2 iTasɔlɔnika 2:15 - ɛWee ne ìTsɛm iHywas

¹⁵ iPhɛ ɛlɛy nigwaa en, kyinak ɛn gɛgɛy, te ɛ wum ɛn nikɔn na ne njwi kɛ mɛmɛ nyini nɛ wo. Ninaa ne njwi kɛ tɔng nyini ne ɛnu nɛ ninaa ne njwi kɛ haa nyini nɛ ndɔ ne ɛwee wo.

2 iTasɔlɔnika 2:15 ပူးပေါင်းရင်းမြစ်များ

iRooma 16:17

Nigwaa ɛn, nzi bok nyini te ɛ wɛɛ ɛn nyini yɛnɛng ɛlɔ ninyi na nɛ nibhɛ te nyini ɛ hosop ɛn nyini wo, nibhɛ yɛɛset ne imɛmɛ ifas ne ifɛ soye nikɔn kyibhɛ nɛ nibhɛ labhe nɛ nikɔn na ne kɛ ku mɛmɛ nyini nɛ wo. Shɛɛ ɛn kyakyak nɛ nibhɛ!

1 iKɔrɔntos 11:2

Nzi dɛp nyini daa ɛli ne ɛ tas ɛn ne mee ndɔ nikɔn na gbik, ɛ ta boos ɛn ikpii ne imɛmɛ nge da byirik, kancɛng ɛli ne nggɛ nang nyini wo.

1 iKɔrɔntos 15:58

iPhɛ ɛlɛy nigwaa nge ne nzi sim, kyinak ɛn ne ihwet, sɔng ɛkɔn sungki nyini nang. See ɛn ito cɛcɛɛy ndɔ ɛtomɛ ɛDaray ya, daa ɛli ne ɛ yɛɛ ɛn sɔng ɛdɛ ɛkɔn na ne ɛ kɛ mɔn ɛn ɛDaray yegha nɛ wo sɛ te buu nang.

1 iKɔrɔntos 16:13

Shɛɛ ɛn ɛ ɛkanang, kyinak ɛn nting ndɔ ne ìnang ne itin mon de, rop ɛn irway te ɛ yɛk ɛn ihwet.

iFilibi 4:1

iPhɛ ɛlɛy, nyinɛn nigwaa nge ne nzi sim, ˆɛ so ɛn ne irway nge, nzi has irway ne yaang nyini, ɛ so ɛn irway ihwala nge gbik ne ɛkɔn ne ito ne igbɔm nge daa ɛtomɛ nge. Nzi roro ne nyinɛn, kyinak ɛn ne ihwet ndɔ ɛDaray ya, nyinɛn no ne nzi sim mo.

2 iTasɔlɔnika 2:2

sɔng ɛ shii te ɛn buruburu ɛ kpaate ɛn ndɔ ne irway mon daa ne idɛ bol de ne iphɛ kɛ yaak nyini wu ɛtuk ɛDaray ɛYɛso gha kɛ ku tuu nang. Yaa rɔk ɛdɛ ɛnyi gha sɛ boote ɛlɛ wo, hang ndɔ ne ibol yɔɔ, hang ndɔ ne ikabyik yɔɔ, hang ndɔ ne ɛwee yɔɔ, ɛ yɔng wu iphɛ le ɛlɔ mos.

2 iTasɔlɔnika 3:14

Wu ɛdɛ ɛnyi gha kɛ mbaray tang roos ibol de ne njwi kɛ haa nyini nɛ ndɔ ne ɛwee yɛwoo wo, ne ˆɛ wɛɛ ɛn ɛbhɛ yɛnɛng. Sɔng ˆɛ byinki ɛn ito ne ɛbhɛ nang te ɛ sɔ ncwa.

2 iTasɔlɔnika 3:6

Nigwaa en njwii bol ne nyinɛn ndɔ irywɛɛk ɛDaray njwɛɛn ɛYɛso ɛKiriti wu te ɛ shɛɛ ɛn kyaam ne gbik ɛhiha ɛgwaa ne ɛ bok itek ge ɛ ta sang shɛɛ ihywee ne imɛmɛ da ne ˆɛ kɛ say ɛn ɛlɔ mos sa.

ɛTitus 1:9

Te ɛndiinday ya soye ɛnyi ne ɛ kɛ wum ibol ɛTaanggbey de ne sɛ kyinak ngɛ wo gɛgɛy, ɛli ne kɛ mɛmɛ ɛbhɛ nɛ wo. Yaa ne lenɛ ɛlɛ wo ne ɛ te ɛbyin ninyi na itsɔngɔl gɛgɛy lenɛ ne imɛmɛ ne itin, ɛ ta i nep ninaa nɛ nibhɛ bok iphup be ne imɛmɛ ne itin da.

ɛYahuza 1:3

Nigwaa nge ne nzi sim, nggɛ ku bok icwas ne haa nyini nɛ daa ne ibol ne iphɔrɔt njwɛɛn de, ne nggyi yaang iphɛ kɛ jam mɛ nzɛ kyii haal nyini nɛ te n te nyini itsɔngɔl gɛgɛy ɛli ne ˆaa kyinak ɛn daa ne imɛmɛ ne itin ɛYɛso de ne ɛTaanggbey ya kɛ nang ninaa ne roos ɛbhɛ na ɛdaan na zɔng ngo.