2 iTasɔlɔnika 2:13 - ɛWee ne ìTsɛm iHywas

¹³ iPhɛ so nggbinggbing njwi tɔɔrek ɛTaanggbey ye irway ihwala daa mon nigwaa en ne ɛDaray ya i sim mo. Daa ɛli ne ɛTaanggbey ya kaa ku kasa nyini te ɛ te ɛn nyini ninaa ɛyisɛ yɛ ne kɛ phɔt. Ɛ kɛ mɔn ɛlɛ wo lenɛ ne ɛtomɛ ne iKabyik ge ne iphɛ kɛ tul nyini kang gbik ne ìnang ne itin mon ndɔ ne itin de.

2 iTasɔlɔnika 2:13 ပူးပေါင်းရင်းမြစ်များ

ɛLuka 1:75

Te njwɛɛn i shɛɛ wɛwɛy, ne ta i shɛɛ cik ɛnu ɛyisɛ ɛTaanggbey ya, phyii bhɛ hɔn nituk njwɛɛn na ndɔ ɛzay ya.

ɛYohana 1:1

ɛLi ne kaa tang ryɔng ɛzay ya, iBol de kaa ne ku sonɛ, iBɔrɔk ne iBol de kaa ne so ne ɛTaanggbey ya, iBɔrɔk ne iBol de kaa ne soye ɛTaanggbey ya.

ɛYohana 14:6

ɛYɛso gha ne kyii nɛ ɛ yaak ɛbhɛ, “Mee nzo ɛnkiinɛ wo ne itin de gbik ne iken de. Sɔng ɛnyi yaa phɛ ɛlɔ ɛKyɛɛ gha tang roos ɛlɔ nge gha nang.

ɛTomɛ 13:48

Ne sɛ ninyi na ne hame nibhɛ so niYahodawa na kɛ phok ɛlɛ wo, nibhɛ ne yɛk irway ihwala nibhɛ nang ibol ɛTaanggbey de ne ndiinday. Ninyi na ne ɛTaanggbey ya kɛ ku kasa nibhɛ nibhɛ aa sɛ iken ne inat de ne nang ne itin nɛ.

ɛTomɛ 15:9

Sɔng ɛTaanggbey ya kaa tɔɔrek wu njwɛɛn lap bhe nibhɛ nibhɛ wo nang daa ɛli ne ɛ kuus irway nibhɛ da ifɛ te wɛwɛy lenɛ ne ìnang ne itin nibhɛ.

iRooma 6:17

N bok irway ihwala ne ɛTaanggbey, ɛ kaa so ɛn nyini ne nikpuru ne ɛfɔt, ɛlyilyɛghaa wo, ɛ kɛ ne yaa roos ɛn itin de ne kɛ tɔɔrek nyini ndɔ ne imɛmɛ da ne kɛ mɛmɛ nyini nɛ wo ne irway mon gbik.

iRooma 8:33

ɛHay ɛbhɛ aa ne yɔng bok ibol nɛ ninyi na ne ɛTaanggbey ya kɛ kasa wo? Wɛlɛng ɛnyi! Daa ɛli ɛTaanggbey ya ne ito ɛbhɛ ɛbhɛ kɛ say nibhɛ wu nibhɛ so cik.

iRooma 9:11

Kaa ne tang yɛk ninaa ifaa yɛnaa nggyɛ wo. Nibhɛ kaa tɔ tang ku shɛɛ yaa mɔn ɛkɔn ɛyɛnɛng hang ɛkɔn ɛbebhe yɔɔ, ɛTaanggbey ya ne boote ne ɛRɛbɛka gha te i sɛ i shwaak ibol ɛnyi de ne ɛ kɛ ku kasa wo. Sɔng yaa ne shwaak ko daa ɛtomɛ nibhɛ nang, yang so daa ne yel-le ɛTaanggbey.

1 iKɔrɔntos 1:21

ɛTaanggbey ya ndɔ ne ntsɛntsɛng ɛbhɛ de ɛ kɛ ring ninyi ɛzay ya ne seng ɛbhɛ lenɛ ne ntsɛntsɛng nibhɛ. ɛTaanggbey ya kɛ yang mɔn ɛtomɛ ne ibol de nɛ ninyi na i bok iphɛ, “iBol iwamang ngge,” ne njwii sanga wo, ɛ phɔt ninaa nɛ nibhɛ kɛ nang ne itin nɛ ne iphɛ.

iGalatiya 3:1

Nyinɛn ninyi ne iGalatiya na, ɛ hoghɛ ɛn nisan naa? Hang kɛ mɔn nyini naa? Nggɛ tɔng nyini wɛsɛrɛk ibol ne gangat ɛYɛso ɛKiriti yeghaa daa ne ihon no te ɛli ne ɛ kɛ yaang ɛn ne irwisɛ mon.

iFisus 2:8

Nzo kɛ lenɛ ne izɛɛng ɛTaanggbey de i phɔt nyini lenɛ ne ìnang ne itin. Sɔng kɛ phɔt nyini daa ɛdɛ ɛkɔn ɛyɛnɛng nga ne ɛ kɛ mɔn ɛn nang, iphɛ so ìnang ɛbhɛ.

iKɔlɔsi 1:5

Daa ɛli ne ìnang ne itin mon de so daa nikɔn na ne ɛ kɛ yɛk ɛn ne irway ne kɛ tek nyini nɛ daa ne irywa. Ɛ kaa tsa ɛ phok ɛn ibol nikɔn nɛdee wo ndɔ ne ibol ne itin de ne iphɛ so ibol iyɛnɛng ngge.

iKɔlɔsi 3:12

ɛTaanggbey ya kɛ kasa nyini te ˆɛ te ɛn nyini ninyi ɛbhɛ ne kɛ tul kang, ninaa ne ɛ sim gbom. iPhɛ ɛlɛy, ne ˆɛ yɛk ɛn irway ne san iyɔm nigwaa, ˆɛ mɔn ɛn nikɔn niyɛnɛng, ˆɛ te ɛn lyaak, ˆɛ laasek ɛn ito, ˆɛ bo ɛn ɛbɔk.

1 iTasɔlɔnika 1:4

Nigwaa en ne ɛTaanggbey sim, njwii yɛɛ wu ɛTaanggbey ɛbhɛ kɛ kasa nyini.

1 iTasɔlɔnika 2:12

Njwi kɛ bol nɛ nyinɛn, njwi tes nyini itsɔngɔl gɛgɛy, njwi roro nyini te ˆɛ shɛɛ ɛn ishwɛɛ da ne ifɛ kɛ jam mɛ ne yel-le da ne ɛTaanggbey ya kɛ yel-le nyini nɛ ndɔ ne igbɔm ɛbhɛ da ne ndiinday ɛbhɛ de.

1 iTasɔlɔnika 4:7

ɛTaanggbey ya kɛ yel-le njwɛɛn te njwɛɛn shɛɛ kang, sɔng i shɛɛ ishwɛɛ ne irwirwik nang.

1 iTasɔlɔnika 5:9

Sɔng ɛTaanggbey ya kɛ kasa njwɛɛn te njwɛɛn sɛ sɔ nggbang ne njenjek ɛbhɛ nang. Ɛ kɛ yang kasa njwɛɛn te njwɛɛn sɛ iphɔrɔt, lenɛ ne ɛDaray njwɛɛn ɛYɛso ɛKiriti gha.

2 iTasɔlɔnika 1:3

Nigwaa en, iphɛ so nggbinggbing, njwi tɔɔsel ɛTaanggbey yegha irway ihwala cɛcɛɛy ɛlɔ mon na. iPhɛ kɛ jam njwi mɔn ɛlɛ wo, daa ɛli ne ìnang ne itin mon de i hanas se nɛ, ishwim ba ne ɛrɔngɔ bok daa ɛrɔngɔ gha i ne ma hanas se nɛ gbom.

2 iTasɔlɔnika 2:10

Ɛ sɛ luk ninaa nɛ nibhɛ so ne ɛnkiinɛ ne bees se. Sɛ bees nibhɛ daa ɛli nɛ nibhɛ kɛ mbaray sim itin de nibhɛ phɔrɔt.

2 iTasɔlɔnika 2:12

Te ne ji lenɛ ɛlɛy i hyɛ gbik ninyi na nɛ nibhɛ kɛ shɛɛ tang nang ne itin nɛ ne itin de, nibhɛ yang phok yɛnɛng ne ibebhe de ɛshara ne nggbang.

2 iTasɔlɔnika 2:16

Te ɛDaray ɛYɛso ɛKiriti njwɛɛn na ne ito ɛbhɛ gbik ne ɛTaanggbey ya ne ɛ soye ɛKyɛɛ njwɛɛn na, ne ɛ kɛ sim njwɛɛn no, ɛ wɔrɔp njwɛɛn no, ɛ ta nang njwɛɛn iyɛk ne irway iywɛnɛng ngga, lenɛ ne izɛɛng ɛbhɛ de,

2 ɛTimɔti 1:9

Ɛbhɛ kɛ phɔt njwii, ɛ ji yel-le njwii te njwi shɛɛ ɛbhɛ kang. Sɔng yel-le yɛdaa wo ne le daa ɛkɔn ne njwi kɛ mɔn nang, iphɛ yang lenɛ ne yɔngɔ ɛbhɛ ne izɛɛng ɛbhɛ ne ɛ bok daa mos. Kaa ne nang njwii izɛɛng ngɛdee wo lenɛ ne ɛYɛso ɛKiriti ne ile ne tang tum ɛzay.

2 ɛTimɔti 2:15

Mɔn ɛkɔn na ne ˆaa yɛɛ ne mɔn nɛ, te ˆɛ tɔɔrek ito mo ɛnu ɛyisɛ ɛTaanggbey ya te ɛnyi ne ɛTaanggbey ya yaa yɔng ɛtomɛ ɛbhɛ kɛ jam. Teye ɛhaa ɛtomɛ gha ne ɛ sang ncwa daa ɛtomɛ ɛbhɛ gha, ɛhaa ne mɛmɛ ne ibol ne itin de byirik.

2 ɛTimɔti 3:15

Taate nɛ ɛli ɛ ku yɛɛ iBol ɛTaanggbey de ne ile ne ɛngɔn mo de. ɛWee ne iBol ɛTaanggbey ne ɛbhɛ yɛɛ ne teyɛ ɛ te ntsɛntsɛng, ɛbhɛ hyel ne nggyɛ ndɔ ne ɛnkiinɛ ne sɛ iphɔrɔt da lenɛ ne ìnang ne itin de ndɔ ɛYɛso ɛKiriti gha.

iBirani 1:10

Ɛ kɛ ne ta yɔngɔ, “ɛDaray, ne ile ne ɛtum mɛ, igyɛ ɛ kɛ see ɛtum ɛzay yo, ne ibɔ mo dɔng, ɛ kɛ ne ryɔng irywa wo.

ɛYakub 1:18

Kɛ lenɛ ne icwas ɛTaanggbey da, ne nang njwɛɛn iken lenɛ ne ibol ɛbhɛ ne iphɛ so itin nɛ, te njwɛɛn teye ninaa ɛyisɛ yɛ ndɔ nikɔn na ne kɛ ryɔng ngo.

1 ɛYohana 4:10

iShwim ne itin da ne so ɛlɛ: sɔng njwɛɛn kɛ sim ɛTaanggbey yegha nang. Kwa! ɛTaanggbey ya ɛbhɛ kɛ yang sim njwɛɛn, ɛ tom ne ɛNgɔn ɛbhɛ gha, te ɛ teye ihap itsanga ne hana njwɛɛn ne ɛfɔt njwɛɛn no.

1 ɛYohana 4:19

Njwɛɛn bok ishwim ba daa ɛli ne ɛTaanggbey ya ɛbhɛ kɛ tsa ɛ sim njwɛɛn.