2 iKɔrɔntos 6:9 - ɛWee ne ìTsɛm iHywas

⁹ Kɛ bo te i doo njwii, gbik ne iphɛ ɛlɛy i ne yɛɛ njwii. Kɛ bo te njwi yaa kus, gbik ne iphɛ ɛlɛy njwi ne so niken. Kɛ baasek njwi nggbang, gbik ne iphɛ ɛlɛy sɔng kɛ ne phoo njwii nang,

2 iKɔrɔntos 6:9 ပူးပေါင်းရင်းမြစ်များ

ɛTomɛ 17:18

Nidɛng nikyɛɛ ne icwam ne kaa i bok nibhɛ niBikuriya nɛ niSitɔkya kaa ne i re ishamas ne ɛBulus sa. Nidɛng ne yɔngɔ, “iKyee ne ɛnyi ne irwɛrɛ yɛghaa wo i sim aa bol le?” Nidɛng ne ji yɔngɔ, “Njwii wɛɛ te ɛ bol ibol nidɛng nitaanggbey de ne hame nibhɛ so ɛbɛ wo.” Nibhɛ kaa bol ɛlɛ wo daa ɛli ne ɛBulus sa kɛ tɔng nibhɛ ibol ɛYɛso ne idee ne yiisik tsik ne ikpuu.

ɛTomɛ 19:26

Ɛ wɛɛ ɛn ɛ phok ɛn ɛkɔn na ne ɛnyi gha ne i bok ɛbhɛ ɛBulus sa kɛ mɔn no, ɛ kɛ yɛɛn ninyi ne iFisus sa gbik ne ivel ne iSiya da ɛ kɛ hyere nibhɛ gbik! Ɛ bo wu ɛTaanggbey ne ɛten ɛsii kɛ ryɔng wu hang ɛ so ɛTaanggbey ne itin nɛ.

ɛTomɛ 25:19

Nibhɛ kaa ku bok idɛ bol de ne ɛbhɛ daa ne ibol ne re ntsong nibhɛ, ne daa ne ito ɛdɛ ɛnyi gha ne kaa bok ɛbhɛ ɛYɛso ne ɛ kaa ku nɛ ɛBulus sa ne kyii bo wu ɛ so ɛken.

ɛTomɛ 25:26

Gbik ne iphɛ ɛlɛy, sɔng ne bok ɛdɛ ɛnting ne ibol lo ne naa haa ɛndiinday ɛgɔm ne iRooma yegha nɛ daa ne ito ɛbhɛ nang. iPhɛ ɛlɛy, nggɛ ne yɛɛs ne ɛbhɛ ɛnu ɛyisɛ mon na, ma ji so igyɛ wo ɛgɔm ɛGiripa, hang yaa yung sɛ njwɛɛn kɛ phɛl ɛbhɛ naa ne sɛ ɛkɔn na ne naa haa yɔɔ.

iRooma 15:19

ne ihwet ne nyu nikɔn, nɛ nikɔn ne kparat, lenɛ ne ihwet ne iKabyik ɛTaanggbey. iPhɛ ɛlɛy nggɛ le ne iYɛrushɛlɛm n phyii bhɛ hɔn iLirikum nzi sanga iBol iYɛnɛng ɛKiriti de n phyii taal ɛtomɛ yɛghaa wo gbik.

iRooma 8:36

Te ɛli ne kɛ haa ndɔ ne ɛwee ne ibol ɛTaanggbey yo bo: “ɛLɔ nggyɛ ne njwi yaang iku cɛcɛɛy kɛ bo njwii te ᐩigyol ntsabhak ne yaa hyɛghɛ.”

1 iKɔrɔntos 11:32

ɛDaray ya ɛbhɛ ɛ ne bol njwɛɛn ɛshara gha, ɛ gbaat njwɛɛn ɛlɔ ne sɛ yung byinki njwɛɛn ne ɛzay ya hyɛ njwɛɛn ɛshara gha.

1 iKɔrɔntos 15:31

Nigwaa en, nzi wɛɛ iku izenge ne ihwɛlɛ! ɛGyɛy ne nzi ne hal ne nyinɛn gbik ne ishwɛɛ njwɛɛn tɛ nidaan nɛ ndɔ ɛYɛso ɛKiriti ne ɛ so ɛDaray njwɛɛn, iphɛ phɛ kɛ te nzi mɔn ɛlɛ wo.

1 iKɔrɔntos 4:9

Nzi wɛɛ te ɛTaanggbey ya kɛ tɔɔrek ncɛncɛng wu njwit, ninɔn ne tom ma, njwi soye ninaa ɛtsim mɛ gbik tɛ ninyi ne kɛ hyɛ nibhɛ ɛshara ne iku, daa ɛli ne njwi kɛ teye ɛkɔn na ne ɛzay ya gbik, nɛ nimalɛka, nɛ niten nisii yaa sit njwii ne irwisɛ.

2 iKɔrɔntos 11:6

Yaa rɔk sɔng nggɛ bel ne ivol da nang, ne n jung bok ishweng. Njwi kɛ tɔɔrek nyini ɛlɛy ndɔ nikɔn na gbik.”

2 iKɔrɔntos 4:2

Njwi kɛ yang mbaray nikɔn ncwa na ne i rɛrɛs so, sɔng njwii iwul irywɛɛk nang, sɔng njwii hyeem ibol ɛTaanggbey de njwi tɔng nang. Njwii yang tɔng itin de wɛsɛrɛk, ɛTaanggbey i yɛɛ iphɛ ɛlɛy, gbik ninyi na ne yɛɛ wu iphɛ so itin nɛ ndɔ ne irway nibhɛ.

2 iKɔrɔntos 5:11

Daa ɛli ne njwii yɛɛ ɛkɔn na ne i bo wu te tel ɛnik ɛTaanggbey yo, iphɛ kɛ ne te njwii kyangase nɛ te njwii yaang njwi kɛ hɔ nidɛng ndɔ ne say itin ibol ɛTaanggbey de. ɛTaanggbey ya i yɛɛ ɛli ne njwi so, nzi ne ma wɛɛ te ɛ ma yɛɛ ɛn ndɔ ne irway mon ihywee ninyi de ne njwi so.