Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 iKɔrɔntos 5:14 - ɛWee ne ìTsɛm iHywas

14 Gbik ɛkɔn na ne njwii mɔn, njwi mɔn ɛbhɛ daa ɛli ne ishwim ɛKiriti bok igbɔm daa mos. Daa ɛli ne njwii kɛ nang ne itin nɛ wu ɛKiriti gha kɛ ku ɛlɔ ninyi na gbik, iphɛ ɛlɛy ninyi na gbik kɛ ne ma kus ndɔ ɛbhɛ.

အခန်းကိုကြည့်ပါ။ ကော်ပီ




2 iKɔrɔntos 5:14
43 ပူးပေါင်းရင်းမြစ်များ  

ɛLɛy ne ɛNgɔn ɛNyi gha ne mang, sɔng ɛ kɛ yɛɛs tɛ ninyi na mɔn ɛbhɛ nitomɛ nang, ɛ kɛ yang yɛɛs te ɛ mɔn ninyi na nitomɛ na, ɛ phyii nang iken ɛbhɛ ɛ phɔt nɛ ninyi gbom.”


Daa ɛli ne ɛNgɔn ngeghaa wo kaa ku, ɛ kɛ ne bhɛ kyii dɔng. Ɛ kaa birit, kɛ ne ta sɛ ɛbhɛ.” Nibhɛ ho ne ijɔwɔ de.


iPhɛ kɛ ne jam mɛ njwɛɛn tɔɔl irway ihwala ba, daa ɛli ne ɛgwaa mo gha kaa ku ɛ kɛ ne bhɛ kyii, ɛ kaa birit kɛ ne sɛ ɛbhɛ.’ ”


Nibhɛ ne roro ne ɛbhɛ nibhɛ yaak ɛbhɛ, “Sɔng ɛ phee wo nang. Ɛlɔ yɛ kɛ phee ye, ɛ yungaa te gbyik, yɛɛs te ɛ ra ne ijwee mos so.” ɛYɛso gha ne ɛ roos nibhɛ, ɛ phɛ ne ijwee nibhɛ wo.


Kɛ ne cwiil ne ihwɛlɛ ɛYohana gha ne yaang ɛYɛso yegha ɛ yaaso ɛlɔ ɛbhɛ, ne ɛ yaak ninyi na, “Yaang ɛn ɛNgɔn ne ɛpharak ɛTaanggbey yɛghaa nggyɛ ne ɛ kɛ bo ɛfɔt ɛzay yo.


ɛYɛso gha ne yaak ɛbhɛ, “Mee nzo iyiisik ne ikpuu da gbik ne iken de, ɛhiha ɛnyi ne ɛ kɛ nang ne itin nɛ ne mee, ɛ sɛɛ kyi ku, aa ne shɛɛ ɛken;


Nzi ne tɔng nyini itin nɛ, nten nɛ yaaso, iphɛ kɛ tuu nɛ ninyi na nɛ nibhɛ so ikpom sɛ phok izɔlɔs ɛNgɔn ɛTaanggbey de. Ninaa nɛ nibhɛ sɛ ne tenes, nibhɛ sɛ́ ne tes niken.


Ne sɛ ɛSila ne ɛTimɔti kɛ lenɛ iMakyidɔniya de nibhɛ bhɛ sɛ ɛBulus segha ne iKɔrɔntos de, ɛBulus sa ne ji ku bo nten ɛbhɛ gbik, ɛ sanga ibol iyɛnɛng ngge ɛ tɔɔsel niYahodawa na wu ɛYɛso ɛbhɛ so ɛKiriti gha.


Njwɛɛn i yɛɛ ɛTaanggbey ya i hyɛ ɛshara ɛbhɛ gha cik dak ninyi na nɛ nibhɛ mɔn nikɔn nɛnaa wo.


iZɛɛng ɛTaanggbey de ne ɛ kɛ nang lenɛ ne ɛnyi gha ne ɛ sɛ yɛɛs so ne labhe ne ɛfɔt ɛDɛmu wo. ɛTsak, ɛfɔt ɛnyi ɛdaan nɛwoo nggyɛ wo kɛ hɔ ninyi gbom iku. iZɛɛng ɛTaanggbey de ne phyin ne igbom, izɛɛng ɛbhɛ de ne ɛ kɛ nang lenɛ ne ɛnyi ɛdaan nɛghaa nggyɛ wo, ne ɛbhɛ so ɛYɛso ɛKiriti gha kɛ ne sit ninyi na gbarang ne ɛwɛng gbogbom.


Sɔng ɛ nang ɛn nilɔ ne ibek mon na ndɔ ne ɛfɔt to nibhɛ teye nikɔn ne mɔn ibebhe de nang. Yang nang ɛn ɛTaanggbey yegha ito mon gbik tɛ ninyi ne kɛ tul nibhɛ ndɔ ne iku i phɛ nɛ ndɔ ne iken. Nang ɛn ɛTaanggbey ye nilɔ ne ibek mon na tɛ nibhɛ teye nikɔn nitomɛ nicik.


Njwɛɛn i yɛɛ kɛ gangat irway ne ile njwɛɛn da ne ɛYɛso gha daa ne ihon no te phoo ihwet ne ɛfɔt da ne ɛbhɛ so ndɔ ne ibek njwɛɛn de. Kɛ mɔn ɛlɛ wo te njwɛɛn sang tɔye nikpuru ne ɛfɔt ta.


Gbik ɛnyi gha ne ɛ sang sim ɛDaray yegha, ne ɛ soye ɛkawɛy. Yɛɛs, ɛDaray yɔɔy.


ɛNyi gha ne iKabyik ge i sang hyel ɛbhɛ wo, sɔng aa ne say nikɔn na nɛ nibhɛ le ne iKabyik ɛTaanggbey de nang daa ɛli nɛ nibhɛ so te iwamang ɛlɔ ɛbhɛ gha, sɔng aa ma yung seng nibhɛ nang, daa ɛli ne i seng nibhɛ lenɛ ne iKabyik ge.


Kaa haa iMɛmɛ ɛMuusaa da daa ne iKpɛɛ ne kɛ sɛp te igbii, ndiinday ɛTaanggbey kaa ne toolte nten de ne yaa nang iphɛ wo. iHywɛɛ ne itol da ne iphɛ kaa so ɛyisɛ ɛMuusaa gha kaa so idee ne iphɛ yaa phee, gbik ne iphɛ ɛlɛy iphɛ kaa ne toolte gbom ɛli ne hame ninyi niSɛrɛla na yaa yɛɛ ne wɛɛ ɛyisɛ ɛbhɛ gha. Wu iMɛmɛ yɛdaa wo ne iphɛ yɛɛs ne iku de kɛ yɛɛs ne ndiinday de ɛlɛ wo,


Wu ɛkɔn na ne ɛ yɛɛs ne iku de kɛ sɛ ndiinday de, iphɛ ne so nggbinggbing ɛkɔn na ne ɛ yɛɛs ne cik ɛTaanggbey de ya phyin ne ndiinday de gbom.


Kɛ gangat me ne daa ne ihon no ne ɛKiriti gha. Sɔng mee ndɔ phɔng nang, ɛKiriti gha ne so ɛken ndɔ mee. Nzi ne shɛɛ ishwɛɛ ne ibek ga ndɔ ɛzay yɛghaa wo lenɛ ìnang ne itin ndɔ ɛNgɔn ɛTaanggbey ya ne ɛ kɛ sim me ɛ nang ito ɛbhɛ ɛlɔ mee.”


Te izɛɛng ɛTaanggbey de shɛɛ daa ninyi gbik nɛ nibhɛ i sim ɛDaray ɛYɛso ɛKiriti yegha ne ishwim ba ne ifɛ sang ɛgak ko. Ɛɛy.


ˆƐ kaa so ɛn nyini ikpom ɛlɔ ne ɛfɔt mon no gbik ne iyɔm ne hyɛ itee ne tul nyini ndɔ ne ishwɛɛ ne ibek ge, ɛTaanggbey ya ne yiisik nyini niken nɛ ndɔ ɛKiriti gha, ɛtsim mɛ ne ɛ kɛ hana njwɛɛn ne ɛfɔt njwɛɛn no.


Daa ɛli ne ˆɛ kɛ ku ku ɛn, kɛ ne rɛɛ iken mon de ne ɛKiriti gha ndɔ ɛTaanggbey.


Ɛbhɛ ɛ kɛ nang ito ɛbhɛ te ɛ say ninyi na gbik. ɛNggyɛ wo bhɛ ne soye ishɛɛda ne kaa tɔɔl cɛcɛɛy nten de ne ɛTaanggbey ya i sim tɛ sɛ phɔt ninyi na gbik ko.


ɛKusang nga ne ɛ ne roos ɛnggɔnggɔɔt ɛzay yo zɔng ngo nang, ne ɛ ku soye ikom gbik ɛli ne ɛ kyi so ɛken na.


Njwɛɛn kaa ma tsa soye niwamang nɛ nisang-phok, ihyop nikɔn ɛzay de luk njwɛɛn, i teye nikpuru nibhɛ. Njwɛɛn ne yaa shɛɛ ishwɛɛ ne boos en ne irway ne ɛnkyis, ninyi i mbaray njwɛɛn, njwɛɛn ne ma i mbaray nibhɛ.


Njwi yang yaang ɛYɛso yegha ne kaa yɛk ngɛ igbɔm ɛbhɛ taasek ivaa nimalɛka da. ɛLyilyɛghaa wo, kɛ ne nang ɛbhɛ ne ndiinday ne igbom, daa ɛli ne ɛ kɛ sɔ nggbang ne iku. Ɛ kaa mɔn ɛlɛ wo te lenɛ ne izɛɛng ɛTaanggbey de ɛ ku ɛlɔ ninyi na gbik.


ɛTaanggbey ya ku so icik, sɔng aa te ne ɛtomɛ mon na bab nang. Sɔng aa ne te ne ishwim mon da ne ɛ kɛ tɔɔrek ɛn ɛbhɛ wo ndɔ iphyik ga ne ɛ kɛ phyik ɛn ninyi ɛbhɛ na, ɛ ma tɔɔ phyighis ɛn nibhɛ wo nang.


Sɔng ɛ kaa ku yaang ɛn ɛYɛso ɛKiriti yegha nang, gbik ne iphɛ ɛlɛy, ɛɛ ne sim ɛn ɛbhɛ. Sɔng ɛɛ ta yaang ɛn ɛbhɛ ɛlyilyɛghaa wo nang, gbik ne iphɛ ɛlɛy, ɛ kɛ ne nang ɛn ne itin nɛ ne ɛbhɛ, ne ɛ bok ɛn irway ihwala ne ifɛ sang ɛgak, ɛ ta bok ɛn bok ndiinday,


Njwɛɛn i yɛɛ wu njwɛɛn soye ninɔn ɛTaanggbey, ɛzay ya gbik ne so ne iwɔ ɛShɛtan.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ