2 iKɔrɔntos 5:11 - ɛWee ne ìTsɛm iHywas

¹¹ Daa ɛli ne njwii yɛɛ ɛkɔn na ne i bo wu te tel ɛnik ɛTaanggbey yo, iphɛ kɛ ne te njwii kyangase nɛ te njwii yaang njwi kɛ hɔ nidɛng ndɔ ne say itin ibol ɛTaanggbey de. ɛTaanggbey ya i yɛɛ ɛli ne njwi so, nzi ne ma wɛɛ te ɛ ma yɛɛ ɛn ndɔ ne irway mon ihywee ninyi de ne njwi so.

2 iKɔrɔntos 5:11 ပူးပေါင်းရင်းမြစ်များ

ɛMacu 10:28

Sɔng ne ɛ phok ɛn ɛnik ninyi wo nɛ nibhɛ sɛ phoo ibek ge, nibhɛ sang ji yɛɛ ne phoo iken de nang. Yang phok ɛn ɛnik ɛnyi ne aa yɛɛ ne bees ibek ge gbik ne iken de ndɔ ne ijwee ne igboo wo.

ɛMacu 25:46

Nibhɛ sɛ ne ji bhɛ lel ndɔ ne nggbang ne inat, ninyi ne cik ka ne ma bhɛ lel ndɔ niken ne inat.”

ɛLuka 12:5

Naa ne mɔng nyini ɛnyi gha ne ˆaa phok ɛn ɛnik ɛbhɛ wo: phok ɛn ɛnik ɛTaanggbey, ɛbhɛ ɛ bok ito ne ɛ sɛɛ phoo ibek ge ɛ ji cwaak ndɔ ne ijwee ne igboo. Ɛbhɛ ne nzi ne bok nyini wu te ɛ tel ɛn!”

ɛLuka 16:31

“ɛBaraying nga ne yaak ɛbhɛ, wu nigwaa mo na kɛ sang tenes ibol ɛMuusaa de ne idee ninabawa de, sɛɛ ne kyi yɔngɔ ɛnyi gha le ndɔ ne ikpuu da ɛ phɛ wo, sɔng nibhɛ yaa ne jung bhɛ tenes ɛbhɛ nang.”

ɛTomɛ 13:43

Ne sɛ ninyi na kɛ gas en niYahodawa na nɛ ninyi na nɛ nibhɛ kɛ lel ndɔ ne ikpii niYahodawa na gbom, nɛ nibhɛ re ɛTaanggbey yegha ntsong ngga, ne kungus ɛBulus segha ne ɛBanabas sa. ɛBulus sa ne ɛBanabas sa ne bol nɛ nibhɛ, nibhɛ kpɛng nibhɛ wu tɛ nibhɛ re ɛnu ɛyisɛ ne shɛɛ ndɔ ne izɛɛng ɛTaanggbey de.

ɛTomɛ 18:13

Nibhɛ ne yɔngɔ, “ɛNyi yɛghaa wo i mɛmɛ ninyi na nɛ wu tɛ nibhɛ re ɛTaanggbey yegha ntsong ngga ne nkiinɛ wo ne ɛbhɛ so kyii ne ɛshara njwɛɛn na.”

ɛTomɛ 18:4

Ne i sɛ ɛtuk ne iWɛsɛ niYahodawa na, ɛBulus sa ne i bol nibhɛ ne i wɛɛ ibol, nɛ niYahodawa na nɛ ninyi na ne hame nibhɛ soye niYahodawa na ndɔ ne ijwee ne itɔɔy yo ɛ sim te ɛ sɛɛ te nibhɛ nibhɛ hyereey.

ɛTomɛ 19:26

Ɛ wɛɛ ɛn ɛ phok ɛn ɛkɔn na ne ɛnyi gha ne i bok ɛbhɛ ɛBulus sa kɛ mɔn no, ɛ kɛ yɛɛn ninyi ne iFisus sa gbik ne ivel ne iSiya da ɛ kɛ hyere nibhɛ gbik! Ɛ bo wu ɛTaanggbey ne ɛten ɛsii kɛ ryɔng wu hang ɛ so ɛTaanggbey ne itin nɛ.

ɛTomɛ 26:26

Nzó ɛgɔm ma i yɛɛ nikɔn nɛnaa wo, nzi ne bol ne irway nge tɔrɔk tang ɛnik ɛnu ɛyisɛ ɛbhɛ. Nzi yɛɛ ncɛncɛng, sɔng idɛ bol lɛdee wo kɛ te ɛbhɛ bap nang, daa ɛli sɔng kɛ mɔn nibhɛ gying nang.

ɛTomɛ 28:23

Nibhɛ ne yɛk ne ɛtuk nɛ nibhɛ sɛ sɛm me nɛ, ninyi na gbom ne yɛɛset ɛlɔ gha ne ɛBulus sa kɛ tek nɛ nikɔn na, ɛBulus sa ne i kpɛl nibhɛ ivol ne igbɔm ɛTaanggbey da gbik. Ɛ kaa ne tsa ne ihwɛlɛ ne ɛ phyii bhɛ hɔn irwirywɛ ɛ kpɛl nibhɛ ivol da ɛ kyangase nɛ tɛ nibhɛ hyereey nibhɛ nang ne itin nɛ ne ɛYɛso gha lenɛ ne ɛShara ɛMuusaa gha gbik ne ibol ne iwee ninabawa na.

2 iKɔrɔntos 2:17

Sɔng njwi so te ɛbyin ninyi na nɛ nibhɛ sanga ibol ɛTaanggbey de tɛ nibhɛ tɔk iryat nang. Njwi yang so ninyi ne ɛTaanggbey ya ɛbhɛ ɛ kɛ tom njwii, njwii ne bol itin nɛ ɛTaanggbey i ne yɛɛ, daa ɛli ne njwi so ninaa ɛtomɛ ɛKiriti gha.

2 iKɔrɔntos 5:20

iPhɛ ɛlɛy, njwi ne so ninyi ne ɛKiriti gha kɛ tom; ɛTaanggbey ya ne bol ne nyinɛn lenɛ ne njwit. Njwi roro ne nyinɛn ndɔ ne irywɛɛk ɛKiriti, sim ɛn te ɛTaanggbey ya hyere nyini te ɛ te nyini nitaay ɛbhɛ sɔng ninaa ne iphup ɛbhɛ nang.

2 iKɔrɔntos 6:1

Daa ɛli ne njwi so ninaa ɛtomɛ ɛTaanggbey ya, njwii ne roro ne nyinɛn, sɔng ɛ say ɛn izɛɛng ɛTaanggbey de ihywɛ te buu nang.

iGalatiya 1:10

Ɛ wɛɛ ɛn te nzi mɔn ɛlɛ wo tɛ ninyi ton me naa? Yɛwɛy, nzi sim te ɛTaanggbey ɛbhɛ aa sim ɛkɔn na ne nzi mɔn no. Ɛ wɛɛ ɛn te nzi sim naa laasek niten irway ye? Yɛwɛy, sɛ yɔng ɛlɛy, sɔng nzɛ ne te me ɛkpuru ɛKiriti gha nang.

iFisus 5:21

Te ˆɛ ɛrɔngɔ nang ɛrɔngɔ ne ndiinday daa ɛli ne ˆɛ kɛ nang ɛ ɛKiriti yegha ne ndiinday de.

iBirani 10:31

iPhɛ so ɛkɔn ne ɛnik gbom ɛnyi gha ho ne iwɔ ɛTaanggbey ne iKen na.

iBirani 12:29

Daa ɛli ne ɛTaanggbey njwɛɛn na so te igboo ne ifɛ re mɛlɛm-mɛlɛm.

ɛYahuza 1:23

Phɔt ɛn ɛbyin nɛ te ˆɛ kɛ tul ɛn nibhɛ ndɔ ne igboo. Te ˆɛ san ɛn iyɔm ɛbyin nɛ ndɔ ne ɛnik ɛTaanggbey, ˆɛ phok ɛn ishis ne itsura nibhɛ da nɛ nibhɛ kɛ bees ne ihyop ne ibek nibhɛ de.

Nikɔn ne kɛ Phaal 20:15

Gbik ɛnyi gha ne kɛ sang sɛ irywɛɛk ɛbhɛ ndɔ ne ɛWee ne iKen no, ne cwaak ɛbhɛ ndɔ ne ɛling ne igboo gha.