2 iKɔrɔntos 4:4 - ɛWee ne ìTsɛm iHywas

⁴ ɛShɛtan na ne i re ɛbhɛ ntsong ngaa, ne ɛbhɛ ɛ so ɛTaanggbey ne izam mɛghaa wo ne ɛ phebhe wo kɛ cwaal ninaa nɛ nibhɛ kɛ sang nang ne itin nɛ wo irway, tɛ nibhɛ sang yaang iwɛwɛy ne ito-ndiinday ne iBol iYɛnɛng ɛKiriti de ne ɛbhɛ soye izazurum ɛTaanggbey de.

2 iKɔrɔntos 4:4 ပူးပေါင်းရင်းမြစ်များ

ɛMacu 13:22

iHywee de ne ihywɛ kɛ ne ho ndɔ ne itsutsɔ da ne so te ninyi na ne i sɛ nibhɛ kɛ phok ibol ɛTaanggbey de nang, icwas nikɔn ɛzay, ne tɔk iryat ne cwaal nibhɛ, iphɛ ring ibol de ne hɔn ndɔ ne irway nibhɛ da, sɔng iphɛ ne tang yɛk ɛkɔn nang.

ɛYohana 1:14

iBɔrɔk ne ibol de kaa ne teye ɛTen ɛsii ɛ shɛɛ ndɔ njwɛɛn, njwɛɛn ne yaang ndiinday ɛbhɛ, ndiinday de ne iphɛ so idee ɛNgɔn ɛDaan ɛKyɛɛ. Ɛ kaa ne so hyɔrɔ ne izɛɛng gbik ne itin ne ibol.

ɛYohana 1:18

Sɔng ɛnyi kɛ ku yaang ɛTaanggbey yegha nang. ɛNgɔn ɛDaan na ne ɛ soye ɛTaanggbey ya, ne ɛ so ɛlɔ ɛKyɛɛ gha, ɛbhɛ kɛ ne te njwɛɛn seng ɛli ne ɛTaanggbey ya so.

ɛYohana 12:31

ɛLyilyɛghaa wo ne yaa bol ɛzay ya ɛshara gha; ɛlyilyɛghaa ne yaa ji roos ɛgɔm ɛzay yɛghaa wo ne igbom ɛbhɛ da.

ɛYohana 12:35

ɛYɛso gha ne kyii nɛ ɛ yɔngɔ, “Yaa nang nyini iWɛwɛy de ndɔ nten ncɛt, Hyel ɛn nten ne iwɛwɛy de ɛtuk tang phɔt nyini nɛ. Sɔng ɛnyi gha ne ɛ hyel ndɔ ɛtuk ka yɛɛ ɛlɔ gha ne ɛ phɛɛs sang.

ɛYohana 12:40

“ɛDaray ya kɛ cwaal nibhɛ irwisɛ, ɛ te irway nibhɛ gɛgɛy, te irwisɛ nibhɛ da doo ne wɛɛ irway nibhɛ da ta sang seng te sɔng nibhɛ ne hyereey ɛlɔ ɛTaanggbey ya ɛ te nibhɛ niken nang.”

ɛYohana 12:45

Gbik ɛnyi gha ne ɛ kɛ ne yaang me, ɛ kɛ ne yaang ɛhaa ne ɛ kɛ tom me.

ɛYohana 14:30

Sɔng ne ndɔ ne nten ne naa tɔ bol ne nyinɛn nang, daa ɛli ɛhaa ne igbɔm ɛzay yɛghaa wo yaaso. Sɔng ne ɛ bok igbɔm daa me wo nang.

ɛYohana 15:24

Sɛɛ yɔng nggɛ sang mɔn nikɔn na ne ɛhak ɛnyi gha kɛ sang ku mɔn ndɔ nibhɛ wo, sɔng nibhɛ sɛɛ ne bok ɛfɔt to nang. Nibhɛ kɛ ne yaang nikɔn na ne nggɛ mɔn no, gbik ne iphɛ ɛlɛy nibhɛ kɛ ne mbaray mee nibhɛ ta mbaray ɛKyɛɛ nge gha.

ɛYohana 16:11

Nibhɛ kɛ ne ta ben daa ne ibol hyɛ ɛshara gha daa ɛli ne kɛ ku hyɛ ɛgɔm ɛzay yɛghaa wo ɛshara.

ɛYohana 8:12

ɛYɛso gha ne ta boote nɛ ninyi na, ɛ yaak nibhɛ, “Mee nzo iwɛwɛy ɛzay de, ɛhiha ɛnyi ne ɛɛ roos me wo nang, sɔng aa ne hyel ndɔ gbyik kang, aa yang bok iwɛwɛy ne iken.”

ɛTomɛ 26:18

te ɛbhɛ phaal nibhɛ irwisɛ tɛ nibhɛ tek igbyik ge nibhɛ yɛɛs ne iwɛwɛy, nibhɛ tek igbɔm ɛShɛtan da nibhɛ yɛɛ ne igbɔm ɛTaanggbey. Te ne hana nibhɛ ne ɛfɔt nibhɛ wo nibhɛ sɛ ɛwɛng nga ne sɛ nang gbik ninaa nɛ nibhɛ kɛ te ne iwɛwɛy ya daa ɛli nɛ nibhɛ kɛ nang ne itin nɛ wo.’ ”

ɛTomɛ 26:23

Wu iphɛ so nggbinggbing ɛKiriti gha sɛ sɔ nggbang. Wu ɛbhɛ sɛ ne so ɛhaa ɛyisɛ yɛ ne ɛ sɛ yilitsik ndɔ ne ikpuu da. ɛLɔ ne ikpom i shɛɛ nɛ wo, ne lenɛ ɛlɛ wo i yɛɛs niYahodawa na nɛ ninaa ne hame nibhɛ so niYahodawa na ne iwɛwɛy gbik.”

1 iKɔrɔntos 10:20

Kwa, ninaa ne re igunkyi de ntsong i ihap niphoo itsanga de, sɔng ɛTaanggbey nang, sɔng nzi ne sim te ɛ sɛ te nyini nidaan nɛ nɛ niphoo na nang.

2 iKɔrɔntos 2:11

Nggɛ ne hana wo, daa ɛli ne ɛShɛtan na yaa yung sɛ ikɛk ne luk njwɛɛn. Daa ɛli ne njwɛɛn i yɛɛ iluk ɛbhɛ da ncɛncɛng.

2 iKɔrɔntos 2:12

Kaa ne sɛ nggɛ phɛ ne iTurasa te mbɛ sanga iBol iYɛnɛng ɛKiriti de, nggaa ne bhɛ sɛ ɛDaray ya kɛ ku ryɔng me ɛlɔ yɛ.

2 iKɔrɔntos 3:11

Wu ɛkɔn na ne aa phee wo kaa yɛɛs ne ndiinday de, ndiinday ɛhaa ne inat de yaa ne ji so ɛli daa mɛɛ?

2 iKɔrɔntos 3:14

Kaa ne ku cwaal irway nibhɛ da. iZenge ɛlɛ, ɛtura yɛwoo wo ne ɛbhɛ ring nibhɛ ne seng itin de i ne sonɛ nten de nɛ nibhɛ tɔng ɛwee ne ìtsɛm itsɛl lo, daa ɛli ne i yɛɛ ne phaal ɛtura yɛ lenɛ ne ɛKiriti gha zɔng.

2 iKɔrɔntos 3:18

Njwɛɛn no ne kɛ sang cwaal ɛyisɛ njwɛɛn na nang, njwɛɛn ne tɔɔsel ndiinday ɛDaray de, ne jii hyeem njwɛɛn te njwɛɛn te te ɛbhɛ. iHyeem ba ne hyeem njwɛɛn no ne hanas se ne ndiinday, ndiinday de ne iphɛ le ɛlɔ ɛDaray ya ne ɛ so iKabyik ge.

2 iKɔrɔntos 4:6

ɛTaanggbey ya ne ɛ kaa yɔngɔ, “Te iwɛwɛy tol ndɔ gbyik,” ɛbhɛ kɛ ne te iwɛwɛy de i tol ndɔ ne irway mos da te ne i tol ninyi na, nibhɛ seng ito-ndiinday ɛTaanggbey de ɛyisɛ ɛKiriti gha.

iGalatiya 1:4

ɛKiriti gha kɛ nang ito ɛbhɛ ɛlɔ ne ɛfɔt njwɛɛn te ne ɛ phɔt njwɛɛn ndɔ ɛzay ɛbebhe yeghaa wo ɛli ne ɛTaanggbey ya ne ɛ so ɛKyɛɛ njwɛɛn na i sim.

iFisus 2:2

Nten nɛdee nggyɛ wo ˆɛ kaa ne i roos ɛn icwas ɛzay yɛdaa wo nɛ, ˆɛ roos ɛn ɛShɛtan ne ne ɛ re igbɔm daa ikpabyik ɛzay ne i sang yaang. Ɛbhɛ ɛ soye ikabyik kɛdee nggyɛ wo ne iphɛ mɔn ɛtomɛ gha ndɔ ne irway nisang-phok.

iFisus 6:12

Daa ɛli ne sɔng njwɛɛn cwaasek en nɛ niten ne sii nang. Njwɛɛn i yang cwaasek en ne ikpabyik ivebhe ɛdaa ne irywa, nɛ nigɔm ne ikpabyik ivebhe da nɛ nibhɛ bok igbɔm ɛzay yɛdaa wo, gbik ne ikpabyik ivebhe ne ifɛ i hyel daa ne igbil.

iFilibi 2:6

Gbik ɛli ne ɛ so ɛTaanggbey ya, sɔng ɛ kɛ ne bo iTaanggbey ɛbhɛ de te ɛkɔn ne aa wum gɛgɛy nang.

iKɔlɔsi 1:15

ɛKiriti gha soye izazurum ɛTaanggbey de ne hame i yɛɛ ne yaang ne irwisɛ. Ɛbhɛ soye ɛngɔn ɛkɔɔn ndɔ nikɔn na ne kɛ ryɔng ngo gbik.

iKɔlɔsi 1:27

iCwas ɛTaanggbey da ne so tɛ ninyi ɛbhɛ na seng wu ɛkɔn ɛgying ngɛghaa wo ne ɛ soye iryat de ɛ bok ne ndiinday de ma so ɛhaa ninyi na ne hame nibhɛ so niYahodawa na. ɛKɔn ɛgying ngɛghaa wo ne so ɛlɛ, ɛKiriti gha so ndɔ mon, ˆɛ sɛ ne sɛ ɛn ihop ne ito-ndiinday ɛbhɛ de.

1 ɛTimɔti 1:11

iMɛmɛ ne itin nɛdaa wo so daa ne ibol iyɛnɛng ne iphɛ shɛs idee ɛTaanggbey ne ɛ so ɛhaa ɛwɛng. iBol iyɛnɛng ngge ne kɛ nang me te n sanga wo.

ɛTitus 2:13

Njwɛɛn i shɛɛ ɛlɛ wo i hyep ɛtuk ɛwɛng nga ne njwɛɛn kɛ yɛk ne irway da. Nten de ne ito-ndiinday ɛTaanggbey ne nindiinday ɛHaa ne Phɔt njwɛɛn ɛYɛso ɛKiriti gha sɛ tɔɔl le wo.

iBirani 1:3

ɛNgɔn na ɛbhɛ so iwɛwɛy ne ndiinday ɛTaanggbey de, ɛɛ ne ta tɔɔsel ɛli ne ɛTaanggbey ya so. Ne ɛ ta so kancɛng ne ɛTaanggbey ya. Ɛ kɛ ne wum nikɔn na kyus lenɛ ne ibol ɛbhɛ ne iphɛ bok ihwet. ɛTsim mɛ ne ɛ kɛ phaal ɛnkiinɛ ne kuus ɛfɔt to, ne ɛ ji soos ɛcuruu ne igbɔm ne iwɔ ne irwye ɛTaanggbey ɛHaa ne Ndiinday gbik.

iBirani 6:4

Daa ne ito ninyi de nɛ nibhɛ kɛ kyii ne ɛtsim ma nibhɛ tek ìnang ne itin de, sɔng tang yɛɛ ne kyii nɛ nibhɛ nibhɛ san ɛbɔk ka nang. Daa ne ito ninaa nɛ nibhɛ kaa tsa nibhɛ so ndɔ ne ɛwɛwɛy ɛTaanggbey yo, nibhɛ phɔwɔ ɛnggɔnggɔɔt nikɔn niyɛnɛng ɛdaa ne irywa na, nibhɛ bok ihop ndɔ ne iKabyik ɛTaanggbey de.

2 ɛBiturus 1:19

iPhɛ ɛlɛy, njwi kɛ ne hante ne yɛk ihwet daa ne ivol ninabawa de nɛ nibhɛ kaa tɔng ngo. iPhɛ kɛ ne jam mɛ ɛ kyii ɛn ne ihywɛɛ mon yɛnɛng daa ne iphɛ, daa ɛli ne iphɛ so te igboo ne ifɛ tol i ndɔ gbyik ihwɛlɛ phyii wuru. iWɛwɛy ɛDaray de i ne tol ndɔ ne irway mon da te ɛli ne ɛyuyɔrɔ ɛraam ne ihwɛlɛ gha i tol ɛzay ya.

1 ɛYohana 2:11

Gbik ɛnyi gha ne ɛ ne mbaray ɛgwaa ɛbhɛ gha ne ɛ so ndɔ gbyik, ɛ ta hyel ndɔ gbyik, sɔng ɛ yɛɛ ɛlɔ gha ne ɛ phɛɛs nang, daa ɛli ne igbyik ge kɛ hyere ɛbhɛ ɛ teye ɛhaa ne iwil.

1 ɛYohana 2:8

Gbik ne iphɛ ɛlɛy, nzi ne haa nyini ikpii ifas, daa ɛli ne i yaang itin ne ifɛ ndɔ ɛKiriti gha gbik ne nyinɛn, igbyik ge i taasel le, ɛwɛwɛy ne itin de kɛ ne tsa itol.

1 ɛYohana 5:19

Njwɛɛn i yɛɛ wu njwɛɛn soye ninɔn ɛTaanggbey, ɛzay ya gbik ne so ne iwɔ ɛShɛtan.