpitila ne iroy ne ifɛ yaa tol nibhɛ nang daa ɛli ne ɛDaray ɛTaanggbey ya ɛbhɛ sɛ́ nang nibhɛ iwɛwɛy de. Nibhɛ sɛ́ ne re igbɔm ba ishay-ishay.

Nikɔn ne kɛ Phaal 3:9

Ninyi na nɛ nibhɛ i bok itso nibhɛ da wu i soye niYahodawa na kaabi nibhɛ sang kyi soye nɛ wo. Nibhɛ soye ninaa ne irywɛɛk, ɛguu ninyi ɛShɛtan. Nzi tɔng ngɛ, naa ne yɛk nibhɛ nɛ nibhɛ yɛɛs nibhɛ ho yɛ ne iphanta. Nibhɛ yaa ne ji seng wu nzi sim-mɛ.