2 iKɔrɔntos 3:12 - ɛWee ne ìTsɛm iHywas

¹² Daa ɛli njwɛɛn kɛ sit irwisɛ da daa ne ìtsɛm ihywas de, iphɛ kɛ ne te njwɛɛn tek irway njwɛɛn tɔrɔk.

2 iKɔrɔntos 3:12 ပူးပေါင်းရင်းမြစ်များ

ɛYohana 10:24

niYahodawa na ne bhɛ tumɛy ɛlɔ ɛbhɛ gha, nibhɛ ne yaak ɛbhɛ, “Aa tek njwii ndɔ ne irip ba bhɛ hɔn iya nten ne? Wu igyɛ ɛ soyɛ ɛKiriti gha mɔng njwi itin nɛ.”

ɛYohana 16:25

“Nggɛ bol nɛ nyinɛn ndɔ ne igɔrɔp, nten ne yaaso ne sɔng nzɛ tang bol ndɔ ne igɔrɔp ba nang. Nzɛ bol ne nyinɛn wɛsɛrɛk daa ne ito ɛKyɛɛ nge de.

ɛYohana 16:29

Ninɔn ne icwam ɛYɛso na ne yaak ɛbhɛ, “Yaa! ɛLyilyɛghaa wo ne ɛ ji bol ne njwit wɛsɛrɛk, sɔng ɛ ta tɔ bol ndɔ ne igɔrɔp ba nang.

ɛTomɛ 14:3

Gbik ne iphɛ ɛlɛy ɛBulus sa ne ɛBanabas sa ne shɛɛ ne iKɔnyum be gbom nibhɛ tɔng ibol ɛTaanggbey de ne irway nviit. ɛTaanggbey ya ne tɔɔrek ɛli ne ibol ne izɛɛng ngge so idee ɛbhɛ daa ɛli ne ɛ kɛ nang nibhɛ ito ne mɔn nikɔn ne kparat nɛ nikɔn ne ɛnik.

ɛTomɛ 4:13

iTɔrɔng ngge ne yaang irway nviit ɛBiturus da ne ɛYohana gha, nibhɛ ne ta yɛɛ ɛli nɛ nibhɛ so ninyi nihala, sɔng nibhɛ kɛ bol icwam, nibhɛ ne wum en zii, nibhɛ ne ji seng wu ninyi yɛnaa kaa so en nitaay ɛYɛso.

ɛTomɛ 9:27

ɛBanabas ɛbhɛ ne ɛ bo ɛShawulu yegha ɛ phɛ nɛ ɛlɔ ninɔn ne tom ma. ɛBanabas sa ne tɔng nibhɛ ɛli ne ɛShawulu gha kɛ yaang ɛDaray yegha ne nkiinɛ wo, ɛli ne ɛDaray ya kɛ bol ne ɛShawulu gha. Ne ɛ tɔng nibhɛ ɛli ne ɛShawulu gha kɛ sanga ibol iyɛnɛng ngge tɔrɔk ko ndɔ ne irywɛɛk ɛYɛso wo ne iDimaskus de.

ɛTomɛ 9:29

Ne ɛ bol nibhɛ ne i sini ne ivol da nɛ niYahodawa na nɛ nibhɛ bol ilem ne iGirik ge, nibhɛ ne yaa tɔk ɛli nɛ nibhɛ sɛɛ phoo ɛbhɛ.

1 iKɔrɔntos 14:19

Gbik ne iphɛ ɛlɛy, ndɔ ne idira ninaa ne roos de, nggɛ ne phyin sim nzɛ boote icwin ne ivol da ifɛ iwii ne ifɛ le ne irway nge, nɛ ninyi na yaa seng te mɛmɛ nidɛng ngɛ, ne naa bol icwin ne ivol da ninom ɛnduwubɔ ne ihak ilem be.

2 iKɔrɔntos 10:1

Mee ne ɛBulus so ne ito nge nzi roro ne nyinɛn, mee wo ne i bo wu nzo hywɛɛ wo ne i sɛ nzo nɛ nyinɛn no, ne ji yɔng wu nzo nzaratat to ne i sɛ n sang so ne nyinɛn no. Nzi ne roro ne nyinɛn ndɔ ne irywɛɛk ɛKiriti ne ɛ so ihywɛɛ ɛ ta so lyaak.

2 iKɔrɔntos 3:11

Wu ɛkɔn na ne aa phee wo kaa yɛɛs ne ndiinday de, ndiinday ɛhaa ne inat de yaa ne ji so ɛli daa mɛɛ?

2 iKɔrɔntos 4:13

Kɛ ku haa ndɔ ne ɛWee ne iBol ɛTaanggbey yo i bo, “Nggɛ nang ne itin nɛ, iphɛ phɛ kɛ te nggɛ boote wo.” Daa ɛli ne njwi bok ikabyik ne ìnang ne itin idaan nɛ wo, njwi kɛ ne ma nang ne itin nɛ, iphɛ phɛ kɛ ne te njwii bol lo.

2 iKɔrɔntos 7:4

Nggɛ cwaak nyini ndɔ ne irway gbom, nzi ne ta hal ɛgyɛy ne nyinɛn. Ɛ kɛ te ɛn mɛɛn itsɔngɔl gɛgɛy. Gbik ne nggbang ngga ne njwɛɛn i sɔ wo, sɔng irway ihwala nge da ne bok ɛgak nang.

iFilibi 1:14

iGanke da ne kɛ gangke me wo kɛ te nigwaa na gbom ndɔ ɛDaray ya hante ne irway nviit, nibhɛ tɔng ibol ɛTaanggbey de wɛlɛng ɛnik.

iFilibi 1:20

Nggɛ yɛk ne irway nzi has irway ɛlɔ ne naa yung bak ito nge ncwa ndɔ ɛtomɛ ɛKiriti gha, te n yang bol tang ɛnik. Te gbik ɛkɔn na ne naa mɔn no te ɛKiriti gha sɛ ndiinday ndɔ ne ishwɛɛ nge ɛlyilyɛghaa wo, ɛli ne iphɛ ku so wo. Hang nzo ɛken yɔɔ, hang nggɛ ku yɔɔ.

iKɔlɔsi 4:4

Bol ɛn ne ɛTaanggbey ya ɛli ne naa tɔng iphɛ wɛsɛrɛk, kancɛng ɛli ne iphɛ so.

1 iTasɔlɔnika 2:2

Nyinɛn no ˆɛ yɛɛ ɛn ihywee ne nggbang ngga ne kɛ baasek njwii, ne ihywee ne towos da ne kɛ towos njwi ndɔ ne iFilibi nyɛɛn njwi kyi yɛɛs ɛlɔ mon na ne iTasɔlɔnika. Kaa baasek njwii nggbang, i bees njwi irway, gbik ne iphɛ ɛlɛy ɛTaanggbey mos sa ne phyik njwii, njwi ne te irway nviit njwi tɔng nyini iBol iYɛnɛng ngge ne iphɛ le ɛlɔ ɛbhɛ gha.

1 ɛTimɔti 3:13

Ninaa ne phyighis ne ɛtomɛ gha ndɔ ne idira ninaa ne roos de, nɛ nibhɛ kɛ mɔn ɛtomɛ nibhɛ gha yɛnɛng ngo i sɛ irywɛɛk iywɛnɛng, nibhɛ ne ta so tɔrɔk wɛlɛng ito ndɔ ne ìnang ne itin nibhɛ de ne ɛYɛso ɛKiriti gha.

ɛFilimɔn 1:8

Daa ɛli ne ˆɛ so ɛgwaa nge ndɔ ɛKiriti gha, nzɛɛ ne yɛɛ ne yɛk kɛ nɛ ˆɛ mɔn ɛkɔn na ne ɛ so nggbinggbing ˆɛ mɔn.