2 iKɔrɔntos 6:7 - ɛWee ne ìTsɛm iHywas

⁷ ne ivol ne itin mos, gbik ne ihwet ɛTaanggbey. Njwi ne so cik, iphɛ ne so te ɛkɔn ne itsom ne njwi bok ne njwii hal ne irywen njwi ta kyɛngɛ ye nɛ.

2 iKɔrɔntos 6:7 ပူးပေါင်းရင်းမြစ်များ

2 iKɔrɔntos 4:2

Njwi kɛ yang mbaray nikɔn ncwa na ne i rɛrɛs so, sɔng njwii iwul irywɛɛk nang, sɔng njwii hyeem ibol ɛTaanggbey de njwi tɔng nang. Njwii yang tɔng itin de wɛsɛrɛk, ɛTaanggbey i yɛɛ iphɛ ɛlɛy, gbik ninyi na ne yɛɛ wu iphɛ so itin nɛ ndɔ ne irway nibhɛ.

2 ɛTimɔti 2:15

Mɔn ɛkɔn na ne ˆaa yɛɛ ne mɔn nɛ, te ˆɛ tɔɔrek ito mo ɛnu ɛyisɛ ɛTaanggbey ya te ɛnyi ne ɛTaanggbey ya yaa yɔng ɛtomɛ ɛbhɛ kɛ jam. Teye ɛhaa ɛtomɛ gha ne ɛ sang ncwa daa ɛtomɛ ɛbhɛ gha, ɛhaa ne mɛmɛ ne ibol ne itin de byirik.

ɛYakub 1:18

Kɛ lenɛ ne icwas ɛTaanggbey da, ne nang njwɛɛn iken lenɛ ne ibol ɛbhɛ ne iphɛ so itin nɛ, te njwɛɛn teye ninaa ɛyisɛ yɛ ndɔ nikɔn na ne kɛ ryɔng ngo.

2 ɛTimɔti 4:7

Nggɛ ta itsom be yɛnɛng, nggɛ taal nggbiy da, nggɛ boos ìnang ne itin de byirik.

1 iTasɔlɔnika 5:8

Daa ɛli ne njwɛɛn soye ninaa ne igbey ya, te njwɛɛn ne kyii ne ihywɛɛ njwɛɛn ɛlɔ ɛdaan. Te njwɛɛn yɛk ghe ne ìnang ne itin de gbik ne ishwim ba te ɛtura ne igyɔs ne kyɛngɛ ɛgyɛy. Te njwɛɛn yɛk ghe ne sit ne irwisɛ da ne iphɛ nang iphɔrɔt da te ɛkɔn ne ito ne igyɔs.

iFisus 3:20

Te nang ɛTaanggbey ye ne ndiinday, ɛhaa ne ihwet ɛbhɛ i mɔn ɛtomɛ ndɔ njwɛɛn iphɛ te njwɛɛn mɔn nikɔn na nɛ nibhɛ phyin ɛli ne njwɛɛn kɛ phom gbik nɛ ninaa ne njwɛɛn i tas.

2 iKɔrɔntos 13:4

Gbik ɛli ne kaa gangat ɛKiriti yegha ndɔ ne kyɔkyɔt de, ne ɛ so ɛken lenɛ ne ihwet ne ndiinday ɛTaanggbey. Njwi ne ma so kyɔkyɔt ndɔ ɛKiriti gha, gbik ne iphɛ ɛlɛy, njwi ne so niken lenɛ ne ihwet ne ndiinday ɛTaanggbey te njwi mɔn ɛtomɛ gha ne njwi yaa mɔn ndɔ mon no.

iFisus 1:13

Kɛ lenɛ ne ɛKiriti gha, nyinɛn no ne hame ˆɛ so ɛn niYahodawa na, ˆɛ kɛ ne phok ɛn ibol ne itin de, kaabi iBol iYɛnɛng ne iphɔrɔt da. Nten de ne ˆɛ kaa nang ɛn ne itin nɛ ne ɛYɛso gha, ɛTaanggbey ya ne nang nyini iKabyik ɛbhɛ ɛli ne ɛ kaa ku sim nyini nɛ aa mɔn no. iPhɛ yaa ne teye ɛlamba ne ishɛɛda wu ɛ so ɛn ninaa ɛbhɛ.

2 iKɔrɔntos 7:14

Ɛli ne nggɛ tɔng ɛbhɛ wu nzi hal ɛgyɛy ya ne nyinɛn no, sɔng nggɛ ne sɔ ncwa nang. Ɛli ne gbik ɛkɔn na ne njwi kɛ tɔng nyini wo ɛ so itin nɛ wo, ɛlɛy ne hal ɛgyɛy mos da daa mon no kɛ ma teye itin nɛ ɛnu ɛyisɛ ɛTitus sa.

iBirani 2:4

ɛTaanggbey ya kɛ ne ta hante nang idee ɛbhɛ ishɛɛda lenɛ nɛ nikɔn ne kparat, nɛ nikɔn ne ɛnik, ne ìnang ne iKabyik ɛbhɛ ihywee-ihywee ne ɛ kɛ naas ninyi na lenɛ ɛli ne ɛ sim.

iKɔlɔsi 1:5

Daa ɛli ne ìnang ne itin mon de so daa nikɔn na ne ɛ kɛ yɛk ɛn ne irway ne kɛ tek nyini nɛ daa ne irywa. Ɛ kaa tsa ɛ phok ɛn ibol nikɔn nɛdee wo ndɔ ne ibol ne itin de ne iphɛ so ibol iyɛnɛng ngge.

iFisus 4:21

ɛTsak, ˆɛ kɛ phok ɛn ibol ɛbhɛ de, kɛ ne mɛmɛ nyini ne itin de ne i sɛ ndɔ ɛYɛso gha.

1 iKɔrɔntos 1:24

Ɛlɔ ninyi na ne ɛTaanggbey ya kɛ yel-le wo inang, niYahodawa na gbik nɛ ninyi ne hame nibhɛ soye niYahodawa na, ibol lɛdee wo ne soye ɛKiriti ne ɛ so igbom ne ntsɛntsɛng ɛTaanggbey.

ɛTomɛ 11:21

ɛDaray ya ne phyik ninaa ne roos sɛnaa nggyɛ wo, ninyi gbom ne nang ne itin nɛ, nibhɛ san ɛbɔk nibhɛ yaa roos ɛDaray yegha.

ɛMarakus 16:20

Ninɔn ne icwam ɛYɛso na ne wuusi nibhɛ leesel ndɔ nilɔ na gbarang, nibhɛ bhɛ sanga ɛnu ne ibol iyɛnɛng nga. ɛDaray ya ne i mɔn ɛtomɛ nɛ nibhɛ. Ne ɛ nang nibhɛ ito ne mɔn nikɔn ne kparat gbom te hante ibol nibhɛ de ne ihwet, te i seng wu iphɛ le daa ɛlɔ ɛTaanggbey.]

2 iKɔrɔntos 2:17

Sɔng njwi so te ɛbyin ninyi na nɛ nibhɛ sanga ibol ɛTaanggbey de tɛ nibhɛ tɔk iryat nang. Njwi yang so ninyi ne ɛTaanggbey ya ɛbhɛ ɛ kɛ tom njwii, njwii ne bol itin nɛ ɛTaanggbey i ne yɛɛ, daa ɛli ne njwi so ninaa ɛtomɛ ɛKiriti gha.