2 iKɔrɔntos 5:15 - ɛWee ne ìTsɛm iHywas

¹⁵ ɛKiriti gha kɛ ne ku ɛlɔ ninyi na gbik, te gbik ninaa nɛ nibhɛ bok iken de, sɔng nibhɛ tɔ shɛɛ ishwɛɛ ne ito nibhɛ nang, tɛ nibhɛ yang yaa shɛɛ ishwɛɛ ɛKiriti da ne ɛ kɛ ku ɛlɔ nibhɛ gha kyii ta yiisik ɛbhɛ ɛlɔ nibhɛ gha.

2 iKɔrɔntos 5:15 ပူးပေါင်းရင်းမြစ်များ

ɛLuka 1:74

Ɛ kaa yɔng wu sɛ́ phɔt njwɛɛn ndɔ ne iwɔ ninaa ne iphup njwɛɛn, te njwɛɛn yaa re ɛbhɛ ntsong ngga phila.

ɛYohana 5:24

“Nzi tɔng nyini itin nɛ, gbik ɛnyi gha ne ɛ kɛ phok ibol nge de ɛ kyii ta nang ne itin nɛ ne ɛhaa ne ɛ kɛ tom me wo, ne ɛ bok iken ne inat. Sɔng i sɛ ne bol nibhɛ ɛshara nang; nibhɛ kɛ ku phee ibol ne iku de nibhɛ so ndɔ ne iken.

ɛYohana 6:57

ɛLi ne iphɛ so wo, ɛKyɛɛ nge gha ne ɛ so iken na, ɛ kɛ tom me, ne nzo ɛken daa ɛli ne ɛkyɛɛ nge gha so ɛken, ɛlɛy ne mang, ɛhiha ɛnyi ne ɛ kɛ re ibek nge de, naa te ɛbhɛ ɛ shɛɛ ɛken.

iRooma 12:1

iPhɛ ɛlɛy nigwaa en, daa ɛli ne ɛTaanggbey ya kɛ san iyɔm mon de gbom mo, nzi ne roro ne nyinɛn gbom: nang ɛn ɛTaanggbey yegha ibek mon gbik, te ɛkɔn ne kɛ hap ɛbhɛ ne itsanga, ɛ so ɛken, kɛ tul kang, ɛ kɛ jam ɛbhɛ. ɛNggyɛ wo ɛbhɛ so re ntsong ne itin da ne aa nang ɛbhɛ wo.

iRooma 4:25

ɛTaanggbey ya kaa nang ɛYɛso yegha te ɛ ku ɛlɔ ne ɛfɔt njwɛɛn, kɛ ne yiisik ɛbhɛ tsik ndɔ ne ikpuu da te ɛ te i say njwɛɛn wu so cik ɛnu ɛyisɛ ɛTaanggbey ya.

iRooma 6:2

Kwa! Kɛ hosop njwɛɛn ne ɛfɔt to te ɛli ne kɛ hosop ikom ne iken, yaa ne ta mɔn ɛli njwɛɛn tɔɔ shɛɛ niken na nɛ ndɔ yɛwoo?

iRooma 6:6

Njwɛɛn i yɛɛ kɛ gangat irway ne ile njwɛɛn da ne ɛYɛso gha daa ne ihon no te phoo ihwet ne ɛfɔt da ne ɛbhɛ so ndɔ ne ibek njwɛɛn de. Kɛ mɔn ɛlɛ wo te njwɛɛn sang tɔye nikpuru ne ɛfɔt ta.

iRooma 8:10

Wu ɛKiriti gha ne shɛɛ ndɔ mon no, gbik ɛli ne ibek mon de ne so ne nkiinɛ ne iku wo lenɛ ne ɛfɔt to, iKabyik ɛTaanggbey de ne naas nyini iken daa ɛli ne ɛTaanggbey ya kɛ say nyini wu ɛ so ɛn cik.

iRooma 8:2

Daa ɛli ne kɛ lenɛ ne ɛYɛso ɛKiriti ihwet iKabyik ne iphɛ nang iken de kɛ ne sɔnɔ me ndɔ ne ihwet ne ɛfɔt to ne ɛbhɛ yɛɛs ne iku de.

iRooma 8:6

iKyii ne ihywɛɛ de daa ɛkɔn na ne ibek ge i sim mo i yɛɛs ne iku, ikyii ne ihywɛɛ de daa ɛkɔn na ne iKabyik ge i sim mo i yɛɛs ne iken ne irway ne laal.

1 iKɔrɔntos 10:33

Mɔn ɛn ɛli ne nzi mɔn no. Nzi kyangas me nɛ ndɔ nikɔn na ne nzi mɔn gbik tɛ ninyi na phok iyɛnɛng. Sɔng nzi mɔn ito nge nɛ zɔng nang, nzi mɔn te iphɛ phyik ninyi gbom, tɛ nibhɛ sɛ iphɔrɔt.

2 iKɔrɔntos 12:10

Daa ɛli ne nzo ɛhaa ɛKiriti gha, iphɛ kɛ ne te me n bok irway ihwala ndɔ ne ikyɔkyɔt de, ne itowos da, ne ɛmpyep pa, ne nggbang ngga gbik ne icɔk irway da. Daa ɛli ne i sɛ nzo kyɔkyɔt to nang nten nɛ ne nzi ne ji bok ihwet.

2 iKɔrɔntos 3:6

Ɛbhɛ kɛ te njwi kɛ yɛɛ ne teye ninaa ɛtomɛ ne ibol ne ìtsɛm ihywas de ne kɛ rop po, izee ne sɔng i lenɛ ne ikpii ne kɛ haa nang, i yang lenɛ ne iKabyik, daa ɛli ne iKpii da ne kɛ haa wo i yɛɛs ne iku, iKabyik ge i ne nang iken.

2 iKɔrɔntos 5:16

iPhɛ ɛlɛy sɔng njwɛɛn yaa ne tɔ wɛɛ ninyi na daa ne icwas ɛten ɛsii nang. ɛTsak, ne ile de njwɛɛn kaa i wɛɛ ɛKiriti yegha ɛlɛy sɔng ne ta tɔɔ wɛɛ ɛbhɛ ɛlɛy ɛlyilyɛghaa wo dɔng nang.

iGalatiya 5:25

iKabyik ɛTaanggbey de iphɛ kɛ nang njwɛɛn iken de, iphɛ ɛlɛy te njwɛɛn roos ɛkɔn na ne iKabyik ge kɛ tɔɔrek njwɛɛn no gbik.

iFisus 4:17

iPhɛ ɛlɛy, nzi ne tɔng nyini, nzi kpɛng nyini ndɔ ne irywɛɛk ɛDaray, sɔng ˆɛ tɔ shɛɛ ɛn tɛ ninaa nɛ nibhɛ doo ɛTaanggbey yegha ne icwas nibhɛ da so icwas ɛbuu da nang.

iFisus 5:14

Daa ɛli ne iwɛwɛy de iphɛ tɔɔsel nikɔn na gbik a ɛli nɛ nibhɛ so. iPhɛ phɛ kɛ te kɛ haa i bo, “Seme! iGyɛ wo ne ˆɛ so inwa da! Yilitsik ɛlɔ ne ikpom ba! ɛKiriti gha yaa ne tol lɛ.”

iKɔlɔsi 2:12

ɛLi ne kaa yɛk nyini ne ibatisima de, iphɛ ne so te kɛ rɛɛ nyini ne ɛKiriti gha. Kaa ne ta lenɛ ne ibatisima de, ne yiisik nyini ne ɛbhɛ lenɛ ne ìnang ne itin mon daa ne ihwet ɛTaanggbey da ne ɛ kɛ yiisik ɛbhɛ ndɔ ne ikpuu da.

iKɔlɔsi 3:1

Kɛ yiisik nyini ne ikpuu da ne ɛKiriti gha, iphɛ ɛlɛy ne ˆɛ kyii ɛn ne ihywɛɛ mon daa nikɔn nɛ nibhɛ so daa ne irywa, ɛlɔ gha ne ɛKiriti gha kɛ soos nɛ ne iwɔ ne irwye ɛTaanggbey yo.

iKɔlɔsi 3:17

Gbik ɛkɔn na ne ˆɛ mɔn ɛn, hang ivol yɔɔ, hang ɛtomɛ yɔɔ, mɔn ɛn ndɔ ne irywɛɛk ɛDaray ɛYɛso, ˆɛɛ tɔɔsel ɛn ɛTaanggbey ye ne ɛ so ɛTaa irway ihwala lenɛ ne ɛYɛso gha.

iKɔlɔsi 3:23

Gbik ɛkɔn na ne ˆaa mɔn ɛn, mɔn ɛn ɛbhɛ ne irway mon gbik te ɛtomɛ ɛDaray ne ˆɛ mɔn ɛn, sɔng ɛhaa ɛnyi nang.

1 iTasɔlɔnika 5:10

ɛKiriti gha kɛ ku ɛlɔ njwɛɛn, ɛlɔ ne sɛ́ sɛ ɛ kɛ yɛɛs te njwɛɛn shɛɛ ne ɛbhɛ ne njwɛɛn so niken, ne njwɛɛn kɛ wum nwa.

ɛTitus 2:14

ɛYɛso ɛKiriti gha ɛbhɛ kɛ nang ito ɛbhɛ te ɛ phɔt njwɛɛn ndɔ ne ibebhe de, te ɛ kɛ ne kuus njwɛɛn, te njwɛɛn teye ninyi ɛbhɛ zɔng, niwɛwɛy yɛ, njwɛɛn has irway ne mɔn nikɔn niyɛnɛng.

1 ɛBiturus 4:6

iBol lɛdee wo iphɛ phɛ kɛ te kaa bhɛ tɔng ninyi na nɛ nibhɛ kɛ kus so iBol iYɛnɛng ngge. Ninyi na ne kɛ ku hyɛ nibhɛ ɛshara gha ndɔ ne ibek ge te ɛbyin ninyi na. Kaa ne bhɛ tɔng nibhɛ iBol iYɛnɛng ge tɛ nibhɛ shɛɛ ndɔ ne ishwɛɛ ne ikabyik nibhɛ de ɛli ne ɛTaanggbey so.

1 ɛYohana 4:9

ɛTaanggbey ya kɛ tɔɔrek ishwim ɛbhɛ daa njwɛɛn no lenɛ ne ɛ kɛ tom ne ɛNgɔn ɛdaan ɛbhɛ zɔng ndɔ ɛzay ya, te njwɛɛn sɛ iken ne inat lenɛ ne ɛNgɔn ɛbhɛ gha.

Nikɔn ne kɛ Phaal 1:18

Mee nzo ɛhaa iken na! Nggaa ku, ne ɛ yaang nzo ɛken ne ishay-ishay. N bok igbɔm daa ne iku gbik ne ɛlɔ ne ikpom.