2 iKɔrɔntos 4:2 - ɛWee ne ìTsɛm iHywas

² Njwi kɛ yang mbaray nikɔn ncwa na ne i rɛrɛs so, sɔng njwii iwul irywɛɛk nang, sɔng njwii hyeem ibol ɛTaanggbey de njwi tɔng nang. Njwii yang tɔng itin de wɛsɛrɛk, ɛTaanggbey i yɛɛ iphɛ ɛlɛy, gbik ninyi na ne yɛɛ wu iphɛ so itin nɛ ndɔ ne irway nibhɛ.

2 iKɔrɔntos 4:2 ပူးပေါင်းရင်းမြစ်များ

iRooma 1:16

Sɔng n bok ncwa ne iBol iYɛnɛng ngge nang, daa ɛli ne iphɛ so ihwet ɛTaanggbey ne iphɛ phɔt gbik ɛnyi gha ne ɛ kɛ nang ne itin nɛ: i tsa nɛ niYahodawa ne ji kungus nɛ ninyi na ne hame nibhɛ so ɛn niYahodawa.

iRooma 6:21

iKyee ne ɛ kɛ ne sɛ ɛn daa nikɔn nɛnaa nggyɛ wo nɛ nibhɛ kɛ teye nikɔn ncwa na ɛlyilyɛghaa woo? Nikɔn nɛnaa wo i yɛɛs ne iku zɔng.

1 iKɔrɔntos 4:5

iPhɛ ɛlɛy sɔng ne ɛ hyɛ ɛn ɛshara gha nten nɛ tɔ wo nang, hyep ɛn te ɛDaray ya kyi bhɛ kyii nyɛɛn. Ɛbhɛ sɛ phaal nikɔn na nɛ ninyi na kɛ rɛɛ ndɔ gbyik ka, ɛ ta te i seng icwas ne irway ninyi na. Nten nɛdee nggyɛ wo ɛrɔngɔ sɛ ne ji say idɛp ɛTaanggbey da cɛcɛɛy ne ɛtomɛ ɛbhɛ.

2 iKɔrɔntos 1:12

Njwii lɛng ɛgyɛy daa ɛli ne icwas ne irway mos kɛ tɔɔrek wu njwi kɛ shɛɛ ishwɛɛ kang, ne irway mos ijwaan ndɔ ɛzay ya. Yang ji so ndɔ ne ishwɛɛ da ne njwi kɛ shɛɛ ne nyinɛn no. Naa yɔng njwi kɛ mɔn ɛlɛ wo ndɔ ne itin nɛ te ɛTaanggbey lenɛ ne izɛɛng ɛTaanggbey de, sɔng ne ntsɛntsɛng ɛzay yɛdee nang.

2 iKɔrɔntos 11:3

Ne n bok ɛnik wu irway mon yaa yung hyereey, ɛ tek ɛn ishwim iywɛnɛng mon da ne ɛ sim ɛn ɛKiriti yegha. Aa yung hyere nyini ɛli ne ɛWaawu gha kaa hyereey yo nten de ne izɔ de kaa luk ɛbhɛ ne ntsɛntsɛng igywebhe ne ihywɛ de.

2 iKɔrɔntos 11:6

Yaa rɔk sɔng nggɛ bel ne ivol da nang, ne n jung bok ishweng. Njwi kɛ tɔɔrek nyini ɛlɛy ndɔ nikɔn na gbik.”

2 iKɔrɔntos 2:17

Sɔng njwi so te ɛbyin ninyi na nɛ nibhɛ sanga ibol ɛTaanggbey de tɛ nibhɛ tɔk iryat nang. Njwi yang so ninyi ne ɛTaanggbey ya ɛbhɛ ɛ kɛ tom njwii, njwii ne bol itin nɛ ɛTaanggbey i ne yɛɛ, daa ɛli ne njwi so ninaa ɛtomɛ ɛKiriti gha.

2 iKɔrɔntos 5:11

Daa ɛli ne njwii yɛɛ ɛkɔn na ne i bo wu te tel ɛnik ɛTaanggbey yo, iphɛ kɛ ne te njwii kyangase nɛ te njwii yaang njwi kɛ hɔ nidɛng ndɔ ne say itin ibol ɛTaanggbey de. ɛTaanggbey ya i yɛɛ ɛli ne njwi so, nzi ne ma wɛɛ te ɛ ma yɛɛ ɛn ndɔ ne irway mon ihywee ninyi de ne njwi so.

2 iKɔrɔntos 6:8

I naas njwi ne ndiinday ne kyii bɛɛs njwi. I ne dɛp njwii ne kyii towos njwii. I bo wu njwi so ninaa ne wul irywɛɛk, gbik ne ɛlɛy njwi ne soye ninaa ne tɔng itin nɛ.

2 iKɔrɔntos 7:14

Ɛli ne nggɛ tɔng ɛbhɛ wu nzi hal ɛgyɛy ya ne nyinɛn no, sɔng nggɛ ne sɔ ncwa nang. Ɛli ne gbik ɛkɔn na ne njwi kɛ tɔng nyini wo ɛ so itin nɛ wo, ɛlɛy ne hal ɛgyɛy mos da daa mon no kɛ ma teye itin nɛ ɛnu ɛyisɛ ɛTitus sa.

iFisus 4:14

Kɛ mɔn ɛlɛ wo te njwɛɛn kɔɔng nge kaan ne ihywɛɛ njwɛɛn de tɛ ninɔn nishɛɛrɛng nga. Te njwɛɛn sang teye ninyi ne i kaan ne ihywɛɛ nibhɛ te icwen ne igbil kɛ luu. Te njwɛɛn sang teye ninyi ne imɛmɛ ne iluk i hyeem ihywɛɛ nibhɛ ifɛ bok ngɛ nilɔ na kang-ka-kang.

iFisus 5:12

Daa ɛli ne iphɛ so ɛkɔn ncwa, i tɔng nikɔn na nɛ nisang-phok ka i mɔn gying ngo.