2 iTasɔlɔnika 1:7 - ɛWee ne ìTsɛm iHywas

⁷ Nyinɛn no ne ɛɛ sɔ ɛn nggbang ngga ɛlyilyɛghaa ɛ sɛ́ ne phɔng ne nyinɛn gbik ne njwit to ne mang. ɛKɔn nɛghaa wo sɛ ne te ɛtuk ka ne ɛDaray ɛYɛso gha sɛ le daa ne irywa wo ɛ tɔɔl le gbik ne igbaang nimalɛka ɛbhɛ ndɔ ne ilem ne igboo.

2 iTasɔlɔnika 1:7 ပူးပေါင်းရင်းမြစ်များ

ɛMacu 16:27

ɛNgɔn ɛnyi gha sɛ ne yɛɛs ndɔ ne ito-ndiinday ɛKyɛɛ ɛbhɛ nɛ nimalɛka, ɛ mɔn ɛrɔngɔ iyɛnɛng daa ɛkɔn na ne ɛ kɛ mɔn.

ɛMacu 16:28

Nzi tɔng nyini itin nɛ, ɛbyin mon so ɛbɛ wo ne hame nibhɛ sɛ kus nyɛɛn nibhɛ kyi yaang ɛNgɔn ɛNyi yaaso ndɔ ne igbɔm ɛbhɛ da.”

ɛMacu 25:31

“Sɛ ne sɛ ɛli ne ɛNgɔn ɛNyi gha kɛ yɛɛs ndɔ ne ito-ndiinday ɛbhɛ de nɛ nimalɛka ɛbhɛ na, ɛ sɛ ne soos ɛcuruu ne igbɔm ɛbhɛ ne ito-ndiinday ɛbhɛ.

ɛMacu 25:41

“ɛGɔm ma sɛ ne ji yaak ninaa ɛgɔɔ ne iwɔ ne itsan ɛbhɛ na, ‘Cwi ɛn gɔɔ, ɛ so ɛn ɛkawɛy, cwi ɛn ndɔ ne igboo ne sang kuuy yo ne kɛ ku ryɔng ɛShɛtan negha nɛwo gbik nɛ nimalɛka ɛbhɛ na!

ɛMacu 26:64

ɛYɛso gha ne yaak ɛbhɛ, “Ɛ kɛ mɔng ɛlɛy. Nzi ne tɔng nyini, yaa tsa izenge wo aa yaang ɛNgɔn ɛNyi gha kɛ soos ne iwɔ ne irwye ɛHaa ne iTo Gbik ka ne ɛ yaaso ndɔ ne inɔp ɛdaa ne irywa.”

ɛMarakus 14:62

ɛYɛso gha ne kyii nɛ ɛ yaak ɛbhɛ, “Me nzo me ɛbhɛ.” Ɛ sɛ yaang ɛn ɛNgɔn ɛNyi gha, kɛ soos ne iwɔ ne irwye ɛDaray ɛTaanggbey yo, n yaaso ndɔ ne inɔp ɛdaa ne irywa.

ɛMarakus 8:38

ɛHiha ɛnyi ne kɛ phok ncwa nge ne ncwa ne ibol nge de ndɔ ne izam ne ɛfɔt tɛdee wo nɛ nibhɛ doo ɛTaanggbey yegha, mee ne ɛngɔn ɛnyi wo n nzɛ ne ma phok ncwa ɛbhɛ nten de ne nggɛ bhɛ kyii, nɛ niMalɛka ɛTaanggbey ya nibhɛ kɛ tul en kang ngo ndɔ ne igbom ɛKyɛɛ nge da.”

ɛLuka 16:25

“ɛBaraying nga ne kyii nɛ ɛ yaak ɛbhɛ, ‘ɛNyɛn,’ Taate nɛ ɛli ne ɛ kɛ so ndɔ ɛzay ya, ɛ kaa ku phok iyɛnɛng mo de, ɛLaazaru gha ne sɔ nggbang. ɛLyilyɛghaa wo nang, ɛLaazaru gha ne ma ji phok iyɛnɛng ngge ɛ ma ji sɔ nggbang.

ɛLuka 17:30

ɛLɛy ne iphɛ sɛ ne so ɛtuk ka ne ɛNgɔn ɛNyi gha sɛ tɔɔl le wo.

ɛYohana 1:3

Kaa lenɛ ne ɛbhɛ ɛTaanggbey ya ne ryɔng nikɔn na gbik; sɔng ɛdɛ ɛkɔn na sonɛ ne kaa ryɔng sang lenɛ ne ɛbhɛ wo nang.

ɛYohana 1:51

Ne ɛ yaak nibhɛ, “Nzi tɔng nyini itin nɛ, ɛ sɛ yaang ɛn irywa kɛ phaal le, nimalɛka ɛTaanggbey ji le ne ɛdak kɛ nibhɛ tɔmɔs nibhɛ ta i waase daa ɛNgɔn ɛNyi gha.”

ɛTomɛ 1:11

Nibhɛ ne yɔngɔ, “Ninyi ne iGalili iKyee phɛ kɛ te ɛ kɛ kyinasek ɛn ɛbɛ woo ɛ wɛɛ ɛn ɛdaa ne irywa woo? Kɛ bo ɛYɛso yeghaa i hyel lɛ phɛɛs nɛ daa ne irywa, ɛhak ɛtuk, ɛ sɛ ne bhɛ kyii ɛli ne ɛ kɛ yaang ɛn ihywel lɛ wo.”

ɛTomɛ 3:19

iPhɛ ɛlɛy yang, ne ɛ san ɛn ɛbɔk te ɛ kyii ɛn ɛlɔ ɛTaanggbey ya te ɛ kuus nyini ɛfɔt mon no.

iRooma 8:17

ɛLyilyɛghaa wo, wu njwɛɛn ne soye ninɔn ɛTaanggbey ya, njwɛɛn sɛ ne ma sɛ Niwɛng nga ne ɛ sɛ nang ninyi ɛbhɛ na, njwɛɛn sɛ ne ma ta sɛ Niwɛng nga ne ɛTaanggbey ya kɛ tek ɛKiriti yegha nɛ wo. Wu njwɛɛn kɛ sɔ nggbang ngga gbik ne ɛKiriti gha, sɛ ne ma ta bak njwɛɛn ndiinday ɛbhɛ de.

1 iKɔrɔntos 3:13

sɛ ne seng ihywee ɛtomɛ de ne ɛrɔngɔ kɛ mɔn ɛtuk ɛDaray ya. Daa ɛli ne ɛtuk kɛghaa nggyɛ wo, sɛ bo igboo i tɛɛsek ne ɛtomɛ ɛrɔngɔ, igboo wo ifɛ sɛ ne te i seng ihywee ɛkɔn de ne ɛrɔngɔ kɛ lɔl lɛ.

2 iKɔrɔntos 4:17

Daa ɛli ne nggbang ncɛt tɛdaa wo ne mpɛ yaa sang phyɔngɔle wo yaa yɛɛs njwɛɛn ne ito-ndiinday ne inat gbom ne iphɛ phyin nggbang ngga ne njwii sɔ wo wu kɛ ten-nɛ.

iFisus 1:2

Te ɛTaanggbey ne ɛ soye ɛTaa njwɛɛn ne ɛDaray ɛYɛso ɛKiriti nang nyini izɛɛng gbik ne irway ne laal.

iKɔlɔsi 1:16

Daa ɛli ne kɛ lenɛ ne ɛbhɛ i ryɔng nikɔn na gbik, nikɔn ɛdaa ne irywa nɛ ninaa ndɔ ɛzay, nɛ nikɔn na ne i yaang nɛ ninaa ne hame i yaang. Kɛ lenɛ ne ɛbhɛ i ryɔng ikpabyik, ne igbɔm ne i yaang ne igbɔm ne hame i yaang, nɛ nigɔm mɛ. Gbik nikɔn na ne kɛ ryɔng ngo kɛ lenɛ ne ɛbhɛ te i nang ɛbhɛ ne ndiinday.

1 iTasɔlɔnika 3:13

Te ɛDaray ya yɛk ngɛ irway mon hante ne ihwet, te tul nyini kang, wɛlɛng ɛkɔn ne tok ɛnu ɛyisɛ ɛTaanggbey ya ne ɛbhɛ ɛ so ɛTaa gha, ɛtuk ka ne ɛDaray njwɛɛn ɛYɛso gha sɛ bhɛ kyii nɛ ninyi ɛbhɛ na.

2 ɛTimɔti 2:12

Wu njwɛɛn kɛ ne rop iku, njwɛɛn sɛ ne re igbɔm ne ɛbhɛ. Wu njwɛɛn kɛ ne yɔng wu hang i yɛɛ ɛbhɛ, ɛ sɛ ne ma yɔng wu hang i yɛɛ njwɛɛn.

ɛTitus 2:13

Njwɛɛn i shɛɛ ɛlɛ wo i hyep ɛtuk ɛwɛng nga ne njwɛɛn kɛ yɛk ne irway da. Nten de ne ito-ndiinday ɛTaanggbey ne nindiinday ɛHaa ne Phɔt njwɛɛn ɛYɛso ɛKiriti gha sɛ tɔɔl le wo.

iBirani 10:27

ɛKɔn ɛ kɛ mak ɛbhɛ so njwɛɛn yaa yang ku i hyep ɛshara gha ne ɛgbaang ne igboo ndɔ ne ɛnik gbom. iGboo wo ne ifɛ sɛ re ninaa ne iphup ɛTaanggbey ya.

iBirani 12:29

Daa ɛli ne ɛTaanggbey njwɛɛn na so te igboo ne ifɛ re mɛlɛm-mɛlɛm.

iBirani 4:1

ɛTaanggbey ya kɛ nang njwɛɛn ibol ne iphɔrɔt de ne ɛ kɛ ku sim-mɛ wo, iphɛ ɛlɛy nɛ njwɛɛn ne wɛɛ ɛn hywɛɛ ɛlɔ ne ɛdɛ mon sɛ yung bhɛ wɔs.

iBirani 4:11

iPhɛ ɛlɛy, te njwɛɛn kyangkey yɛ gbom te bhɛ lel ndɔ ne ìfɔng ngɛdaa nggyɛ wo. Sɔng ɛdɛ ɛnyi shɛɛ tang bhɛ lel daa ɛli ne ɛ kɛ roos ngkɔɔl ninaa ne mbaray ibol ɛTaanggbey de nang.

iBirani 4:9

iPhɛ ɛlɛy, ɛtuk ne iwɛsɛ gha ne sonɛ nɛ ninyi ɛTaanggbey ya sɛ phɔng ngɛ.

iBirani 9:28

ɛLɛy ne iphɛ ne ma so, kɛ ne nang ɛKiriti yegha ɛdaan zɔng te ɛ bo ɛfɔt ninyi gbom. Ɛ sɛ ne ta bhɛ kyii, ikyii ne ifaa yɛ, sɔng te ɛ ta ba ɛfɔt to nang, ɛ sɛ yang bhɛ kyii te ɛ phɔt ninaa nɛ nibhɛ hyep ɛbhɛ wo.

1 ɛBiturus 3:22

ɛYɛso ɛKiriti gha kɛ ɛbhɛ kɛ ne waray daa ne irywa. Ne ɛbhɛ so ne iwɔ ne irwye ɛTaanggbey, ɛɛ re igbɔm daa nimalɛka, nɛ nigɔm, gbik ne ikpabyik.

2 ɛBiturus 3:7

Ne ta so ibol ɛTaanggbey idaan nɛ iphɛ kɛ tek irywa wo ne ivel da i hyep ne igboo wo. Kɛ tek irywa wo ne ivel da i hyep ne ɛtuk ne hyɛ ɛshara gha ne sɛ phoo ninyi na nɛ nibhɛ sang ɛnik ɛTaanggbey.

ɛYahuza 1:7

Ne ˆɛ taate ɛn ne iSɔdɔm ne iGomora wo gbik ne ɛbyin nigarang nga nɛ nibhɛ so cɛcɛk nɛ nibhɛ wo. Ninyi nilɔ yɛnaa nggyɛ wo kaa ma ra nzangas de, nibhɛ roos ihyop ne ibek ge ne hame iphɛ so cɛcɛɛy ɛli ne ɛTaanggbey kɛ ryɔng ngo, ɛTaanggbey ya na bak nibhɛ nggbang ne inat te iphɛ teye ɛkɔn ne njwɛɛn yaa mɛmɛ nɛ.

Nikɔn ne kɛ Phaal 1:7

Yaang ɛn! Ɛ yaaso ndɔ ne inɔp, ninyi na gbik sɛ yaang ɛbhɛ, nɛ ninaa nɛ nibhɛ kɛ tolo ɛbhɛ ne nibhɛ kugha wo. iLwem ɛzay da gbik sɛ san ɛbhɛ. ɛTsak! Ɛlɛy ne phɛ sɛ te. Ɛɛy.

Nikɔn ne kɛ Phaal 14:10

ɛbhɛ ɛ sɛ́ ne sɔ inɛn ɛnap ne njenjek ɛTaanggbey da. iNɛn ɛnap ba ne kɛ ku ryɔng hyɔrɔ ne ihwet ndɔ ɛhyihyangas ne njenjek ɛTaanggbey ya. Sɛ́ ne baasek ɛbhɛ nggbang ndɔ ne igboo ne isɔlifa ne ifɛ bok ihwet ifɛ phyin igboo ɛtuu, ɛnu ɛyisɛ ne nimalɛka ɛTaanggbey ya ne ɛNgɔn ne Pharak ka.

Nikɔn ne kɛ Phaal 14:13

Ne n phok idɛ izɔlɔs de le daa ne irywa ihywɛ bo, “Haal ɛbɛ, yaa tsa ɛlyilyɛghaa wo, ɛhaa ɛwɛng ngaa nggyɛ ne aa ku ɛ bok ìnang ne itin de ndɔ ɛDaray ya.” iKabyik ge ne i bo, “ɛTsak! Nibhɛ sɛ́ phɔng ndɔ ne nggbang nibhɛ da daa ɛli ne ɛtomɛ nibhɛ gha sɛ́ roos nibhɛ.”

Nikɔn ne kɛ Phaal 20:11

ɛTsim mɛ ɛlɛy, ne n yaang ɛgbaang ɛcuruu ne igbɔm ɛhala yɛ gbik ne ɛnyi yɛ ne ɛ kɛ soos nɛ. ɛZay ya ne irywa wo ne tel ɛnu ɛyisɛ ɛbhɛ sɔng ne tang yaang nibhɛ nang.

Nikɔn ne kɛ Phaal 21:4

Ɛ sɛ́ yes niyilis ne irwisɛ nibhɛ da gbik. Sɔng iku, ne irway ishwii, ne ishwin, ne nggbang sɛ́ tɔnɛ nang. Daa ɛli nɛ nikɔn ne ile na kɛ phee gbik.”

Nikɔn ne kɛ Phaal 22:16

“Mee ɛYɛso, nggɛ tom ɛmalɛka nge te ɛ yɛɛs ɛ tɔng nyini ivol lɛdaa wo ndɔ ne ijwira ninaa ne roos da. Mee nzo iling ne ijwee ɛDoda, n da so icwaang ɛbhɛ. Ne nzo ɛgbaang ɛyuyɔrɔ ɛraam ne ihwɛlɛ ne ɛ tol.”

Nikɔn ne kɛ Phaal 22:6

ɛMalɛka gha ne yaak me, “iVol lɛdee wo so itin nɛ, ifɛ ne so sɛ kyinak daa ne ifɛ. ɛDaray ɛTaanggbey ya ne ɛbhɛ ɛ kɛ nang ninabawa na ikabyik ɛbhɛ de ɛbhɛ kɛ tom ɛmalɛka ɛbhɛ te ɛ tɔɔrek nikpuru ɛbhɛ nikɔn na ne iphɛ so nggbinggbing nibhɛ yaa phyɔngɔle nibhɛ tes.”

Nikɔn ne kɛ Phaal 22:9

ɛMalɛka ghe ne yaak me; “Sɔng ɛ mɔn ɛlɛ wo nang! Ma nzo ɛkpuru ɛTaanggbey ya te igyɛ wo nɛ nigwaa mo ninabawa na, gbik nɛ ninaa nɛ nibhɛ roos ibol ne ɛwee yɛdee wo. Re ɛTaanggbey ye ntsong ngga!”

Nikɔn ne kɛ Phaal 6:11

Ne nang ɛrɔngɔ ɛtura ɛdɔrɔng ɛhala yɛ, ne ji yaak nibhɛ te nibhɛ kyi shɛɛ yak te kyi shwaak ɛnu nitaay ɛtomɛ nibhɛ na nɛ nigwaa nibhɛ na ne yaa ma phobho ɛli ne kaa ma phobho nibhɛ wo.