2 iTasɔlɔnika 2:10 - ɛWee ne ìTsɛm iHywas

¹⁰ Ɛ sɛ luk ninaa nɛ nibhɛ so ne ɛnkiinɛ ne bees se. Sɛ bees nibhɛ daa ɛli nɛ nibhɛ kɛ mbaray sim itin de nibhɛ phɔrɔt.

2 iTasɔlɔnika 2:10 ပူးပေါင်းရင်းမြစ်များ

ɛMacu 13:11

ɛYɛso gha ne kyii ne ɛ yaak nibhɛ, “Kɛ phaal nyini ɛduk ne igbɔm ɛTaanggbey da, sɔng kɛ ne ma phaal nibhɛ nɛ nang.

ɛYohana 3:17

Sɔng ɛTaanggbey ya kaa tom ɛNgɔn ɛbhɛ gha ndɔ ɛzay ya te ɛ hyɛ ɛzay ya ɛshara nang. Ɛ kaa yang tom ɛbhɛ, te ne lenɛ ne ɛbhɛ wo ɛzay ya phɔrɔt.”

ɛYohana 5:34

Sɔng nzi ne bo wu iphɛ so ngbingbing ɛten ɛsii ɛbhɛ tɔng nyini ɛnyi gha ne nzo wo nang, nggɛ maa boote ɛlɛ wo te ɛ phɔrɔt ɛn.

iRooma 10:1

Nigwaa nge, nzi has irway gbom, nzi ne roro ne ɛTaanggbey tɛ ninyi niSɛrɛla na sɛɛ sɛ iphɔrɔt.

iRooma 16:18

Daa ɛli ne sɔng ihywee ninyi yɛdee nggyɛ wo i mɔn ɛDaray ɛKiriti ye ɛtomɛ nang, iphul nibhɛ zɔng nɛ nibhɛ tɔk iphɛ nɛ. I lenɛ ne ɛnu ɛbel nibhɛ gbik ne iluk, nibhɛ ne luk ninyi na ne icwas nibhɛ sang so kyukyum.

iRooma 6:17

N bok irway ihwala ne ɛTaanggbey, ɛ kaa so ɛn nyini ne nikpuru ne ɛfɔt, ɛlyilyɛghaa wo, ɛ kɛ ne yaa roos ɛn itin de ne kɛ tɔɔrek nyini ndɔ ne imɛmɛ da ne kɛ mɛmɛ nyini nɛ wo ne irway mon gbik.

1 iKɔrɔntos 1:18

Ninyi na nɛ nibhɛ so nkiinɛ ne iku wo i wɛɛ ibol ne gangat ɛYɛso yede daa ne ihon no te iwamang, njwɛɛn no ne njwɛɛn ne so ne nkiinɛ ne phɔrɔt to ne yaang ɛli ne igbom ɛTaanggbey da so.

1 iKɔrɔntos 16:22

Gbik ɛnyi gha ne ɛ sang sim ɛDaray yegha, ne ɛ soye ɛkawɛy. Yɛɛs, ɛDaray yɔɔy.

2 iKɔrɔntos 11:13

iHywee ninyi yɛdee nggyɛ wo soye ninɔn ne tom ne irywɛɛk, sɔng ninaa ne itin nɛ nang. Nibhɛ luk, nibhɛ sim tɛ ninyi sɛɛ yɔng wu nibhɛ so ninɔn ne tom ɛKiriti na.

2 iKɔrɔntos 11:15

iPhɛ ɛlɛy, sɔng iphɛ ne so ɛkɔn ne kparat nɛ nikpuru ɛShɛtan na i ma hyere en nibhɛ te tɛ ninaa ne mɔn ɛtomɛ ɛcik ka nang. ɛTsim mɛ, sɛ ne tal nibhɛ nɛ daa ɛkɔn na nɛ nibhɛ kɛ mɔn no.”

2 iKɔrɔntos 2:15

Daa ɛli ne njwi so te ɛnkyinkyɔp ne ɛturarɛ ne ɛKiriti kɛ hap ɛTaanggbey ye ne itsanga, ne mpɛ kɛ shwalat ndɔ ninaa ne kɛ phɔt nibhɛ, nɛ ninaa nibhɛ so ne nkiinɛ ne iku.

2 iKɔrɔntos 2:17

Sɔng njwi so te ɛbyin ninyi na nɛ nibhɛ sanga ibol ɛTaanggbey de tɛ nibhɛ tɔk iryat nang. Njwi yang so ninyi ne ɛTaanggbey ya ɛbhɛ ɛ kɛ tom njwii, njwii ne bol itin nɛ ɛTaanggbey i ne yɛɛ, daa ɛli ne njwi so ninaa ɛtomɛ ɛKiriti gha.

iFisus 4:14

Kɛ mɔn ɛlɛ wo te njwɛɛn kɔɔng nge kaan ne ihywɛɛ njwɛɛn de tɛ ninɔn nishɛɛrɛng nga. Te njwɛɛn sang teye ninyi ne i kaan ne ihywɛɛ nibhɛ te icwen ne igbil kɛ luu. Te njwɛɛn sang teye ninyi ne imɛmɛ ne iluk i hyeem ihywɛɛ nibhɛ ifɛ bok ngɛ nilɔ na kang-ka-kang.

1 iTasɔlɔnika 2:16

Nibhɛ ring njwi ne tɔng ninyi na ne hame nibhɛ soye niYahodawa na ibol iyɛnɛng ngge, ɛlɔ nɛ nibhɛ aa ma yung sɛ iphɔrɔt da. Ɛlɛ wo nɛ nibhɛ ne hanas ne shwaasek ɛgyuuru ne ɛfɔt nibhɛ gha hyɔrɔ. iPhɛ dee njenjek ɛTaanggbey de kɛ ne tɔm daa nibhɛ.

2 iTasɔlɔnika 2:12

Te ne ji lenɛ ɛlɛy i hyɛ gbik ninyi na nɛ nibhɛ kɛ shɛɛ tang nang ne itin nɛ ne itin de, nibhɛ yang phok yɛnɛng ne ibebhe de ɛshara ne nggbang.

2 iTasɔlɔnika 2:13

iPhɛ so nggbinggbing njwi tɔɔrek ɛTaanggbey ye irway ihwala daa mon nigwaa en ne ɛDaray ya i sim mo. Daa ɛli ne ɛTaanggbey ya kaa ku kasa nyini te ɛ te ɛn nyini ninaa ɛyisɛ yɛ ne kɛ phɔt. Ɛ kɛ mɔn ɛlɛ wo lenɛ ne ɛtomɛ ne iKabyik ge ne iphɛ kɛ tul nyini kang gbik ne ìnang ne itin mon ndɔ ne itin de.

1 ɛTimɔti 2:4

ɛTaanggbey ya ne ɛ sim te gbik ninyi na sɛɛ sɛ iphɔrɔt da, nibhɛ ta seng itin de.

iBirani 3:13

Ne ɛ tes ɛn itso mon itsɔngɔl gɛgɛy cɛcɛɛy. Mɔn ɛn ɛlɛ wo nten de ne ɛ so ɛn niken “iZenge,” ɛlɔ ne ɛfɔt to ya yung luk ɛdɛ mon irway ɛbhɛ te gɛgɛy.

2 ɛBiturus 2:12

Ninyi yɛnaa nggyɛ wo i ne bol ivol ne bɛɛs daa ɛkɔn na nɛ nibhɛ sang yɛɛ ito yɛ. Nibhɛ so te inyam ɛhay ne ihywɛ sang yɛɛ ɛkɔn, ihywɛ roos ɛkɔn na ne ibek ne ihywɛ kɛ yɔngɔ. Nzo kɛ ryɔng inyam ɛhay de te i wum i hyɛ zɔng. Ninyi yɛnaa nggyɛ wo sɛ ne kus te inyam ɛhay de.

2 ɛBiturus 2:18

Nibhɛ rɛrɛ, nibhɛ ton itso nibhɛ daa ne ivol ɛbuu. I ne lenɛ ne sim phok yɛnɛng ne yɔm ncwa nibhɛ de, nibhɛ ne i sim tɛ nibhɛ sɛɛ hɔ ninyi na nɛ nibhɛ tɔɔ le ne iphɔrɔt ndɔ ne ishwɛɛ ne ɛfɔt da.