2 iKɔrɔntos 7:7 - ɛWee ne ìTsɛm iHywas

⁷ Sɔng iyɛɛs ɛTitus da iphɛ phɛ kaa te njwi yɛk irway ihwala da zɔng nang. iPhɛ ta so daa ne ibol de ne ɛ kɛ tɔng njwii ɛli ne ɛ kɛ te ɛn ɛbhɛ itsɔngɔl gɛgɛy. Ɛ kɛ tɔng njwii ɛli ne ɛ sim ɛn te ɛ sɛ yaang ɛn mɛɛn, ne ɛli ne ɛ kɛ yɛk ɛn irway ishwii daa ɛkɔn na ne ɛ kɛ te; ɛ ta tɔng njwii ɛli ne ɛ bok ɛn cwacwat ne phyik me. iPhɛ phɛ kɛ te n bok irway ihwala da.

2 iKɔrɔntos 7:7 ပူးပေါင်းရင်းမြစ်များ

ɛMacu 26:75

ɛBiturus sa ne ji shii taate ne ibol de ne ɛYɛso gha kɛ mɔng ɛbhɛ, ɛ yɔngɔ, “Aa bhɛ re ishamas wu hang ɛ yɛɛ mo wo ɛtat nyɛɛn, ɛrom kyii tɛpeey.” ɛBiturus sa ne wuru ne izay ɛbhɛ san gbom.

ɛMacu 5:4

Ninaa ɛwɛng ngaa nggyɛy nɛ nibhɛ bok irway ishwii da, daa ɛli nɛ nibhɛ sɛ ne yɛk irway ihwala.

ɛLuka 22:44

ɛYɛso gha kaa ne so ndɔ nggbang gbom ne ɛ hante ne roro ne ɛTaanggbey ya. iLong ne ɛbhɛ ne yaa wuusi iphɛ tongot tɛ ᐩihyɔn neyi.

ɛTomɛ 11:23

Kɛ ne sɛ ɛBanabas sa kɛ bhɛ tuu iNtakiya de ɛ yaang izɛɛng ngge ne ɛTaanggbey ya kɛ nang nibhɛ wo, ne ɛ yɛk irway ihwala. ɛBanabas sa ne kpɛng nibhɛ wu tɛ nibhɛ shɛɛ ndɔ ne itin ne ibol ɛDaray de ne irway nibhɛ gbik.

iRooma 1:12

Kaabi nzi bo te njwɛɛn byinkit i te en itsɔngɔl gɛgɛy ngkak. Te n te nyini itsɔngɔl gɛgɛy, ɛ ma te ɛn mɛɛn itsɔngɔl gɛgɛy ndɔ ne ìnang ne itin de.

1 iKɔrɔntos 5:2

Ɛɛ ne ji hal ɛn ɛggyɛy! Kanduk sɛɛ ma yung yɔng ɛ san ɛn te ɛ tul ɛn ɛnyi gha ne ɛ kɛ mɔn ihywee ɛkɔn nɛdee wo ndɔ ne ìtsɛm mon de.

2 iKɔrɔntos 1:14

wu ɛ kɛ ne ma yung sang seng njwii ɛlyilyɛghaa wo, sɛ ne sɛ igbey yo ne ɛDaray njwɛɛn ɛYɛso gha sɛ bhɛ kyii wo, ɛ sɛ ne lɛng ɛn ɛgyɛy ne njwit ɛli ne njwii ma lɛng ne nyinɛn no.

2 iKɔrɔntos 1:4

ɛTaanggbey ɛbhɛ wɔrɔp njwii nten de njwi so ndɔ ne nggbang, te njwi ma sɛ njwi wɔrɔp ninaa nɛ nibhɛ sɔ nggbang ngga ne ihywee ne iwɔrɔp ba ne njwii sɛ ɛlɔ ɛTaanggbey ya.

2 iKɔrɔntos 2:9

Nggaa haa nyini ɛwee yɛwoo wo, te n phɔwɔ nyini te n yaang, hang aa sim ɛn ɛ roos ɛn iyɔngɔ nge da ndɔ nikɔn na gbik yɔɔ.

2 iKɔrɔntos 5:2

ɛLyilyɛghaa wo ne njwɛɛn so ne ibek ge, irway njwɛɛn i re, ifɛ has gbom te sɛɛ yɔng kɛ kyɛngɛ njwɛɛn ndɔ ne ijwee ɛdaa ne irywa yɛwoo nggyɛ wo.

2 iKɔrɔntos 7:6

ɛTaanggbey ya ne ɛbhɛ ɛ te nikyɔkyɔt ta itsɔngɔl de gɛgɛy yo kaa ne te njwii itsɔngɔl gɛgɛy lenɛ ne iyɛɛs ɛTitus.

2 iKɔrɔntos 7:8

Wu ɛwee nge wo kaa bees nyini irway, sɔng nzi ne sap nang. Nggaa yang sap po ne ile, daa ɛli ne nggaa yaang ɛwee nge wo kɛ bees nyini irway, gbik ne iphɛ ɛlɛy ibees irway nge da kaa ne so ndɔ ne nten ncɛt.

2 iKɔrɔntos 8:16

Njwi bok irway ihwala ne ɛTaanggbey ne ɛbhɛ kɛ nang ɛTitus se irway ne phyik nyini ɛli ne nggaa ku i has irway.

iFilibi 1:20

Nggɛ yɛk ne irway nzi has irway ɛlɔ ne naa yung bak ito nge ncwa ndɔ ɛtomɛ ɛKiriti gha, te n yang bol tang ɛnik. Te gbik ɛkɔn na ne naa mɔn no te ɛKiriti gha sɛ ndiinday ndɔ ne ishwɛɛ nge ɛlyilyɛghaa wo, ɛli ne iphɛ ku so wo. Hang nzo ɛken yɔɔ, hang nggɛ ku yɔɔ.

iKɔlɔsi 2:5

Gbik ɛli ne n sang so ne nyinɛn ndɔ ne ibek ge, icwas nge ne so daa mon. Ne n bok irway ihwala gbom ɛli ne nzi phok ɛ kɛ kyinak ɛn ne ihwet da, ɛ yɛk ɛn irway nviit da ndɔ ne ìnang ne itin mon de ne ɛKiriti gha.

1 iTasɔlɔnika 3:6

ɛTimɔti gha kɛ ne bhɛ kyii ɛlɔ mon na ne ibol iyɛnɛng daa ne ìnang ne itin mon de gbik ne ishwim mon da. Ɛ kɛ mɔng njwii wu ˆɛɛ tas ɛn ne njwit byirik, wu ˆɛ sim ɛn te ˆɛ sɛ ma yaang ɛn njwi ɛli ne njwii ma sim te njwi sɛ yaang nyini wo.

1 iTasɔlɔnika 3:8

ɛLyilyɛghaa wo, njwi yaa ne hante ne te niken daa ɛli ne ˆɛ kɛ kyinak ɛn ne ihwet da ndɔ ɛDaray ya.

iBirani 2:1

iPhɛ ɛlɛy, iphɛ so nggbinggbing njwɛɛn wɛɛ ibol de ne kaa tɔng njwɛɛn no yɛnɛng ɛlɔ ne iphɛ yaa yung te njwɛɛn lap en.

ɛYakub 5:17

ɛNɛbi ɛLiya gha kaa ma soye ɛten ɛsii te njwɛɛn. Ɛ kaa ne boote ne ɛTaanggbey ya ndɔ ɛkyukyum ne irway ɛbhɛ wu te inɛn shɛɛ tang reey. iNɛn da ne shɛɛ tang reey yo ishay itat ne ngguk.

2 ɛYohana 1:4

iPhɛ kɛ nang me irway ihwala gbom ne nggɛ yaang nidɛng ninɔn mo na i hyel ndɔ ne itin de, ɛli ne ɛTaa gha kɛ ku yɛk njwɛɛn nɛ wo.

ɛYahuza 1:3

Nigwaa nge ne nzi sim, nggɛ ku bok icwas ne haa nyini nɛ daa ne ibol ne iphɔrɔt njwɛɛn de, ne nggyi yaang iphɛ kɛ jam mɛ nzɛ kyii haal nyini nɛ te n te nyini itsɔngɔl gɛgɛy ɛli ne ˆaa kyinak ɛn daa ne imɛmɛ ne itin ɛYɛso de ne ɛTaanggbey ya kɛ nang ninaa ne roos ɛbhɛ na ɛdaan na zɔng ngo.