2 iKɔrɔntos 7:1 - ɛWee ne ìTsɛm iHywas

¹ Daa ɛli ne kɛ ku sim njwɛɛn nɛ nikɔn nɛnaa wo gbik ko nigwaa nge ne nzi sim, ne njwɛɛn kuus ito njwɛɛn daa nikɔn na nɛ nibhɛ aa te ibek njwɛɛn de ne irway njwɛɛn da yɛk ivebhe da, te njwɛɛn ku tul en kang lenɛ ne ɛnik ɛTaanggbey ne njwɛɛn bok.

2 iKɔrɔntos 7:1 ပူးပေါင်းရင်းမြစ်များ

1 iTasɔlɔnika 4:7

ɛTaanggbey ya kɛ yel-le njwɛɛn te njwɛɛn shɛɛ kang, sɔng i shɛɛ ishwɛɛ ne irwirwik nang.

1 ɛBiturus 2:11

Nigwaa nge ne nzi sim, nzi bok nyini, daa ɛli ɛ so ɛn ninaa ne ikpoo na ndɔ ɛzay ya, ne ɛ hosop ɛn nyini ne roos ihyop ne ibek ge ne iphɛ so ɛfɔt to. iHyop pɛdee nggyɛ wo i ta itsom ne irway mon da.

ɛYakub 4:8

Yɛɛs ɛn cɛcɛk ne ɛTaanggbey ya aa ne ma yɛɛs cɛcɛk ne nyinɛn. Nyinɛn ninaa ne ɛfɔt ta, kuus ɛn ibɔ mon ndɔ ɛtomɛ ne ɛfɔt ta, nyinɛn niluk ka te ɛn irway mon wɛwɛy.

1 ɛYohana 3:3

Gbik ɛnyi gha ne ɛ bok iyɛk ne irway yɛdaa wo daa ɛKiriti gha, te ɛ te ito ɛbhɛ wɛwɛy ɛ shɛɛ wɛwɛy daa ɛli ne ɛKiriti gha so wɛwɛy.

1 iTasɔlɔnika 5:23

Te ɛTaanggbey ya ne ito ɛbhɛ ne ɛ soye ɛhaa ne irway ne laal la, tul nyini kang yɛnɛng-yɛnɛng, ɛ te ikabyik mon, ne iken mon, ne ibek mon de shɛɛ wɛlɛng ɛkɔn ne tok, ɛtuk ka ne ɛDaray njwɛɛn ɛYɛso ɛKiriti gha sɛ bhɛ kyii wo.

1 ɛBiturus 1:22

ɛLyilyɛghaa wo ne kɛ ne te nyini wɛwɛy ndɔ ne ɛfɔt mon no daa ɛli ne ɛ roos ɛn itin de, ɛ ta i sim ɛn nigwaa mon na ne ishwim ne itin da. iPhɛ ɛlɛy, ne ɛ sim ɛn nigwaa mon ndɔ ɛkyukyum ne irway.

1 iKɔrɔntos 6:20

Kɛ say nyini i tal. iPhɛ ɛlɛy ne ɛ nang ɛn ɛTaanggbey ye ne ndiinday ne ibek mon de.

1 ɛYohana 1:7

Wu njwɛɛn i ne hyel ndɔ ne iwɛwɛy de ɛli ne ɛTaanggbey ya so iwɛwɛy de, njwɛɛn i ne byingis ìtsɛm be nɛ nigwaa. Neyi ɛNgɔn ɛbhɛ ɛYɛso ɛKiriti na i ne kuus ɛfɔt njwɛɛn no gbik.

iBirani 4:1

ɛTaanggbey ya kɛ nang njwɛɛn ibol ne iphɔrɔt de ne ɛ kɛ ku sim-mɛ wo, iphɛ ɛlɛy nɛ njwɛɛn ne wɛɛ ɛn hywɛɛ ɛlɔ ne ɛdɛ mon sɛ yung bhɛ wɔs.

ɛMacu 5:48

Ne ɛ ma te ɛn hyɔrɔ, ɛli ne ɛKyɛɛ ɛdaa ne irywa mon na ma so hyɔrɔ wo.

ɛMacu 5:8

Ninaa ɛwɛng ngaa nggyɛy nɛ nibhɛ bok irway iwɛwɛy da, daa ɛli nɛ nibhɛ sɛ ne yaang ɛTaanggbey ye.

1 ɛYohana 1:9

Wu njwɛɛn kɛ ne tɔng ɛTaanggbey yegha ɛfɔt njwɛɛn no, ne ɛ so ɛhaa ne sɛ kyinak daa ne ibol ɛbhɛ, ne ɛ ta so ɛhaa ne itin, aa ne hana njwɛɛn ne ɛfɔt njwɛɛn no ɛ kuus iyɔm ne icik njwɛɛn de gbik.

iFisus 2:3

Njwɛɛn gbik kaa tsa so tɛ nibhɛ wo. Njwɛɛn kaa i roos ihyop igywebhe ne ibek njwɛɛn nɛ, i roos ɛkɔn na ne ibek ge ne irway i shɔk njwɛɛn te mɔn zɔng. Njwɛɛn kaa ne teye ɛkɔn ne baasek ɛTaanggbey ye njenjek, iphɛ ne te nggbinggbing njenjek ɛTaanggbey de ho daa njwɛɛn te ɛbyin ninyi ɛzay ya.

iRooma 5:20

Kaa yɛɛs ne iMɛmɛ ɛMuusaa da te sɛ tɔɔrek ɛfɔt to kpas. Kɛ ne sɛ ɛfɔt to kɛ hantey yɛ, izɛɛng ɛTaanggbey de kɛ ne ma hantey yɛ gbom iphɛ phyin ɛli ne i mɔn ɛfɔt to.

1 ɛBiturus 5:10

Yaa ne sɛ ɛ kɛ sɔke ɛn ne nggbang ngga ndɔ nten ncɛt nang, ɛTaanggbey ne ɛ so ɛhaa ne izɛɛng nga gbik ko, ne ɛ kɛ yel-le nyini wo te ɛ sɛ ɛn ihop ndɔ ne ndiinday ne inat ɛbhɛ de lenɛ ne ɛYɛso ɛKiriti gha, sɛ ne te nyini niphas sɛ, ɛ lɔl nyini, ɛ te nyini hyɔrɔ, ɛ ji hante nyini ne ihwet. Ɛbhɛ wo ne ito ɛbhɛ ɛ sɛ mɔn ɛlɛy wo.

iBirani 12:28

iPhɛ ɛlɛy, te njwɛɛn teye ninaa ne irway ihwala, daa ɛli ne njwɛɛn i saasel igbɔm ba ne hame i ta sungki wo. Te njwɛɛn i re ɛTaanggbey yegha ntsong ngga ɛli ne ɛ sim, ndɔ ne ndiinday ne ɛnik.

iBirani 12:23

ˆƐ kɛ yɛɛs ɛn ɛlɔ ne idira ninaa ne roos nɛ nibhɛ so te ɛngɔn ɛkɔɔn ɛTaanggbey, ne kɛ haa irɛɛk nibhɛ de daa ne irywa. ˆƐ kɛ yɛɛs ɛn ɛlɔ ɛTaanggbey, ne ɛbhɛ ɛ so ɛhaa ne bol ninyi na gbik ɛshara, gbik ne ɛlɔ ne ikpabyik ninyi ne icik ne kɛ te nibhɛ hyɔrɔ.

1 iTasɔlɔnika 3:13

Te ɛDaray ya yɛk ngɛ irway mon hante ne ihwet, te tul nyini kang, wɛlɛng ɛkɔn ne tok ɛnu ɛyisɛ ɛTaanggbey ya ne ɛbhɛ ɛ so ɛTaa gha, ɛtuk ka ne ɛDaray njwɛɛn ɛYɛso gha sɛ bhɛ kyii nɛ ninyi ɛbhɛ na.

2 iKɔrɔntos 1:20

Daa ɛli ne kɛ lenɛ ne ɛbhɛ ɛTaanggbey ya shwaak nikɔn na ne ɛ kɛ sim-mɛ wo gbik. iPhɛ phɛ kɛ te i lenɛ ne ɛYɛso ɛKiriti gha njwɛɛn i yɔng “Ɛɛy” yo, te nang ɛTaanggbey yegha ne ndiinday.

ɛTomɛ 9:31

iDira ninaa ne roos de nɛ nibhɛ so ne iYahudiya de, ne iGalili de, ne iSamariya de ne sɛ irway ne laal. Nibhɛ ne yɛk ihwet, iKabyik ɛTaanggbey de ne i tes nibhɛ itsɔngɔl gɛgɛy, nibhɛ te gbom, ihywel nibhɛ da ndɔ ne ɛnik ɛDaray yo ne hantey yɛ.

ɛMacu 12:33

“ɛHon ɛyɛnɛng nga i yɛk ikpam iywɛnɛng, ɛhon ɛbebhe gha ne ma yɛk ikpam ivebhe. I seng ɛhon na daa ihywee ne ikpam ɛbhɛ.

iBirani 6:9

Nigwaa nge ne nzi sim, ɛli ne njwii kyi bol ɛlɛ wo, njwi ne yɛɛ ncɛncɛng wu ɛ mɔn ɛn nikɔn niyɛnɛng nɛ nibhɛ kɛ tɔɔrek wu ɛ kɛ phɔrɔt ɛn.

1 ɛBiturus 1:15

iPhɛ ɛlɛy, daa ɛli ne ɛTaanggbey ya ne ɛ kɛ yel-le nyini wo ɛ so kang ngo nang, ne ɛ ma tul ɛn nyini kang te ɛTaanggbey ya.

1 ɛBiturus 1:17

Ɛɛ yel-le ɛn ɛbhɛ ɛTaa nten de ne ɛɛ bol ɛn ne ɛTaanggbey ya ne ɛ sang bok sim ito da nten de ne ɛ bol ɛrɔngɔ ɛshara gha daa ɛkɔn na ne ɛ kɛ mɔn no. iPhɛ ɛlɛy ne ɛ taal ɛn ishwɛɛ mon da ndɔ ɛzay yɛghaa wo ne ɛ so ɛn nɛ tɛ ninaa ne kpoo na, ɛ phok ɛn ɛnik ɛTaanggbey yo.