2 iTasɔlɔnika 1:12 - ɛWee ne ìTsɛm iHywas

¹² Njwii bol ne ɛTaanggbey ya ɛlɛ wo te sɛ i nang irywɛɛk ɛDaray ɛYɛso ɛKiriti njwɛɛn no ne ndiinday ndɔ mon, i ma nang nyini ne ndiinday ndɔ ɛbhɛ wo lenɛ ne izɛɛng ɛTaanggbey ɛDaray njwɛɛn ɛYɛso ɛKiriti.

2 iTasɔlɔnika 1:12 ပူးပေါင်းရင်းမြစ်များ

ɛYohana 17:10

Gbik ninyi na ne n bok ko nibhɛ so ninaa mo; gbik ninyi na ne ɛ ma bok ko nibhɛ ne ma so ninaa nge. Nggɛ ne sɛ ito-ndiinday lenɛ nɛ nibhɛ.

iRooma 1:7

Nyinɛn no ne ɛ so ɛn iRooma de ne ɛTaanggbey ya i sim nyini ɛ kɛ ta yel-le nyini te ɛ shɛɛ ɛn kang, Te izɛɛng ne irway ne laal ɛTaanggbey ne ɛ so ɛkyɛɛ njwɛɛn gbik ne ɛDaray ɛYɛso ɛKiriti shɛɛ ne nyinɛn.

1 iKɔrɔntos 1:4

Nzi ku tɔɔsel ɛTaanggbey nge irway ihwala cɛcɛɛy daa mon daa ne izɛɛng ngge ne ɛ kɛ nang nyini lenɛ ne ɛYɛso ɛKiriti gha.

2 iKɔrɔntos 13:4

Gbik ɛli ne kaa gangat ɛKiriti yegha ndɔ ne kyɔkyɔt de, ne ɛ so ɛken lenɛ ne ihwet ne ndiinday ɛTaanggbey. Njwi ne ma so kyɔkyɔt ndɔ ɛKiriti gha, gbik ne iphɛ ɛlɛy, njwi ne so niken lenɛ ne ihwet ne ndiinday ɛTaanggbey te njwi mɔn ɛtomɛ gha ne njwi yaa mɔn ndɔ mon no.

2 iKɔrɔntos 8:9

Ɛ yɛɛ ɛn izɛɛng ɛDaray njwɛɛn ɛYɛso ɛKiriti de. Ɛ kɛ soye ɛhaa ne iryat, ɛ kɛ ne teye ɛhala daa ne igboo mon. iHala ɛbhɛ de kɛ ne te nyini ɛ te ɛn nyini ninaa ne iryat.

iFilibi 3:9

n shɛɛ ndɔ ɛbhɛ. Sɔng yaa ne lenɛ ne icik nge ne nggɛ roos iMɛmɛ ɛMuusaa da gbyak ko nang, yaa yang lenɛ ne icik ge ne iphɛ le ne ìnang ne itin ne ɛKiriti. Kaabi icik ge ne i sɛ iphɛ ɛlɔ ɛTaanggbey lenɛ ne ìnang ne itin de.

2 iTasɔlɔnika 1:10

Sɛ́ sɛ ɛ kɛ yɛɛs ɛtuk kɛghaa nggyɛ wo te ɛ say ndiinday de ɛlɔ ninyi ɛbhɛ na, tɛ ninaa ne ìnang ne itin de ne yaang ɛbhɛ ɛkɔn ne kparat. ɛKɔn neghaa wo kɛ ne byinki ne nyinɛn, daa ɛli ne ˆɛ kɛ nang ɛn ne itin nɛ ne ishɛɛda de ne njwi kɛ tɔng nyini daa ɛbhɛ wo.

ɛTitus 2:11

Daa ɛli ne ɛTaanggbey ya kɛ tɔɔrek izɛɛng ɛbhɛ de tɛ ninyi na gbik sɛ iphɔrɔt.

1 ɛBiturus 4:14

Wu kɛ towos nyini daa ɛli ne ɛ so ɛn ninaa ne roos ɛKiriti yegha, ne ɛ so ɛn nyini ninaa ɛwɛng daa ɛli ne iphɛ kɛ tɔɔrek wu iKabyik gbom be, ne iphɛ so idee ɛTaanggbey de, so ndɔ mon.

Nikɔn ne kɛ Phaal 1:4

ɛWee yɛwoo le ɛlɔ ɛYohana, ɛbhɛ phɛɛs ɛlɔ ne ijwira ninaa ne roos ɛniitaa na nɛ nibhɛ so ne ivel ne iSiya. Te izɛɛng ne irway ne laal ne ifɛ le ɛlɔ ɛTaanggbey shɛɛ ne nyinɛn. iZɛɛng ne irway ne laal ɛTaanggbey ya ne ɛ sonɛ ɛlyilyɛghaa. ɛHaa ne ɛ kaa ku sonɛ wo, ne haa ne ɛ se ta yaaso. Ne izɛɛng ne irway ne laal de ne ifɛ le ɛlɔ ne ikpabyik ɛniitaa da ne ifɛ so ɛnu ɛyisɛ ɛcuruu ne igbɔm ɛTaanggbey ya.