2 iKɔrɔntos 9:13 - ɛWee ne ìTsɛm iHywas

¹³ Yaa ne lenɛ ne ishɛɛda ɛtomɛ mon de, ninyi na gbom yaa ne nang ɛTaanggbey yegha ne ndiinday daa ɛli ne ɛ kɛ roos ɛn iBol iYɛnɛng ɛKiriti ne ɛ bo ɛn ɛ kɛ nang ɛn ne itin nɛ wo. Yaa ne ta lenɛ ne iphyik walala mon da ne ɛ kɛ phyik ɛn nibhɛ gbik ne ɛbyin ninyi na ne irway ihwala da.

2 iKɔrɔntos 9:13 ပူးပေါင်းရင်းမြစ်များ

ɛMacu 5:16

Ɛlɛy ne mang, te iwɛwɛy mon de ne tol ɛnu ɛyisɛ ninyi na tɛ nibhɛ ne yaang nikɔn ne yɛnɛng mon na ne ɛ mɔn ɛn no, tɛ nibhɛ dɛp ɛKyɛɛ mon na ne ɛ so dak ne irywa wo.

ɛMacu 9:8

Kɛ ne sɛ idira ninyi de kɛ yaang ɛlɛ wo, nibhɛ ne wum ɛnu zii. Nibhɛ ne ji dɛp ɛTaanggbey ye ne ɛbhɛ kɛ nang ninyi na ihywee ne igbɔm mɛdaa nggyɛ wo.

ɛLuka 6:46

“iKyee iphɛ kɛ te ɛ ma shii bok ɛn mɛɛn ‘ɛDaray, ɛDaray ya,’ ɛ kyii sang i mɔn ɛn ɛkɔn na ne nzi bo te mɔn ɛn noo?

ɛYohana 15:8

Wu ɛ kɛ yɛk ɛn ikpam ba gbom mo nang, iphɛ yaa ne tɔɔrek wu ɛ so ɛn ninɔn ne icwam nge. iPhɛ yaa ne tɔɔrek ito-ndiinday ɛKyɛɛ nge de.

ɛTomɛ 11:18

Ne sɛ nibhɛ kɛ phok ibol lɛdee wo, nibhɛ ne kɔɔng ishamas de, nibhɛ ne yaa dɛp ɛTaanggbey ye nibhɛ bo, “ɛTaanggbey ya kɛ ma sim ninyi na ne hame nibhɛ so niYahodawa na nɛ tɛ nibhɛ san ɛbɔk nibhɛ sɛ iken.”

ɛTomɛ 4:21

Ne sɛ nindiinday ya kɛ hante ne sinɛ nibhɛ itsoro wo nibhɛ ne tek nibhɛ. Nibhɛ kaa yaa tɔk ɛli nɛ nibhɛ yaa mɔn nibhɛ bak nibhɛ nggbang nzeet, daa ɛli ne igbagha wo gbik kaa yaa dɛp ɛTaanggbey ye daa ɛkɔn na ne ɛ kɛ te wo.

iRooma 10:16

Sɔng ne so gbik ninyi niSɛrɛla na nibhɛ kɛ say iBol iYɛnɛng ngge nang. Te ɛli ne ɛShaa gha kɛ boote ɛ yɔngɔ, “ɛDaray, ɛhay ɛbhɛ kɛ nang ne itin nɛ ne ibol mos dee?”

iRooma 12:8

Wu izɛɛng ngɛ so izee ne tes ninyi itsɔngɔl gɛgɛy te ne ɛ tes itsɔngɔl de gɛgɛy yo, wu izɛɛng ngɛ ne so izee ne nang ɛkɔn, te ne ɛ nang ne irway walala, wu izɛɛng ngɛ ne so izee ne igbɔm, te ne ɛ boos ninyi na byirik, wu izɛɛng ngɛ ne so izee ne san iyɔm, te ne ɛ san iyɔm be ndɔ ne izinɛ ne ishwɛ.

iRooma 15:31

Boote ɛn ne ɛTaanggbey ya ɛli ne naa bhɛ sɛ iphɔrɔt ne iwɔ ninaa ne sang roos ne iYahudiya na, te iphyik ga ne n phɛɛs ne nang ne iYɛrushɛlɛm de bhɛ say ye ne irway ihwala ɛlɔ ninaa ne roos ɛlɔ yɛwo.

iRooma 16:26

ɛlyilyɛghaa wo nang, kɛ ne ji phaal iphɛ, iphɛ kɛ te wɛsɛrɛk lenɛ ne ibol de nɛ ninabawa na kaa ku i haa. Kɛ ne lenɛ ne ibol ɛTaanggbey ne inat de ne ɛ kɛ yɛk ngɛ ne phaal igbagha wo nɛ gbik tɛ nibhɛ nang ne itin nɛ nibhɛ ta roos.

2 iKɔrɔntos 10:5

Njwii bunga ishamas ninaa ne hal ɛgyɛy de gbik nɛ nikɔn na nɛ nibhɛ ring ne seng ɛTaanggbey yegha, njwii ne yaak ninyi nɛ nibhɛ kyii ne icwas nibhɛ ndɔ ne roos ibol ɛKiriti de.

2 iKɔrɔntos 2:12

Kaa ne sɛ nggɛ phɛ ne iTurasa te mbɛ sanga iBol iYɛnɛng ɛKiriti de, nggaa ne bhɛ sɛ ɛDaray ya kɛ ku ryɔng me ɛlɔ yɛ.

2 iKɔrɔntos 8:4

Nibhɛ kaa roo njwii wu te njwi tek nibhɛ tɛ nibhɛ ma yɛk ne iwɔ ndɔ ne ìnang ngga ne i naas te phyik ninaa ne roos ne ivel ne iYahudiya da nɛ wo.

2 iKɔrɔntos 9:14

iPhɛ ɛlɛy, nibhɛ yaa ne i bol ne ɛTaanggbey ɛlɔ mon na ne irway ijwaan, nibhɛ ta i tas nyini lenɛ ne izɛɛng gbom be ne ɛTaanggbey ya kɛ nang nyini wo.

iGalatiya 1:24

Nibhɛ ne nang ɛTaanggbey ye ne ndiinday daa ɛkɔn na ne ɛ kɛ mɔn ne me wo.

1 ɛTimɔti 6:12

Tel nggbiy ne ìnang ne itin da yɛnɛng. Wum ibol ne iken ne inat de ne kɛ yel-le yɛnɛ wo ne ihwet. iBol de ne ɛ kɛ ku nang ishɛɛda iyɛnɛng ngɛ ɛnu ɛyisɛ nishɛɛda na gbom mo.

1 ɛTimɔti 6:13

Nzi bol ne igyɛ ɛnu ɛyisɛ ɛTaanggbey ne ɛbhɛ ɛ naas nikɔn na iken de gbik ko gbik ne ɛnu ɛyisɛ ɛYɛso ɛKiriti ne ɛ kaa nang ishɛɛda iyɛnɛng ngge ɛnu ɛyisɛ ɛBilatus ɛBuntus sa.

iBirani 10:23

Nɛ njwɛɛn ta kyinak gɛgɛy daa ne sit irwisɛ yɛdaa nggyɛ wo ne njwɛɛn ku bok ko, i ta bol lo, daa ɛli ne ɛTaanggbey ya ne ɛbhɛ kɛ ku sim njwɛɛn nɛwo so sɛ kyinak daa ne ibol ɛbhɛ.

iBirani 13:16

Sɔng ne ˆɛ te ɛn bap ne mɔn iyɛnɛng ngge gbik ne ìtsɛm ne phyighis ɛn ninyi na nɛ nikɔn na ne ˆɛ bok ɛn no nang. Mɔn ɛlɛ wo daa ɛli ne ihywee ne hap itsanga yɛdee nggyɛ wo i nang ɛTaanggbey irway ihwala.

iBirani 3:1

iPhɛ ɛlɛy, nigwaa nge ne kɛ tul kang, ne ɛTaanggbey kɛ ma yel-le nyini, sit ɛn irwisɛ daa ɛYɛso gha ne ɛbhɛ so ɛNgɔn ne Tom ma ne ɛGɔm nibo gha ne njwi tɔng ibol ɛbhɛ de.

iBirani 4:14

iPhɛ ɛlɛy, nɛ njwɛɛn kyinak gɛgɛy daa ìnang ne itin ne njwɛɛn de ne njwɛɛn tɔng ngo. Te njwɛɛn mɔn ɛlɛ wo daa ɛli ne njwɛɛn bok ɛgbaang ɛgɔm nibo wo ne ɛ kɛ phɛ daa ne irywa wo, ɛnu ɛyisɛ ɛTaanggbey ya, ɛbhɛ so ɛYɛso ne ɛ so ɛNgɔn ɛTaanggbey.

iBirani 5:9

ɛLɛ wo ne ɛYɛso gha kaa ne taal nikɔn ne ɛ kɛ yɛɛs ne mɔn no, ɛ ji teye itin ne iphɔrɔt ne inat ɛlɔ ninaa ne roos ibol ɛTaanggbey de.

1 ɛBiturus 2:9

Ne ɛ so ɛn ninyi ne ɛTaanggbey kɛ kasa, ɛguu nibo ɛTaanggbey ɛgbaang ɛgɔm, igbagha ne kɛ tul kang, idira ninyi nɛ nibhɛ so ninaa ɛTaanggbey. ɛTaanggbey ya kɛ tul nyini ndɔ gbyik ka ɛ yɛɛs ne nyinɛn ndɔ ne iwɛwɛy ɛbhɛ ne iphɛ so ɛkɔn ne kparat te ɛ sanga ɛn ibol nikɔn niyɛnɛng ne ɛ kɛ mɔn no.

1 ɛBiturus 4:11

Gbik ɛnyi gha ne kɛ nang ɛbhɛ izɛɛng ne sanga ibol ɛTaanggbey de, te ne ɛ bol te ɛTaanggbey ya ne ito ɛbhɛ bhɛ bol. Gbik ɛnyi gha ne kɛ ne nang ɛbhɛ izɛɛng ne mɔn nigwaa ɛtomɛ, te ne ɛ mɔn gbik ne ihwet da ne ɛTaanggbey kɛ nang ɛbhɛ. Te mɔn ɛlɛ wo te nang ɛTaanggbey ye ne ndiinday ndɔ nikɔn na gbik lenɛ ne ɛYɛso ɛKiriti. Te sɛ yɔngɔ ɛTaanggbey ya bhɛ bok igbɔm ne ndiinday ne ishay-ishay. Ɛɛy.