2 iKɔrɔntos 8:8 - ɛWee ne ìTsɛm iHywas

⁸ Sɔng nzi bok nyini wu nggbinggbing nang, nzi yang sim te nzɛɛ tɛrɛk nyini nɛ nihak te n seng ihywee ne ishwim ba ne ɛ bok ɛn.

2 iKɔrɔntos 8:8 ပူးပေါင်းရင်းမြစ်များ

iRooma 12:9

Te ishwim mon da teye ivaa ne itin nɛ. Mbaray ɛn nyini ɛkɔn na ne ɛ so ɛbebhe te ɛ wum ɛn ɛkɔn na ne ɛ kɛ jam gɛgɛy.

1 iKɔrɔntos 7:12

Daa ɛbyin ninyi na nang, nzi ne bo ɛlɛ, sɔng ɛDaray ɛbhɛ bo nang, wu ɛdɛ ɛgwaa gha ne ɛ so ɛhaa ne roos sa bok ɛkuk ka ne ɛ sang soye ɛhaa ne roos, wu ɛkuk kɛ kɛ ne sim nibhɛ yaa shɛɛ ncaang, sɔng ne ɛ roos ɛbhɛ nang.

1 iKɔrɔntos 7:25

Daa ne bol nikuk ge nɛ nibhɛ tɔ tang niras sa, sɔng ɛDaray ya kɛ mɔng me ibol nang. Gbik ne iphɛ ɛlɛy, nzi ne naas icwas nge te ɛnyi ne ɛ kɛ hɔn sɛ kyinak daa ne ibol ɛbhɛ lenɛ ne isan iyɔm ɛDaray de.

1 iKɔrɔntos 7:6

Nzi tɔng nyini ibol lɛdee wo, te n tek nyini ne icwas, sɔng nggɛ yɛk nyini nɛ nggbinggbing nang.

2 iKɔrɔntos 6:6

Njwi kɛ ne tɔɔrek nyini na wu njwi soye ninaa ɛtomɛ ɛTaanggbey ya lenɛ ne iKabyik ɛTaanggbey de ne iphɛ so ndɔ mos, lenɛ ne ishwɛɛ kang mos, ne ishweng mos, ne ɛbɔk mos, ne iyɛnɛng mos, ne ishwim mos ivaa ne itin nɛ,

2 iKɔrɔntos 8:10

iBol de ne naa mɔng ninyi wo iphɛ dee lɛ, iphɛ kɛ jam mɛ ɛ taal ɛn ɛkɔn na ne ɛ kɛ tsa ɛn ne iwal de, sɔng ibol ne ìnang ngge ne ɛ kɛ nang ɛn no zɔng nang, ɛ kaa bok ɛn iyɔk kɛ.

2 iKɔrɔntos 8:24

iPhɛ ɛlɛy ne ɛ tɔɔrek ɛn ninyi yɛnaa wo wu ɛtsak ɛ bok ɛn ishwim. Ne ɛ ta tɔɔrek ɛn nibhɛ ɛkɔn na ne ɛ kɛ te njwii hal ɛgyɛy ya ne nyinɛn no, te idira ninaa ne roos de ne ma yaang wu iphɛ so ɛlɛy.

2 iKɔrɔntos 9:2

Nzi ku yɛɛ ɛli ne ɛ bok ɛn irway ne phyik ga. Nggɛ ma yung hal ɛggyɛy ne nyinɛn ndɔ ninyi ne iMakyidɔniya daa ne ibol lɛdee wo, wu nyinɛn ninyi ne iKaya na ɛ kaa ku tum ɛn ibol ne ìnang ngge ne iwal. iHywee ne irway ne nang mon nɛdaa wo kɛ ne ma te nibhɛ kɛ ma yɛk irway ne nang ngɛ ne mang.

2 iKɔrɔntos 9:7

Te ɛrɔngɔ nang ɛli ne ɛ kɛ tas ndɔ ne irway ɛbhɛ, sɔng ne irway ishwii te ɛli ne kɛ yɛk ɛnyi yɛnɛ nggbinggbing nang, daa ɛli ne ɛTaanggbey ya i sim ɛnyi gha ne ɛ kɛ nang ne irway ihwala da.

iFisus 4:15

Te yang i tɔng itin nɛ ndɔ ne ishwim, njwɛɛn hɔn ndɔ nikɔn na gbik, i te hyɔrɔ te ɛKiriti gha ne ɛbhɛ so iTo njwɛɛn de.

iFisus 6:24

Te izɛɛng ɛTaanggbey de shɛɛ daa ninyi gbik nɛ nibhɛ i sim ɛDaray ɛYɛso ɛKiriti yegha ne ishwim ba ne ifɛ sang ɛgak ko. Ɛɛy.

iBirani 10:24

Nɛ njwɛɛn wɛɛ en, te phyighis en ɛli ne njwɛɛn yaa tɔɔrek ishwim i mɔn nikɔn niyɛnɛng.

1 ɛBiturus 1:22

ɛLyilyɛghaa wo ne kɛ ne te nyini wɛwɛy ndɔ ne ɛfɔt mon no daa ɛli ne ɛ roos ɛn itin de, ɛ ta i sim ɛn nigwaa mon na ne ishwim ne itin da. iPhɛ ɛlɛy, ne ɛ sim ɛn nigwaa mon ndɔ ɛkyukyum ne irway.