2 iKɔrɔntos 2:14 - ɛWee ne ìTsɛm iHywas

¹⁴ Te ne dɛp ɛTaanggbey ye! Ɛbhɛ ɛ hyel ne njwit cɛcɛɛy ndɔ ɛlang ninyi na nɛ nibhɛ tɔɔsel irway ihwala ɛKiriti da ne ɛ kɛ re itsom be. Ɛ mɔn ɛtomɛ ne njwit njwi bhɛ sanga ibol ɛKiriti de nilɔ na gbik iphɛ ne ji shwalat te ɛnkyinkyɔp ne ɛturarɛ.

2 iKɔrɔntos 2:14 ပူးပေါင်းရင်းမြစ်များ

ɛYohana 16:33

“Nggɛ tɔng nyini nikɔn nɛnaa wo te ɛ bok ɛn irway ne laal ndɔ me wo. Aa sɔ ɛn nggbang ndɔ ɛzay ya. Nzi ne bok, te ɛn irway nviit daa ɛli ne nggɛ ku phoo ɛzay ya nɛ.”

iRooma 1:8

Naa tsa n tɔɔrek ɛTaanggbey irway ihwala lenɛ ne ɛYɛso ɛKiriti gha daa mon no gbik, daa ɛli ne i tɔng ngka ne ìnang ne itin de mɔn ndɔ ɛzay ya gbik.

iRooma 15:19

ne ihwet ne nyu nikɔn, nɛ nikɔn ne kparat, lenɛ ne ihwet ne iKabyik ɛTaanggbey. iPhɛ ɛlɛy nggɛ le ne iYɛrushɛlɛm n phyii bhɛ hɔn iLirikum nzi sanga iBol iYɛnɛng ɛKiriti de n phyii taal ɛtomɛ yɛghaa wo gbik.

iRooma 6:17

N bok irway ihwala ne ɛTaanggbey, ɛ kaa so ɛn nyini ne nikpuru ne ɛfɔt, ɛlyilyɛghaa wo, ɛ kɛ ne yaa roos ɛn itin de ne kɛ tɔɔrek nyini ndɔ ne imɛmɛ da ne kɛ mɛmɛ nyini nɛ wo ne irway mon gbik.

iRooma 8:37

Kwa! Ndɔ nikɔn nɛ na wo gbik, njwɛɛn ma yung phyin ɛli ne yaa yaak njwɛɛn irom lenɛ ne ɛnyi gha ne ɛ sim njwɛɛn!

1 iKɔrɔntos 12:8

iKabyik ɛTaanggbey de kɛ nang ɛdɛng ivol ne ntsɛntsɛng, iKabyik idaan nɛ ne ma ta nang ɛdɛng ishweng.

1 iKɔrɔntos 15:37

ɛKɔn na ne ˆɛ kɛ tup po, sɔng ɛlɛy ne ɛ wuru nang, ibɔrɔk kɛ zɔng ne i tup, hang ɛlikama yɔɔ, hang ibɔrɔk ɛhak ɛkɔn kang yɔɔ.

1 iKɔrɔntos 15:57

Te ne dɛp ɛTaanggbey, ne ɛ kɛ te njwɛɛn re ɛfɔt to ne iku de ne itsom be lenɛ ne ɛDaray njwɛɛn ɛYɛso ɛKiriti.

2 iKɔrɔntos 1:11

Phyik ɛn njwii ne boote ne ɛTaanggbey. Yaa ne lenɛ ɛlɛ wo ninyi na gbom yaa ne tɔɔrek ɛTaanggbey ye irway ihwala daa ne ito mos, lenɛ ne ɛwɛng nga ne kɛ nang njwii daa ɛli ne ɛTaanggbey ya kɛ say ɛroo gha nɛ ninyi na gbom kɛ roro njwii nɛ wo.

2 iKɔrɔntos 8:16

Njwi bok irway ihwala ne ɛTaanggbey ne ɛbhɛ kɛ nang ɛTitus se irway ne phyik nyini ɛli ne nggaa ku i has irway.

2 iKɔrɔntos 9:15

Ne njwɛɛn tɔɔrek ɛTaanggbey yegha irway ihwala daa ne izɛɛng ɛbhɛ de ne ɛ kɛ nang njwɛɛn ihywɛ sang ɛgak ko.

iFisus 5:2

Shɛɛ ishwɛɛ ne ishwim ɛli ne ɛKiriti gha kɛ sim njwɛɛn no, ɛ phyii nang ito ɛbhɛ de ɛlɔ njwɛɛn na te ɛkɔn ne hap itsanga gha ne ɛ bok ɛnkyinkyɔp ɛyɛnɛng nga ne kɛ hap ɛTaanggbey yegha ne itsanga de.

iFisus 5:20

Tɔɔsel ɛn ɛTaanggbey ye ne ɛ so ɛTaa irway ihwala cɛcɛɛy, daa nikɔn na gbik ndɔ ne irywɛɛk ɛDaray njwɛɛn ɛYɛso ɛKiriti.

iFilibi 4:18

Kɛ tal me nikɔn na gbik nibhɛ ne phyin igbak. Sɔng n da sang ɛkɔn ɛlyilyɛghaa wo nang, daa ɛli ne nggɛ say nikɔn na ne ˆɛ kɛ tom ɛn ɛBafaratus segha nɛ wo. ìNang ngɛdaa wo ne bok ɛnkyinkyɔp, iphɛ so te ihap itsanga, ɛTaanggbey yaa ne say, ɛ phok iyɛnɛng ngɛ.

iKɔlɔsi 1:23

iPhɛ so nggbinggbing ˆɛ re ɛn ɛnu ɛyisɛ ndɔ ne ìnang ne itin mon de te ˆɛ kyinak ɛn nting daa ne itin nɛdee wo. Sɔng ɛ sim ɛn i sungki nyini, ˆɛ hana ɛn iyɛk ne irway yɛdaa wo ne ˆɛ kaa sɛ ɛn nten de ne ˆɛ kaa phok ɛn ibol iyɛnɛng ngɛdee wo nang. iBol iyɛnɛng ngɛdee wo ne kɛ sanga ndɔ nikɔn na ne kɛ ryɔng ngo, ne mee ɛBulus sa nggɛ te me ɛhaa ɛtomɛ yɛwo.

iKɔlɔsi 1:6

iBol iyɛnɛng ngɛdee wo kɛ yɛk ishwɛɛ iywɛnɛng. iPhɛ i ne ta hanas ne shwalat tɛ ndɔ ɛzay ya gbik ɛli ne iphɛ kaa mɔn ndɔ mon no nten de ne ɛ kaa tsa ɛ phok ɛn ibol ne izɛɛng ɛTaanggbey de, ɛ ta seng ɛn ɛli ne iphɛ so wo.

iKɔlɔsi 2:15

ɛKiriti gha kaa phɔt nikɔn ne itsom ninaa ne re igbɔm ba gbik nɛ ninaa ne ikpabyik ga. Ɛ kɛ bak nibhɛ ncwa kpas lenɛ ne ɛ kɛ re ɛwɛng nɛ nibhɛ daa ne ihon ne gangat to.

1 iTasɔlɔnika 1:8

iBol ɛDaray de kɛ ne le ɛlɔ mon na iphɛ shwalat nilɔ na gbarang, sɔng iphɛ kɛ ne kyinak ne iMakyidɔniya de ne iKaya de zɔng nang. Gbik ɛlɔ gha ne njwi kɛ bok ngɛ njwi ne phok i darat ngka ne ìnang ne itin mon de ne ɛTaanggbey ya. iPhɛ ɛlɛy sɔng njwi ne ta bok ihak ibol ne njwi yaa ta yɔngɔ dɔng nang.

1 iTasɔlɔnika 3:9

iYa ihywee ne irway ihwala ne njwi yaa ne ji tɔɔrek ɛTaanggbey yegha ɛlɔ mon naa? Njwi yaa ne tɔɔrek ɛbhɛ irway ihwala da gbom daa ne irway ihwala da ne njwi bok ɛlɔ mon na.

1 ɛTimɔti 2:8

Ndɔ ne ijwira ninaa ne roos da, nzi ne sim tɛ niras sa sɛ i bol ne ɛTaanggbey, iphɛ ne so nggbinggbing niras sɛ soye ninaa ne ishwɛɛ nibhɛ kɛ jam ɛTaanggbey yegha. Yaa ne sɛ nibhɛ kɛ tɔɔk ibɔ de nibhɛ yaa bol ne ɛTaanggbey ya, tɛ nibhɛ ne mɔn ɛlɛy wɛlɛng njenjek ne ishamas.

2 ɛTimɔti 2:2

Gbik nɛ nikɔn na ne ˆɛ kɛ phok nzi bol ɛnu ɛyisɛ nishɛɛda ne gbom ma, te ˆɛ nang nikɔn nɛnaa wo ndɔ ne iwɔ ninaa nɛ nibhɛ so sɛ kyinak daa ne ibol nibhɛ de tɛ nibhɛ ma bhɛ mɛmɛ nidɛng ngɛ ne mang.

Nikɔn ne kɛ Phaal 7:12

Nibhɛ bo, “Ɛɛy! Te yɔngɔ idɛp, ne ndiinday, ne ntsɛntsɛng, ne irway ihwala, ne igbom, ne ito-ndiinday, ne ihwet, soye ivaa ɛTaanggbey njwɛɛn ne ishay-ishay. Ɛɛy!”