2 iKɔrɔntos 8:9 - ɛWee ne ìTsɛm iHywas

⁹ Ɛ yɛɛ ɛn izɛɛng ɛDaray njwɛɛn ɛYɛso ɛKiriti de. Ɛ kɛ soye ɛhaa ne iryat, ɛ kɛ ne teye ɛhala daa ne igboo mon. iHala ɛbhɛ de kɛ ne te nyini ɛ te ɛn nyini ninaa ne iryat.

2 iKɔrɔntos 8:9 ပူးပေါင်းရင်းမြစ်များ

ɛMacu 17:27

Gbik ne phɛ ɛlɛy, sɔng njwɛɛn ne sim tɛ ninyi yɛnaa wo sɛɛ te njenjek nang. Bo ikugyaa te ɛbhɛ cwaak ndɔ ɛrenes sa, izing ngge ne ɛyisɛ yɛ ne ɛ kɛ wum, phaal ɛnu yɛ, aa ne sɛ ijam be ne ihywɛ kɛ hɔn ihywɛ aa tal njwii ijam ne ideng ngge, bo ihywɛ te ɛbhɛ tal izee nge ne izee mo.”

ɛMacu 20:28

ɛLɛy ne ɛNgɔn ɛNyi gha ne mang, sɔng ɛ kɛ yɛɛs tɛ ninyi na mɔn ɛbhɛ nitomɛ nang, ɛ kɛ yang yɛɛs te ɛ mɔn ninyi na nitomɛ na, ɛ phyii nang iken ɛbhɛ ɛ phɔt nɛ ninyi gbom.”

ɛMacu 8:20

ɛYɛso gha ne yaak ɛbhɛ, “Nikwiy ya bok ivong, ninon ɛdaa ne irywa na ne bok niryee, sɔng ɛNgɔn ɛNyi gha ne ɛ bok ɛlɔ ne aa phɔng ngɛ nang.”

ɛMarakus 6:3

Njwii ma bo ɛhaa ne gangat nikɔn nɛnaa wo nang? Ɛbhɛ ɛ so ɛngɔn ɛMɛri gha nang? Ɛbhɛ ma so ɛgwaa niYakub bhe ne ɛYisifu gha, ne ɛYahuza, gbik ne ɛSimɔn na nang? Nigwaa ɛbhɛ nilyilyap pɛ ma so ɛbɛ wo nang?” iPhɛ ɛlɛy yang, nibhɛ ne phu irway ne ɛYɛso gha.

ɛLuka 16:11

Wu ˆɛ so ɛn ɛli ne sɛ́ sang tek nyini ne iryat ɛzay yɛdee wo ne iwɔ mon no, ɛhay ɛbhɛ sɛ ne bhɛ tek nyini ˆɛ dad ɛn iryat ɛdaa ne irywa dee?

ɛLuka 2:7

ne ɛ yɛk ɛngɔn ne ilyilyap ɛbhɛ ɛ ɛras sɛ, ɛ cwamas ɛbhɛ ne ishɛrɛp ne itsura, ɛ ji laasek ɛbhɛ ndɔ ne ikparak ne mɛɛ ᐩigyol lɛ, daa ɛli ne hame nibhɛ kaa sɛ izuk ndɔ ɛlɔ ne say ninaa ne kpoo na.

ɛLuka 8:3

ne ɛYowana ɛkuk ɛCusa ne ɛ kaa so ɛndiinday ninaa ne mɔn ɛtomɛ ndɔ ne ijwee ɛgɔm ɛHyiridus, ne ɛSuzana, nɛ ɛbyin nikuk ka maa; nibhɛ kaa tang iryat nibhɛ, nibhɛ mɛɛ niYɛso yegha.

ɛLuka 9:58

ɛYɛso gha ne kyii nɛ, ɛ yaak ɛbhɛ, “Nikwiy ya bok ivong, ninon na ne ma bok niryee; sɔng ɛNgɔn ɛNyi gha ne bok ɛlɔ ne ra nang.”

ɛYohana 1:10

iBol de kaa ne so ndɔ ɛzay ya; kaa ryɔng ɛzay ya lenɛ ne ɛbhɛ, gbik ne iphɛ ɛlɛy sɔng ɛzay ya ne jung seng ɛbhɛ nang.

ɛYohana 1:14

iBɔrɔk ne ibol de kaa ne teye ɛTen ɛsii ɛ shɛɛ ndɔ njwɛɛn, njwɛɛn ne yaang ndiinday ɛbhɛ, ndiinday de ne iphɛ so idee ɛNgɔn ɛDaan ɛKyɛɛ. Ɛ kaa ne so hyɔrɔ ne izɛɛng gbik ne itin ne ibol.

ɛYohana 1:17

Kɛ lenɛ ne ɛMuusaa ne nang ɛShara gha; kɛ ne ji lenɛ ne ɛYɛso ɛKiriti gha ne nang izɛɛng ne itin de.

ɛYohana 12:30

ɛYɛso gha ne yaak nibhɛ, “Sɔng izɔlɔs de kɛ boote te ihywɛ mɔn me ɛtomɛ nang, ihywɛ kɛ boote te ihywɛ mɔn nyini nɛ.

ɛYohana 16:15

Gbik ɛkɔn na ne ɛ so ɛhaa ɛkyɛɛ gha ɛ so ɛhaa nge, iphɛ phɛ kɛ te nzi bo wu iKabyik ge sɛ bo ɛkɔn na ne ɛ so ɛhaa nge gha iphɛ tɔng nyini wo.”

ɛYohana 17:19

Nggɛ te ito nge wɛwɛy ɛlɔ nibhɛ, tɛ nibhɛ ma te ito nibhɛ wɛwɛy nɛ ntin nɛ.

iRooma 11:12

Wu ɛfɔt nibhɛ kɛ ne yɛɛs ɛzay ya ne Niwɛng nga, wu itaasek nibhɛ da kɛ ne ta yɛɛs ninaa ne hame nibhɛ so niYahodawa na nɛ Niwɛng nga, Niwɛng ngɛ sɛ ne ji so ɛlii nten de ne kɛ shwaak ɛnu niYahodawa na ne ɛTaanggbey kaa ku yɔngɔ woo?

iRooma 15:3

Sɔng ɛKiriti gha kaa mɔn ɛkɔn na ne aa nang ito ɛbhɛ irway ihwala nang, ɛli ne ɛWee ne iBol ɛTaanggbey yo i bo, “iTowos ninyi da nɛ nibhɛ towos sɛ wo kɛ ho daa mee.”

iRooma 5:8

ɛTaanggbey ya kɛ yang tɔɔrek ishwim ɛbhɛ daa njwɛɛn daa ɛli ne njwɛɛn kɛ tɔ ninaa ne ɛfɔt, ɛKiriti gha ne ku ɛlɔ njwɛɛn!

iRooma 8:32

Ɛbhɛ ɛTaanggbey ya ne kɛ ring njwɛɛn ne ɛNgɔn ɛbhɛ gha, ɛ yang kyii nang ɛbhɛ ɛlɔ njwɛɛn na gbik ko. Wu ɛ kɛ ne mɔn ɛlɛ wo ɛ sɛɛ ne mɔn ɛli ɛ sang nang njwɛɛn nikɔn na gbik ne irway ijwaan daa?

1 iKɔrɔntos 1:4

Nzi ku tɔɔsel ɛTaanggbey nge irway ihwala cɛcɛɛy daa mon daa ne izɛɛng ngge ne ɛ kɛ nang nyini lenɛ ne ɛYɛso ɛKiriti gha.

1 iKɔrɔntos 15:47

Ɛnyi ɛyisɛ gha kaa le ɛzay yeghaa, kaa ne ryɔng ɛbhɛ ne ne ivel. ɛHaa ne ifaa gha kaa ne le daa ne irywa.

2 iKɔrɔntos 13:14

Te izɛɛng ɛDaray njwɛɛn ɛYɛso ɛKiriti, ne ishwim ɛTaanggbey ne gbik ìtsɛm ne iKabyik ɛTaanggbey shɛɛ ne nyinɛn gbik. Ɛɛy.

2 iKɔrɔntos 6:10

njwi bok irway ishwii, gbik ne iphɛ ɛlɛy, njwi ne so ne irway ihwala cɛcɛɛy. Njwi so nihala, gbik ne iphɛ ɛlɛy njwi kɛ ne tes ninyi gbom nibhɛ kɛ yɛk iryat. Sɔng njwi bok ɛkɔn nang, gbik iphɛ ɛlɛy nikɔn na gbik ne soye ninaa mos.

iFisus 2:7

ɛTaanggbey ya kɛ ne mɔn ɛlɛ wo te ɛ sɛ ne tɔɔrek izɛɛng walala ɛbhɛ de ne i sang ten ne ɛkɔn na ɛzay ya ne ɛ yaaso wo. iZɛɛng ɛbhɛ yɛdee wo ne ɛ kɛ tɔɔrek njwɛɛn ndɔ ɛYɛso ɛKiriti gha.

iFisus 3:19

Te ˆɛ ta seng ɛn ishwim ɛKiriti da ne ifɛ phyin nikɔn na ne ishweng ngga gbik ko te ˆɛ te ɛn hyɔrɔ ne ihyɔrɔ ɛTaanggbey de.

iFisus 3:8

Gbik ɛli ne mee nggɛ taasek n shɛs ndɔ ninyi ɛTaanggbey ya, ɛTaanggbey ya kɛ ne nang me izɛɛng ne sanga iBol iYɛnɛng ngɛdee wo ndɔ ninaa nɛ nibhɛ sang so niYahodawa na, ibol ɛwɛng ne ɛ sang ɛgak ne i sɛ lenɛ ne ɛYɛso ɛKiriti.

iKɔlɔsi 1:24

ɛlyilyɛghaa wo, ne n bok irway ihwala ɛlɔ ne nggbang ngga ne nzi sɔ ɛlɔ mon no. Daa ɛli ne yaa lenɛ ne nggbang ngɛdaa wo n shwaak ɛkɔn na ne ɛ kɛ mak ndɔ ne nggbang ngga ne ɛKiriti gha kaa sɔ ɛlɔ idira ninaa ne roos de nɛ nibhɛ soye ibek ɛbhɛ de.

1 ɛTimɔti 6:18

Yaak nibhɛ tɛ nibhɛ mɔn nikɔn niyɛnɛng, tɛ nibhɛ hɔn gbom ndɔ ne mɔn nikɔn niyɛnɛng nga, tɛ nibhɛ phyik ninyi na ne irway walala, nibhɛ yɛk irway ne nang.

iBirani 1:2

ɛLyilyɛghaa, ndɔ nituk ɛtsim mɛnaa wo, ɛTaanggbey ya i ne bol ne njwɛɛn lenɛ ne ɛNgɔn ɛbhɛ ne kɛ lenɛ ne ɛbhɛ i ryɔng ɛzay ya. Ɛbhɛ ne ɛTaanggbey ya kɛ ta kasa ɛbhɛ ɛ tek ɛbhɛ nɛ nikɔn na gbik.

ɛYakub 2:5

Phok ɛn nigwaa nge ne nzi sim, ɛDaray ya kɛ sang kasa nihala ɛzay yɛnaa wo tɛ nibhɛ teye ninaa ne iryat ndɔ ne ìnang ne itin ne i? Nibhɛ bhɛ sang soye ninaa nɛ nibhɛ sɛ re isha ne igbɔm ba ne ɛ kɛ ku sim-mɛ daa ninaa nɛ nibhɛ i sim ɛbhɛ woo?

Nikɔn ne kɛ Phaal 2:9

Nzi yɛɛ nggbang ngga ne ɛ sonɛ wo, nzi ne ta yɛɛ ihala mo de, gbik ne iphɛ ɛlɛy, ne ɛ bok iryat ne iKabyik. Nzi yɛɛ ivol ba ne i bees sɛ nɛ wo, ninyi na nɛ nibhɛ i bok itso nibhɛ da wu i soye niYahodawa na kaabi nibhɛ sang kyi soye nɛ wo. Nibhɛ soye ɛguu ninyi ɛShɛtan.

Nikɔn ne kɛ Phaal 21:7

Gbik ɛnyi gha ne ɛ kɛ re ɛwɛng, aa ne re isha nikɔn nɛnaa wo ɛlɔ nge, naa ne te me ɛTaanggbey ɛbhɛ, ne ɛ ma teye ɛngɔn nge.

Nikɔn ne kɛ Phaal 3:18

iPhɛ ɛlɛy, nzi ne kpɛng ngɛ, yɛɛs ɛ say izinariya de ɛlɔ nge, izinariya de ne kɛ halang i tul ishoo yɛ, te ɛ sɛ iryat de. Yɛɛs te ɛ say itsura ihwala da ɛlɔ nge dɔng te ɛ cwaal ne nkywankywaang mo de ne iphɛ soye ɛkɔn ncwa gha. Te ɛ ta say ihwal ne irwisɛ ne aa yɛk ne irwisɛ mo da te ɛ yaa wɛɛ yɛnɛng.