2 iKɔrɔntos 6:16 - ɛWee ne ìTsɛm iHywas

¹⁶ ɛYakɔn ɛbhɛ kɛ byinki ideng ɛTaanggbey de ne ɛlɔ ne ikpii ghaa? Njwɛɛn soye ideng ɛTaanggbey ɛhaa ne iken, te ɛli ne ɛTaanggbey ya kɛ boote ɛ yɔngɔ, “Naa shɛɛ ndɔ nibhɛ, ne n hyel ndɔ nibhɛ. Naa te me ɛTaanggbey nibhɛ, nibhɛ ne teye ninyi nge.

2 iKɔrɔntos 6:16 ပူးပေါင်းရင်းမြစ်များ

Nikɔn ne kɛ Phaal 21:3

Ne n phok ɛgbaang ne izɔlɔs ihywɛ le ɛcuruu ne igbɔm ma ihywɛ bo, “ɛLyilyɛghaa wo ɛlɔ ne shɛɛ ɛTaanggbey ya ne so ɛlɔ nɛ nibhɛ shɛɛ nɛ nɛ ninyi. Aa shɛɛ nɛ nibhɛ, nibhɛ ne teye ninyi ɛbhɛ. ɛTaanggbey ya ne ito ɛbhɛ aa shɛɛ nɛ nibhɛ, ɛ teye ɛTaanggbey nibhɛ.

iBirani 8:10

Phok ɛn, ìtsɛm mɛdee bɛ ne nzɛ rop nɛ niSɛrɛla na, ndɔ nituk ka nɛ nibhɛ yaaso wo. Nzɛ yɛk imɛmɛ nge da ndɔ ne irway nibhɛ, ne n da haa ndɔ ne ikok nibhɛ. Nzɛ te me ɛTaanggbey nibhɛ, nibhɛ ne teye ninyi nge.

1 iKɔrɔntos 6:19

Ɛ doo ɛn te ibek mon de so ideng ne iKabyik ɛTaanggbey de ne iphɛ shɛɛ ndɔ mon no, ne iphɛ le ɛlɔ ɛTaanggbey ya naa? Sɔng nyinɛn ne ɛ bok ɛn ito mon nang ɛTaanggbey ɛbhɛ bok nyini.

iRooma 8:11

Wu iKabyik ɛTaanggbey de, ne iphɛ kaa yiisik ɛYɛso yegha tsik ne ikpuu da, i shɛɛ ndɔ ne irway mon da, ɛnyi gha ne ɛ kaa yiisik ɛKiriti yegha tsik ne ikpuu da sɛ ne ma nang ibek mon de ne iphɛ soye idee ne iku de iken de, lenɛ ne iKabyik ɛbhɛ de ne iphɛ shɛɛ ndɔ ne irway mon da.

Nikɔn ne kɛ Phaal 21:7

Gbik ɛnyi gha ne ɛ kɛ re ɛwɛng, aa ne re isha nikɔn nɛnaa wo ɛlɔ nge, naa ne te me ɛTaanggbey ɛbhɛ, ne ɛ ma teye ɛngɔn nge.

1 ɛYohana 4:15

Gbik ɛnyi gha ne ɛ kɛ boote ne ɛnu ɛbhɛ ɛ yɔngɔ wu ɛYɛso gha soye ɛNgɔn ɛTaanggbey ya, ɛTaanggbey ya i ne shɛɛ ndɔ ɛbhɛ ɛ ma i shɛɛ ndɔ ɛTaanggbey ya.

iFisus 3:17

Te ɛKiriti gha shɛɛ ndɔ ne irway mon lenɛ ne ìnang ne itin. Nzi ne bol ne ɛTaanggbey ya te ˆɛ see ɛn iling kyukyum ndɔ ne ishwim,

ɛYohana 6:56

ɛHiha ɛnyi ne ɛɛ re ibek nge de ɛ ta i sɔ neyi nge na, ne ɛ so ndɔ mee, ma nzo ndɔ ɛbhɛ.

iBirani 3:6

ɛKiriti gha ne so sɛ kyinak daa ne ibol ɛbhɛ daa ɛli ne ɛbhɛ ɛ yang so ɛNgɔn na ne ɛ wɛɛ ninyi ɛTaanggbey ya. Njwɛɛn no, njwɛɛn ne soye ninyi ɛTaanggbey ya, wu njwɛɛn kɛ boos irway nviit da, njwɛɛn sang te ikyɔkyɔt daa ɛkɔn na ne njwɛɛn kɛ sit ne irwisɛ da.

1 ɛBiturus 2:5

Ne ɛ so ɛn te ikpɛɛ ne iken ne i lɔl ne ijwee ne ikabyik, te ɛ mɔn ɛn nitomɛ tɛ nibo ne kɛ tul ɛTaanggbey ye nɛ ndɔ ne ijwee yɛwoo nggyɛ wo, ɛ hap ɛn itsanga ne ikabyik lenɛ ne ɛYɛso ɛKiriti gha, ihywee de ne ɛTaanggbey i sim.

2 ɛTimɔti 1:14

Boos imɛmɛ ne itin nɛdaa wo ne kɛ tek kɛ nɛ ne iwɔ wo yɛnɛng. Boos iphɛ lenɛ ne iphyik ne iKabyik ɛTaanggbey de ne iphɛ i shɛɛ ndɔ mos so.

1 ɛYohana 4:12

Sɔng ɛnyi kɛ ku yaang ɛTaanggbey yegha nang; gbik ne iphɛ ɛlɛy wu ɛrɔngɔ kɛ ne sim ɛrɔngɔ gha, ɛTaanggbey ya ne i shɛɛ ndɔ njwɛɛn, ishwim ɛbhɛ da ne te hyɔrɔ ndɔ njwɛɛn no.

iRooma 9:26

“Ɛlɔ gha ne nggɛ ne yaak ɛbhɛ, ‘Sɔng ɛ so ɛn ninyi nge nang.’ ɛLɔ yɛ ne sɛ ne yaak ɛbhɛ, ‘Ninɔn ɛTaanggbey ne iken.’ ”

iRooma 8:9

Nyinɛn no wu ikabyik ɛTaanggbey de ne shɛɛ ndɔ mon, sɔng icwas ne irway ɛten ɛsii da ifɛ ne hyel ne nyinɛn nang, iKabyik ɛTaanggbey iphɛ hyel ne nyinɛn. Gbik ɛnyi gha ne ɛ sang bok iKabyik ɛKiriti de, sɔng ne ɛ soye ɛhaa ɛKiriti gha nang.

iFisus 2:20

Kɛ lɔl nyini daa ne ɛtum nɛ ninabawa gbik nɛ ninɔn ne tom ma kaa see, ɛtum mo ne ɛYɛso ɛKiriti gha ne ito ɛbhɛ ɛ soye ɛkangashi yɛ.

ɛMacu 6:24

“Sɔng ɛnyi gha yaa yɛɛ ne boos nikyɛɛ ne ijwee na ifaa nang, aa sim ɛdaan ne ɛ ji mbaray ɛdɛng; aa roos ɛdaan nɛ ɛ ji bɛɛs ɛdɛng. Sɔng aa ne yɛɛ ne i roos ɛTaanggbey yegha ɛ kyii ta i sim ijam be nang.

Nikɔn ne kɛ Phaal 2:1

“Haa ɛmalɛka ne idira ninaa ne roos ne iFisus nɛ te ɛ yaak nibhɛ,” “iBol lɛdee bɛ ne iphɛ lɛ ɛlɔ ɛnyi gha ne ɛ bok niyuyɔrɔ ɛniitaa na ne iwɔ ne irwye ɛbhɛ wo, ɛnyi gha ne ɛɛ hyel ndɔ ɛceree ne ncwɛng ne izinariya ɛniitaa da ne i tes ne ifitila da shak ko.

ɛMacu 16:16

ɛSimɔn ɛBiturus sa ne kyii nɛ ɛ yɔngɔ, “iGyɛ ɛ soyɛ ɛKiriti, ɛNgɔn ɛTaanggbey ne iken.”

ɛYohana 14:23

ɛYɛso gha ne kyii nɛ ɛ yɔngɔ, “ɛNyi gha ne ɛ sim me wo, aa ne roos ibol nge de. ɛKyɛɛ nge gha yaa ne ma sim ɛbhɛ, njwi yaa yɛɛs njwi shɛɛ ne ɛbhɛ.

1 iKɔrɔntos 10:21

Sɔng aa yɛɛ ne sɔ ɛn ɛhyihyangas ɛDaray ya ɛ ta kyi sɔ ɛn ɛhaa niphoo gha nang. Sɔng aa ne yɛɛ ne re ɛn ɛkyee ɛDaray ya ɛ ta kyi re ɛn ɛhaa niphoo gha nang.

iFisus 2:22

Kɛ ne ta lenɛ ne ìtsɛm be ne ˆɛ bok ɛn ne ɛKiriti gha, ne lɔl nyini nɛ ɛbyin ninyi na ˆɛ te ɛn nyini ijwee ne ɛTaanggbey i shɛɛ nɛ lenɛ ne iKabyik ɛbhɛ.

1 ɛTimɔti 3:15

Wu kɛ ne bees me nten, ɛwee yɛwoo wo yaa ne teyɛ ɛ seng ihywee ne ishwɛɛ da ne njwɛɛn yaa shɛɛ ndɔ ne ijwee ɛTaanggbey yo, ne iphɛ so idira ninaa ne roos ɛTaanggbey ne iKen na, ɛkangashi gha gbik ne ɛtum ne itin de.

ɛYakub 4:5

Hang ˆɛ wɛɛ ɛn te iphɛ so buu ne kɛ haa ndɔ ne ɛWee ne iBol ɛTaanggbey yo i bo, “ɛTaanggbey so hyɔrɔ ne ɛnkyis wu ikabyik ge ne ɛ kɛ yɛk ndɔ njwɛɛn no i sim ɛhak ɛkɔn na naa?”

ɛLuka 5:36

Ne ɛ ji tɔng nibhɛ idɛ ibol de ndɔ ne igɔrɔp, ɛ yaak nibhɛ, Sɔng ɛNyi gha bo nggyɛt ne ɛtura ɛphas ɛ baa ne ɛtɛl lo nang. Wu ɛ kɛ mɔn ɛlɛ wo, ɛphas so yaa ne bonɛ ɛtɛl nggbot, ibong ne ɛtura de ne kyii hantey yɛ.