2 iKɔrɔntos 9:15 - ɛWee ne ìTsɛm iHywas

¹⁵ Ne njwɛɛn tɔɔrek ɛTaanggbey yegha irway ihwala daa ne izɛɛng ɛbhɛ de ne ɛ kɛ nang njwɛɛn ihywɛ sang ɛgak ko.

2 iKɔrɔntos 9:15 ပူးပေါင်းရင်းမြစ်များ

2 iKɔrɔntos 2:14

Te ne dɛp ɛTaanggbey ye! Ɛbhɛ ɛ hyel ne njwit cɛcɛɛy ndɔ ɛlang ninyi na nɛ nibhɛ tɔɔsel irway ihwala ɛKiriti da ne ɛ kɛ re itsom be. Ɛ mɔn ɛtomɛ ne njwit njwi bhɛ sanga ibol ɛKiriti de nilɔ na gbik iphɛ ne ji shwalat te ɛnkyinkyɔp ne ɛturarɛ.

iFisus 5:20

Tɔɔsel ɛn ɛTaanggbey ye ne ɛ so ɛTaa irway ihwala cɛcɛɛy, daa nikɔn na gbik ndɔ ne irywɛɛk ɛDaray njwɛɛn ɛYɛso ɛKiriti.

ɛYohana 3:16

“Daa ɛli ne ɛTaanggbey ya kɛ sim ɛzay ya gbom mo nang, ɛ kɛ ne nang ɛNgɔn ɛDaan ɛbhɛ te gbik ɛnyi gha ne ɛ kɛ nang ne itin nɛ ne ɛbhɛ wo nang, sɔng aa ne ku nang, aa yang sɛ iken ne inat.

iRooma 8:32

Ɛbhɛ ɛTaanggbey ya ne kɛ ring njwɛɛn ne ɛNgɔn ɛbhɛ gha, ɛ yang kyii nang ɛbhɛ ɛlɔ njwɛɛn na gbik ko. Wu ɛ kɛ ne mɔn ɛlɛ wo ɛ sɛɛ ne mɔn ɛli ɛ sang nang njwɛɛn nikɔn na gbik ne irway ijwaan daa?

ɛYakub 1:17

Gbik ɛdɛ ɛkɔn ɛyɛnɛng hyɔrɔ gha ne kɛ nang ɛ le daa ne irywa. Ɛ le ɛlɔ ɛTaanggbey ne ɛ so ɛTaa, ɛhaa ne ɛbhɛ ɛ kɛ ryɔng iroy, ne ifɛl gbik nɛ niyuyɔrɔ nɛ nibhɛ soye iwɛwɛy daa ne irywa. ɛHaa ne hame ɛ sunuuy, ɛ sang hyeeme te ɛlɔ ɛsirim.

1 iKɔrɔntos 15:57

Te ne dɛp ɛTaanggbey, ne ɛ kɛ te njwɛɛn re ɛfɔt to ne iku de ne itsom be lenɛ ne ɛDaray njwɛɛn ɛYɛso ɛKiriti.

Nikɔn ne kɛ Phaal 4:9

Nikɔn niken nwaas sɛnaa nggyɛ wo ne i yaak ɛhaa ɛcuruu ne igbɔm ma ne iywel, nibhɛ i dɛp ɛbhɛ, nibhɛ naas ɛbhɛ ne ndiinday, nibhɛ tɔɔsel ɛbhɛ irway ihwala. Ne i sɛ nibhɛ kɛ yɛk ne iywel lo,

iRooma 6:23

I tal ɛfɔt to nɛ ne iku, izɛɛng ɛTaanggbey de ne so iken ne inat lenɛ ne ɛDaray njwɛɛn ɛYɛso ɛKiriti.

2 iKɔrɔntos 9:11

ɛTaanggbey ya yaa ku i naas nyini te ˆɛ maa naas ɛn ne irway ihwala, tɛ ninyi na gbom ne i tɔɔsel ɛTaanggbey yegha irway ihwala lenɛ ne ìnang mon da nɛ nibhɛ kɛ say yo ɛlɔ mos sa.

iRooma 5:15

iZɛɛng ɛTaanggbey de ne ɛ kɛ nang lenɛ ne ɛnyi gha ne ɛ sɛ yɛɛs so ne labhe ne ɛfɔt ɛDɛmu wo. ɛTsak, ɛfɔt ɛnyi ɛdaan nɛwoo nggyɛ wo kɛ hɔ ninyi gbom iku. iZɛɛng ɛTaanggbey de ne phyin ne igbom, izɛɛng ɛbhɛ de ne ɛ kɛ nang lenɛ ne ɛnyi ɛdaan nɛghaa nggyɛ wo, ne ɛbhɛ so ɛYɛso ɛKiriti gha kɛ ne sit ninyi na gbarang ne ɛwɛng gbogbom.

ɛYohana 1:16

Kɛ lenɛ ne izɛɛng ɛbhɛ ihyɔrɔ, ɛ nang njwɛɛn niwɛng nga daa ɛco niwɛng.

ɛLuka 2:14

“ito-ndiinday so idee ɛTaanggbey ɛdaa ne irywa! Te irway ne laal ne shɛɛ ɛzay ya, ndɔ ninaa ne ɛTaanggbey ya i phok iyɛnɛng nibhɛ de.”

ɛLuka 2:38

Nten nɛdee nggyɛ wo, ɛHanatu gha ne lel ndɔ ne ideng ngge, ɛ tɔɔl ɛTaanggbey ye irway ihwala; ɛ ji boote nɛ ninyi na nɛ nibhɛ kaa ku hyep ɛhaa ne phɔt iYɛrushɛlɛm be, daa ne ito ɛngɔn de.

2 iKɔrɔntos 9:14

iPhɛ ɛlɛy, nibhɛ yaa ne i bol ne ɛTaanggbey ɛlɔ mon na ne irway ijwaan, nibhɛ ta i tas nyini lenɛ ne izɛɛng gbom be ne ɛTaanggbey ya kɛ nang nyini wo.