2 iKɔrɔntos 4:16 - ɛWee ne ìTsɛm iHywas

¹⁶ iPhɛ ɛlɛy, sɔng njwi kɛ ne tul irway nang. Gbik ɛli ne ibek mos sɛ de wo i bees se wo, ikabyik mos de ne tes se iphas sɛ izenge ne ihwɛlɛ.

2 iKɔrɔntos 4:16 ပူးပေါင်းရင်းမြစ်များ

ɛLuka 11:3

Nang njwi ɛkɔn ne re izenge ne ɛhaa ne re cɛcɛɛy.

iRooma 12:2

Sɔng ɛ tek ɛn icwas mon da te ɛli icwas ninaa ɛzay yɛnaa wo so wo nang, yang tek ɛn te ɛTaanggbey yegha sunu icwas mon da gbik, ɛ te icwas mon da teye ifas sɛ, aa ne ji yɛɛ ne seng ɛn ɛkɔn na ne ɛTaanggbey ya i sim mo, ne ɛkɔn na so ɛyɛnɛng ngɛ wo ne ɛhaa ne ɛ so hyɔrɔ wo.

iRooma 7:22

Ndɔ ɛkyukyum ne irway nge, ɛshara ɛTaanggbey ya kɛ jam.

1 iKɔrɔntos 15:58

iPhɛ ɛlɛy nigwaa nge ne nzi sim, kyinak ɛn ne ihwet, sɔng ɛkɔn sungki nyini nang. See ɛn ito cɛcɛɛy ndɔ ɛtomɛ ɛDaray ya, daa ɛli ne ɛ yɛɛ ɛn sɔng ɛdɛ ɛkɔn na ne ɛ kɛ mɔn ɛn ɛDaray yegha nɛ wo sɛ te buu nang.

2 iKɔrɔntos 12:15

iPhɛ ɛlɛy naa ne phoo gbik ɛkɔn na ne n bok daa mon no ne irway ihwala, naa ma yung nang ito nge. Wu nzi ne sim nyini gbom ɛlɛ wo aa ne ji sim ɛn mɛɛn ncɛt bɛ?

2 iKɔrɔntos 4:1

iPhɛ ɛlɛy, daa ɛli ne njwii mɔn ɛtomɛ yɛghaa wo lenɛ ne isan iyɔm ɛTaanggbey, sɔng njwi aa ne tul irway nang.

iFisus 3:16

Nzi bol ne ɛTaanggbey ya wu te ɛ nang nyini ìnang ne ito-ndiinday ɛbhɛ ne iphɛ sang ɛgak, te ɛ te nyini itsɔngɔl gɛgɛy ne ihwet ɛbhɛ te ˆɛ yɛk ɛn irywa nviit lenɛ ne iKabyik ɛbhɛ.

iFisus 4:23

iPhɛ kɛ jam mɛ i hyere icwas mon da gbik ne ihywɛɛ mon de ifɛ teye ifas sɛ.

iKɔlɔsi 3:10

ˆƐ kɛ bo ɛn ishwɛɛ ifas. iShwɛɛ yɛdaa wo ne ɛTaanggbey ya ne ɛbhɛ kɛ ryɔng ngo i ne hanas ne tes ifɛ ifas ndɔ mon no ne ˆɛ so ɛn izazurum ɛbhɛ de te ˆɛ hɔn ɛn ndɔ ne seng ɛbhɛ.

ɛTitus 3:5

ɛTaanggbey ya ne phɔt njwɛɛn, sɔng daa nikɔn nicik ne njwɛɛn kɛ mɔn nang. Kɛ yang lenɛ ne isan iyɔm ɛbhɛ ɛ phɔt njwɛɛn no lenɛ ne ikabyik ɛTaanggbey de ne iphɛ kɛ kuus njwɛɛn, iphɛ nang njwɛɛn iyɛk ifas, iphɛ ta i tes njwɛɛn niphas sɛ.

1 ɛBiturus 3:4

Te izel lɛ yang teye izee ne irway, kaabi izel ne ihywɛɛ gbik ne ìyak ne ihywɛ sang bees se, ihywɛ so ɛkɔn ne dɛp ɛlɔ ɛTaanggbey.

1 ɛBiturus 4:14

Wu kɛ towos nyini daa ɛli ne ɛ so ɛn ninaa ne roos ɛKiriti yegha, ne ɛ so ɛn nyini ninaa ɛwɛng daa ɛli ne iphɛ kɛ tɔɔrek wu iKabyik gbom be, ne iphɛ so idee ɛTaanggbey de, so ndɔ mon.