2 iKɔrɔntos 3:8 - ɛWee ne ìTsɛm iHywas

⁸ igbom ne ndiinday de ne iphɛ so idee ne iKabyik ge sɛ ne ji so ɛli daa mɛɛ?

2 iKɔrɔntos 3:8 ပူးပေါင်းရင်းမြစ်များ

ɛYohana 1:17

Kɛ lenɛ ne ɛMuusaa ne nang ɛShara gha; kɛ ne ji lenɛ ne ɛYɛso ɛKiriti gha ne nang izɛɛng ne itin de.

ɛYohana 7:39

ɛYɛso gha kaa ne i bol ibol ne iKabyik nɛ ninaa ne nang ne itin na sɛ kyii mɔn nibhɛ sɛ. Nten nɛdee nggyɛ wo nang, sɔng kaa ku nang iKabyik ge nang, daa ɛli ne kaa kyi tɔ tang tɔɔk ɛYɛso yegha ndɔ ne ndiinday.

1 iKɔrɔntos 3:16

Ɛ doo ɛn ɛli ne nyinɛn no ne ito mon de ɛ so ɛn ideng ɛTaanggbey de ne iKabyik ɛTaanggbey de i shɛɛ ndɔ mon no naa?

2 iKɔrɔntos 11:4

Daa ɛli ne ɛ bok ɛn ihywarat ne say ibol nihak ninyi nɛ nibhɛ kɛ yɛɛs ɛlɔ mon na. Ɛ say ɛn mɛmɛ nibhɛ daa ɛYɛso gha ivaa ne ifɛ labhe ne ivaa ne njwi kɛ tɔng nyini wo, ɛ ta say ɛn ihak ikabyik ne iphɛ labhe ne idee ne ɛ kɛ ku say ɛn no, ɛ ta say ɛn ihak ibol iyɛnɛng ne iphɛ labhe ne idee ne ɛ kɛ say ɛn ɛlɔ mos sa.

2 iKɔrɔntos 3:17

ɛDaray ya ɛbhɛ ne ɛ so iKabyik ge. ɛLɔ gha ne iKabyik ɛDaray de ne sonɛ wo, ninyi yɛ yaa ne sɛ ishwɛɛ ne ito nibhɛ.

2 iKɔrɔntos 3:6

Ɛbhɛ kɛ te njwi kɛ yɛɛ ne teye ninaa ɛtomɛ ne ibol ne ìtsɛm ihywas de ne kɛ rop po, izee ne sɔng i lenɛ ne ikpii ne kɛ haa nang, i yang lenɛ ne iKabyik, daa ɛli ne iKpii da ne kɛ haa wo i yɛɛs ne iku, iKabyik ge i ne nang iken.

2 iKɔrɔntos 3:7

Kaa haa iMɛmɛ ɛMuusaa da daa ne iKpɛɛ ne kɛ sɛp te igbii, ndiinday ɛTaanggbey kaa ne toolte nten de ne yaa nang iphɛ wo. iHywɛɛ ne itol da ne iphɛ kaa so ɛyisɛ ɛMuusaa gha kaa so idee ne iphɛ yaa phee, gbik ne iphɛ ɛlɛy iphɛ kaa ne toolte gbom ɛli ne hame ninyi niSɛrɛla na yaa yɛɛ ne wɛɛ ɛyisɛ ɛbhɛ gha. Wu iMɛmɛ yɛdaa wo ne iphɛ yɛɛs ne iku de kɛ yɛɛs ne ndiinday de ɛlɛ wo,

2 iKɔrɔntos 3:9

Wu ɛkɔn na ne ɛ yɛɛs ne iku de kɛ sɛ ndiinday de, iphɛ ne so nggbinggbing ɛkɔn na ne ɛ yɛɛs ne cik ɛTaanggbey de ya phyin ne ndiinday de gbom.

iGalatiya 3:14

ɛKiriti gha kɛ mɔn ɛlɛ wo te ne lenɛ ne ɛbhɛ ɛYɛso ɛKiriti gha ninaa ne hame nibhɛ soye niYahodawa na ma sɛ ɛwɛng nga ne ɛTaanggbey ya kɛ sit ɛBaraying nge gha nɛ wo, lenɛ ne ìnang ne itin de te iKabyik ge ne ɛTaanggbey ya kaa ku sim-mɛ wo.

iGalatiya 5:5

Njwit to ne njwi shɛɛ ishwɛɛ ne iKabyik ga, njwi kɛ yɛk ne irway sɛ lenɛ ne ìnang ne itin ndɔ ɛKiriti gha; ɛTaanggbey ya say njwii wu njwi so cik ɛli ne ɛ kaa ku sim-mɛ wo.

iFisus 2:18

Daa ɛli ne i lenɛ ne ɛKiriti gha njwɛɛn itaang ifaa de, niYahodawa na nɛ ninaa nɛ nibhɛ sang so niYahodawa na i yɛɛ ne lel ɛnu ɛyisɛ ɛTaanggbey ya ne ɛ so ɛTaa gha ne ɛnkiinɛ ɛdaan nɛ, kaabi iKabyik ge.

2 iTasɔlɔnika 2:13

iPhɛ so nggbinggbing njwi tɔɔrek ɛTaanggbey ye irway ihwala daa mon nigwaa en ne ɛDaray ya i sim mo. Daa ɛli ne ɛTaanggbey ya kaa ku kasa nyini te ɛ te ɛn nyini ninaa ɛyisɛ yɛ ne kɛ phɔt. Ɛ kɛ mɔn ɛlɛ wo lenɛ ne ɛtomɛ ne iKabyik ge ne iphɛ kɛ tul nyini kang gbik ne ìnang ne itin mon ndɔ ne itin de.

1 ɛBiturus 1:2

Nyinɛn no ne ɛTaanggbey ya ne so ɛTaa gha kaa ku i yɛɛ nyini ɛ kasa nyini ne ile lenɛ ne iKabyik ɛbhɛ de, ɛ tul nyini kang ɛ te ɛn nyini ninyi ɛbhɛ, te ɛ roos ɛn ɛYɛso ɛKiriti ye, ɛ sɛ ɛn iyɛnɛng daa ne neyi ɛbhɛ na ne ɛ kɛ lok ko. Te iyɛnɛng ne irway ne laal ɛTaanggbey shɛɛ ne nyinɛn cɛcɛɛy.