2 iTasɔlɔnika 1:3 - ɛWee ne ìTsɛm iHywas

³ Nigwaa en, iphɛ so nggbinggbing, njwi tɔɔsel ɛTaanggbey yegha irway ihwala cɛcɛɛy ɛlɔ mon na. iPhɛ kɛ jam njwi mɔn ɛlɛ wo, daa ɛli ne ìnang ne itin mon de i hanas se nɛ, ishwim ba ne ɛrɔngɔ bok daa ɛrɔngɔ gha i ne ma hanas se nɛ gbom.

2 iTasɔlɔnika 1:3 ပူးပေါင်းရင်းမြစ်များ

ɛLuka 15:32

iPhɛ kɛ ne jam mɛ njwɛɛn tɔɔl irway ihwala ba, daa ɛli ne ɛgwaa mo gha kaa ku ɛ kɛ ne bhɛ kyii, ɛ kaa birit kɛ ne sɛ ɛbhɛ.’ ”

ɛLuka 17:5

Ninɔn ne tom ma ne yaak ɛDaray yegha, Tɔɔrek Njwii ɛli ne njwi yaa hante ne ìnang ne iTin mos de.

ɛYohana 15:2

Gbik ilaak ge ne iphɛ so ndɔ me wo ne hame iphɛ yaak ikpam ba nang ɛɛ tɛm iphɛ, ɛ ji ryɔng idede ilaak ne iphɛ yaak ikpam ba te iphɛ te ywɛywɛy, iphɛ hante ne yɛk.

iRooma 1:8

Naa tsa n tɔɔrek ɛTaanggbey irway ihwala lenɛ ne ɛYɛso ɛKiriti gha daa mon no gbik, daa ɛli ne i tɔng ngka ne ìnang ne itin de mɔn ndɔ ɛzay ya gbik.

1 iKɔrɔntos 1:4

Nzi ku tɔɔsel ɛTaanggbey nge irway ihwala cɛcɛɛy daa mon daa ne izɛɛng ngge ne ɛ kɛ nang nyini lenɛ ne ɛYɛso ɛKiriti gha.

2 iKɔrɔntos 10:15

Sɔng njwi kɛ phee igbak nten de njwii hal ɛgyɛy ya daa ɛtomɛ gha nɛ nihak ninyi na kɛ mɔn no nang. Njwi kɛ yɛk ne irway te ìnang ne itin mon da sɛɛ hɔn, te njwi hante ne mɔn nitomɛ na gbom ndɔ mon no kancɛng ɛli ne ɛTaanggbey ya kɛ nang njwii wo.

iFisus 5:20

Tɔɔsel ɛn ɛTaanggbey ye ne ɛ so ɛTaa irway ihwala cɛcɛɛy, daa nikɔn na gbik ndɔ ne irywɛɛk ɛDaray njwɛɛn ɛYɛso ɛKiriti.

iFilibi 1:7

Gbik mon no ˆɛ so ɛn ne irway nge. iPhɛ kɛ ne jam mɛ nzi tas nɛ nyinɛn ɛlɛ wo, daa ɛli ne ˆɛ kɛ byinki ɛn ito ne mee ndɔ ne izɛɛng ɛTaanggbey de nten de ne kɛ gangke me ndɔ ne ijwee ne inyang ngo, ˆɛ phyik ɛn mɛɛn nten de ne nggɛ kyinak ne ihwet daa ne itin ne iBol iYɛnɛng ngge ɛnu ɛyisɛ ninaa nɛ nibhɛ mbaray yo.

iFilibi 1:9

Nzi ne bol ne ɛTaanggbey ya nzi bo te ishwim mon da hantey yɛ gbogbom, te ɛ hɔn ɛn ndɔ ne ishweng ɛTaanggbey, ˆɛ yɛɛ ne seng ɛbyin nikɔn na gbik.

1 iTasɔlɔnika 3:12

Tɛ ɛDaray yɛk ngɛ ˆɛ hante ɛn nyini nɛ ndɔ ne ishwim ne ˆɛ bok ɛn ndɔ mon nɛ ninyi na gbik, te ishwim mɛ hɔn ifɛ ngisit gbom ifɛ te ɛli ne ishwim ba ne njwi bok ne nyinɛn no so.

1 iTasɔlɔnika 3:6

ɛTimɔti gha kɛ ne bhɛ kyii ɛlɔ mon na ne ibol iyɛnɛng daa ne ìnang ne itin mon de gbik ne ishwim mon da. Ɛ kɛ mɔng njwii wu ˆɛɛ tas ɛn ne njwit byirik, wu ˆɛ sim ɛn te ˆɛ sɛ ma yaang ɛn njwi ɛli ne njwii ma sim te njwi sɛ yaang nyini wo.

1 iTasɔlɔnika 3:9

iYa ihywee ne irway ihwala ne njwi yaa ne ji tɔɔrek ɛTaanggbey yegha ɛlɔ mon naa? Njwi yaa ne tɔɔrek ɛbhɛ irway ihwala da gbom daa ne irway ihwala da ne njwi bok ɛlɔ mon na.

1 iTasɔlɔnika 4:1

ɛTsim mɛ gbik nigwaa en, njwii roro ne nyinɛn, njwii ta bol ne nyinɛn ndɔ ne ɛYɛso irywɛɛk ɛDaray njwii bo wu te ɛ shɛɛ ɛn ihywee ne ishwɛɛ da ne ifɛ nang ɛTaanggbey ye irway ihwala ɛli ne ˆɛ kɛ mɛmɛ ɛn nɛ ɛlɔ mos sa. ɛTsak ɛlɛy ne ˆɛ shɛɛ ɛn ɛlyilyɛghaa wo. Njwii ne roro ne nyinɛn wu te ˆɛ hante ɛn nɛ gbom.

2 iTasɔlɔnika 2:1

Nigwaa en daa ne ibol ne bhɛ kyii ɛDaray njwɛɛn ɛYɛso ɛKiriti de gbik ne ibol ne tumɛ njwɛɛn te bhɛ sɛme ne ɛbhɛ wo, njwii roro ne nyinɛn,

2 iTasɔlɔnika 2:13

iPhɛ so nggbinggbing njwi tɔɔrek ɛTaanggbey ye irway ihwala daa mon nigwaa en ne ɛDaray ya i sim mo. Daa ɛli ne ɛTaanggbey ya kaa ku kasa nyini te ɛ te ɛn nyini ninaa ɛyisɛ yɛ ne kɛ phɔt. Ɛ kɛ mɔn ɛlɛ wo lenɛ ne ɛtomɛ ne iKabyik ge ne iphɛ kɛ tul nyini kang gbik ne ìnang ne itin mon ndɔ ne itin de.

1 ɛBiturus 1:22

ɛLyilyɛghaa wo ne kɛ ne te nyini wɛwɛy ndɔ ne ɛfɔt mon no daa ɛli ne ɛ roos ɛn itin de, ɛ ta i sim ɛn nigwaa mon na ne ishwim ne itin da. iPhɛ ɛlɛy, ne ɛ sim ɛn nigwaa mon ndɔ ɛkyukyum ne irway.

2 ɛBiturus 1:13

Nzi wɛɛ te iphɛ kɛ jam mɛ nzɛɛ ku i tas nyini nɛ nikɔn nɛnaa nggyɛ gbik nten de ne nzo ɛken,

2 ɛBiturus 3:18

Yang raras ɛn ndɔ ne izɛɛng gbik ne ishweng ɛDaray njwɛɛn ɛYɛso ɛKiriti, ɛhaa ne phɔt njwɛɛn. Te ne nang ɛbhɛ ne ndiinday ne inat! Ɛɛy.