Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 iKɔrɔntos 6:8 - ɛWee ne ìTsɛm iHywas

8 I naas njwi ne ndiinday ne kyii bɛɛs njwi. I ne dɛp njwii ne kyii towos njwii. I bo wu njwi so ninaa ne wul irywɛɛk, gbik ne ɛlɛy njwi ne soye ninaa ne tɔng itin nɛ.

အခန်းကိုကြည့်ပါ။ ကော်ပီ




2 iKɔrɔntos 6:8
32 ပူးပေါင်းရင်းမြစ်များ  

iPhɛ kɛ hɔn ɛNgɔn ne icwam ma nɛ ɛ te tɛ ɛkyɛɛ ne icwam ɛbhɛ gha. iPhɛ kɛ ne ma hɔn ɛkpuru gha nɛ ɛ te tɛ ɛkyɛɛ ne ijwee ɛbhɛ. Wu kɛ yɔngɔ wu ɛkyɛɛ ne ijwee gha soye ɛBɛlizɛbul la, yaa ne yel-le ninaa ne ijwee ɛbhɛ na ne irɛɛk ge ne iphɛ phyin idede nggyɛ wo.


Nibhɛ ne bhɛ tom ninɔn ne icwam nibhɛ gbik nɛ nidɛng ninyi ɛHyiridus sa, ɛlɔ ɛYɛso gha, nibhɛ ne yaak ɛbhɛ, “ɛKyɛɛ ne icwam, njwii ku yɛɛ ɛli ne ɛ so ɛnyi ɛcik. Ɛ ku mɛmɛ ninyi na nɛ nikɔn ɛTaanggbey ya nɛ ne itin nɛ. Sɔng ɛ sim ɛbyin ninyi ɛ mbaray nidɛng nang, sɔng ɛ tɔɔl sim ito daa ne ninyi nang.


nibhɛ ne yɔngɔ, “ɛNdiinday, njwi kɛ kyii taate idɛ ibol de ne ɛnyi ne irywɛɛk kɛgha nggyɛ wo kaa boote, ɛli ne ɛ kɛ to ɛken na, ɛ bo, ‘ɛTuk ne itwat tɛ, nzɛ ne yilitsik.’


Nibhɛ ne phɛ ɛlɔ ɛYɛso gha nibhɛ yaak ɛbhɛ, “ɛKyɛɛ! Njwii ku yɛɛ ɛli ne ɛ so ɛnyi ɛcik. Njwii ne ta yɛɛ ɛli ne hame ɛ bok sim ito. Sɔng ɛ bok nidɛng ninyi na ne ɛ sim nibhɛ ɛ ji mbaray yɛ nidɛng nang. Ɛ ku mɛmɛ ninyi na nɛ nikɔn ɛTaanggbey ya nɛ ne itin nɛ. Ne ɛ mɔng njwii iPhɛ kɛ ne jam mɛ njwi sɛ tal ɛKɛɛsat tegha ijam ne ivel dee? Hang iphɛ kɛ ma sang jam mɛ?


Ndɔ ne idira ninyi de, kaa ne bol ɛYɛso yegha. ɛByin nɛ ne yɔngɔ, “Ɛ so ɛnyi ɛyɛnɛng.” ɛByin nɛ ne yɔngɔ, “iRywɛɛk, ɛɛ luk ninyi.”


Ninyi na ne yaak ɛBiturus segha, “ɛDɛ ndiinday nisooja na ne i bok ɛbhɛ ɛKɔnɛliyas ɛbhɛ kɛ tom njwii. Ɛɛ phok ɛnik ɛTaanggbey, niYahodawa na gbik i naas ɛbhɛ ne ndiinday. ɛMalɛka ne kɛ tul kang ne yaak ɛbhɛ wu te ɛ yel-le yɛ ne ijwee ɛbhɛ te ɛ tenes ibol de ne aa tɔng ɛbhɛ.”


Ninaa ne bol ɛShara gha ne yɛɛs nibhɛ roo ɛBulus segha ne ɛSila gha ihana. Nibhɛ ne ji tul nibhɛ ndɔ ne ijwee ne nyang ngo nibhɛ ne roo nɛ nibhɛ wu tɛ nibhɛ tek ɛgarang ngɛ.


“ɛDɛ ɛnyi gha ne kaa bok ɛbhɛ ɛHananiya ne yɛɛs ɛ sɛ me. ɛHananiya gha so ɛnyi gha ne ɛ roos ɛTaanggbey ye ɛli ne ɛShara ɛMuusaa gha bo wo, gbik niYahodawa na nɛ nibhɛ so ɛnggyɛ wo kaa ne i naas ɛbhɛ ne ndiinday gbom.


Njwi kɛ sɛ ɛnyi yɛghaa wo ɛ hɔ igboo gbom, ɛ subhus ihywɛɛ niYahodawa de ndɔ ɛzay ya gbik, ɛbhɛ so ɛndiinday ɛguu ninaa ne roos ibol ɛnyi ne iNazarat de.


Gbik ne iphɛ ɛlɛy, njwii ne sim njwi aa phok, ɛnu mo, ɛkɔn na ne icwas mo i bo, daa ɛli ne njwi yɛɛ ninyi na nilɔ na kang-ka-kang kɛ bol ivol ne ifɛ kɛ mbaray ibol ɛguu ɛnyi ne tɔng ivol ifas sɛdaa wo.”


Ne sɛ nindiinday ya kɛ hante ne sinɛ nibhɛ itsoro wo nibhɛ ne tek nibhɛ. Nibhɛ kaa yaa tɔk ɛli nɛ nibhɛ yaa mɔn nibhɛ bak nibhɛ nggbang nzeet, daa ɛli ne igbagha wo gbik kaa yaa dɛp ɛTaanggbey ye daa ɛkɔn na ne ɛ kɛ te wo.


Sɔng ɛdɛ ɛnyi gha ne ɛ sang so ɛhaa ne roos sa ne tang yɛɛ ne lel ndɔ nibhɛ wo nang, gbik ne iphɛ ɛlɛy ninyi na ne i naas nibhɛ ne ndiinday.


iPhɛ ɛlɛy nigwaa en, ne ɛ kasa ɛn ninyi ɛniitaa ndɔ mon no nɛ nibhɛ so hyɔrɔ ne ikabyik ne ntsɛntsɛng. Nibhɛ ne njwi yaa ne yɛk nibhɛ ne ɛtomɛ ne wɛɛ ire gha.


Wu ɛlɛy yo, ikyee iphɛ yaa ne ring njwɛɛn ne re ɛnu ɛyisɛ ne mɔn ibebhe de te iphɛ teye ɛnkiinɛ ne sɛ iyɛnɛng ngge? Nidɛng ninaa ne bees ivol da daa ne ito mos de i bo, wu ɛlɛy ne njwii bol. Sɛ ne hyɛ nibhɛ ɛshara ne ɛ so cɛcɛɛy ne ɛkɔn na nɛ nibhɛ mɔn no.”


ɛTsak, ɛli ne ɛTaanggbey ya so sɛ kyinak daa ne ibol ɛbhɛ de, ɛlɛy sɔng ibol mos de ne so “Ɛɛy” ne “Kwa” nang.


Naa ne yɔngɔ wu nggɛ sɔ ncwa daa ɛli njwi kɛ sang mɔn nyini nikɔn na nɛ ninaa ne luk nyini na i mɔn nyini nɛ woo? Naa yɔngɔ wu njwi kɛ so kyɔkyɔt te? Wu ɛdɛ ɛnyi gha yaa ne te irway nviit daa ɛdɛ ɛkɔn na nang, naa ne ma mɔn ɛlɛy. Daa ne ibol lɛdee wo nzi ne bol te ɛwamang.


Te ɛli ne ɛ yɛɛ ɛn ɛli ne nggaa sang nang nyini irighitik ge, ɛdɛng sɛɛ ne wɛɛ te nggɛ dyɛɛl nyini, nggɛ luk nyini ne irywɛɛk.


Njwi kɛ yang mbaray nikɔn ncwa na ne i rɛrɛs so, sɔng njwii iwul irywɛɛk nang, sɔng njwii hyeem ibol ɛTaanggbey de njwi tɔng nang. Njwii yang tɔng itin de wɛsɛrɛk, ɛTaanggbey i yɛɛ iphɛ ɛlɛy, gbik ninyi na ne yɛɛ wu iphɛ so itin nɛ ndɔ ne irway nibhɛ.


Daa ɛli ne sɔng iben, ne iluk, ne icwas ivebhe so ndɔ ne ibol de ne njwii tɔng nyini wo nang.


Kang nɛ nikɔn nɛnaa wo, iphɛ so nggbinggbing ɛndiinday ya soye ɛnyi ne ɛ bok ishɛɛda iyɛnɛng ndɔ ninyi, daa ɛli ne aa yung ɛ ho ndɔ ne irwa ɛShɛtan ɛ teye ɛkɔn ncwa.


iPhɛ phɛ kɛ te njwii sɔ nggbang njwii kyangase ne ɛtomɛ gha daa ɛli ne njwi kɛ sit irwisɛ daa ɛTaanggbey ne iKen, ne ɛbhɛ so ɛHaa ne Phɔt ninyi na gbik, yang ji so ninaa ne ìnang ne itin na.


iPhɛ ɛlɛy, nɛ njwɛɛn phɛ i bhɛ sɛ ɛbhɛ ɛtsim ɛgarang nga te njwɛɛn ma bhɛ sɔ ihywee ne itowos da ne ɛ kɛ sɔ wo.


Wu kɛ towos nyini daa ɛli ne ɛ so ɛn ninaa ne roos ɛKiriti yegha, ne ɛ so ɛn nyini ninaa ɛwɛng daa ɛli ne iphɛ kɛ tɔɔrek wu iKabyik gbom be, ne iphɛ so idee ɛTaanggbey de, so ndɔ mon.


ɛDɛmɛtiriyus sa ne bok ishɛɛda iyɛnɛng ɛlɔ ninyi na gbik. iTin de ne ito ne iphɛ kɛ ma nang ishɛɛda ɛbhɛ. Njwit to njwii ne ma naas ishɛɛda ɛbhɛ de, ˆɛ ne ma ku yɛɛ ɛn wu ishɛɛda mos de so itin nɛ.


Ninyi na nɛ nibhɛ i bok itso nibhɛ da wu i soye niYahodawa na kaabi nibhɛ sang kyi soye nɛ wo. Nibhɛ soye ninaa ne irywɛɛk, ɛguu ninyi ɛShɛtan. Nzi tɔng ngɛ, naa ne yɛk nibhɛ nɛ nibhɛ yɛɛs nibhɛ ho yɛ ne iphanta. Nibhɛ yaa ne ji seng wu nzi sim-mɛ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ