2 iKɔrɔntos 7:15 - ɛWee ne ìTsɛm iHywas

¹⁵ iShwim ba ne ɛTitus sa i sim nyini wo i hanas se nɛ gbom, i sɛ ɛ kɛ taate ɛli ne ɛ kaa sim ɛ roos ɛn ibol ɛbhɛ de, ɛli ne ɛ kaa say ɛn ɛbhɛ ndɔ ndiinday de ne ɛnik ko.

2 iKɔrɔntos 7:15 ပူးပေါင်းရင်းမြစ်များ

iFilibi 2:12

iPhɛ ɛlɛy, nyinɛn no ne nzi sim mo, ɛli ne ɛ ku roos ɛn ibol nge de ne i sɛ nzo nɛ nyinɛn no, nzi ne roro nɛ nyinɛn ɛlyilyɛghaa wo ne n sang sonɛ nɛ nyinɛn no, hante ɛn ne roos sɛ. Mɔn ɛn ɛtomɛ ne irway mon gbik ɛli ne iphɔrɔt mon da yaa tɔɔl le kpas. Mɔn ɛn ndɔ ne kparat ne ɛnik ɛTaanggbey.

2 iKɔrɔntos 2:9

Nggaa haa nyini ɛwee yɛwoo wo, te n phɔwɔ nyini te n yaang, hang aa sim ɛn ɛ roos ɛn iyɔngɔ nge da ndɔ nikɔn na gbik yɔɔ.

1 ɛYohana 3:17

Wu ɛnyi bok iryat ɛ yaang ɛgwaa ɛbhɛ ne ɛ tɔk iphyik, ɛ mbaray tang phyik ɛgwaa ɛbhɛ, ɛnyi yɛghaa nggyɛ wo ne bok ishwim ɛTaanggbey da bɛ?

2 iTasɔlɔnika 3:14

Wu ɛdɛ ɛnyi gha kɛ mbaray tang roos ibol de ne njwi kɛ haa nyini nɛ ndɔ ne ɛwee yɛwoo wo, ne ˆɛ wɛɛ ɛn ɛbhɛ yɛnɛng. Sɔng ˆɛ byinki ɛn ito ne ɛbhɛ nang te ɛ sɔ ncwa.

iKɔlɔsi 3:12

ɛTaanggbey ya kɛ kasa nyini te ˆɛ te ɛn nyini ninyi ɛbhɛ ne kɛ tul kang, ninaa ne ɛ sim gbom. iPhɛ ɛlɛy, ne ˆɛ yɛk ɛn irway ne san iyɔm nigwaa, ˆɛ mɔn ɛn nikɔn niyɛnɛng, ˆɛ te ɛn lyaak, ˆɛ laasek ɛn ito, ˆɛ bo ɛn ɛbɔk.

iFilibi 1:8

ɛTaanggbey ya ɛbhɛ so ɛshɛɛda nge, ɛ yɛɛ ɛli ne nzi has irway ne yaang nyini gbik, ne ishwim ɛYɛso ɛKiriti.

2 iKɔrɔntos 6:12

Sɔng njwit njwi kɛ sang tɔɔrek nyini ishwim ba nang, yang so nyinɛn ɛ kɛ sang phaal irway mon ɛ sim ɛn njwii.

ɛTomɛ 16:29

Ɛhaa ne hyep ijwee ne nyang nga ne yɔng te yɛɛs ne igboo. Ne ɛ lel ndɔ ne izuk ko, ɛ kparat ɛbhɛ ho ɛBulus segha ne ɛSila gha ne ita.

iFisus 6:5

Nyinɛn nikpuru wo, roos ɛn ibol nikyɛɛ ne ijwee mon ɛzay yɛghaa wo. Nang ɛn nibhɛ ne ndiinday te ˆɛ phok ɛn ɛnik nibhɛ ndɔ nikɔn na gbik ne irway ijwaan ɛli ne ɛ roos ɛn ɛKiriti yegha.

ɛYohana 16:21

I sɛ ɛkuk ka yaa yɛk ko, ɛ ne bok irway ishwii daa ɛli ne nten nɛ so nten ne nggbang, yaa ne sɛ ɛngɔn na kɛ wuru nang, ne ɛ shii te ne nggbang ngga bap lenɛ ne irway ihwala ne yɛk ɛngɔn na ndɔ ɛzay ya.

1 iKɔrɔntos 2:3

Nggaa tsa n yɛɛs ɛlɔ mon na kyɔkyɔt, nzi kparat daa ɛli nggaa bok ɛnik.