Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 iKɔrɔntos 6:5 - ɛWee ne ìTsɛm iHywas

5 I lɛngɛs njwii, ne robhos njwi ndɔ ne ijwee ne nyang, ne bok ishishim ne njwit, i naas njwii ɛtomɛ ne ɛ phyin ihwet mos, nggbang i ring njwii ne nwa, njwi ne so kpyak.

အခန်းကိုကြည့်ပါ။ ကော်ပီ




2 iKɔrɔntos 6:5
48 ပူးပေါင်းရင်းမြစ်များ  

Ne ɛ ji yɛk ngɛ i phɛ ndɔ ne ijwee ne nyang ngo bhɛ tul ito ɛYohana de.


Daa ɛli ne ɛHyiridus sa kaa wum ɛYohana yegha ɛbhɛ rop ɛbhɛ ne ijwee ne nyang daa ne igboo ɛHyirɔdiya ne ɛ kaa so ɛkuk ɛgwaa ɛbhɛ ɛFilibus.


ɛYɛso gha ne yaak nibhɛ, “Yaa mɔn ɛlii nitaay ɛyiyaam ne yɛl la bok irway ishwii da nten de ne ɛyiyaam ne yɛl la sonɛ nibhɛ woo? Nten nɛ yaaso, ne sɛ bo ɛyiyaam en yɛl la, nten nɛdee nggyɛ wo nɛ nibhɛ sɛ ne ji kuma wo.


Kɛ ne sɛ nibhɛ kɛ roro nibhɛ kuma wo, nibhɛ ne ji tek ɛBanabas segha ne ɛShawulu ne iwɔ, nibhɛ nang nibhɛ ɛnu. Nibhɛ ne ji yɛk nibhɛ ne nkiinɛ.


Nidɛng niYahodawa na ne ji le ne iNtakiya nibhɛ yɛɛs ne iKɔnyum nibhɛ hyere irway ninyi da daa ɛBulus sa. Ninyi na ne phengɛ ɛBulus segha nibhɛ hɔ ɛbhɛ nibhɛ bhɛ hana gɔɔ ɛtsim ɛgarang nibhɛ wɛɛ te ɛ kɛ ku.


Kɛ ne sɛ ɛtsim mɛ nɛ ɛBulus sa ne ɛBanabas sa kɛ kasa nirɔngɔ nindiinday ndɔ ne idira ninaa ne roos nibhɛ, nibhɛ ne i bol ne ɛTaanggbey nibhɛ kuma, nibhɛ nɛ ji tek nindiinday ya ndɔ ne iwɔ ɛDaray yo nɛ nibhɛ kɛ nang ne itin nɛ ne ɛbhɛ wo.


niYahodawa na ne yɛk ɛnkyis, nibhɛ ne tuma nidɛng nisang-phok ka nɛ nibhɛ shɛɛ ɛtungga. Ne sɛ nibhɛ kɛ sɛm en gbik, nibhɛ ne tum izok ndɔ ɛgarang ngɛ. Nibhɛ tum irywen, nibhɛ phɛ ne ijwee ɛYason nibhɛ tɔk tɛ nibhɛ sɛ tul ɛBulus segha ne ɛSila gha nibhɛ nang ninyi na.


iPhɛ ɛlɛy, ne ɛ shɛɛ ɛn ɛkanang! Tas ɛn, izenge wo kɛ hɔn ishay itat ne nzi kpɛng nyini wo. Sɔng nggɛ cwaal ɛnu nang, ne ɛtuk ne igbey nzi kpɛng nyini nɛ niyilis ne irwisɛ nge.


Ne sɛ ishisim be kɛ hantey yɛ gbom, ɛgbaang ɛndiinday nisooja wo ne wum ɛnik wu yaa yung le ɛnggyɛ wo i kpɛɛ ɛBulus segha, ne ɛ yɛk ngɛ wu tɛ nisooja na phɔt ɛbhɛ ne ihwet nibhɛ phɛ ne ibarakyi nibhɛ.


ne ɛ yɔngɔ, “N sɛ phok ibol mo de sɛ́ sɛ ninaa nɛ nibhɛ bok de ne igyɛ kɛ yɛɛs.” ɛGɔm-na gha ne yɛk ngɛ i bhɛ kyɛngɛ ɛBulus segha ne ijwee ne igbɔm ɛHyiridus.


Ne sɛ ɛtsim ishay iphaa, ɛFɔkiyɔs ɛFɛsitus ne teye ɛgɔm-na gha ɛ sunu ɛFɛlis segha. ɛFɛlis sa ne tek ɛBulus segha ndɔ ne ijwee ne nyang ngo daa ɛli ne ɛ kaa sim tɛ niYahodawa sɛɛ phok iyɛnɛng ɛbhɛ.


Nikɔn nɛnaa nggyɛ wo ne nggaa ne mɔn ne iYɛrushɛlɛm de. Nindiinday nibo niYahodawa na kaa ne nang me ɛnkiinɛ, ne wumus ninyi ɛTaanggbey ya gbom n robhos nibhɛ ne ijwee ne inyang, ne i sɛ yaa phobho nibhɛ ne n roos ɛduu yɛ.


ɛBulus sa ne yɔng, “Hang ndɔ ne nten ncɛt yɔɔ hang ndɔ ne nten gbom yɔɔ nzi roro ne ɛTaanggbey nzi bo sɔng igyɛ wo zɔng nang te byinki nɛ ninyi na nɛ nibhɛ so ɛbɛ wo gbik nibhɛ tenes me izenge wo, kang ne nyang ngɛdee, tɛ nibhɛ sɛ ma tes se nikirita na te me wo.”


ɛBulus sa ne shɛɛ ne ijwee wo ne ɛ sonɛ wo ɛ hɔn ishay iphaa, ɛɛ saasel gbik ninyi na nɛ nibhɛ kɛ yɛɛs ɛlɔ ɛbhɛ gha.


Nibhɛ ne bhɛ wumus ninɔn ne tom ma, nibhɛ bhɛ gangat nibhɛ ne ijwee ne nyang.


Nɛ so izɛɛng ɛTaanggbey de ihywɛ kɛ te me nzo ɛli ne nzo wo. Sɔng izɛɛng ɛbhɛ de daa me wo kɛ ne te buu nang. Kwa, nggɛ ma yung mɔn ɛtomɛ gha nibhɛ gbik, gbik ne iphɛ ɛlɛy, sɔng ne so mee nang, izɛɛng ɛTaanggbey de ne ihywɛ so ne me wo.


ɛLyilyɛghaa wo, njwi so kpyak, irway mos i has, sɔng njwi bok itsura iywɛnɛng nang, i lɛng njwii, sɔng njwi bok ijwee nang.


Sɔng ɛdɛ mon ne ring ɛdɛng ngɛ tang ɛlɛy ne ɛ kɛ sim ɛn nyini nɛ ndɔ ne nten ncɛt te ɛ sɛ ɛ boote ɛn ne ɛTaanggbey yang. Wu ɛ kɛ ne mɔn ɛn ɛlɛ wo, te ne ɛ shii kyii ɛn daa ɛli ne ɛShɛtan ya yung luk nyini ɛ sang yɛɛ ne wum ɛn ito mon.


Nggɛ kyangas me ne ɛtomɛ, nggɛ tabha ilong, nggɛ shɛɛ tang nwa, nggɛ shɛɛ kpyak, nggɛ shɛɛ tang sɔ inɛn. Nggɛ wɔs ire, nggɛ shɛɛ ne ntsentseng, nggɛ shɛɛ tang ɛtura ne ibek.


ɛKɔn nɛghaa wo bhɛ kɛ te mee ɛBulus sa, nzo ne nyang, ɛlɔ ɛYɛso ɛKiriti te iphɛ phyik nyini, nyinɛn no ne ɛ sang so ɛn niYahodawa. Nzi ne bol ne ɛTaanggbey ya daa ne ito mon de.


iGanke da ne kɛ gangke me wo kɛ te nisooja ne ijwee ɛgɔm ma gbik nɛ ɛbyin ninyi na ɛbɛ wo seng wu kɛ gangke me ɛlɔ ne bol ɛKiriti.


Nigwaa en, ɛtsak, nyinɛn no ˆɛ yɛɛ ɛn nggbang ngga ne ɛbung nga ne njwi kɛ sɔ wo. Njwi kɛ mɔn ɛtomɛ gha ne ɛtuk ne igbey gbik daa ɛli ne njwi yaa yung nang nyini irighitik nten de ne njwii sanga iBol iYɛnɛng ngge ne iphɛ le ɛlɔ ɛTaanggbey ya.


iPhɛ phɛ kɛ te njwii sɔ nggbang njwii kyangase ne ɛtomɛ gha daa ɛli ne njwi kɛ sit irwisɛ daa ɛTaanggbey ne iKen, ne ɛbhɛ so ɛHaa ne Phɔt ninyi na gbik, yang ji so ninaa ne ìnang ne itin na.


iPhɛ ɛlɛy, sɔng ne ˆɛ phok ncwa ne tɔng ibol ɛDaray ɛYɛso njwɛɛn de ne ncwa nge ne nzo ne inyang ngge ɛlɔ ɛDaray ɛYɛso gha nang. Yang byinki ito ne mee ndɔ ne nggbang ɛlɔ ne sanga ibol iyɛnɛng ngge, te ɛTaanggbey ya nang njwii ihwet tɛ.


Daa ɛli ne nzi tɔng iBol iYɛnɛng ngge, nzi ne sɔ nggbang gbom, kɛ phyii rop me te ɛnyi ɛbebhe. Gbik ne iphɛ ɛlɛy, sɔng yaa ne yɛɛ ne rop ibol ɛTaanggbey de nang.


iGyɛ ne ɛTimɔti wo nang, wum ito mo ndɔ nikɔn na gbik, rop iku ndɔ ne nggbang ngga, mɔn ɛtomɛ ɛhaa ne sanga ibol iyɛnɛng ngge, shwaak ɛtomɛ mo gha gbik ɛli ne ɛ so ɛkpuru ɛTaanggbey ya.


Kaa ne bɛɛs nidɛng i hal nibhɛ, ne ta robhos nidɛng, i bhɛ cwaasek nibhɛ ne ijwee ne nyang.


Roos ɛn ibol nindiinday mon de, te ˆɛ mɔn ɛn ɛkɔn na nibhɛ bok nyini tɛ mɔn ɛn, daa ɛli nɛ nibhɛ bhɛ wɛɛ ishwɛɛ mon, nibhɛ sɛ ne bhɛ mɔng ɛTaanggbey ye ɛtomɛ gha nɛ nibhɛ kɛ mɔn. Wu ˆɛ kɛ roos ɛn ibol nibhɛ de, nibhɛ yaa ne mɔn ɛtomɛ gha ne irway ihwala, sɔng ne irway ishwii nang, daa ɛli ne sɔng ɛtomɛ ne irway ishwii gha yaa phyik nyini nang.


Nzi sim naa yaak nyini wu kɛ tul ɛgwaa njwɛɛn ɛTimɔti yegha ne ijwee ne nyang ngo. Wu ɛ kɛ ne tuu dodooy, njwi sɛ ne yɛɛs ne ɛbhɛ njwi yaang nyini.


Sɔng ɛ phok ɛnik ne nggbang ngga ne ɛ yungaa sɔ wo nang. Nzi tɔng ngɛ ɛShɛtan na yaa bo ɛbyin mon ɛbhɛ rop nibhɛ ndɔ ne ijwee ne nyang te ɛ sɛ ɛ phɔwɔ nyini, ne ɛ sɔ ɛn nggbang ngga nituk ɛnduwubɔ. Kyinak ndɔ ne ìnang ne itin mon de, kɛsim i phoo yɛ, naa ne nang ngɛ ɛkɔn ne ito ne igbɔm ne iken.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ