ɛTsim mɛ njwi kɛ seng ɛ kɛ tɔɔrek ɛn wu ɛ so ɛn ninaa ne roos ibol ɛKiriti de, njwi kɛ ne ji ryɔng en njwi yaa bak gbik ɛnyi gha ne ɛ kɛ sang roos ibol ɛKiriti de nggbang.
ɛKɔn na ne ɛ kɛ te nggaa haa nyini ɛwee yɛwoo nggyɛ wo nang daa ɛli ne sɔng nggaa sim ninyi na nɛ nibhɛ sɛɛ nang me irway ihwala da nibhɛ kyii bees me irway nang. Daa ɛli ne nzi yɛɛ wu n bok irway ihwala da, gbik mon aa ne ma bok ɛn irway ihwala ne mang.
Nggaa haa nyini nɛ wo nten de ne nggaa so ndɔ ne nggbang ne irway ishwii gbom nɛ niyilis. Sɔng nggaa mɔn ɛlɛ wo te n bak nyini irway ishwii nang, nggaa yang i sim te ɛ sɛ seng ɛn, ɛli ne nzi sim nyini ndɔ ɛkyukyum ne irway nge.
iPhɛ ɛlɛy ne ɛ tɔɔrek ɛn ninyi yɛnaa wo wu ɛtsak ɛ bok ɛn ishwim. Ne ɛ ta tɔɔrek ɛn nibhɛ ɛkɔn na ne ɛ kɛ te njwii hal ɛgyɛy ya ne nyinɛn no, te idira ninaa ne roos de ne ma yaang wu iphɛ so ɛlɛy.
iPhɛ ɛlɛy, nyinɛn no ne nzi sim mo, ɛli ne ɛ ku roos ɛn ibol nge de ne i sɛ nzo nɛ nyinɛn no, nzi ne roro nɛ nyinɛn ɛlyilyɛghaa wo ne n sang sonɛ nɛ nyinɛn no, hante ɛn ne roos sɛ. Mɔn ɛn ɛtomɛ ne irway mon gbik ɛli ne iphɔrɔt mon da yaa tɔɔl le kpas. Mɔn ɛn ndɔ ne kparat ne ɛnik ɛTaanggbey.
Wu ɛdɛ ɛnyi gha kɛ mbaray tang roos ibol de ne njwi kɛ haa nyini nɛ ndɔ ne ɛwee yɛwoo wo, ne ˆɛ wɛɛ ɛn ɛbhɛ yɛnɛng. Sɔng ˆɛ byinki ɛn ito ne ɛbhɛ nang te ɛ sɔ ncwa.