2 iKɔrɔntos 4:7 - ɛWee ne ìTsɛm iHywas

⁷ Gbik ne iphɛ ɛlɛy, njwit to ne njwi bok iryat ne iKabyik kɛdee wo njwi ne so te iron ne itsom zɔng. Njwi kɛ te ɛlɛ wo te njwi tɔɔrek wu ɛTaanggbey ya ɛbhɛ bok ndiinday gbik, sɔng njwit nang.

2 iKɔrɔntos 4:7 ပူးပေါင်းရင်းမြစ်များ

ɛMacu 13:44

“Yaa ten igbɔm ɛdaa ne irywa da ne iryat ne kɛ rɛɛ ndɔ ne ihwap, ɛdɛ ɛnyi gha ne bhɛ sɛ ihywɛ ɛ kyii hante ne rɛɛ yɛ yɛnɛnng. iRway ihwala yɛ ne ji te ɛbhɛ ɛ lɛbhɛl nikɔn na ne ɛ bok gbik, ɛ bo ijam mɛ ɛ say ne ihwap pɛdaa nggyɛ wo.”

ɛMacu 13:52

Ne ɛ ji yaak nibhɛ, “iPhɛ ɛlɛy, gbik ɛnyi ne kpɛl ɛShara gha ne ɛ kɛ teye ɛngɔn ne icwam ne igbɔm ɛdaa ne irywa gha ne so te ɛnyi ne ijwee gha ne ɛ kɛ tuul nikɔn niphas nɛ nitɛl lɛ ndɔ ne ɛgban ɛbhɛ.”

ɛYohana 16:33

“Nggɛ tɔng nyini nikɔn nɛnaa wo te ɛ bok ɛn irway ne laal ndɔ me wo. Aa sɔ ɛn nggbang ndɔ ɛzay ya. Nzi ne bok, te ɛn irway nviit daa ɛli ne nggɛ ku phoo ɛzay ya nɛ.”

1 iKɔrɔntos 1:28

ɛTaanggbey ya kɛ kasa nikɔn na nɛ nibhɛ kɛ taasek, nɛ nikɔn na ne kɛ bɛɛs, nɛ ninaa ne hame nibhɛ so ɛnu ɛkɔn ndɔ ɛzay ya te ɛ sɛ ɛ bunga nɛ nikɔn na nɛ ninaa ɛzay ya i wɛɛ tɛ nibhɛ bhɛ kɛ jam nibhɛ shɛs.

2 iKɔrɔntos 10:10

ɛByin ninyi na bo; “iWee ɛBulus da so nzaratat, ivol lɛ ne ta bok ihwet. I ne sɛ ɛ so ɛlɔ njwɛɛn na, ne ɛ so lyaak, ivol ɛbhɛ da ne so hywɛɛ.”

2 iKɔrɔntos 13:4

Gbik ɛli ne kaa gangat ɛKiriti yegha ndɔ ne kyɔkyɔt de, ne ɛ so ɛken lenɛ ne ihwet ne ndiinday ɛTaanggbey. Njwi ne ma so kyɔkyɔt ndɔ ɛKiriti gha, gbik ne iphɛ ɛlɛy, njwi ne so niken lenɛ ne ihwet ne ndiinday ɛTaanggbey te njwi mɔn ɛtomɛ gha ne njwi yaa mɔn ndɔ mon no.

2 iKɔrɔntos 4:1

iPhɛ ɛlɛy, daa ɛli ne njwii mɔn ɛtomɛ yɛghaa wo lenɛ ne isan iyɔm ɛTaanggbey, sɔng njwi aa ne tul irway nang.

2 iKɔrɔntos 5:1

Njwii yɛɛ, sɛ́ sɛ ipho yɛdee wo ne njwɛɛn sonɛ ndɔ ɛzay yɛghaa, kaabi ibek ge ne njwɛɛn bok ndɔ ɛzay yɛghaa wo, kɛ bees se; ɛTaanggbey ya ne ito ɛbhɛ sɛ ne ryɔng njwɛɛn ijwee daa ne irywa. Sɔng ɛten ɛsii bhɛ sɛ ryɔng ijwee yɛwoo nggyɛ wo nang, ifɛ sɛ soye ihoo ne inat.

2 iKɔrɔntos 6:10

njwi bok irway ishwii, gbik ne iphɛ ɛlɛy, njwi ne so ne irway ihwala cɛcɛɛy. Njwi so nihala, gbik ne iphɛ ɛlɛy njwi kɛ ne tes ninyi gbom nibhɛ kɛ yɛk iryat. Sɔng njwi bok ɛkɔn nang, gbik iphɛ ɛlɛy nikɔn na gbik ne soye ninaa mos.

iFisus 2:5

Nten de ne njwɛɛn kaa so te ikpom ba lenɛ ne ɛfɔt njwɛɛn no, ɛTaanggbey ya yiisik njwɛɛn niken nɛ ndɔ ɛKiriti gha. Kaa lenɛ ne izɛɛng ɛbhɛ i phɔt nyini wo.

iFisus 3:8

Gbik ɛli ne mee nggɛ taasek n shɛs ndɔ ninyi ɛTaanggbey ya, ɛTaanggbey ya kɛ ne nang me izɛɛng ne sanga iBol iYɛnɛng ngɛdee wo ndɔ ninaa nɛ nibhɛ sang so niYahodawa na, ibol ɛwɛng ne ɛ sang ɛgak ne i sɛ lenɛ ne ɛYɛso ɛKiriti.

iKɔlɔsi 1:27

iCwas ɛTaanggbey da ne so tɛ ninyi ɛbhɛ na seng wu ɛkɔn ɛgying ngɛghaa wo ne ɛ soye iryat de ɛ bok ne ndiinday de ma so ɛhaa ninyi na ne hame nibhɛ so niYahodawa na. ɛKɔn ɛgying ngɛghaa wo ne so ɛlɛ, ɛKiriti gha so ndɔ mon, ˆɛ sɛ ne sɛ ɛn ihop ne ito-ndiinday ɛbhɛ de.

iKɔlɔsi 2:12

ɛLi ne kaa yɛk nyini ne ibatisima de, iphɛ ne so te kɛ rɛɛ nyini ne ɛKiriti gha. Kaa ne ta lenɛ ne ibatisima de, ne yiisik nyini ne ɛbhɛ lenɛ ne ìnang ne itin mon daa ne ihwet ɛTaanggbey da ne ɛ kɛ yiisik ɛbhɛ ndɔ ne ikpuu da.

iKɔlɔsi 2:3

Ndɔ ɛbhɛ ne kɛ rɛɛ ne iyɛnɛng ne ntsɛntsɛng ge ne ishweng ga gbik.

1 iTasɔlɔnika 1:5

Daa ɛli ne sɔng njwi kaa yɛɛs nyini ne ibol iyɛnɛng ngge ne ɛnu zɔng nang, iphɛ kaa bok ihwet, iphɛ bok iKabyik ɛTaanggbey, iphɛ ne so hyɔrɔ ne itin. Ɛ yɛɛ ɛn ihywee ne ishwɛɛ da ne njwi kaa shɛɛ ndɔ mon no, ishwɛɛ yɛ kaa so te njwi phyik nyini.

1 iTasɔlɔnika 4:4

Te ɛrɔngɔ mɛmɛ nɛ ɛli ne aa wum ibek ɛbhɛ ndɔ ne iwɛwɛy te ɛ nang ito ɛbhɛ ne ndiinday.

2 ɛTimɔti 2:20

Ndɔ ne ɛgbaang ne ijwee wo, sɔng nikɔn ne izinariya ne ɛzurufa nibhɛ sonɛ zɔng nang. Ninaa ne itson gbik ne ives ma ta sonɛ. Nidɛng so ninaa ne i mɔn ne ɛtomɛ ɛgbaang ɛtuk, nidɛng ne so ninaa ne i mɔn ne ɛtomɛ izenge ne ihwɛlɛ.