2 iKɔrɔntos 2:3 - ɛWee ne ìTsɛm iHywas

³ ɛKɔn na ne ɛ kɛ te nggaa haa nyini ɛwee yɛwoo nggyɛ wo nang daa ɛli ne sɔng nggaa sim ninyi na nɛ nibhɛ sɛɛ nang me irway ihwala da nibhɛ kyii bees me irway nang. Daa ɛli ne nzi yɛɛ wu n bok irway ihwala da, gbik mon aa ne ma bok ɛn irway ihwala ne mang.

2 iKɔrɔntos 2:3 ပူးပေါင်းရင်းမြစ်များ

1 iKɔrɔntos 4:21

ɛYa ɛkɔn ne ɛ kɛ kasa ɛn ne, n yɛɛs ɛlɔ mon na ne ihon tsasarak ghe, hang n yɛɛs ndɔ ne ishwim te n boos nyini hywɛɛ?

2 iKɔrɔntos 1:15

Nzi ku yɛɛ iphɛ ɛlɛ wo, iphɛ phɛ kɛ te nggɛ ku i sim na tsa kyiisi nge da ɛlɔ mon na, te ɛ sɛ ɛn ɛwɛng ne ikyili nge da ɛte ɛphaa.

2 iKɔrɔntos 1:23

ɛTaanggbey ɛbhɛ ɛ so ɛshɛɛda nge wu nggɛ sang yɛɛs ne iKɔrɔntos de ɛlɔ ne naa yung hante nyini ne irighitik.

2 iKɔrɔntos 12:11

Nggɛ ne te me te ɛwamang, nyinɛn ɛ kɛ ne te ɛn mɛɛn n te me ɛwamang nga. iPhɛ kɛ jam mɛ sɛɛ yɔng nyinɛn no ɛɛ dɛp ɛn mɛɛn. Gbik ɛli ne nggyi sang so ɛkɔn na, sɔng iphɛ kɛ ne tɔɔrek wu “igbaang ninɔn ne tom” mon na ne phyin me nang.

2 iKɔrɔntos 12:21

N bok ɛnik ɛlɔ ne yaa yung sɛ nggɛ ta yɛɛs ɛlɔ mon na, ne n sɔ ncwa ɛnu ɛyisɛ ɛTaanggbey ya ne nzi re ɛbhɛ ntsong ngga. N bok ɛnik ko ɛli ne nzɛ yung yɛk irway ishwii, daa ɛli ne ɛbyin mon tɔ mɔn ɛfɔt to nɛ nibhɛ kaa ku i mɔn no, ninaa nɛ nibhɛ kɛ sang san ɛbɔk daa ne ɛfɔt ne re ɛhay ne icwa, ne nzangas, ne ihyop ne phok yɛnɛng nikɔn ne yɔm ncwa.

2 iKɔrɔntos 13:10

iPhɛ phɛ kɛ te nzi haa nyini nikɔn nɛnaa wo nten de ne n sang so ne nyinɛn no, ɛlɔ ne sɛ́ sɛ nggɛ yɛɛs so, sɔng ne n bol ne nyinɛn nzɔwɔkɔk ne igbɔm ba ne ɛDaray ya kɛ nang me wo nang. iGbɔm ɛDaray da so ivaa ne byinɛ nyini, sɔng ivaa ne tobhos nyini nang.

2 iKɔrɔntos 2:9

Nggaa haa nyini ɛwee yɛwoo wo, te n phɔwɔ nyini te n yaang, hang aa sim ɛn ɛ roos ɛn iyɔngɔ nge da ndɔ nikɔn na gbik yɔɔ.

2 iKɔrɔntos 7:12

Sɔng nggaa haa ɛwee yɛwoo nggyɛ wo nzi tas ɛnyi ne ɛ kɛ mɔn ɛfɔt nang, sɔng nggaa ma yung i tas ɛhaa ne kɛ mɔn ɛbhɛ ɛfɔt to nang. Nggaa yang haa te n tɔɔrek wɛsɛrɛk wu ɛTaanggbey ya i yɛɛ wu ɛ kɛ sim ɛn njwii gbom.

2 iKɔrɔntos 7:16

N bok irway ihwala hyɔrɔ, daa ɛli ne ɛ kɛ hɔn ɛn nzɛɛ wɔl ibol mon.

2 iKɔrɔntos 7:6

ɛTaanggbey ya ne ɛbhɛ ɛ te nikyɔkyɔt ta itsɔngɔl de gɛgɛy yo kaa ne te njwii itsɔngɔl gɛgɛy lenɛ ne iyɛɛs ɛTitus.

2 iKɔrɔntos 7:8

Wu ɛwee nge wo kaa bees nyini irway, sɔng nzi ne sap nang. Nggaa yang sap po ne ile, daa ɛli ne nggaa yaang ɛwee nge wo kɛ bees nyini irway, gbik ne iphɛ ɛlɛy ibees irway nge da kaa ne so ndɔ ne nten ncɛt.

2 iKɔrɔntos 8:22

Njwi kɛ ne tom ɛdɛ ɛgwaa gha nɛ niTitus se na; ɛhaa ne njwi kɛ tɛrɛk ɛbhɛ ndɔ nikɔn na gbom, njwii ne yɛɛ ɛ bok irway ne iphyik. ɛLyilyɛghaa wo, daa ɛli ne ɛ kɛ wɔl nyini, ɛ ne sim te aa phyik gbom.

iGalatiya 5:10

Nggɛ nang ne irway nge gbik daa ɛDaray, sɔng aa roos ɛn ibol ɛhak ɛnyi kang ne ideeng ngge nang. Gbik ɛnyi gha ne ɛ ne suruk nyini wo, ɛTaanggbey ya sɛ ne bak ɛbhɛ nggbang, sɔng ɛ sɛ sap ihywee ɛnyi de ne ɛ so nang.

2 iTasɔlɔnika 3:4

Njwi kɛ tek irway mos tɔrɔk ndɔ ɛDaray ɛYɛso gha ne ˆɛ mɔn ɛn nikɔn na ne njwi kɛ tɔng nyini wo, ˆaa ne re ɛn ɛnu ɛyisɛ ne mon ɛn ɛlɛy.

ɛFilimɔn 1:21

Nzi yɛɛ ncɛncɛng ˆaa roos ibol lɛdee wo, iphɛ phɛ kɛ te nggɛ haa ɛwee yɛwoo wo nzi yɛɛ ˆaa ma yung mɔn ˆɛ phyin ɛkɔn na ne nggɛ boote wo.