2 iKɔrɔntos 6:4 - ɛWee ne ìTsɛm iHywas

⁴ Njwii yang gbaat itso mos de ndɔ ne nikɔn na gbik, te njwi tɔɔrek wu njwi soye nikpuru ɛTaanggbey ya. Njwii gbaat itso mos de ndɔ ɛbɔk gbom, ne nggbang, ndɔ ne phyingɛl ne i phyii njwi, ne ndɔ ɛmpyep.

2 iKɔrɔntos 6:4 ပူးပေါင်းရင်းမြစ်များ

ɛLuka 21:19

Kyinak ɛn nting, ɛ sɛ ne phɔt ɛn ito mon.

ɛYohana 16:33

“Nggɛ tɔng nyini nikɔn nɛnaa wo te ɛ bok ɛn irway ne laal ndɔ me wo. Aa sɔ ɛn nggbang ndɔ ɛzay ya. Nzi ne bok, te ɛn irway nviit daa ɛli ne nggɛ ku phoo ɛzay ya nɛ.”

ɛTomɛ 2:22

“Nyinɛn niSɛrɛla wo, tenes ɛn ibol lɛdee wo. ɛYɛso ne iNazarat ta so ɛnyi ne ɛTaanggbey ya kaa ku tɔɔl nyini wu iyee kɛ tom ɛbhɛ. ɛTaanggbey ya kaa tɔɔl nyini ndɔ ne igbaang nitomɛ da nɛ nikɔn ne kparat ta gbik ne nyu nikɔn ne ɛnik ge ne ɛ kaa mɔn ndɔ mon no lenɛ ne ɛYɛso gha. Nyinɛn no ɛ yɛɛn iphɛ ɛlɛy.

ɛTomɛ 20:34

Nyinɛn no ɛ yɛɛ ɛn ne ibɔ nge yɛdee bɛ nggɛ re ne ito nge gbik nɛ nitaay ɛtomɛ nge na.

ɛTomɛ 9:16

Na tɔɔrek ɛbhɛ nggbang ngga ne iphɛ so ngbingbing ɛ sɔ mpɛ ɛlɔ me wo.”

iRooma 14:18

Gbik ɛnyi gha ne ɛ re ɛKiriti yegha ntsong ngga ɛlɛ wo, aa ne i naas ɛTaanggbey ye irway ihwala ninyi na ne i sim ɛbhɛ.

iRooma 16:10

Kyili ɛn mɛɛn ɛPɛlɛs se ne kɛ ku seng ihywel icik ɛbhɛ da gbik ndɔ ne ibol ne roos ɛKiriti yede. Kyili ɛn mɛɛn ninaa ne ijwee ɛRitobulus se.

iRooma 3:5

Wu iyɔm ne icik njwɛɛn de kɛ ne kyii ɛnkiinɛ wo ne yaa seng ɛli ne ɛTaanggbey ya so icik ko, njwɛɛn yaa ne ji yɔng ɛli daa mɛɛ? Njwɛɛn yaa yɔng wu ɛTaanggbey ya sang so icik ne ɛ so njenjek ne njwɛɛn noo? ɛLi ne nzi bol ɛlɛ wo, nzi maa bol icwas ɛten ɛsii.

iRooma 5:8

ɛTaanggbey ya kɛ yang tɔɔrek ishwim ɛbhɛ daa njwɛɛn daa ɛli ne njwɛɛn kɛ tɔ ninaa ne ɛfɔt, ɛKiriti gha ne ku ɛlɔ njwɛɛn!

1 iKɔrɔntos 3:5

ɛPolos sa so ɛhay? ɛBulus sa ne so ɛhay? Nzi bo nibhɛ so ninaa ɛtomɛ zɔng ne ɛ kɛ nang ɛn ne itin nɛ lenɛ ne ibol nɛ nibhɛ kɛ tɔng nyini. Nibhɛ wo, ɛrɔngɔ i ne mɔn ɛtomɛ gha ɛli ne ɛDaray kɛ nang ɛbhɛ.

1 iKɔrɔntos 4:1

iPhɛ ɛlɛy, bo ɛn njwii njwi soye nikpuru ɛKiriti, ninaa ne ɛTaanggbey ya kɛ tek ɛtomɛ ne kpɛl itin ne ibol igying ɛbhɛ ndɔ ne iwɔ mos.

1 iKɔrɔntos 9:11

Wu njwi kɛ tubhus ihywee ne ikabyik ge ndɔ ne irway mon da, iphɛ ne ji soye ɛdɛ ɛgbaang ɛkɔn no ne njwi yaa pha ire ne ibek ge ɛlɔ mon naa?

2 iKɔrɔntos 11:23

Wu nibhɛ so ninaa ne mɔn ɛtomɛ ɛKiriti, ne n phyin nibhɛ. Nzi bol te ɛhaa nisan! N phyin nibhɛ ne mɔn ɛtomɛ ɛKiriti gha, nggɛ sɔ nggbang gbom, kɛ robhos me ndɔ ne ijwee ne nyang, kɛ hal me gagak tang ɛgak, nggɛ wɛɛ iku gbom.

2 iKɔrɔntos 11:27

Nggɛ kyangas me ne ɛtomɛ, nggɛ tabha ilong, nggɛ shɛɛ tang nwa, nggɛ shɛɛ kpyak, nggɛ shɛɛ tang sɔ inɛn. Nggɛ wɔs ire, nggɛ shɛɛ ne ntsentseng, nggɛ shɛɛ tang ɛtura ne ibek.

2 iKɔrɔntos 11:9

Nten de ne nggaa so ɛlɔ mon na, sɔng nggaa phyilɛl nyini nten de nzi tɔk ijam nang. Nigwaa nɛ nibhɛ le ne iMakyidɔniya nibhɛ kaa yɛɛs nibhɛ nang me ɛkɔn na ne aa hɔn me. Sɔng nggaa sim naa phyilɛl nyini nang, naa ne ma ku i mɔn ɛlɛy!

2 iKɔrɔntos 12:10

Daa ɛli ne nzo ɛhaa ɛKiriti gha, iphɛ kɛ ne te me n bok irway ihwala ndɔ ne ikyɔkyɔt de, ne itowos da, ne ɛmpyep pa, ne nggbang ngga gbik ne icɔk irway da. Daa ɛli ne i sɛ nzo kyɔkyɔt to nang nten nɛ ne nzi ne ji bok ihwet.

2 iKɔrɔntos 12:12

Kaa mɔn nikɔn ne kparat ndɔ mon no lenɛ ne mee nten de ne nggaa mɔn ɛtomɛ gha ndɔ mon no ne ɛbɔk. Nikɔn ne kparat tɛnaa wo kaa ne tɔɔrek wu nzo me ɛngɔn ne tom ntin nɛ.

2 iKɔrɔntos 2:17

Sɔng njwi so te ɛbyin ninyi na nɛ nibhɛ sanga ibol ɛTaanggbey de tɛ nibhɛ tɔk iryat nang. Njwi yang so ninyi ne ɛTaanggbey ya ɛbhɛ ɛ kɛ tom njwii, njwii ne bol itin nɛ ɛTaanggbey i ne yɛɛ, daa ɛli ne njwi so ninaa ɛtomɛ ɛKiriti gha.

2 iKɔrɔntos 3:6

Ɛbhɛ kɛ te njwi kɛ yɛɛ ne teye ninaa ɛtomɛ ne ibol ne ìtsɛm ihywas de ne kɛ rop po, izee ne sɔng i lenɛ ne ikpii ne kɛ haa nang, i yang lenɛ ne iKabyik, daa ɛli ne iKpii da ne kɛ haa wo i yɛɛs ne iku, iKabyik ge i ne nang iken.

2 iKɔrɔntos 4:17

Daa ɛli ne nggbang ncɛt tɛdaa wo ne mpɛ yaa sang phyɔngɔle wo yaa yɛɛs njwɛɛn ne ito-ndiinday ne inat gbom ne iphɛ phyin nggbang ngga ne njwii sɔ wo wu kɛ ten-nɛ.

2 iKɔrɔntos 4:2

Njwi kɛ yang mbaray nikɔn ncwa na ne i rɛrɛs so, sɔng njwii iwul irywɛɛk nang, sɔng njwii hyeem ibol ɛTaanggbey de njwi tɔng nang. Njwii yang tɔng itin de wɛsɛrɛk, ɛTaanggbey i yɛɛ iphɛ ɛlɛy, gbik ninyi na ne yɛɛ wu iphɛ so itin nɛ ndɔ ne irway nibhɛ.

2 iKɔrɔntos 4:8

Kɛ baasek njwii nggbang ihywee-ihywee, sɔng njwi kɛ ne te nɛ kpos nang. Njwii mɔɔng njwi yaa to irway, sɔng njwi ne tul irway nang.

2 iKɔrɔntos 7:11

Yaang ɛn ɛkɔn na ne ibees irway da ne ɛTaanggbey ya i sim mo kɛ yɛk ndɔ ne irway mon da: Ifɛ kɛ te ɛ yɛk ɛn cwacwat ne hyere ishwɛɛ mon. Ifɛ kɛ te ɛ te ɛn njenjek, ɛ ta wum ɛn ɛnik. Ifɛ kɛ te ɛ yɛk ɛn ne irway, ɛ ta yel-le ɛn tsik ne ihwet. Ifɛ kɛ te ɛ yaa sim ɛn igbaat ne ifɛ kɛ jam. Daa nikɔn nɛnaa wo ɛtsak, ɛ kɛ ne tɔɔrek ɛn sɔng ɛ kɛ ben ɛn nang.

iKɔlɔsi 1:11

Te ɛTaanggbey te nyini itsɔngɔl gɛgɛy ne ihwet da ne ifɛ le ne ndiinday ɛbhɛ, ɛli ne ˆaa yɛɛ ɛn ne rop ɛn iku, ˆɛ bo ɛn ɛbɔk ndɔ ne irway ihwala daa ne nikɔn na nɛ nibhɛ i tes so.

iKɔlɔsi 1:24

ɛlyilyɛghaa wo, ne n bok irway ihwala ɛlɔ ne nggbang ngga ne nzi sɔ ɛlɔ mon no. Daa ɛli ne yaa lenɛ ne nggbang ngɛdaa wo n shwaak ɛkɔn na ne ɛ kɛ mak ndɔ ne nggbang ngga ne ɛKiriti gha kaa sɔ ɛlɔ idira ninaa ne roos de nɛ nibhɛ soye ibek ɛbhɛ de.

1 iTasɔlɔnika 3:7

iPhɛ ɛlɛy nigwaa en, gbik ndɔ ne nggbang mos da ne bees irway mos da, ibol ne ìnang ne itin mon de kɛ ne te njwii itsɔngɔl gɛgɛy.

1 iTasɔlɔnika 5:14

Njwii roro ne nyinɛn nigwaa en, kpɛng ɛn ninaa ne itek ka, tes ɛn ninaa ne irway tɔtɔk ga itsɔngɔl gɛgɛy, phyighis ɛn nikyɔkyɔt ta, te ˆɛ bo ɛn ɛbɔk nɛ ninyi na gbik.

1 ɛTimɔti 2:15

Gbik ne iphɛ ɛlɛy, nikuk ka sɛ ne sɛ iphɔrɔt da lenɛ nɛ ninɔn nɛ nibhɛ yaak, wu nibhɛ kɛ re ɛnu ɛyisɛ ndɔ ne ìnang ne itin ne ishwim ne itul le kang, gbik ne wum ito.

1 ɛTimɔti 4:6

Yaa sɛ ˆɛ kɛ mɛmɛ nigwaa na nɛ nikɔn nɛnaa wo, ˆaa ne teyɛ ɛkpuru ɛyɛnɛng ɛYɛso ɛKiriti gha. ɛHaa ne ɛ kɛ hɔn ndɔ ne ibol ne ìnang ne itin de gbik ne imɛmɛ iyɛnɛng ngga ne ˆɛ roos so.

1 ɛTimɔti 6:11

iGyɛ ne ɛTimɔti wo ne ɛ soyɛ ɛnyi ɛTaanggbey, tel nikɔn nɛnaa wo. See ito ne tɔk ihywel cik, ne ishwɛɛ ihywee ne ishwɛɛ ɛTaanggbey, ne ìnang ne itin, ne ishwim, ne rop iku gbik ne ihywɛɛ.

2 ɛTimɔti 1:8

iPhɛ ɛlɛy, sɔng ne ˆɛ phok ncwa ne tɔng ibol ɛDaray ɛYɛso njwɛɛn de ne ncwa nge ne nzo ne inyang ngge ɛlɔ ɛDaray ɛYɛso gha nang. Yang byinki ito ne mee ndɔ ne nggbang ɛlɔ ne sanga ibol iyɛnɛng ngge, te ɛTaanggbey ya nang njwii ihwet tɛ.

2 ɛTimɔti 2:24

Sɔng ɛhaa ne mɔn ɛtomɛ ɛDaray ya teye ɛhaa ne boos izok ge nang; te ɛ yang teye ɛnyi ɛyɛnɛng ɛlɔ ninyi na gbik, ɛhaa ne yɛɛ ne mɛmɛ ninyi nɛ ne ɛhaa ɛbɔk.

2 ɛTimɔti 4:5

iGyɛ ne ɛTimɔti wo nang, wum ito mo ndɔ nikɔn na gbik, rop iku ndɔ ne nggbang ngga, mɔn ɛtomɛ ɛhaa ne sanga ibol iyɛnɛng ngge, shwaak ɛtomɛ mo gha gbik ɛli ne ɛ so ɛkpuru ɛTaanggbey ya.

iBirani 12:1

iHywee nishɛɛda yɛdee wo so gbom nɛ nibhɛ kɛ te njwɛɛn gyɔɔ. Daa ɛli ne ihywee nishɛɛda yɛdee wo ne sonɛ ɛlɛ wo, ninaa nɛ nibhɛ kɛ tɔɔrek njwɛɛn ɛli ìnang ne itin da so wo, nɛ njwɛɛn hana gbik ɛkɔn na ne ɛ ring njwɛɛn ne ihywel da. Te njwɛɛn ta hana ɛfɔt to ne ɛbhɛ kɛ wum njwɛɛn no, te njwɛɛn rop irway i tel nggbiy yɛdaa wo ne mpɛ so ɛyisɛ njwɛɛn na.

Nikɔn ne kɛ Phaal 1:9

Mee ɛYohana ɛgwaa mon ne ɛtaay mon ndɔ ne sɔ nggbang, ɛtaay mon ndɔ ne igbɔm ɛTaanggbey gbik ne ɛbɔk ne rop iku ne ɛYɛso gha kɛ yel-le njwɛɛn nɛ. Kaa bo me bhɛ hana me ne idɛ ikop inɛn de ne i bok iphɛ iBatamos daa ɛli ne nggɛ tɔng ibol ɛTaanggbey de n da nang ishɛɛda ɛYɛso de.

Nikɔn ne kɛ Phaal 3:10

Daa ɛli ne ɛ kɛ bo ɛbɔk ka ɛ hyep ibol nge de, nzɛ ne ma hyep pɛ nten ne nggbang ngɛdee nggyɛ wo ne mpɛ sɛ yɛɛs ninaa ɛzay ya gbik ko te phɔwɔ nibhɛ wo.