2 iKɔrɔntos 5:8 - ɛWee ne ìTsɛm iHywas

⁸ Ɛɛy! Njwɛɛn bok irway nviit, njwɛɛn i ta phyin sim te sɛɛ yɔng yaa hosobhe ne ibek ɛzay yɛdee wo bhɛ shɛɛ ne ɛDaray ya daa ne ijwee wo.

2 iKɔrɔntos 5:8 ပူးပေါင်းရင်းမြစ်များ

ɛMacu 25:21

“ɛKyɛɛ ne ijwee ɛbhɛ gha ne yɔngɔ, ‘Yaa, ɛ soyɛ ɛkpuru ɛyɛnɛng ne ɛhaa ne itin ne ibol. Ɛ kɛ tɔɔrek itin nɛ daa ɛkɔn ɛncɛt, naa ne nang ngɛ nikɔn na gbom, yɛɛs te ɛ phyik me ne irway ihwala da!’

ɛMacu 25:23

“ɛKyɛɛ ne ijwee ɛbhɛ gha ne yɔngɔ, ‘Yaa, ɛ soyɛ ɛkpuru ɛyɛnɛng ne ɛhaa ne itin nɛ. Ɛ kɛ tɔɔrek itin nɛ daa ɛkɔn ɛncɛt, naa ne nang ngɛ nikɔn na gbom, yɛɛs te ɛ phyik me ne irway ihwala da!’

ɛLuka 2:29

“ɛLyilyɛghaa wo, ɛDaray! Ɛ kɛ shwaak ibol mo de ne ɛ kaa ku sim-mɛ wo. Ɛ sɛɛ ne ma ji bo ɛkpuru mo gha ncaang.

ɛYohana 12:26

ɛNyi gha ne ɛ sim aa mɔn me ɛtomɛ gha, iphɛ ne so nggbinggbing ɛ roos me; te ɛlɔ gha ne nzo nɛ, te ɛkpuru nge gha ne ma so ne ɛlɔ yɛ ne mang. ɛKyɛɛ nge gha sɛ ne nang ɛnyi gha ne ɛ mɔn me ɛtomɛ ne ndiinday.”

ɛYohana 14:3

Yaa ne sɛ nggɛ phɛ, nggɛ bhɛ ryɔng nyini ɛlɔ gha, naa ne ji bhɛ kyii n bo nyini te ˆɛ maa shɛɛ ɛn ɛlɔ gha ne nzo nɛ wo.

ɛYohana 17:24

“ɛTaa! Ɛ kɛ nang me nibhɛ, nzi ne sim tɛ nibhɛ sɛ ɛbhɛ so ne mee ɛlɔ gha ne nzo nɛ wo, tɛ nibhɛ yaang ito-ndiinday nge idee ne ɛ kɛ nang me wo daa ɛli ne ɛ kaa ku sim me tang ryɔng ɛzay ya.

ɛTomɛ 21:13

ɛBulus sa ne kyii nɛ ne ɛ yaak njwii, “iKyee iphɛ kɛ te ɛ san ɛn ɛ bees ɛn mɛɛn irway daa? Nzi tɔng nyini nggɛ ku yɛk ne irway yɛ, sɔng ma yung yɔng wu irop ne yaa bhɛ rop me ne iYɛrushɛlɛm be zɔng nang, te ma yung yɔng yaa bhɛ phoo me daa ne ibol ne nang irywɛɛk ɛDaray ɛYɛso wo ne ndiinday.”

2 iKɔrɔntos 5:6

iPhɛ phɛ kɛ te njwɛɛn bok irway nviit da cɛcɛɛy yo. Njwɛɛn i yɛɛ wu njwɛɛn so ndɔ ne ibek ɛzay yɛdee wo, njwɛɛn ne so kyakyak ne ijwee njwɛɛn no ne ɛTaanggbey ya kɛ ryɔng ngo.

2 iKɔrɔntos 5:9

ɛKɔn na ne ɛ phyin gbik, njwɛɛn i phyin sim te ɛ sɛɛ phok iyɛnɛng njwɛɛn, hang ndɔ ne ibek ɛzay yɛdee wo yɔɔ, hang ndɔ ne idee ɛdaa ne irywa de yɔɔ.

1 ɛYohana 3:2

Nigwaa nge ne nzi sim, njwɛɛn soye ninɔn ɛTaanggbey ɛlyilyɛghaa wo. Sɔng kɛ ne ku tɔɔl njwɛɛn ɛkɔn na ne njwɛɛn sɛ teye nɛ nang, njwɛɛn i yang yɛɛ wu sɛ́ sɛ ɛKiriti gha kɛ tɔɔl le wo njwɛɛn sɛ ne ma te tɛ ɛbhɛ, daa ɛli ne njwɛɛn sɛ yaang ɛbhɛ ɛli ne ɛ so.

Nikɔn ne kɛ Phaal 22:3

Sɔng sɛ́ ne sɛ ɛkɔn ne ɛ so ndɔ ɛkawɛy ɛTaanggbey ndɔ ɛgarang ngɛghaa wo nang. ɛCuruu ne igbɔm ɛTaanggbey ne ɛhaa ɛNgɔn ne ɛpharak ka bhɛ sɛ́ so ndɔ ɛgarang nga. Nikpuru ɛbhɛ sɛ ne re ɛbhɛ ntsong.