2 iKɔrɔntos 4:5 - ɛWee ne ìTsɛm iHywas

⁵ Sɔng njwii tɔng ibol ne ito mos nang, njwii yang tɔng ibol ɛYɛso ɛKiriti de njwii bo wu ɛbhɛ ɛ so ɛDaray, njwit to njwi ne ji so nikpuru mon lenɛ ɛYɛso gha.

2 iKɔrɔntos 4:5 ပူးပေါင်းရင်းမြစ်များ

ɛMacu 23:8

“Sɔng ne yel-le nyini ɛKyɛɛ ne iCwam ma nang, daa ɛli ne ɛ bok ɛn ɛKyɛɛ ne iCwa ma ɛdaan, ne ɛ so ɛn nigwaa gbik.

ɛMacu 3:11

Nzi yaak nyini ne ibatisima de ne inɛn te i tɔɔrek wu ɛ kɛ san ɛn ɛbɔk ka. Ɛdɛ ɛnyi gha ne yaaso, ɛtsim nge ne ɛ phyin me, sɔng nggɛ ma yung hɔn nzɛɛ boos ɛbhɛ ikpikpangat ɛbhɛ nang. Ɛbhɛ ɛ sɛ ne ji yaak nyini ne ibatisima idee ne iKabyik ɛTaanggbey ne igboo.

ɛYohana 7:18

ɛNyi gha ne ɛ bol ivol ne ito ɛbhɛ da, ɛ mɔn ɛlɛy te ɛ sɛ ito ɛbhɛ ndiinday. ɛNyi gha ne ɛ sim te sɛ nang ɛhaa ne ɛ kɛ tom ɛbhɛ ndiinday de, ɛ so ɛhaa ne itin nɛ; sɔng irywɛɛk ne so ndɔ ɛbhɛ wo nang.

ɛTomɛ 10:36

Ɛ yɛɛ ɛn ibol de ne ɛ kaa tom niSɛrɛla na nɛ wo, iphɛ phɛ so ibol iyɛnɛng ne irway ne laal da ne ɛYɛso ɛKiriti gha kaa yɛɛs nɛ wo. ɛYɛso ɛKiriti gha ɛbhɛ ne ɛ so ɛDaray ninyi na gbik.

ɛTomɛ 2:36

“iPhɛ ɛlɛy, tɛ niSɛrɛla na gbik ne seng ncɛncɛng, ɛTaanggbey ya kɛ yɛk ɛYɛso yɛghaa wo nɛ ne ɛ kaa gangat ɛn no ɛbhɛ teye ɛDaray ya ne ɛKiriti gha.”

ɛTomɛ 5:31

ɛTaanggbey ya ne nang ɛbhɛ ne nindiinday, ɛ tek ɛbhɛ ne iwɔ ne irwye ɛbhɛ, ɛ teye ɛndiinday ne ɛhaa ne phɔt, te ne lenɛ ɛlɛy niSɛrɛla na san ɛbɔk i hana nibhɛ ne ɛfɔt nibhɛ wo.

1 iKɔrɔntos 1:23

Njwit to, njwi ne tɔng ibol ɛKiriti ne kɛ gangat daa ne ihon. iBol lɛ kɛ teye ɛkɔn ne kyibhɛ niYahodawa na, iphɛ ne kyi ta teye iwamang ɛlɔ ninyi na ne hame nibhɛ so niYahodawa na.

1 iKɔrɔntos 10:33

Mɔn ɛn ɛli ne nzi mɔn no. Nzi kyangas me nɛ ndɔ nikɔn na ne nzi mɔn gbik tɛ ninyi na phok iyɛnɛng. Sɔng nzi mɔn ito nge nɛ zɔng nang, nzi mɔn te iphɛ phyik ninyi gbom, tɛ nibhɛ sɛ iphɔrɔt.

1 iKɔrɔntos 12:3

iPhɛ ɛlɛy, nzi ne sim te ɛ sɛ seng ɛn, sɔng ɛnyi gha ne iKabyik ɛTaanggbey de so ndɔ ɛbhɛ wo sɛ kyii ta yɔngɔ, “ɛYɛso, te ɛkawɛy roos sɛ,” nang! Sɔng ɛnyi sɛ yɛɛ ne yɔngɔ, “ɛYɛso gha ɛbhɛ ɛ so ɛDaray ya,” tang iKabyik ɛTaanggbey de iphɛ hyel ne ɛbhɛ nang.

1 iKɔrɔntos 15:47

Ɛnyi ɛyisɛ gha kaa le ɛzay yeghaa, kaa ne ryɔng ɛbhɛ ne ne ivel. ɛHaa ne ifaa gha kaa ne le daa ne irywa.

1 iKɔrɔntos 2:2

Daa ɛli ne nggaa ku rop ndɔ ne irway nge, nten de ne nggaa so ɛlɔ mon na, wu hang naa bol ihak ibol kang ne ibol ɛYɛso ɛKiriti de ne idee ne igangat ɛbhɛ daa ne ihon no.

1 iKɔrɔntos 4:15

Ɛ sɛ kyi bok ɛn nikyɛɛ ne icwam ma ninom ɛnduwubɔ nɛ nibhɛ kɛ tɔɔrek nyini ibol ne roos ɛKiriti yede, sɔng ne ɛ bok ɛn nikyɛɛ na maa nang. Nggɛ te me ɛkyɛɛ mon ndɔ ɛYɛso ɛKiriti gha, lenɛ ne iBol iYɛnɛng ngge ne nggɛ yɛɛs nyini nɛ wo.

1 iKɔrɔntos 8:6

gbik ne iphɛ ɛlɛy, ɛlɔ njwɛɛn na, ɛTaanggbey ya ne so ɛdaan. Ɛbhɛ ɛ so, ɛTaa gha ne ɛ kɛ ryɔng nikɔn na gbik, ɛhaa ne ishwɛɛ njwɛɛn da lenɛ ne ɛbhɛ, ɛDaray ya ta so ɛdaan, ɛbhɛ ɛ so ɛYɛso ɛKiriti gha ne kɛ lenɛ ne ɛbhɛ i ryɔng nikɔn na gbik, i ta lenɛ ne ɛbhɛ njwɛɛn sonɛ wo.

2 iKɔrɔntos 1:19

Daa ɛli ne ɛYɛso ɛKiriti gha ne ɛ so ɛNgɔn ɛTaanggbey ya, ne nggaa tɔng nyini ibol ɛbhɛ de, ɛSila gha, gbik ne ɛTimɔti gha ma tɔng nyini wo, sɔng ɛ so ɛnyi ne so “Ɛɛy” ne “Kwa” nang. Ɛbhɛ yang so “Ɛɛy” ɛTaanggbey.

2 iKɔrɔntos 1:24

Sɔng njwii bo njwi yaa tɔɔrek nyini ndiinday daa ne ìnang ne itin mon de nang, kwa, njwɛɛn i mɔn ɛtomɛ gha ɛte, te ɛ sɛ ɛn irway ihwala daa ɛli ne ɛ kɛ kyinak ɛn ne ihwet ndɔ ne ìnang ne itin mon de.

iGalatiya 5:13

Nyinɛn nigwaa en no, sɔng kɛ yel-le nyini te ɛ shɛɛ tɛ nikpuru nang. Sɔng ishwɛɛ yɛdaa nggyɛ wo ne te nyini ɛ yaa mɔn ɛn nikɔn na ne ɛ sim ɛn nang. Te ishwɛɛ yɛ yang te ɛ te ɛn nyini nikpuru nigwaa mon lenɛ ne ishwim.

iFilibi 1:15

ɛTsak, nidɛng i tɔng ibol ɛKiriti de daa ɛnkyis gbik ne tɔk irywen, nidɛng ne i tɔng ne irway iywɛnɛng.

iFilibi 2:11

Tɛ ilwem ba gbik nang ishɛɛda wu, ɛYɛso ɛKiriti gha ɛbhɛ ɛ soye ɛDaray ya. Te ne nang ɛTaanggbey ye ne ɛ soye ɛTaa ne ndiinday.

2 ɛTimɔti 2:10

iPhɛ ɛlɛy, nggɛ ne tɔɔk nggbang nikɔn da gbik, ɛlɔ ninaa ne kɛ kasa nibhɛ wo, tɛ nibhɛ sɛ iphɔrɔt da ne ifɛ so ndɔ ɛYɛso ɛKiriti gha, nibhɛ ne ta sɛ ndiinday ne inat de.

ɛTitus 1:11

Nggbinggbing i yɛk nibhɛ nɛ nibhɛ kunggbyak, daa ɛli nɛ nibhɛ suruk ihywɛɛ ne idee de gbom daa ne mɛmɛ ne ɛkɔn na ne ɛ kɛ sang jam lenɛ ne sim iryat ɛbuu.

2 ɛBiturus 2:3

Ndɔ ne irisɛ nibhɛ de, nikyɛɛ ne icwam mɛnaa nggyɛ wo sɛ ne tɔng nyini irywɛɛk nɛ nibhɛ kɛ ku ryɔng nge nɛ tɛ nibhɛ sɛ ɛkɔn ne ibek mon. ɛHaa ne bol ɛshara nibhɛ gha kaa ne ku hyɛ nibhɛ ɛshara gha ne ile, ɛshara nibhɛ gha i ne hyep nibhɛ.