2 iKɔrɔntos 4:1 - ɛWee ne ìTsɛm iHywas

¹ iPhɛ ɛlɛy, daa ɛli ne njwii mɔn ɛtomɛ yɛghaa wo lenɛ ne isan iyɔm ɛTaanggbey, sɔng njwi aa ne tul irway nang.

2 iKɔrɔntos 4:1 ပူးပေါင်းရင်းမြစ်များ

ɛLuka 18:1

ɛYɛso gha kaa ta tɔng ninɔn ne icwam ɛbhɛ na idɛ ibol ne igɔrɔp be ne iphɛ yaa mɛmɛ nibhɛ nɛ ɛli nibhɛ yaa ku i bol ne ɛTaanggbey tang nibhɛ te kpos.

1 iKɔrɔntos 3:5

ɛPolos sa so ɛhay? ɛBulus sa ne so ɛhay? Nzi bo nibhɛ so ninaa ɛtomɛ zɔng ne ɛ kɛ nang ɛn ne itin nɛ lenɛ ne ibol nɛ nibhɛ kɛ tɔng nyini. Nibhɛ wo, ɛrɔngɔ i ne mɔn ɛtomɛ gha ɛli ne ɛDaray kɛ nang ɛbhɛ.

1 iKɔrɔntos 7:25

Daa ne bol nikuk ge nɛ nibhɛ tɔ tang niras sa, sɔng ɛDaray ya kɛ mɔng me ibol nang. Gbik ne iphɛ ɛlɛy, nzi ne naas icwas nge te ɛnyi ne ɛ kɛ hɔn sɛ kyinak daa ne ibol ɛbhɛ lenɛ ne isan iyɔm ɛDaray de.

2 iKɔrɔntos 3:12

Daa ɛli njwɛɛn kɛ sit irwisɛ da daa ne ìtsɛm ihywas de, iphɛ kɛ ne te njwɛɛn tek irway njwɛɛn tɔrɔk.

2 iKɔrɔntos 3:6

Ɛbhɛ kɛ te njwi kɛ yɛɛ ne teye ninaa ɛtomɛ ne ibol ne ìtsɛm ihywas de ne kɛ rop po, izee ne sɔng i lenɛ ne ikpii ne kɛ haa nang, i yang lenɛ ne iKabyik, daa ɛli ne iKpii da ne kɛ haa wo i yɛɛs ne iku, iKabyik ge i ne nang iken.

2 iKɔrɔntos 4:16

iPhɛ ɛlɛy, sɔng njwi kɛ ne tul irway nang. Gbik ɛli ne ibek mos sɛ de wo i bees se wo, ikabyik mos de ne tes se iphas sɛ izenge ne ihwɛlɛ.

2 iKɔrɔntos 5:18

Gbik nikɔn nɛnaa wo ɛTaanggbey ya ɛbhɛ kɛ mɔn. ɛTaanggbey ya kɛ te njwɛɛn ne kaa soye ninaa ne iphup ɛbhɛ njwɛɛn tes en nitaay ɛbhɛ lenɛ ne ɛKiriti gha. Ɛ kɛ ne ma nang njwɛɛn ɛtomɛ ne phyik nihak ninyi nibhɛ tes en nitaay ɛbhɛ.

iGalatiya 6:9

Sɔng njwɛɛn te kpos ne mɔn nikɔn ne yɛnɛng nga nang, daa ɛli ne nten nɛ yaaso ne njwɛɛn sɛ bhɛ pha nikɔn na ne njwɛɛn kɛ tubhus so, wu njwɛɛn kɛ sang te kpos kɔp.

iFisus 3:13

iPhɛ ɛlɛy, nzi ne roro ne nyinɛn, sɔng ˆɛ te ɛn kyɔkyɔt daa ne nggbang ngga ne nzi sɔ ɛlɔ mon na nang. Nggbang nge da so te iphɛ phyik nyini.

iFilibi 4:13

Nzɛ yɛɛ ne shɛɛ ishwɛɛ da ne nggɛ sɛ ito nge nɛ daa ɛli ne ɛKiriti gha ɛbhɛ ɛ naas me ihwet tɛ.

2 iTasɔlɔnika 3:13

Nyinɛn no nigwaa en, sɔng ne ˆɛ te ɛn kpos ne mɔn iyɛnɛng ngge nang.

1 ɛTimɔti 1:13

Gbik ɛli ne nggaa so ɛhaa ne bol ivol ne bɛɛs ɛTaanggbey yegha, ne ɛhaa ne baasek ninaa ne roos ɛbhɛ na nggbang ngga, ne ɛhaa ne towos ɛTaanggbey yegha, kaa ne tɔɔrek me isan iyɔm. Daa ɛli ne nggaa mɔn nikɔn nɛnaa wo daa ne yɔm ne iyɛɛ gbik ne yɔm ìnang ne itin.

iBirani 12:3

Yung tas ɛn ne ɛYɛso gha ne ihywee ɛbɔk ge ne ɛ kɛ bo daa ne mbaray da nɛ ninaa ne ɛfɔt ta kɛ mbaray ɛbhɛ wo! iPhɛ ɛlɛy sɔng ne ɛ te ɛn kpos, ɛ tul ɛn irway nang.

1 ɛBiturus 2:10

Ne ile de, sɔng ɛ kaa so ɛn ninyi ne kɛ bo te ɛkɔn nang, ɛlyilyɛghaa wo, ne ɛ ji so ɛn ninyi ɛTaanggbey ya. Ne ile de, sɔng ɛ kaa say ɛn isan iyɔm ɛTaanggbey de nang, ɛlyilyɛghaa wo, ɛ kɛ ne say ɛn ìsan iyɔm ɛTaanggbey de.

Nikɔn ne kɛ Phaal 2:3

Nzi yɛɛ ɛ bok ɛbɔk, ɛ kɛ ne sɔ nggbang gagak ɛlɔ ne irywɛɛk nge wo, sɔng ɛ kɛ ne te kpos nang.