2 iKɔrɔntos 4:6 - ɛWee ne ìTsɛm iHywas

⁶ ɛTaanggbey ya ne ɛ kaa yɔngɔ, “Te iwɛwɛy tol ndɔ gbyik,” ɛbhɛ kɛ ne te iwɛwɛy de i tol ndɔ ne irway mos da te ne i tol ninyi na, nibhɛ seng ito-ndiinday ɛTaanggbey de ɛyisɛ ɛKiriti gha.

2 iKɔrɔntos 4:6 ပူးပေါင်းရင်းမြစ်များ

ɛLuka 10:22

“ɛKyɛɛ nge gha kɛ nang me nikɔn na gbik. Sɔng ɛnyi yɛɛ ɛnyi gha ne ɛNgɔn na so nang, ɛKyɛɛ gha zɔng ɛbhɛ yɛɛ ɛbhɛ. Sɔng ɛnyi ne yɛɛ ɛKyɛɛ gha nang, ɛNgɔn na zɔng ɛbhɛ yɛɛ, gbik nɛ ninaa ne ɛNgɔn kɛ kasa, ɛ phaal nibhɛ nɛ.”

ɛYohana 1:14

iBɔrɔk ne ibol de kaa ne teye ɛTen ɛsii ɛ shɛɛ ndɔ njwɛɛn, njwɛɛn ne yaang ndiinday ɛbhɛ, ndiinday de ne iphɛ so idee ɛNgɔn ɛDaan ɛKyɛɛ. Ɛ kaa ne so hyɔrɔ ne izɛɛng gbik ne itin ne ibol.

ɛYohana 11:40

ɛYɛso gha ne yaak ɛbhɛ, “Sɔng nggɛ yaak kɛ wu ɛ kɛ nang ne itin nɛ aa ne yaang ito-ndiinday ɛTaanggbey de nang nge?”

ɛYohana 12:41

ɛShaa gha kaa boote ɛlɛ wo daa ɛli ne ɛ kaa yaang ito-ndiinday ɛYɛso de, ne ɛ boote daa ɛbhɛ.

ɛTomɛ 26:18

te ɛbhɛ phaal nibhɛ irwisɛ tɛ nibhɛ tek igbyik ge nibhɛ yɛɛs ne iwɛwɛy, nibhɛ tek igbɔm ɛShɛtan da nibhɛ yɛɛ ne igbɔm ɛTaanggbey. Te ne hana nibhɛ ne ɛfɔt nibhɛ wo nibhɛ sɛ ɛwɛng nga ne sɛ nang gbik ninaa nɛ nibhɛ kɛ te ne iwɛwɛy ya daa ɛli nɛ nibhɛ kɛ nang ne itin nɛ wo.’ ”

1 iKɔrɔntos 12:8

iKabyik ɛTaanggbey de kɛ nang ɛdɛng ivol ne ntsɛntsɛng, iKabyik idaan nɛ ne ma ta nang ɛdɛng ishweng.

2 iKɔrɔntos 2:10

Gbik ɛnyi gha ne ɛ kɛ hana ɛn ɛbhɛ nɛ, nggɛ ne ma hana ɛbhɛ nɛ. Wu ɛdɛ ɛkɔn ne hana gha sonɛ ne ya hana wo, nggɛ ne ma hana. Nggɛ ne hana wo ɛnu ɛyisɛ ɛKiriti te iphɛ phyik nyini.

2 iKɔrɔntos 3:18

Njwɛɛn no ne kɛ sang cwaal ɛyisɛ njwɛɛn na nang, njwɛɛn ne tɔɔsel ndiinday ɛDaray de, ne jii hyeem njwɛɛn te njwɛɛn te te ɛbhɛ. iHyeem ba ne hyeem njwɛɛn no ne hanas se ne ndiinday, ndiinday de ne iphɛ le ɛlɔ ɛDaray ya ne ɛ so iKabyik ge.

2 iKɔrɔntos 4:4

ɛShɛtan na ne i re ɛbhɛ ntsong ngaa, ne ɛbhɛ ɛ so ɛTaanggbey ne izam mɛghaa wo ne ɛ phebhe wo kɛ cwaal ninaa nɛ nibhɛ kɛ sang nang ne itin nɛ wo irway, tɛ nibhɛ sang yaang iwɛwɛy ne ito-ndiinday ne iBol iYɛnɛng ɛKiriti de ne ɛbhɛ soye izazurum ɛTaanggbey de.

iFisus 1:17

Nzi bo wu te ɛTaanggbey ɛDaray njwɛɛn ɛYɛso ɛKiriti gha, ɛTaa ne ito-ndiinday ya nang nyini iKabyik ne ntsɛntsɛng, ɛ ta phaal nyini ito ɛbhɛ te ˆɛ seng ɛn ɛbhɛ yɛnɛng.

iFisus 1:18

Nzi ne ta bol ne ɛTaanggbey ya wu te irwisɛ ne irway mon phaal le te ˆɛ seng ɛn ìyɛk ne irway yɛdaa wo ne ɛ kɛ yel-le nyini nɛ wo, ˆɛ ta seng ɛn iryat de ne ihywɛ so gbom ndɔ isha de ne ɛ kɛ sim ninyi ɛbhɛ na nɛ wo.

iFisus 5:8

Ne ile de ˆɛ kaa tsa ˆɛ so ɛn ndɔ gbyik, ɛlyilyɛghaa wo, ˆɛ kɛ ne sɛ ɛn iwɛwɛy lenɛ ne ɛDaray ya. iPhɛ ɛlɛy, ne ˆɛ shɛɛ ɛn ishwɛɛ ninaa ne iwɛwɛy da.

iFilibi 2:6

Gbik ɛli ne ɛ so ɛTaanggbey ya, sɔng ɛ kɛ ne bo iTaanggbey ɛbhɛ de te ɛkɔn ne aa wum gɛgɛy nang.

iKɔlɔsi 1:15

ɛKiriti gha soye izazurum ɛTaanggbey de ne hame i yɛɛ ne yaang ne irwisɛ. Ɛbhɛ soye ɛngɔn ɛkɔɔn ndɔ nikɔn na ne kɛ ryɔng ngo gbik.

1 iTasɔlɔnika 2:12

Njwi kɛ bol nɛ nyinɛn, njwi tes nyini itsɔngɔl gɛgɛy, njwi roro nyini te ˆɛ shɛɛ ɛn ishwɛɛ da ne ifɛ kɛ jam mɛ ne yel-le da ne ɛTaanggbey ya kɛ yel-le nyini nɛ ndɔ ne igbɔm ɛbhɛ da ne ndiinday ɛbhɛ de.

iBirani 1:3

ɛNgɔn na ɛbhɛ so iwɛwɛy ne ndiinday ɛTaanggbey de, ɛɛ ne ta tɔɔsel ɛli ne ɛTaanggbey ya so. Ne ɛ ta so kancɛng ne ɛTaanggbey ya. Ɛ kɛ ne wum nikɔn na kyus lenɛ ne ibol ɛbhɛ ne iphɛ bok ihwet. ɛTsim mɛ ne ɛ kɛ phaal ɛnkiinɛ ne kuus ɛfɔt to, ne ɛ ji soos ɛcuruu ne igbɔm ne iwɔ ne irwye ɛTaanggbey ɛHaa ne Ndiinday gbik.

iBirani 6:4

Daa ne ito ninyi de nɛ nibhɛ kɛ kyii ne ɛtsim ma nibhɛ tek ìnang ne itin de, sɔng tang yɛɛ ne kyii nɛ nibhɛ nibhɛ san ɛbɔk ka nang. Daa ne ito ninaa nɛ nibhɛ kaa tsa nibhɛ so ndɔ ne ɛwɛwɛy ɛTaanggbey yo, nibhɛ phɔwɔ ɛnggɔnggɔɔt nikɔn niyɛnɛng ɛdaa ne irywa na, nibhɛ bok ihop ndɔ ne iKabyik ɛTaanggbey de.

1 ɛBiturus 1:12

ɛTaanggbey ya kaa phaal nibhɛ nɛ wu hang ɛtomɛ gha nɛ nibhɛ mɔn no so daa ne iyɛnɛng nibhɛ, wu ɛ yang so daa ne iyɛnɛng mon. ɛLyilyɛghaa wo, iKabyik ɛTaanggbey de ne iphɛ le daa ne irywa wo, kɛ ne yɛk ngɛ kɛ phaal nyini nikɔn nɛnaa wo gbik ndɔ ne iBol iYɛnɛng ɛKiriti de ne kɛ sanga ndɔ mon no. Nikɔn nɛnaa wo nɛ nimalɛka na kɛ ma yung has irywa tɛ nibhɛ sɛɛ seng.

1 ɛBiturus 2:9

Ne ɛ so ɛn ninyi ne ɛTaanggbey kɛ kasa, ɛguu nibo ɛTaanggbey ɛgbaang ɛgɔm, igbagha ne kɛ tul kang, idira ninyi nɛ nibhɛ so ninaa ɛTaanggbey. ɛTaanggbey ya kɛ tul nyini ndɔ gbyik ka ɛ yɛɛs ne nyinɛn ndɔ ne iwɛwɛy ɛbhɛ ne iphɛ so ɛkɔn ne kparat te ɛ sanga ɛn ibol nikɔn niyɛnɛng ne ɛ kɛ mɔn no.

2 ɛBiturus 1:19

iPhɛ ɛlɛy, njwi kɛ ne hante ne yɛk ihwet daa ne ivol ninabawa de nɛ nibhɛ kaa tɔng ngo. iPhɛ kɛ ne jam mɛ ɛ kyii ɛn ne ihywɛɛ mon yɛnɛng daa ne iphɛ, daa ɛli ne iphɛ so te igboo ne ifɛ tol i ndɔ gbyik ihwɛlɛ phyii wuru. iWɛwɛy ɛDaray de i ne tol ndɔ ne irway mon da te ɛli ne ɛyuyɔrɔ ɛraam ne ihwɛlɛ gha i tol ɛzay ya.