2 iKɔrɔntos 5:17 - ɛWee ne ìTsɛm iHywas

¹⁷ iPhɛ ɛlɛy, gbik ɛnyi gha ne ɛ so ndɔ ɛKiriti gha ɛ kɛ ne teye ɛnyi ɛphas, nikɔn nitɛl la kɛ ne phebhe ɛ kɛ ne teye ɛphas sɛ!

2 iKɔrɔntos 5:17 ပူးပေါင်းရင်းမြစ်များ

ɛYohana 3:3

ɛYɛso gha ne kyii ɛbhɛ nɛ ɛ yɔngɔ, “Nzi tɔng ngɛ itin nɛ, wu kɛ sang kyii ta yɛk ɛnyi gha dɔng, sɔng ɛ sɛ ne bhɛ yaang igbɔm ɛTaanggbey da nang.”

iGalatiya 6:15

Sɔng ibol ne hyɛ itee de ne sang hyɛ itee de iphɛ phɛ soye ɛgbaang ɛkɔn nang. ɛGbaang ɛkɔn no so, te kyii ryɔng ɛnyi gha iryɔng ifas.

iRooma 8:1

iPhɛ ɛlɛy, sɔng yaa ne tang hyɛ ninyi na nɛ nibhɛ kɛ byinki ishwɛɛ da ne ɛYɛso ɛKiriti gha ɛshara ne iku nang.

iFisus 2:10

Njwɛɛn no ne ito njwɛɛn, njwɛɛn soye ɛtomɛ ne iwɔ ɛTaanggbey ya. Ɛ kɛ ryɔng njwɛɛn ndɔ ɛYɛso ɛKiriti gha te njwɛɛn mɔn nitomɛ niyɛnɛng ninaa ne ɛTaanggbey ya kaa ku ryɔng njwɛɛn nɛ.

1 iKɔrɔntos 1:30

ɛTaanggbey ya ɛbhɛ kɛ te ɛ so ɛn ndɔ ɛYɛso ɛKiriti gha, ɛbhɛ ta te ɛKiriti gha teye ntsɛntsɛng njwɛɛn. Kɛ ne lenɛ ne ɛKiriti gha ɛTaanggbey ya say njwɛɛn wu njwɛɛn so cik ɛnu ɛyisɛ ɛbhɛ, njwɛɛn ta teye ninyi ne wɛwɛy ɛTaanggbey ya, njwɛɛn ta teye ninyi ne kɛ phɔt.

ɛYohana 15:5

“Mee nzo me ɛhon ne inabi gha, ɛ ji so ɛn ilaak ge. Wu ɛnyi gha shɛɛ ndɔ me ma nzi shɛɛ ndɔ ɛbhɛ, aa ne yɛk ikpam gbom, daa ɛli ne sɔng ɛ sɛ yɛɛ ne mɔn ɛn ɛkɔn tang me wo nang.

2 iKɔrɔntos 5:21

Sɔng ɛKiriti gha kɛ ku mɔn ɛfɔt nang, gbik ne phɛ ɛlɛy, ɛTaanggbey ya kɛ ne bo ɛbhɛ te ɛhaa ne ɛfɔt, te ne lenɛ ne ɛKiriti gha njwɛɛn ne te cik ɛnu ɛyisɛ ɛTaanggbey ya.

iRooma 7:6

ɛLyilyɛghaa wo, njwɛɛn kɛ ne sɔrɔt ndɔ ne iMɛmɛ ɛMuusaa da daa ɛli ne njwɛɛn kɛ ku ɛlɔ ɛkɔn na ne ɛ kaa rop njwɛɛn no. iPhɛ ɛlɛy njwɛɛn kɛ ne yaa re ɛTaanggbey yegha ntsong ngga ndɔ ne ɛnkiinɛ ɛphas ne ikabyik ge kɛ yɛɛs nɛ, sɔng ndɔ ne ɛnkiinɛ ɛtɛl lo ne iMɛmɛ ɛMuusaa da kaa nang ngo nang.

2 iKɔrɔntos 5:16

iPhɛ ɛlɛy sɔng njwɛɛn yaa ne tɔ wɛɛ ninyi na daa ne icwas ɛten ɛsii nang. ɛTsak, ne ile de njwɛɛn kaa i wɛɛ ɛKiriti yegha ɛlɛy sɔng ne ta tɔɔ wɛɛ ɛbhɛ ɛlɛy ɛlyilyɛghaa wo dɔng nang.

ɛYohana 3:5

ɛYɛso gha ne kyii nɛ ɛ yɔngɔ, “Nzi tɔng ngɛ itin nɛ, wu kɛ sang kyii ta yɛk ɛnyi ndɔ inɛn gbik ne iKabyik, sɔng ɛ sɛ ne bhɛ lel ne igbɔm ɛTaanggbey da nang.

iFisus 2:15

Ɛ kɛ tek iMɛmɛ ɛMuusaa da ne ikpii yɛ gbik nɛ nikabhak kɛ gɔɔ, lenɛ ne iku ɛbhɛ, te ɛ kyii ryɔng icwaang ifas ndɔ itaang iphaa yɛdee nggyɛ wo. ɛLɛ wo ne ɛ kɛ ne yɛɛs ne irway ne laal ndɔ nibhɛ wo.

iGalatiya 3:28

iPhɛ ɛlɛy ninyi ɛzay ya ne labhe ɛnu ɛyisɛ ɛTaanggbey ya nang. Sɔng niYahodawa na labhe nɛ ninyi na ne hame nibhɛ soye niYahodawa na nang, sɔng ɛkpuru labhe ne ɛngɔn ne ijwee nang, sɔng ɛras labhe ne ɛkuk kang. Gbik mon no ɛ so ɛn nyini nidaan nɛ ndɔ ɛYɛso ɛKiriti gha.

ɛYohana 15:2

Gbik ilaak ge ne iphɛ so ndɔ me wo ne hame iphɛ yaak ikpam ba nang ɛɛ tɛm iphɛ, ɛ ji ryɔng idede ilaak ne iphɛ yaak ikpam ba te iphɛ te ywɛywɛy, iphɛ hante ne yɛk.

ɛYohana 17:23

Nzo ndɔ nibhɛ, ne ɛ ma so ndɔ mee. Tɛ nibhɛ ne byinkit gbik te ɛzay ya seng wu igyɛ ɛ kɛ tom me, wu ɛ sim nibhɛ ɛli ne ɛ ma sim me wo.

ɛYohana 14:20

ɛTuk kɛghaa nggyɛ wo, ɛ sɛ ne seng ɛn ɛli ne nzo ndɔ ɛKyɛɛ nge gha; ɛ ta seng ɛn ɛli ne ɛ so ɛn ndɔ me wo, ma nzo ndɔ mon no.

iGalatiya 5:6

Daa ɛli ne ndɔ ɛYɛso ɛKiriti gha, sɔng ibol ne hyɛghɛ icwee da ne idee ne sang hyɛghɛ wo iphɛ soye ɛkɔn nang. Ɛkɔn na ne i sim, te ɛnyi gha nang ne itin nɛ ne ɛDaray ya, te ne ɛ tɔɔl iphɛ daa ne ishwim nigwaa.

ɛMacu 12:33

“ɛHon ɛyɛnɛng nga i yɛk ikpam iywɛnɛng, ɛhon ɛbebhe gha ne ma yɛk ikpam ivebhe. I seng ɛhon na daa ihywee ne ikpam ɛbhɛ.

ɛMacu 24:35

iRywa ne ɛzay ya sɛ phebhe gbik, sɔng ibol nge de sɛ ne ma phee nang.

1 iKɔrɔntos 13:11

ɛLi ne nggɛ so ɛngɔn, nggaa ne i bol ivol te ɛngɔn, nzi tas icwas te ɛngɔn, ne n bok nincincɛk ne ivol te ɛngɔn. Kɛ ne sɛ ɛli ne nggɛ hɔn no, nggɛ ne tek ishwɛɛ ɛngɔn da.

2 iKɔrɔntos 5:19

iBol mos de bo wu i lenɛ ne ɛKiriti gha ɛTaanggbey ya te ninyi na gbik nibhɛ tes en nitaay ɛbhɛ, sɔng ɛɛ ne tas ɛfɔt ninyi wo nang. Ɛ kɛ ne ta nang njwɛɛn ɛtomɛ ne tɔng ninyi na ibol ɛli ne aa te nibhɛ tes en nitaay ɛbhɛ na.

2 iKɔrɔntos 12:2

Nzi yɛɛ ɛdɛ ɛhaa ne roos ɛKiriti yegha, ɛhaa ne izenge ɛlɛ ishay yɛ kɛ hɔn ɛnduwubɔ ne iphɛ nwaas, ne kaa bo ɛbhɛ i phɛ nɛ daa ɛnyu ne irywa. Hang ɛ kaa so ndɔ ne ibek yɔɔ, hang ibol ne iyuwa yɔɔ, sɔng nzi yɛɛ nang, ɛTaanggbey zɔng ɛbhɛ ɛ yɛɛ.

iFilibi 4:21

Kyili ɛn mɛɛn ninyi ɛTaanggbey nɛ nibhɛ soye ninaa ɛYɛso ɛKiriti na gbik. Nigwaa na nɛ nibhɛ so ɛbɛ wo ne mee wo i kyiisi nyini.

iRooma 16:7

Kyili ɛn mɛɛn ɛNdoronikus se ne ɛYuniyas, nɛ nibhɛ so niYahodawa tɛ mee, ne kaa rop njwi ne nyang nɛ nibhɛ. Nibhɛ so ninyi ne yɛɛ nibhɛ gbom ndɔ ninɔn ne tom ma, nibhɛ kaa ne teye ninaa ne roos ɛKiriti yegha ɛyisɛ nge.

iRooma 16:11

Kyili ɛn mɛɛn ɛHyirɔdiyɔn ne ɛ so ɛgwaa nge ndɔ niYahodawa. Kyili ɛn mɛɛn ninaa ne ijwee ɛNasisu nɛ roos ɛDaray ye.

iRooma 16:3

Kyili ɛn mɛɛn ɛPirisila ye ne ɛKyila, nɛ nibhɛ soye nitaay ɛtomɛ nge ndɔ ɛYɛso ɛKiriti.

iRooma 16:9

Kyili ɛn mɛ ɛn, ɛWulubanos se ne ɛ so ɛtaay mos ndɔ ɛtomɛ ɛKiriti gha. Ta kyili mɛɛn ɛnyi nge ɛSitakyi ye.

iRooma 16:10

Kyili ɛn mɛɛn ɛPɛlɛs se ne kɛ ku seng ihywel icik ɛbhɛ da gbik ndɔ ne ibol ne roos ɛKiriti yede. Kyili ɛn mɛɛn ninaa ne ijwee ɛRitobulus se.

ɛLuka 5:38

I yang banas iguut de ndɔ ne izong ne ifɛ tɔ ne ihwet!