2 iTasɔlɔnika 1:8 - ɛWee ne ìTsɛm iHywas

⁸ Ɛ sɛ ne baasek ninyi na nɛ nibhɛ mbaray tang seng ɛTaanggbey yegha nggbang, gbik nɛ ninaa nɛ nibhɛ kɛ mbaray tang roos iBol iYɛnɛng ɛDaray njwɛɛn ɛYɛso gha.

2 iTasɔlɔnika 1:8 ပူးပေါင်းရင်းမြစ်များ

ɛMacu 25:41

“ɛGɔm ma sɛ ne ji yaak ninaa ɛgɔɔ ne iwɔ ne itsan ɛbhɛ na, ‘Cwi ɛn gɔɔ, ɛ so ɛn ɛkawɛy, cwi ɛn ndɔ ne igboo ne sang kuuy yo ne kɛ ku ryɔng ɛShɛtan negha nɛwo gbik nɛ nimalɛka ɛbhɛ na!

ɛMacu 25:46

Nibhɛ sɛ ne ji bhɛ lel ndɔ ne nggbang ne inat, ninyi ne cik ka ne ma bhɛ lel ndɔ niken ne inat.”

ɛYohana 3:19

ɛShara yɛ ne so ɛlɛ: iWɛwɛy de kɛ yɛɛs ndɔ ɛzay ya, ninyi na ne jung sim igbyik nibhɛ tek iwɛwɛy de, daa ɛli ishwɛɛ nibhɛ da so ivaa ne igbyik ge.

ɛYohana 8:19

Nibhɛ ne phom ɛbhɛ nibhɛ yaak ɛbhɛ, “ɛKyɛɛ mo gha so ɛbii?” ɛYɛso gha ne kyii nɛ ɛ yɔngɔ, “Sɔng ɛ yɛɛ ɛn mɛɛn gbik ne ɛKyɛɛ nge gha nang. Sɛɛ yɔng ɛ yɛɛ ɛn mɛɛn no, ɛ sɛɛ ne maa yɛɛ ɛn ɛKyɛɛ nge gha ne mang.”

ɛTomɛ 6:7

iBol ɛTaanggbey de ne shwalat. Ninaa ne roos sa ne hantey yɛ gbom ndɔ ne iYɛrushɛlɛm be. Nibo ɛTaanggbey ya gbom ne ma say ibol ne ìnang ne itin de.

iRooma 1:28

Daa ɛli nɛ nibhɛ kɛ mbaray tang hyel ihywel da nɛ nibhɛ yɛɛ daa ɛTaanggbey ya, ɛTaanggbey ya kɛ ne tek nibhɛ, nibhɛ yɛk icwas ivebhe te ifɛ te nibhɛ, nibhɛ mɔn nikɔn na ne hame nibhɛ kɛ jam nibhɛ sɛ mɔn.

iRooma 1:5

Kaa ne lenɛ ne ɛDaray ɛYɛso gha, te ne ta nang irywɛɛk ne ndiinday, kɛ ne nang izɛɛng ɛTaanggbey ne ɛ ta yel-le me te n te me ɛhaa ne tom ɛbhɛ mbɛ tɔng ibol ɛbhɛ de ɛlɔ ninyi na ne hame nibhɛ so niYahodawa na gbik, tɛ nibhɛ nang ne itin nɛ, nibhɛ ta roos nɛ ihywɛɛ.

iRooma 10:16

Sɔng ne so gbik ninyi niSɛrɛla na nibhɛ kɛ say iBol iYɛnɛng ngge nang. Te ɛli ne ɛShaa gha kɛ boote ɛ yɔngɔ, “ɛDaray, ɛhay ɛbhɛ kɛ nang ne itin nɛ ne ibol mos dee?”

iRooma 15:18

Sɔng naa ne boote ne irway nviit daa ɛdɛ ɛkɔn na kang ne ɛkɔn na ne ɛhaa ne ɛKiriti gha kɛ mɔn lenɛ ne mee wo nang. Ɛ kɛ te ninyi na ne hame nibhɛ so niYahodawa na yaa roos ibol ɛTaanggbey de lenɛ ne ivol nge gbik ne ɛtomɛ nge,

iRooma 16:26

ɛlyilyɛghaa wo nang, kɛ ne ji phaal iphɛ, iphɛ kɛ te wɛsɛrɛk lenɛ ne ibol de nɛ ninabawa na kaa ku i haa. Kɛ ne lenɛ ne ibol ɛTaanggbey ne inat de ne ɛ kɛ yɛk ngɛ ne phaal igbagha wo nɛ gbik tɛ nibhɛ nang ne itin nɛ nibhɛ ta roos.

iRooma 6:16

Ɛ doo ɛn ɛli ne ɛnyi gha i teye ɛkpuru ɛkɔn na ne ɛ kɛ ku kasa aa roos ibol ɛbhɛ dee? Ɛ ɛnyi gha sɛɛ yɛɛ ne teye ɛkpuru ne ɛfɔt ta ne ɛbhɛ yɛɛs ne iku, ɛnyi gha ne ta yee ne teye ɛkpuru ne roos ibol ɛTaanggbey ne iphɛ yɛɛs ne ihywel icik.

1 iKɔrɔntos 15:34

Kyi ɛn ne ihywɛɛ mon de ɛlɔ ɛdaan te ɛ kɔɔng ɛn ɛfɔt to. Daa ɛli ne nidɛng mon i doo ɛTaanggbey yegha. Nggɛ ne boote ɛlɛ wo te ɛ sɔ ɛn ncwa.

2 iKɔrɔntos 10:5

Njwii bunga ishamas ninaa ne hal ɛgyɛy de gbik nɛ nikɔn na nɛ nibhɛ ring ne seng ɛTaanggbey yegha, njwii ne yaak ninyi nɛ nibhɛ kyii ne icwas nibhɛ ndɔ ne roos ibol ɛKiriti de.

iGalatiya 3:1

Nyinɛn ninyi ne iGalatiya na, ɛ hoghɛ ɛn nisan naa? Hang kɛ mɔn nyini naa? Nggɛ tɔng nyini wɛsɛrɛk ibol ne gangat ɛYɛso ɛKiriti yeghaa daa ne ihon no te ɛli ne ɛ kɛ yaang ɛn ne irwisɛ mon.

iGalatiya 4:8

Ne ile de, sɔng ɛ ka yɛɛ ɛn ɛTaanggbey yegha nang. Ɛ ka so ɛn nikpuru nihak nitaanggbey ne sɔng nibhɛ ma yung so ɛkɔn nang.

1 iTasɔlɔnika 4:5

Sɔng ˆɛ te ɛn tɛ ninaa ne hame nibhɛ so niYahodawa na nɛ nibhɛ doo ɛTaanggbey yegha nibhɛ soye nikpuru ne ihyop ne ibek nibhɛ de nang.

iBirani 10:27

ɛKɔn ɛ kɛ mak ɛbhɛ so njwɛɛn yaa yang ku i hyep ɛshara gha ne ɛgbaang ne igboo ndɔ ne ɛnik gbom. iGboo wo ne ifɛ sɛ re ninaa ne iphup ɛTaanggbey ya.

iBirani 10:30

Daa ɛli ne njwii yɛɛ wu ɛTaanggbey ya kɛ yɔngɔ, “iPhɛ so mee naa tal lɛ nɛ, naa ne tal lɛ nɛ.” Ne ɛ ta yɔngɔ, “ɛDaray ya sɛ bol ninyi ɛbhɛ na ɛshara.”

iBirani 11:8

Kaa ne lenɛ ne ìnang ne itin de ɛBaraying roos ibol ɛTaanggbey nten de ne kaa yel-le ɛbhɛ, te ɛ phɛ ne ivel ne kaa yɔng aa teye isha ɛbhɛ. Sɔng ɛ kaa ne i yɛɛ ɛlɔ gha ne ɛ phɛɛs nang, gbik ne iphɛ ɛlɛy ne ɛ phɛ.

iBirani 12:29

Daa ɛli ne ɛTaanggbey njwɛɛn na so te igboo ne ifɛ re mɛlɛm-mɛlɛm.

iBirani 2:3

Wu iphɛ ne so ɛlɛ wo, njwɛɛn yaa mɔn ɛlii i phɔrɔt to wu njwɛɛn kɛ mbaray ibol ne igbaang ne iphɔrɔt da, ne ɛDaray ya ne ito ɛbhɛ de ɛbhɛ kɛ tsa ɛ tɔng ngoo? Ninyi na nɛ nibhɛ kaa ne phok ibol lɛdee wo kɛ mɔng kɛ ne tɔɔl njwɛɛn wu iphɛ so itin nɛ.

iBirani 5:9

ɛLɛ wo ne ɛYɛso gha kaa ne taal nikɔn ne ɛ kɛ yɛɛs ne mɔn no, ɛ ji teye itin ne iphɔrɔt ne inat ɛlɔ ninaa ne roos ibol ɛTaanggbey de.

1 ɛBiturus 1:2

Nyinɛn no ne ɛTaanggbey ya ne so ɛTaa gha kaa ku i yɛɛ nyini ɛ kasa nyini ne ile lenɛ ne iKabyik ɛbhɛ de, ɛ tul nyini kang ɛ te ɛn nyini ninyi ɛbhɛ, te ɛ roos ɛn ɛYɛso ɛKiriti ye, ɛ sɛ ɛn iyɛnɛng daa ne neyi ɛbhɛ na ne ɛ kɛ lok ko. Te iyɛnɛng ne irway ne laal ɛTaanggbey shɛɛ ne nyinɛn cɛcɛɛy.

1 ɛBiturus 3:6

ɛSaratu kaa so ɛlɛ wo, ɛ kaa roos ibol ɛBaraying, ɛ yaak ɛbhɛ ɛDaray ne. Ne ɛ so ɛn nilap ɛSaratu na ɛtsak wu ɛɛ mɔn ɛn ɛkɔn na ne ɛ kɛ jam mo, tang ɛnik ɛten ɛsii.

1 ɛBiturus 4:17

Nten de kɛ tuu ne yaa tsa bol ninaa ne roos ɛTaanggbey yegha ɛshara gha. Wu njwɛɛn no ne yaa ne tsa i bol njwɛɛn ɛshara gha, ninyi na nɛ nibhɛ kɛ ne mbaray tang roos iBol iYɛnɛng ɛTaanggbey de se ne ji taal ɛlii?

2 ɛBiturus 3:7

Ne ta so ibol ɛTaanggbey idaan nɛ iphɛ kɛ tek irywa wo ne ivel da i hyep ne igboo wo. Kɛ tek irywa wo ne ivel da i hyep ne ɛtuk ne hyɛ ɛshara gha ne sɛ phoo ninyi na nɛ nibhɛ sang ɛnik ɛTaanggbey.

ɛYahuza 1:7

Ne ˆɛ taate ɛn ne iSɔdɔm ne iGomora wo gbik ne ɛbyin nigarang nga nɛ nibhɛ so cɛcɛk nɛ nibhɛ wo. Ninyi nilɔ yɛnaa nggyɛ wo kaa ma ra nzangas de, nibhɛ roos ihyop ne ibek ge ne hame iphɛ so cɛcɛɛy ɛli ne ɛTaanggbey kɛ ryɔng ngo, ɛTaanggbey ya na bak nibhɛ nggbang ne inat te iphɛ teye ɛkɔn ne njwɛɛn yaa mɛmɛ nɛ.

Nikɔn ne kɛ Phaal 20:10

Ne wum ɛShɛtan negha ne ɛ kɛ luk nibhɛ wo i cwaak ɛbhɛ ndɔ ne ɛling ne igboo ne isɔlifa wo ɛlɔ gha ne kɛ ku cwaak inyam igywebhe de gbik ne ɛnɛbi ne irywɛɛk ka nɛwo. Sɛ́ ne baasek nibhɛ nggbang ne igbey ne ɛtuk, ishay-ishay.

Nikɔn ne kɛ Phaal 21:8

Ninaa ne ɛnik ka, nɛ ninaa ne sang nang ne itin de, nɛ ninaa mɔn nikɔn ne ishis sa, nɛ ninaa ne phobho ninyi na, nɛ ninaa ne ra nzangas sa, nɛ ninaa ne kyarakyut ta, nɛ ninaa ne re igunkyi de ntsong ngga, nɛ ninaa ne wul irywɛɛk ga, sɛ cwaak nibhɛ ndɔ ɛling ne igboo ne isɔlifa. ɛLing ne igboo gha bhɛ ne soye iku ne ifaa de.”

Nikɔn ne kɛ Phaal 6:10

Nibhɛ yeres ne izɔlɔs nziinzay nibhɛ bo, “ɛDaray ne iTo Gbik, ne ɛ so kang, ɛhaa ne itin, ne nggyibhii ne ɛ sɛ bol ninaa ɛzay ya ɛshara gha, ɛ bak nibhɛ nggbang daa ɛli nɛ nibhɛ kɛ lok neyi mos saa?”