2 iKɔrɔntos 4:10 - ɛWee ne ìTsɛm iHywas

¹⁰ iZenge ne ihwɛlɛ, njwi so ɛnu ne iku te ɛYɛso gha, te sɛ yaang ihywee ne ishwɛɛ ɛYɛso da ndɔ ne ibek mos de ne iphɛ so idee ne ku de.

2 iKɔrɔntos 4:10 ပူးပေါင်းရင်းမြစ်များ

ɛYohana 14:19

Yaa phyɔngɔle ncɛt sɔng ɛzay ya yaa ne tɔ yaang me nang. Aa ne i yaang ɛn mɛɛn daa ɛli ne nzo ɛken, aa ne ma shɛɛ ɛn niken na.

iRooma 6:5

Wu kɛ byinki njwɛɛn ne ɛbhɛ ndɔ ne iku ɛbhɛ de, iphɛ ne so nggbinggbing sɛ ma byinki njwɛɛn ne ɛbhɛ ndɔ ne yilitsik ne ikpuu ɛbhɛ da.

iRooma 6:8

Te ɛli ne njwɛɛn kɛ ne ku nɛ ɛKiriti gha, njwɛɛn kɛ ne nang ne itin nɛ njwɛɛn sɛ shɛɛ niken ne ɛbhɛ dɔng.

iRooma 8:36

Te ɛli ne kɛ haa ndɔ ne ɛwee ne ibol ɛTaanggbey yo bo: “ɛLɔ nggyɛ ne njwi yaang iku cɛcɛɛy kɛ bo njwii te ᐩigyol ntsabhak ne yaa hyɛghɛ.”

2 iKɔrɔntos 1:5

ɛLi ne njwɛɛn i sɔ nggbang ga ɛli ne ɛKiriti gha ne ito ɛbhɛ de kɛ sɔ wo, ɛlɛy ne yaa ne ma ta lenɛ ne ɛDaray ya njwɛɛn sɛ iwɔrɔp ɛTaanggbey da.

2 iKɔrɔntos 1:9

Nggbang ngga kaa te njwi ku yaa phok ndɔ ne irway mos da te kɛ hyɛ njwii ɛshara ne iku. Nggbang ngga kaa ne sɛ njwii ɛlɛ wo ɛlɔ ne njwii aa yung yaa wɛɛ te njwii mɔn ɛtomɛ ne ihwet mos, mpɛ kaa ne te ɛlɛ wo te njwi yang wɛɛ ɛTaanggbey ye ne ɛbhɛ ɛ so ɛhaa ne yiisik ninaa ne ikpuu na tsik ko.

2 iKɔrɔntos 13:4

Gbik ɛli ne kaa gangat ɛKiriti yegha ndɔ ne kyɔkyɔt de, ne ɛ so ɛken lenɛ ne ihwet ne ndiinday ɛTaanggbey. Njwi ne ma so kyɔkyɔt ndɔ ɛKiriti gha, gbik ne iphɛ ɛlɛy, njwi ne so niken lenɛ ne ihwet ne ndiinday ɛTaanggbey te njwi mɔn ɛtomɛ gha ne njwi yaa mɔn ndɔ mon no.

2 iKɔrɔntos 4:11

Gbik ndɔ ne ishwɛɛ mos da, njwi so ɛnu ne iku ɛlɔ ne ibol ɛYɛso de, te sɛ yaang ishwɛɛ ɛYɛso da ndɔ ne ibek mos de ne iphɛ so idee ne iku de.

iGalatiya 6:17

Naa ne ta yaak nyini, sɔng ɛdɛ ɛnyi ne tang ta tak me iyɔm be nang, daa ɛli ne itsili de ne n bok ne ibek nge de kɛ tɔɔrek wu n some ɛkpuru ɛYɛso gha.

iKɔlɔsi 1:24

ɛlyilyɛghaa wo, ne n bok irway ihwala ɛlɔ ne nggbang ngga ne nzi sɔ ɛlɔ mon no. Daa ɛli ne yaa lenɛ ne nggbang ngɛdaa wo n shwaak ɛkɔn na ne ɛ kɛ mak ndɔ ne nggbang ngga ne ɛKiriti gha kaa sɔ ɛlɔ idira ninaa ne roos de nɛ nibhɛ soye ibek ɛbhɛ de.

2 ɛTimɔti 2:11

iBol lɛdee wo so sɛ kyinak daa ne iphɛ, iphɛ i bo, Wu njwɛɛn kɛ ku ne ɛYɛso gha, njwɛɛn sɛ ne shɛɛ niken ne ɛbhɛ.

1 ɛBiturus 4:13

Yang yɛk ɛn irway ihwala, daa ɛli ne ɛɛ ma sɔ ɛn ihywee ne nggbang ngga ne ɛKiriti gha kaa sɔ wo, te ɛ sɛ ne ma bok ɛn irway ihwala wɛlɛng ɛgak, nten de ne ɛYɛso gha sɛ wuru ndɔ ne ndiinday ɛbhɛ de.

1 ɛBiturus 4:14

Wu kɛ towos nyini daa ɛli ne ɛ so ɛn ninaa ne roos ɛKiriti yegha, ne ɛ so ɛn nyini ninaa ɛwɛng daa ɛli ne iphɛ kɛ tɔɔrek wu iKabyik gbom be, ne iphɛ so idee ɛTaanggbey de, so ndɔ mon.

Nikɔn ne kɛ Phaal 1:17

Ne sɛ nggɛ yaang ɛbhɛ, ne n ho ne ivel ɛnu ɛyisɛ ɛbhɛ te ikom. Ne ɛ ji bo iwɔ ne irwye ɛbhɛ ɛ dat me nɛ, ne ɛ yaak me, “Sɔng ɛ phok ɛnik ko nang, mee nzo me ɛYisɛ yɛ ne ɛTsim mɛ.”